Koi Вежа история (1900)

РАССКАЗЫ ИЗЪ СВЯЩЕННОЙ ИСТОРIИ ВЕТХАГО ЗАВѢТА

Енпонда

Ен эм Вов яйтöм, пыровся, быдбур, быдтöдъись, быдправ, быдвермись, гöгöровся, вежттöм, быддоволен, быдчаслив.

Ен öтъик, но куим рожаын. Первöй рожа Ен Ай, мöдъик Ен Зон, куимöт Ен Вов Святой.

Куимнанныс Ен рожа öтваын шувсены Пресвятой Троичаöн.

Нъия öткодяöсь Асковасаныс быдöныс кыǯ Ен Ай эм настояшшöй Ен, съиǯежö Ен Зон эм настояшшöй Ен и Ен Вов Святой – настояшшöй Ен.

Янсöтчены нъия Аскэвасаныс токон сыен – Ен Зон быдся оǯжык чужис Ай Енсянь, Ен Вов Святой быдся оǯжык петъис Ай Енсянь, а Ен Ай эз чуж не пет мöдъи рожасянь.

Пыровся. Съиǯ мие шувам Енöс сысянь, што Съия вöви, эм и воас пыр.

Быдбур. (медбур). Сэтӵöм нимöн шувам Енöс сысертъи, што Съия пыр и быднысвö керö токон öтъик бур.

Быдтöдъись. Съиǯ шувам Енöс сысянь, што Съия тöдö быдöс, тöдö дажö мый мие думайтам.

Быдправ. Эта нимöн шувам Енöс сысертъи, што Съия быднысö судитö правда-кузет.

Быдвермись. Съиǯ шувам Енöс сысертъи, што Сывöн вынвö абу некыӵöм мера и мöднёж Съия быдöс вермö керны, мый токон мöдас.

Гöгöровся. Сэтӵöм нимöн шувам Енöс сысертъи, што абу сэтӵöм места, кытöн бы эз вöв Ен.

Вежттöмöн шувамъ Енöс сысертъи, што Съия некöр немöн эз на вежси, а пыр и быдын кольчче откоден.

Быддоволенöн шувамъ Енöс сысертъи, што Съия немын оз имейт недостаток, мöднёж Сывöн эм быдöс.

Быдчаслив. Съиǯ шувам Енöс сысертъи, што съия быдын имейтö часьё.

Ангелвезпонда

Ангелвез – бурöсь, грехтöм воввез. Шы «Ангел» мöднёж ювöр новьетъись. Ангелвезöн али юöр новьетъисьсезöн шувсены эна воввез сысертъи, што Ен ыстыввö нъие отирдынö висьтаввыны, мый кöр ковсяс.

Ангелвез янсöтчены öкмыс торвö (чинвö): Престолвез, Херувиммез, Сераѳиммез, Господствоез, Выннэз, Ввасьсез, Ангелвез, Аркангелвез, Начавоез.

Ен керис Ангелвезöс оǯжык сэсь, мый мие аǯǯам, и шувсены аǯǯитöм мирöн; съиǯ нъия шувсены сысертъи, што мие огö вермö нъие аǯǯивны.

Кажнöй мортдынö, сывöн пыртандорын, Ен сетö Ангелвöс, медбы берегитны мортöс умöлись и вевöтны съие бурдынö. Сэтӵöм Ангелвез шувсены Ангел-Хранительлезöн. Нъия песьсены мортпонда самöй сывöн кувтöǯ, дажö сывöн кувöмбöрын.

Кыǯи морт керö бурö, Ангел-Хранитель гажавö, кыǯи грешытö, мунö сыдынсянь, гаштöмтче сыпонда, дажö вöгасе сыввö. Кыǯи жö морт дугдö веруйты истинной Енö, Ангел-Хранитель сэк мунö мортдынсямь пыркежö.

Ангелвезöс быдöнысö Ен керис буррезöн, но мукöдныс ныись грешытöмась Еноǯин – гöрдитчемась Сывесьтö и эзö мöдö кывзыны. Ен вöгасис энавö грешнöй ангелвезвö, и ывöтъис нъие Асдынсянь. Съиǯ бур воввезъись нъия керсисö вöг воввезöн. Эна бöб воввез шувсены кульлезöн, а первой, кöда сомусьтитъис мукöднысö, – сатанаöн.

Керöм аǯǯана мирöс

Аǯǯана мир Ен керис немись öтъик Асвас шыöн. Мир эта оǯжык вöви керттöм: енвевтвын эз вöв не шондъи, не тöвись, не кöǯиввез; мувевдöрöт гöгöр вöви ва. Ен керис мир квать вунöн.

Первöй вунö Ен керис югыт. «Ась воас югыт!» – шувис Съия, «и воис югыт».

Мöд вунö Съия керис енвевт. «Ась воас енвевт вашöрöт!» – шувис Ен, и воис съиǯ»

Куимöт вунö Съия янсöтъис ва мубердсянь и шогмöтъис сякöй турун, пу. Шувис Съия: «Ась ва öксяс асвас местаезö, ась воас кöс му и ась сыввын быдмöны сякöй турун, пуез!, – и воис съиǯ».

Нёлет вунö Ен керис шондъи, тöвись и кöǯиввез. Съия шувис: «Ась воасö югданнэз енвевтын, медбы югдöтны му!, – и воис съиǯ».

Витöт вунö Ен керис чериезöс ваын и кайезöс муввын. Шувис Ен: «Ась ваезын воасö чериез, а мувевдöрöт ась вебавöны кайез! и воис съиǯ».

Кватетъ вунö Ен керис сякöй нелькока пода, звирь и гаддэз. «Ась му шогмöтас нелькокаезöс и гаддэзöс!» шувис Ен, – и воис съиǯ. Кватет вунö жö, кöр керöмась вöви ни пода, звирь и гаддэз, Ен керис и первой мортöс.

Керöм первой мортöс

Первöй морт – мужык морт вöви кэрöм съиǯ. Кöр аǯǯема, што мир вöви бур керöм, Ен шувис: Керам мортöс миянкодежö, и ась съия ыждавö чериезвыын, кайезвын, звиррезвын, подаезвын, быд муввын, быд гаддэзвын, кöдна кыскасены мувевдöрöт». И босьтъис Ен му, керис сыись яй мортвöн, вовыштъис сыпыʧкö вов – и эта муись керсис вовья морт – мужык. Ним первой мортвöн вöви Адам.

