Koi Завещаннёэз да нравоучение (1899)

ӹ = 1899 вося небöгись ы̌

ǯ = 1899 вося небöгись з̌

Завешшаньё Святитель Митрофанъ Воронежскöйвöн	Завещаннё Святитель Митрофан Воронежскöйлöн
«Мырси, ов скромнöя, – богат воан. Ю неуна, сёй еӵа, – здоров воан, Кер бурö, ывав умöлись, – спасён воан».	«Мырсьы, ов скромнöя – богат лоан. Ю невна, сёй етша – здоров лоан, Кер бурö, ылав умöлись – спасён лоан».

Неыӂыт вевöтöм Святитель Тихонъ Задонскöйвöн

Неыджыт велöтöм Святитель Тихон Задонскöйлöн.

1. Возлюбленнöй христiанинъ! тöд, што тэ пыртöмдырни куимись ывавин дьяывсянь, быд сывöн керöмсянь, быд свужытöмись сывö и быд сывöн гордöсьсянь. Мöд неж висьтавны – тэ ывавин мед умолись, кöда пыртö грекö; берегитчи жö, медбы вились не керны умöле. 2. Кöр тэ куимись ывавин дьяывсянь, куимись жö сетӹн шы свужытны Христосвö Ен Зонвö, Сывöн Айкöт и Святой Сывöн Вовкöт; тэ сэтӹн шы свужытны Сывö кыǯ Сарвö и Енвö. Свужыт жö Сывö правдаöн самöй тэят кувтöǯ: веруйт Сывö и кыǯ вевöтö вера овны, сӹǯ и ов-пов Енсянь, кывзы Сые и эн вунöт Сывись овöм и вевöтöм. 3. Медбы овны правильно, кыǯ ковö христiанинвö, оз ков вунöтны, што Ен миян эм быдваöт, што Сыя тöдö сякöй миян керöм, шы, што тöдö дажö мый мие думайтам. Сӹǯежö оз ков вунöтны, кыǯ овис и мучитчис Христос, кыǯ Сӹя ветвöтӹс муöт, вевöтӹс отирöс и мыся ыӂыт мукаез примитӹс медбы токон спаситны миянöс греккезсянь. Оз ков вунöтны, што быдöнным мие кувам, што воас срашной суд, кöтпора сетам Енвö ответ сякöй миян керöмпонда, шыпонда и сякöй умöль думайтöмпонда. Оз ков вунöтны ад, кöдаын век пондасö мучитчины грешниккез; оз ков вунöтны Сарсво небеснöй, кöдӹе заптӹс Ен праведниккезпонда, кöдна овисö муввын свято, кывзӹсö и почитайтӹсо Енöс. (Чинтом, Виǯöт Т. I, стро. 77). ̌

1. Возлюбленöй христианин! Тöд, что тэ пыртöм дырни куимись ылалiн дьяволсянь, быд сылöн керöмсянь, быд служитöмись сылö и быд сылöн гордостьсянь. Мöднёж висьтавны – тэ ылалiн медумöлись, кöда пыртö грехö: берегитчы жö, медбы вились не керны умöльö. 2. Кöр тэ куимись ылалiн дьяволсянь, куимись жö сетiн шы служитны Христослö Ен Зонлö Сылöн Айкöт и Святöй Ловкöт; тэ сетiн шы служитны Сылö кыдз Сарлö и Енлö. Служит жö Сылö правдаöн самöй тэнат кувтöдз: веруйт Сылö и кыдз велöтö вера овны, сiдз и ов – пов Енсянь, кывзы Сiйö и эн вунöт Сылiсь олöм и велöтöм. 3. Медбы овны правильно, кыдз колö христианинлö, оз ков вунöтны, что Ен миян эм быдлаöт, что Сiя тöдö сякöй миян керöм, шы, что тöдö дажö мый мийö думайтам. Сiдзжö оз ков вунöтны, кыдз олiс и мучитчис Христос, кыдз Сiя ветлöтiс муöт, велöтiс отирöс и мыся ыджыт мукаэз примитiс, медбы токö спаситны миянöс греххезсянь. Оз ков вунöтны, что быдöнным мийö кулам, что лоас страшнöй суд, кöдпора сетам Енлö ответ сякöй миян керöм понда, шы понда и сякöй умöль думайтöм понда. Оз ков вунöтны ад, кöдаын век пондасö мучитчыны грешниккез; оз ков вунöтны Сарство небеснöй, кöдiйö заптiс Ен праведниккез понда, кöдна олiсö му вылын свято, кывзiсö и почитайтiсö Енöс. (Чинтöм, видзöт Т. I, стр. 77).