Первöй инька вöви керöм съиǯ. Быд пода, звирь керöм вöви Енöн гозъен. Морт жö вöви öтъик. Ен шувис: – «Абу бур мортво овны муввын öтнасвö. керамö сывö отсависес сыкодежö». И веǯис Ен Адамвыö секыт он, сы ондырни (уземдырни) босьтъис сывись ордви и эта ордвиись керис сывö первöй инькаöс. Кöр Адам саймис и аǯǯивис съие, то шувис: «эта коска меям коскаезсянь и яй меям яйсянь, – ась воас меим инь, сысянь што айкасянь босьтöм». Ним первöй инькавöн вöви Ева.

Овöм первöй морттэзвöн райын, грех нывöн, ывöтöм нъие райись и кöсйисем Енвöн ыстыны Спасителес

Первöй отир овисö раин. Раен шувсис öдден быӵöм сад. Пуксетъис съие первöй отирпонда Ачис Ен. Овисö татöн первöй отир öдден часливо (шуда). Паськöм райин нъия эзö новье сысянь што нъия вöвисö грехтöмöсь, и эзöна стыдитче öта мöдсянь. Сёисö нъия плоддэз райскöй пуезсянь. Вöви нывöн раин и работа (уж): нъия весöтъисö рай.

Первöй отирвö Ен ӵöктъис сёйны плоддэсö быд пуезсянь, эз ӵöкты токон öтъиксянь, кöда шувсис пуöн тодан бур и умöль. Эта пупонда Ен шувис нывö: «эд сёе эта пусянь кöда вунö сёят сывисянь, сы вунö жö куват». Но Адам и Ева эзö кывзö Енöс. Пыртъис нъие эта грехö куль, кöда пырис змие. Воис эта съиǯ.

Дьявол завидуйтъис часьсевö первöй морттэзвöн и пондъис песьсины кыǯ бы нъие ывöтны грехö. Съия пырис змие и öтпыр ювавис Евавись: правда я, што Ен эз ӵöкты тъиянвö сёины плоддэсö райскöй пуезсянь?» Ева висьтавис сывö: «не, Ен ӵöктъис миянвö сёйны плоддэз быд пуввись, эз ӵöкты токон öтъиксянь, кöда сувавö райшöрын, и кода шувсе пуöн тöдан бур и умöль; эз ӵöкты сысянь медбы миянвö не кувны». Дьявол этыввö шувис сывö: «не, тъие од кувö, а кыǯи сёят, то асьныт еннэзöн воат; Ен этö тöдö и сысянь эз ӵöкты тъиянвö сёйны энö плоддэсö». Ева веритъис сывö, орöтъис плод и сёис; сыбöрын сетъис и Адамвö, и съия сёис – и кыкнанныс грешытöмась. Кыǯ токон нъия грешытöмась, сэк жö казявисö, што вöвисö кушöсь. Нъия орвависö паськыт лиссэз öтъик райскöй пуввись и керисö асвыныс паськöм.

Вуншöрбöрынъ нъия кывисö, што Ен ветвöтö рает и ǯебсисисö Сысянь пуувтö. Ен мöдъис медбы нъия каиччисö асвас грехын и сэсь ласково ювавис Адамос: «Адам, кытöн тэ?» Адам шувис Сывö: «ме кыви Тэнö раин, повзи, сысяньшто куш и ǯебсиси». Ен шувö сывö: «Кин тэит висьтавис, што тэ куш? эн я сёй пуввись, кöдавись Ме тэит эг ӵöкты?» Адам сытуе, медбы каиччыны, висьтавис сывö: «инь, кöдö Тэ сетъин меим, сетъис меим плод и ме сёи». Сэк Ен шувис Евавö: «мый тэ этö керинъ?» Ева тожö эз каиччи, а шувис: «змей менö бöбöтъис и ме сёи».

Ен бэргöтчис змейдынö и шувис сывö: «сыпонда, што тэ керин этö, ёрдöм воан; эта порасянь пондан кыскасьны муöт и вердчины бусöн; некин тэнö оз понды любитны; Тусь иньвöн (чужöм иньсянь) пазöтас тэнчит юр». Эна шыезöн Ен мытчавис отирвö Спасительвö.

Евавö шувис: «тэ шогавтöн пондан вайны челядь и женик пондас ыждаввыны тэввын».

Адамвö шувис: «сыпонда, што тэ кывзъин асьсит инес и сёин пуввись, кöдывись Ме тэит эг ӵöктъи, му умоля пондас шогмöтны нянь; пымавтöǯ пондан мырсины, медбы шеттыны съие. Тэ пондан уӂавны, кычеǯ он мун бöр муö, кöдыись босьтöм; тэ му и муö мунан».

Пасьтöтъис Ен Адамöс и Еваöс кучик паськöмö и ывöтъис нъие раись. Адам и Ева пондъисö овны неывын райдынсянь.

Райын вöви пу, кöдъия шувсис ован пуöн. Кыǯи бы отир сёис плоддэз эта пуввысянь, овис бы пыр: Медбы первöй морттэз асвас ывöтöмбöрын эзö пырö рае и эзö сёе плоддэз эта пуввись и вились эзöна керсе кувтёммезöн, Ен сувтöтъис рай ыбöсдынö Херувимöс бия оружiёöн.