Неыӂыт Христiанской вевöтöм Святитель Дмитрiй Ростовскойвöн	Неыджыт Христианскöй велöтöм Святитель Дмитрий Ростовскöйлöн
«Юрбыт Енвö бур севöмсянь, ветвы вичкуö и прилежнöя кывзы сэтчинь свужытöм, выддем и вевöтöм, мед прилежнöя жö ветвы вичкуö Скресеньяэзöт и празниккезöт и эна вунэзö эн уӂав.	Юрбит Енлö бур сьöлöмсянь, ветлы вичкуö и прилежнöя кывзы сэтчин служитöм, лыддьöм и велöтöм, медприлежнöя жö ветлы вичкуö Кресенняэзöт и праздниккезöт и эна луннэзö эн уджав.
Почитайт Сарöс и поппезöс, начальниккезöс и ай мамöс, стариккезöс и бур отирöс, – и быдöннысö любит нӹе.	Почитайт Сарöс и поппезöс, начальниккезöс и ай-мамöс, стариккезöс и бур отирöс, – и быдöннысö любит нiйö.
Бобöтӹкö и шутитӹкö Енöс эн касьты. – Кöр мöдан мый керны, оǯвань думайт и вöлись пондöт молитваöн. – Виǯ пора эн сёй ульвунся, кынöм симавтöг эн сёй, горш косьмытöг эн ю.	Бöбöтiкö и шутитiкö Енöс эн казьты. – Кöр мöдан мый керны, одзлань думайт и вöлись пондöт молитваöн. – Видз пора эн сёй ульлунся, кынöм симавтöг эн сёй, горш косьмытöг эн ю.
Веруйт правильнöя, кержакö эн пöртчи. Берегитчи, медбы весь кинвыö мый не висьтавны и медбы кинöс не осудитны. Некинвö эн завидуйт и эн бöбöт некинöс, а баит пыр правда.	Веруйт правильнöя, кержакö эн пöртчы. Берегитчы, медбы весь кин вылö мый не висьтавны и медбы кинöс не осудитны. Некинлö эн завидуйт и эн бöбöт некинöс, а баит пыр правда.
Челядьöс бурдынö вевöт: берегитчи ныдырни не токон умöле мый керны, но дажö горöтчины умöль шыöн. Эн понъясь и эн серав.	Челядьöс бур дынö велöт: берегитчы ны дырни не токö умöльö мый керны, но дажö горöтчыны умöль шыöн. Эн поннясь и эн серав.
Эн вöгась некинвыö и кин мыен тэнö öбидитӹс эн мынты сывö этыпонда умöлен; ачыт жö некинöс немöн эн öбидит и эн бöбöтвы, а мед бура пов гусясьны.	Эн лöгась некин вылö и кин мыйöн тэнö обидитiс эн мынты сылö эта понда умöльöн; ачыт жö некинöс немöн эн обидит и эн бöбöтлы, а медбура пов гусясьны.
Кытöн пируйтöны, сэтче эн мун; вина эн ю; сӹǯежö некинкöт эн видчи и эн тышкась.	Кытöн пируйтöны, сэтчö эн мун; вина эн ю; сiдзжö некинкöт эн видчы и эн тышкась.
Уӂав, а эн дышöтчи. Вичкуö Енвö на приквад пукты, сет мивостина убогойезвö, а наǯен эн ов.	Уджав, а эн дышöтчы. Вичкуö Енлö на приклад пукты, сет милостыня убогöйезлö, а надзöн эн ов.
Йöз иньнезкöт грекö эн усь, эн йöкты, умöль писняез эн сьыв, да и сьывö кин – эн кывзы.	Йöз иннезкöт грехö эн усь, эн йöкты, умöль песняэз эн сьыв, да и сьылö кин – эн кывзы.
Эн ветвы скодбишшоезвö, - виǯетны кытöн тышкасены куваккезвын, сьывöны писняез и йöктöны. – Эн ветвы кыче чукöртчены шутитны и кывзыны умöль басниез, - эн ветвы и рыттэзöт Рожöсвопора; сӹǯежö ывав и сякöй забавасянь, кöда вермö пыртны грекö.	Эн ветлы сходбищёэз вылö – видзöтны кытöн тышкасьöны кулаккез вылын, сьылöны песняэз и йöктöны. – Эн ветлы, кытчö чукöртчöны шутитны и кывзыны умöль басниэз, – эн ветлы и рыттэзöт Розосво пора; сiдзжö ылав и сякöй забавасянь, кöда вермö пыртны грехö.
Медбура тэ, – дöва, том инька и нывка морт, берегитчи не усьны умöле, эн вов свугаöн дьяыввö, – эн губит асьсит вов, да и мукöднысö грекö эн пырт. Эн басöт асьсит рожа, эн мöдöтчи Пов Енсянь, эн вунöт кувöм, суд Христов, ад и Сарсво небеснöй.	Медбура тэ, – дöва, том инька и нывка морт, берегитчы не усьны умöльö, эн ло слугаöн дьяволлö, – эн губит ассит лов, да и мукöднысö грехö эн пырт. Эн басöт ассит рожа, эн мöдöтчы. Пов Енсянь, эн вунöт кулöм, суд Христов, ад и Сарство небеснöй.
Кыǯ пондан быдöс энö шыез паметьвын виǯны и керны кыǯ вевöтöны нӹя, чесливо и татöн, муввын, ован и Сарсво небеснöе сюран». (Кöда кырöвтöм сыя соттöм).	Кыдз пондан быдöс энö шыэз память вылын видзны и керны кыдз велöтöны нiя, счастливо и татöн, му вылын, олан и Сарство небеснöйö сюран». (Кöда кырöвтöм сiя содтöм).