Вöян быд муöт

Адам и Евасянь, кыǯ Ен ывöтъис раись, пондъисö шогмыны отир. Первöй зонöс шуввисö Каинöн, а мöдъикöс Авелен. Каин уӂавис му, а Авель виǯис пода. Öтпыр нъия ваисö Енвö жертва. Авель ваис чистöй севöмсянь, а Каин эз; Ен жертва Авельвись примитъис, а Каинвис эз примит. Каин этапонда виис вонöс. Ен ёрдъис Каинöс, а Адамвö Авельтуе сетъис мöдъи зонöс, Сиѳöс. Вöвисö Адамвöн сыбöрын ешö зоннэз и ныввез…

Кöр отир унасявис муввын, пондъис öдден грешытны; воис съиǯ, што отирковасын грехтöмöн кольччис öтъик токон морт, Ной нима, асвас семьяöн (Нойвöн вöви инь и куим готыра зоннэз: Сим, Хам и Iаѳет нимаöсь). Ноет Ен ӵöктъис отирвö каиччыны, мыйвö сетъис срок су кыкдас год. Отир эз каиччи. Сэк Ен решытчис нъие вöтьны. А медбы кольны вовьяöн Ноес, Ен ӵöктъис сывö керны ковчег, мöднёж ыжыт корабль. Кöр ковчег вöви готов, Ен ӵöктъис Нойвö пыртны сыпыӵкö сизим гозъен быд сöс пода и кайезöс и кык гозъен несöстöм, съиǯжö ӵöктъис заптыны и сёян асвыс и быднысвö кин вöвисö ковчегын. Кöр Ной быдöс этö керис, Ен ӵöктъис сывö пырны ковчегö. Ной пырис. Чожа этабöрын пондъис мунны ыӂыт зэр, кöда мунъис нёльдас сутки. Рекаэз, тыэз и морёэз петъисо береггезъись – и ва пондъис вöетны му. Отир, пода и звирь, медбы не вöйны, пондъисо котöртны керöссэзвё, но ва вöетъис и самöй вывын керöссэз – и быдныс, кин эз вöв ковчегын, вöисö.

Су витдас вунбöрын, кыǯ пондöтчис вöян, ва пондъис чинны и ковчег сувтъис Арарат керöссэзвын. Су вунгöгöр этабöрын Ной осьтъис öшын и веǯис кырнышöс, тöдны косьмис я му. Кырныш эз берт. Сэк Ной веǯис дуды. Дуды бертчис сысянь, што эз аǯǯи асвыс сёян. Недельбöрын Ной вились веǯис дуди. Дуди опеть бертчис и ваис öмын масличнöй путор. Недельбöрын Ной бöра веǯис дуди, дуды сэсся эз ни бертчи. Сэк Ной осьтъис ковчег и аǯǯивис, што ва муввын эз ни вöв, и пондъис виччисьны, кöр Ен ӵöктас петны.

Кöр му косьмис, Ен ӵöктъис Нойвö петны ковчегись быд семейсвоöн, быд пода, звирь и кайезöн. Ной петъис и, медбы благодаритны Енöс, ваис Сывö жертва. Ен примитъис эта жертва, и Съия благословитъис Ноес семейсвоöн и шувис нывö: «унасявö, тыртö му и господствуйтö сыввын; ась сякой пода воас тъиянвö сёянö, кыǯ и сякой турун; вöянöс сэсься оз во, а медбы тöдъит, што оз во, ась енöшка воас знакöн.

Ной асьнас мытчавис Спасителес, а ковчег – вичкув: кыǯ вöяндырни спаситчисö токон нъия, кöдна вöвисö ковчегын Нойкöт, съиǯжö воасö раин токон нъия, кöдна веруйтоны Енвö и Iисус Христосö.

Челядь Нойвöн, столбкеран, янсöтöм отирöс и пондан пора свужитны идолвезвö

Кöр Ной петъис ковчегись, то пондъис гöрны му и садитъис винограднöй садъ. Кöр виноград воис, Ной пиǯиртъис сыись ли и ювис, мыйбöрын коǯис, водъис узьны и кушöтчис. Зон сывöн, Хам нима, аǯǯивис съие кушöс и серавтöн висьтавис этыпонда асвас воннэзвö. Сим Iаѳеткöт, воннэз сывöн, босьтъисö вевтян и шöбрависö сыен аес. Кöр Ной саймис, то тöдъис, што Хам серавис сыввын, ёрдъис съие, а Симöс Iаѳеткöт благословитъис, Хамвö висьтавис, што отир, кöда чужас сысянь воас работник-кезкоден Симвöн и Iаѳетвöн; Симвö шувис, што отир, сысянь чужöм, пондас веруйтны истиннöй Енвö, и сысянь жö чужас Спаситель; Iаѳетвö шувис, што отир, сысянь чужöм, тыртас быд му; пондас кöзяйсвуйтны дажö Симъ отирвын и съиǯжö пондас веруйтны истиннöй Енвö.

Висьтавöм (шуан) Нойвöн воис: Хам отир действительно вöви покорен Сим отирöн, кöда веруйтъис истинной Енвö, и эта отирись чужис Спаситель. Iаѳет отир тыртъис быд му, веруйтöны истиннöй Енö и кöзяйсвуйтö быд отирвын.

Ной челядьсянь отир вились пондъис унавсявны. Кöр съия вöви эшö неуна, овис öтваöн и баитъис öтъи кывöн. Кöр жö съия öдден унавсявис, то öтъиваын овны воис зэвыт, и нывö ковсис янсöтчины. Оǯжык янсöтöмсянь нъия сговорились керны кар (город) и столб, кöда бы юрнас павкöтчис енвевтбердö. Нъия висьтависö öта мöдвö: «воктö, керамö иззэз, сроитам кар и столб, кöда бы юрнас павкöтчис енвевтбердö, медбы свавнöйезöн вовны быд муöт». Но Енвö эта уӂ эз казьмöтчи, и Съия шувис: «воктö сорваам нывись кыв, медбы нъия эз вежöртö öта мöдöс». И сорвавис Ен нывись кыв: нъия вдруг пондъисö баитны разнöй кыввезвын и эзö пондö вежöртны öта мöдöс. Этабöрын нъия колисö костъи сроитöм, янсöтчисö и мунъисö быдваöт. Эсьсянь и шогмисö отиррез, кöдна баитöны разнöй кыввезвын. Костъи колем кар и стовб шувсены Вавивонöн, мöднёж, сорвавöмöн, сысянь што сэтöн Ен сорвавис нывись кыв.

Мунöмбöрын быд муöт, отир пондъис вунöтны истиннöй Енöс, а сыбöрсянь мукöдныс дажö совсем вунöтъисö Съие. Настояшшöй Ентуе нъия пондъисö почитайтны: шондъи, тöвись, коǯиввез, би, ва, турун, пу, пода, кувöм отир, особенно царьрезöс, и уна эшö сякöйсö. Нъия кервисö асвыс пуись, изъись, метаввезъись (кöртъись, мидись) идоввезöс (бовбаннэзöс), кервисö нывö ованнэз, юрбытъисö ныввö эна ованнэзын и вайвисö нывö жертваö: турун, пу, пода и дажö морттэзöс. Эм ешö и öнъи сэтӵöм отиррез, Нъия шувсены идовопоквонниккезöн, мöднёж язычниккезöн.

Авраам и ваем жертваö Исаакöс

Отир ковасын, кöда вунöтъис Енöс, овис öтъик праведнöй морт, Авраам нима, асвас инькöт Сарракöт. Öтпыр Ен мытчасис сывö и висьтавис: «пет эта муись и мун муö, кöдаö ме тэнö иньда; Ме благословита тэнö и тэись чужас уна отир». Авраам кывзъис Енöс и мунъис Ханаанскöй муö. Татöн Ен унаись мытчасьвис сывö и висьтаввис обешаньё.

Öтпыр мытчасис сывö и шувис: Ме зашшитник тэят, и воас тэит Месянь ыӂыт козин». Авраам шувис сывö: «мый меим сетан, Енö, ме челядьтöм?» Ен шувис сывö: «виǯöт енвевтвыö и выдди кöǯиввез, сыуна воас тэсянь отир».

Мöдпырися мытчасис сывö и ӵöктъис вундöтвыны кажной кага зонкаок мортöс кыкъямыс вунвö сывöн чужöмбöрын. Этыдырни висьтавис, што сывöн чужас зон. Авраам серöмтчис и думайтъис: «неужöли меям сугодся стариквöн и Саррасянь öкмысдасгодсявöн чужас зон?» Ен шувис сывö: «да, Сарра̌ ваяс тэит зон, и тэ сетан сывö ним Исаакъ, и Ме сыкöт пукта асьсим завет». Годкостъи этабöрын Ен вились мытчасис сывö и бöра шувис, што Сарра ваяс зон.

Кыǯ Ен висьтавис, съиǯ и воис: Сарра ваис зон, и Авраам сетъис сывö ним – Исаак. Авраам и Сарра öдден любитъисö (севöмтъисö) ассис зонöс.

Öтпур, медбы удостовериччыны, кыǯ веруйтö Авраам, Ен висьтавис сывö: «бось асьсит зонöс и вай съие Меим жертваö, керöсвын, кöдö Ме тэит мыччава». Исаак эта пора вöви ни ыӂыт. Авраам чеччис асывöн оǯ, седвоавис осёл; босьтъис Исаакöс, кык работник, пурт, пес, и мунъис керны приказ Енвись. Куимöт вунö съия аǯǯис керöс, кöдыввö Ен ӵöктъис мунны сывö, и висьтавис асвас роботниккезвö: «пукавö татöн, а мие Исааккöт каям керöсвö и ваям Енвö жертва. «Этабöрсянь Авраам пуктъис Исааквö пес, босьтъис би и пурт, и мунъис Исааккöт керöсвö. Туйкузя Исаак ювавис айвись: «ае, то миян эм пес и би, кытöн жö жертва?» Авраам висьтавис сывö: «Ачис Ен мыччавас миянвö жертва». Кöр нъия воктъисö керöсввö, Авраам керис жертвенник и пуктъис сыввö пес, сыбöрсянь кöртавис Исаакöс и пуктъис съие песвö. Авраам вептъис ни пурт, медбы начкывны Исаакöс, кыǯ вдруг кывис шы енвевтсянь: «Авраам! Авраам! эн вепты ки Исааквö. Ме öнъи аǯǯа, што тэ пован Енсянь, сысянь што эн жалейт Ме понда асьсит любöй зон». «сэк жöн Авраам казявисъ баля, кöда сибдöм сюррезöн чашшаö, и ваис съие жертваö Енвö асвас зон туе. Этабöрсянь вились кывöм вöви шы енвевтсянь: «сы понда, што тэ кывзъин Менö и эн жалейт Ме понда ассит зонöс, Ме благословита тэнö и ыждöта тэнчит отир, кыǯ звездаез енвевтвын, кыǯ песок море берегвын, и Iисус Христосöт, кöда шогмас тэят отирсянь, благословиччасö быд отиррез.

Ваем жертваö Исаакöс мыччавис асьнас кувöм вовзем Iисус Христосвöн: кыǯ Авраам Ен понда эз жалейт ассис зонöс, съиǯжö Ен эз жалейт Асьсис öтъичужöмö Зонöс Iисус Христосöс; кыǯ Исаак нöбöтъис асвыас пес местаöǯ, кытöн ай мöдъис съие вайны жертваö, и кыччö вöви пуктöм, сиǯжö Iисус Христос нöбöтъис Асвыын крест (перна) местаö, кöдыввын Съие роспинайтъисö; кыǯ Исаак покорно мунъис начкы́вöмö, съиǯ Iисус Христос покорно мунъис роспетьёвö; кыǯ Исаак куимöт вунвö освободичöм кувöмсянь, съиǯ Iисус Христос куимöт вунвö вовзис кувöмись.

Iосифъ

Несчасьёэз Iосифвöн

Исааквöн, Авраам зонвöн, вöви зон Iаков. Iаковвöн вöви даскык зон. Iаков ныись öдденжык любитъис öтъикö, Iосиф нимаö, и вурис сывö быӵöм паськöм. Воннэз эты понда эзö любитö Iосифöс. Öдденжык эз пондö любитны съие сэксянь, кöр съия висьтавис нывö кык он. «Кывзö» – висьтавис съия нывö этпыр, – «мый ме вöтаси: будто бы мие вундам ыбшöрын; меям кольта сувтъис веськыта, а тъиян кольтаез бергöччисö сываньö и поклоничöмась. Воннэз этыввö висьтависö сывö: «неужели тэ пондан господсвуйтны миянвыын?» Сыбöрсянь Iосиф висьтавис нывö мöдъи он: «ме аǯǯиви» – шувис съия – «бытьтöн шондъи, тöвись и дасöтъик звезда кваняччисö меим. «Эта он висьтавöм вöви Iосифöн аисдырни. Ай висьтавис сывö: «мыся эта он? он я думайт, што ме, мам и воннэз воктам кваняччины тэит?»

Зоннэз Iаковвöн виǯисö пода. Этпыр нъия мунъисö подакöт ывö и дыр эз воввö гортö. Iосиф вöви гортын. Iаков ыстъис съие тöдны, здоровöсь я воннэз. Воннэз ывынсянь казявисö Iосифöс и висьтависö öта мöднысвö: «то воктö вöтасись, мунамö виям съиö и чапкам ямаö, а айвö висьтавам, што съие сёем звирь». Но ыӂытжык вон, Рувим нима, висьтавис нывö: «эд вие, а чапкö съие ямаö». Съия гусен послежык мöдъис кыскыны съие ямаись и иньдыны айдынö. Воннэз кывзöмась съие: кöр Iосиф воктъис ныдынö, нъия босьтöмась съие, кулемась сыввись паськöм и чапкисö съие ямаö. Сыбöрсянь нъия пуксисö и пондъисö сейны. Сыпора ныдънöт мунъисö купеччез. Öтъик вон, Iуда нима, и баитö: «кыӵöм миянвö пöльза вийны вонöс? Вузавам съие вучше эна купеччезвö». Воннэз согвасиччемась, кыскисö Iосифöс ямаись и вузависö съие. Сыбöрсянь нъия начкывисö кöзапiянöс, вирöн мавтъисö паськöм Iосифвись и ваисö съие Iаковдынö. Iаков тöдъис паськöм Iосифвись и думайтöм, што съие сёис звирь, дыр горзъис сы понда.

Купеччез вузависö Iосифöс Египетын этъик богатöй господинвö – Потиѳарвö. Потиѳар любитъис Iосифöс и керис съие управителен асвас керкуввын. Инь Потиѳарвöн вöви умöль. Съия пондъис уговаривать Iосифöс грехвö сыкöт. Iосиф этö эз кер. Эты понда съия сомуститъис ассис женикöс. Потиѳар веритъис сывö и пуксетъис Iосифöс тюрмаö. Но Ен эз вунöт Iосифöс и татöн.

Сыпора, кыǯ Iосиф пукавис тюрьмаын, Фараон, Египетскöй царь, вöгасис асвас свугаезвö, виночерпийвö и клебодарвö, и пуксетъис нъие сэччö жö, кытöн пукавис Iосиф. Öтпыр Iосиф аǯǯивис нъие кыкнаннысö гаштöмчöмöн и ювавис нывись: «мый тъи гаштöмöсь таун?» Нъия висьтависö сывö: «мие аǯǯивим оннэз, но огöтöдö, мый означайтöны нъия». Iосиф корис висьтавны нывö энö оннэсö. Виночерпiй висьтавис сывö: «ме аǯǯи што меоǯин винограднöй пу куим шатен, кöднаввын воисö ягöддэз; и бекöр Фараонвöн меям киын; ме босьтъи ягöддэз, пиǯиртъи ныись ли и сетъи ювны Фараонвö». Iосиф висьтавис сывö: «куим винограднöй шать означайтöны куим вун; куим вун бöртъи тэ усян Фараон тöдвö, съия веǯас тэнö тюрьмаись и сувтöтас оǯǯа местаö. Эн вунöт ме понда, кöр тэит воас бур; висьтав Фараонвö, што ме гусявöм Еврейской муись и пуксетöм тачче весь». Этыбöрсянь висьтавис ассис он и хлебодар: «ме аǯǯиви», – висьтавис съия, – «меям юрвын куим куд нянен; вевдöр кудын сякöй сёян, кыӵöмö токон сёйö Фараон, и эта кудъись кайез сёйöмась сёян». Iосиф висьтавис сывö: «куим куд – куим вун; куим вунбöртъи Фараон керавас тэнчит юр, öшöтас тэнчит яй пуввö, и кайез пондасö сёины съие». Кыǯ висьтавöм Iосиф съиǯ и воöм: куим вунбöртъи Фараон сувтöтъис виночерпиес оǯǯа местаö, а клебодарöс эшöтъис. Виночерпiй, тюрьмаись петанбöрын, вунöтъис Iосифöс, и токон кык год бöртъи Iосиф усис сывö тöдвö.

Iосиф спасайтö отъирöс чыгсянь

Фараонвö, Египетскöй царьвö, этъи ойö вöтöусис кык онъ. Асыввö съия корис мудреччезöс и ӵöктъис висьтавны сывö, мый бы означайтъисö эна вöттэз. Но мудреччез эз вермö висьтавны сывö. Сэк токон Iосиф усис тöдвö виночерпийвö, и съия висьтавис Фараонвö, Египетскöй тюрьмаын эм этъик том еврей, кöда бура висьтавö вöттез. Фараон сэк жö ыстъис сывö, Iосифöс ваетъисö, Фараон висьтавис сывö: «ме аǯǯиви он, но некин эз вермы висьтавны меим, мый означайтö съия, а тэ понда баитöны, што тэ бура висьтаван вöттэз». Iосиф висьтавис сывö: «кыǯи Енвö угодно воас, то Съия отсавас висьтавны тэнчит вöт». Сыбöрсянь Фараон висьтавис сывö асьсис вöттэз: «ме аǯǯиви» – шувис съия, – «бытьто тöн ме сувава берегдорын: вдруг ваись петъисö сизим пöт мöс и пондъисо сёйны турун; ныбöртъи петъисö эшö сизим мöс, но сэӵӵöм умöлесь, кыӵöммеö ме ешö некöр эгна аǯǯив Египетскöй муын, – и эна умöль мöссэз сёисö пöт мöссэсö но асьныс кольччисö сэӵӵöммеöн жö. Ме сайми, но бöра оммöсси и аǯǯа тывöп, кöдывын шогмисö сизим шеп тыраöсь, а ныбöрсянь ешо сизим шеп, но абу тыраöсь, – и эна умöль шеппез сейöмась тыра шеппесö».

Кöр Iосиф быдöс кывзъис, то висьтавис Фараонвö: «эна вöттэзöн Ен осьтъис Фараонвö мый Съия мöдö керны: сизим пöт мöс и сизим бур шеп означайтоны, што чожа воасö сизим урожайнöй годдэз; а сизим умöль мöс и сизим умöль шеп означайтöны, што урожайнöй годдэзбöрын воасö сизим неурожайнöй годдэз. Вöт тэят мыччасис кыкись – эта означайтö, што съия воас – и чожа». Сыбöрсянь Iосиф ӵöктъис Фараонвö аǯǯины бур мортöс, кöда бы öктъис нянь ӵыг годдэзвö.

Кор Фараон тöдъис значенiе асвас вöттэзъись, висьтавис Iосифвö: «кöр Ен осьтъис значенье меньчим вöттэзъись, то абу мортöс, кöда бы вöви тэсся мудренжык» – и керис съие первöй начальникöн Египетскöй муын и сывö жö ӵöктъис öктыны нянь ӵыг годдэзввö. Сыбöрын съия сетъис Iосифвö чунькыӵ асвас киись, пасьтöтис съие бур паськöмö, голяввö öшöтъис золотой цеп, пуксетъис асвас келегаввö, ӵöктъис кыскавны съие городкузя и быднысвö висьтаввыны, што Фараон керö съиö первöй начальникöн Египетскöй муввын.

Кыǯ Iосиф висьтавис, съиǯ и воис: чожа нянь шогмис бура, а сыбöрын сизим год эз шогмы. Кöр нянь эз шогмы, сэк быд муöт воис ӵыг пора; Египетскöй муын ӵыг эз вöв: сэччинь вöви нянь заптöм уна. Этö нянь Iосиф пондъис вузавны быднысвö, кин бы токон эз неб. Отир ез муись воввис Египетö и небвис нянь, съиǯ и эзна кув ӵыген.

Iосиф аснас мыччавис Iисус Христосöс: кыǯ съия вöви вузавöм, мучиччöм, прославитчöм и спаситöм отирöс ӵыгсянь, – съиǯ Iисус Христос вöви вузавöм, мучиччöм, прославиччöм и спаситöм отирöс кувöмсянь.

Моисей

Чужöм Моисейвöн, сывöн ован и пышшöм Мадiамскöй муö

ӵыг пораö Iосиф корис Iаковöс-аес быд семейсвоöн Египетö. Съия проститъис воннэзöс. Iакöв овис Египетын дассизим год и кувис. Сыбöрын кувис и Iосиф. Семья Iаковвöн и Iосифвöн ыждöм: ныись воис особöй отир, кöда шувсис еврейскöен. Фараон повис еврейскöй отирсянь, съия думайтъис, што нъия унавсявасö и мунасö Египетскöй муись; веǯны жö нъие съия эз мöд: нъия уӂависö Египетвö и мынтъисö вот. Медбы нъия эз унавсявö, съия ӵо̀ктъис нывö уӂавны секыта, а зонкаоккезöс, кöдна шогмасö, чапкавны ваö. Эта пора öтъик еврейкавöн чужис зон. Съия вöви öдден басöк. Еврейка куим мисеч ǯебвис съие гортын, а дыржык эз ни вермы. Сэк съия керис корзина. Мавтъис съие смоваöн и клеен, пуктъис сыпыӵкö кага, сувтöтъис съие берегдорö, а асвас ныввö ӵöктъис виǯетны ывисянь, мый воас зонкакöт. Эта пора ныв Фараонвöн асвас свужанкаезкöт петъис купайчины. Кöр съия аǯǯивис корзина, ӵöктъис служанкавö осьны сие. Корзина осьтъисö и ныв Фараонвöн аǯǯивис сöтчин кага. Сой кагавöн воктъис Саревнадынö и шувис: «он я мöд, ме ваета тэдынö эта зонкавö вердъисес?» Ныв Фараонвöн ӵöктъис. Нывочка мунъис и ваетъис ассис мамсö. Царевна ӵöктъис вердны этö зонкаöс и мöдъис сывö мынтыны деньга. Мам быттъис съие и ваетъис царевнадынö. Царевна босьтъис съие и нимтъис Моисеен.

Кöр Моисей колтьчис овны Фараонордын, сэк вевавис быд Египетскöй мудростьвö, и овны сывö татöн вöви бур. Но съия аǯǯивис, што еврейезвö умöль овны, и съия жалейтъис нъие. Этпыр съия аӟǯивис тышкасем еврейвись египтянинкöт; сывö жаль воис евреес, и съия виис египтянинöс. Кöр Фараон тöдъис этö, мöдъис вийны Моисеес. Моисей повзис и пышшис Мадiамскöй муö, кытöн пондъис овны попордын.

Еврейскöй ыӂыт вун

Сыпора, кöр Моисей овис Мадiамскöй муын, еврейезвö öдден умöль вöви овны Египетын. Нъия корисö Енöс избавитны нъие эна сраданесянь. Енъ жалейтъис нъие и ыстъис нывö Моисеес петкöтны нъие Египетъись и ывöтны Ханаанскöй муö. Воис эта съиǯ. Этпыр Моисей паситöм баляезöс, и аǯǯе съия: соччö терновöй куст и оз кус. Моисей пондъис вокны кустдынö, медбы виǯетны, мыйсянь съия оз кус, и кывö шы Енвись: «Моисей! Моисей! эн вок таччö; чöвт кöмкöт коккезвись: места, кöдаввын тэ суваан, му святöй». Сыбöрын Ен висьтавис сывö: «Ме аǯǯа сраданье Менам отирввись и жаль съие, мун и петкöт съiö съесь и нувöт Ханаанскöй муö, кöда богат подаöн и мошöн, Моисей пондъис отказываччины. Ен обешшайтъис сывö Асьсис помощ. Сэк Моисей согласиччöм.

Ен ӵöктöмсертъи, Моисей воктъис Фараонордö и пондъис корны съие веǯны еврейезöс. Фараон эз веǯ еврейезöс, а токон ыждöтъис нывись робота. Сы понда Ен вöгасис Фараонвö и ыстъис Египетво öкмыс несчасье. Но и эта бöрын Фараон эз веǯ еврейезöс. Сэк Ен накажытъис Египет дасöт пырся и Фараон вынужден вöви веǯны еврейезöс. Эта наказаньеоǯин Моисей, Ен ӵöктöмсертъи, ӵöктъис кажной еврейскöй семействовö даснелет мартвö заптыны годъя ǯель-баран, здоровöе и сякöй проктöмö, а рытöн эта вунö начкывны съие и вирöн мавтны косяккез и ыбöссэз асьсис керкуввезъись. Асьсö жö ǯелес ӵöктъис пöжавны и сейны курыт туруннэзöн и шöмтöм нянен сы рытö жö, ǯель коскаез ӵöктъис быдсаезöн сотны биввын съiя оен. Сейтöн еврейезвö ӵöктъис вовны дорожнöй паськöмöн. «Ме эта ое муна Египеткузет и кувöта быд пöрисьжыккезöс отирись и подаись «шувис Моисейвö Ен керкувездынöт, кытöн воас вир, муна шучкоп». Еврейез съиǯи керисö кыǯ нывö вöви ӵöктöм. Кöр нъия сёисö ǯелес, Египеткузет кывсис горзöм: Ен кувöтъис быд пöриссезöс. Фараон сэк жö корис асдынö Моисеöс и ӵöктъис евреизвö мунны Египетъись. Еврейез сэк жö босьтъисö асьсиныс именьö и мунъисö. Öтъи мужыккезöс петъис Египетъись кватьсотня тысяча морт.

Кöр еврейез мунъисö Египетъись и дасöт наказанiе чувавис, Фараонвö воис жаль, што веǯис нъие. Съия скоро öктъис ыӂыт войско и вöввезöн и келегаезöн вöччис ныссерö, медбы вöтны нъие, и вöтъис нъие берегвын Чермнöй морёын. Кöр еврейез казявисö египтянаезöс, öдден повзисö. Моисей, Ен ӵöктöмöн, вачкис беден моревöт, и море янсавис. Еврейез мунъисö море пыдöсвöт. Египтянаез вöччисö нысерö. Кöр еврейез петъисö берегвö, Моисей вились вачкис мореввöт, и съия öтваасис. Египтянаез эты пора вöвисö токон морешöрын и быдöнныс вöисö. Кöр еврейез избавиччемась египтянаэзсянь, сьывöмась Енвö Хвалебнöй пѣсня.

Съия вунö, кöр еврейез петъисö Египетъись, пондъисö празнуйтны кажнöй год. Празник эта нимтöм вöви ыӂыт вунöн (Паскаöн). «Пасха» означайтö избавленье. Съиǯ нимтöм эта праздник сысянь, што Ен избавитъис нъие. Зель, кöдö еврейез сёисö эта ое, шувöм вöви Пасха ǯелен. Съия асьнас миянвö мыччавис Iисус Христосöс: кыǯ сы вирöт еврейез спасиччисö кувöмись асвас пöрисьсевöн, съиǯ мие Iисус Христос вирöт спасаччам пырся кувöмись.

Вуӂöм еврейезвöн Чермнöй мореöт мыччавис миянвö пыртан: кыǯ еврейез, кöр вуӂисö море, спасиччöмась Египетскöй власись, – съиǯ мие, кöр пырӵчам, спасайччам дiяовсянь.

Терновöй кус, кöда соччис и эзна кус, означайтö Богородицаöс: съия соччис и эз соччи, Богородица ваис Зонес и кольчис Нывöн.

Самöй праздник еврейскöй «Пасха» мыччавис миянвö миянвись Ыӂыт вун: кыǯ еврейез празнуйтöны асьсиныс избавленьё Египетскöй власись, съиǯи мие празнуйтам асиным избавленьё дьявовсянь.

Синайскöй закон сетöм

Полтора мисечь бöртъи, кыǯ еврейез петъисö Египетъись, нъия воктъисö Синайскöй керöсдынö и сувтъисö сетöн. Татöн Моисей, Ен ӵöктöмöт, ӵöктъис нывö готовиччины босьтöмвö Ен Законöс. Куимöт вунвö эта бöртъи (50-й Египет петöмись) Ен веччис Синайскöй керöсвö и быд отирдырни висьтавис дас заповедь, Асьсис законöс. Моисей послежык гижис энö заповеддез кык пöввын. То эна заповедез.

1. Ме эм Ен тъеят, ась озö воö тъеят мöдъи Еннэз.

2. Эн кер асвыт бовбанöс ли кыӵöмö небудь сыввö вачкöмвö, мый енвевтвын, и мый ваын, муувтын, эн кеймись нывö и эн служит нывö.

3. Эн божиччи весь.

4. Тöд субботнöй вун (öнъи скресенья), вуӂöт съие свято, квать вун уӂав, и кер ныдырна быдöс тэнчит девоез, а сизимöт вун ась воас Енвö.

5. Почитайт аес и мамöс тэнчит, медбы бур тэит вöви, медбы дыр тэ овин муввын.

6. Эн вий.

7. Эн грешыт йöз иньнезкöт.

8. Эн баит мый весь тэят суседвö.

10. Эн жавайт инес тэят суседвись, эн жавайт керкув сывись, не ыб сывись, не работникöс, не работничаöс, не пода и быдöс, мый эм сывöн.

Сетъис Ен эта пора ешö и мöдъи законнэз. ӵöктъис керны вичкув, кöдö бы туис нöбöтвыны öтъи местасян мöдъиввö, витдасöт вун, Египет петöмис еврейез пондъисö празнуйтны кажнöй год. Праздник эта шувсе Пятидесятничаöн (Троица вун).

Ветвöтöм еврейезвöн нельдас год Аравийскöй пустыня кузет и чудоез Енвöн, кöднö Съия керис татöн

Кöр еврейез воктъисö Ханаанскöй граничадынö, Моисей бöрьис даскык морт и ыстъис нъие виǯетны эта му. Нельдас вунбöртъи ыстöммез бертъисö и висьтависö, што му, кöдö нъия виǯетъисö, öдден богат, но эта пора даса ныись висьтависö, што отир сэччинь вына и каррез (городдез) крепкöесь. Кöр еврейез кывисö этö, пондъисö горзыны и мöдъисö бертны Египетö. Но кыкаöсь, кöдна виǯетъисö этö му (Iисус Навин и Халев) и Моисей уговаривайтъисö еврейезöс и ӵöктъисö нывö надейччины Енввö. Еврейез эта понда мöдъисö вийны нъие иззъезöн. Сэк Ен вöгасис ныввö и осудитъис нъие ветвöтны Аравийскöй пустыня – кузет нельдас год. Эта пораöн еврейез чуть не быдöнныс кувисö. Кувис и Моисей. Ханаанскöй муö пырисö токон Iисус Навин и Халев.

Аравийскöй пустыня ветвöм дырья Ен уна керис чудоез. Öтпыр нъия куим вун эз аǯǯе ва, сыбöрсянь аǯǯисö, но ва вöви курыт. Ен ӵöктъис Моисейвö чапкыны эта ваö öтъик пу. Моисей чапкис и ва керсем кöра. Эта пу мыччавис Крест Iисус Христосвöн: кыǯ съия керис ва ческытöн, съиǯ Крест Христосвöн ческöтö миянвись вов.

Мöдпырься еврейез съиǯöжö эзö аǯǯö ва и пондъисö жавуйччины Моисейвыö. Ен ӵöктъис вачкыны Моисейвö беден изкузя. Моисей вачкис, и изъись пондъис мунны ва. Эта из мыччавис Iисус Христосöс: кыǯ сыись мунъис ва, съиǯ Iисус Христос ордвиись, кöр Съия ни вöви ку̀вöм, петъис вир и ва.

Отпыр еврейезвö эз тырмы сеян, и нъия бöра пондъисö жавуйччины Моисейвыö. Сы вунö жö рытöн Ен ыстъис нывö уна вöр курöэзöс, а мöдъи вунö асывöн енвевтсянь усис манна ческыт шыдöс, кöда сыбöрын пондъис усьны кажнöй асывö; эз усь токон субöт асывö. Эта шыдöс мыччавис Iисус Христосöс: съия вöви нянь, енвевтсянь веччем. – Iисус Христос тожöн шуввис Асьсö нянен, енвевтсянь веччемöн.

Эты пора еврейез баитъисö: «неужли миянвö кувны эта пустыняын?» Абу татöн не нянь не ва, а манна миянвö сысся оз ков», Ен эта понда вöгасис ныввö, ыстъис змейезöс, кöднысянь еврейез пондъисö кувны. Съек нъия пондъисö каиччины асваныс грекэзын. Ен ӵöктъис Моисейвö керны мидевöй змеес и öшöтны пуввö. Моисей керис этö и кин вераöн виǯетъис змейвыö, съия кольчывис вовьяöн. Мидевöй змей мыччавис асьнас Iисус Христосöс: кыǯ евреиез виǯетъисö сыввö и спасаччисö кувöмсянь, – съиǯ мие, кöдна веруйтам Iисус Христосö, спассаччам пырся кувöмись.

Цар Давид

Первöй пырсянь, кыǯ еврейез пондъисö овны Ханаанскöй муын, нъиен управляйтъис Iисус Навин. Сывöн кувöм бöрсян нъиен дыр управляйтъисö пöрисьсез и судьяез, а сыбöрсянь Ен сувтöтъис нывö царес. Первöй царь нывöн вöви Саул. Съия царсвуйтъис ныввын недыр: съия эз понды кывзыны Енöс и Съия ывöтъис съие царствосянь.

Еврейскöй царьрезъись самöй замечательнöйез вöвисö: Давид и зон сывöн, Соломон нима. Давид вöви родöн еврейскöй городъись Виѳлеемись. Томувсянь съия паситъис баляезöс асвас айвись. Сывöн вöви сизим вон. Съия вöви мед учöт. Царен еврейезвын съие сувтетъис, кыǯ и Саулöс, Ачис Ен. Еше кöр Давид эз ов царен, съия прославиччис. Öтпыр еврейезвöн вöви война филистимляннъезкöт. Кöр кыкнан войско воктъис öта мöддынö, филистимскöй войскоись петъис великан, Голiаѳ нима, и шувис евреиезвö: «чем миянвö быдöннымвö воюйтны, вучше бöрйе асковассиныт мортöс, кöда бы петъис меввö; кыǯи съия менö вияс мие воам тъиянъисьэз, и кыǯи ме вия съие – тъие воат миянъисьез». Этыбöрсянь съия ешö нельдас вун петвис кажнöй асывöн и корис асвыс противникöс. Еврейскöй воиннезись некин эз высь петны сывесьтö.

Куима пöрисьжык воннэз Давидвöн вöвисö еврейскöй войскоын. Ай Давидвöн ыстъис съие войнавö нöбöтны воннэзвö сеян, Давид мунъис. Кöр съия воктъис войскодынö, Голiаѳ бöра петъис и корис противникöс. Етыдырни съия ешö хулитъис истиннöй Енöс. Кöр Давид кывис этö, жавайтъис петны сывесьтö. Сывö ӵöктъисö. Съия босьтъис вит волькыт из, бедь, кöдöн паситъис баляезöс и мунъис Голiаѳвö. Кöр Голiаѳ аǯǯывис съие, пондъис серавны и шувис: «ме разь пон, мый тэ меввö петан беден и иззэзöн? ме часöт жö сета тъенö сейны кайезвö и звирьрезвö». Давид этыввö шувис сывö: «тэ мунан меввö мечен и копьеöн, а ме муна тэввö Ен отсавöмöн, Кöдö тэ часöт токон кулитъин. Ен таун сетас тъенö меям кие, и сэк тöдас быд му, кыӵöм Ен еврейезвöн». Великан пондъис вокны Давиддынö. Давид босьтъис öтъик из и чапкис съиен великан юрö. Голiаѳ усис муввö. Давид котöртъис сыдынö и сывöн жöн мечен керавис сывись юр. Филистимлянаез повзисö и котöртъисö. Еврейез вöччисö нысерö и уна ныись виисö. Давид вöви морт благочестивь; эты понда Ен любитъис съие и отсавис сывö быд девоын. Кöр Давид керсис царен, нувöтъис частöй войнаез асвас суседнöй отиррезкöт, и быднысö нъие победитъис. Столичаöн съия керис город Ерусалим, кöдö мырдис öтъик отирвись. Съия гижис псалтырь, духовнöй песняез, кöдаын воскваляйтö Енöс, каичче Енвö асвас грехкезын, корö сывись отсавöм и оǯжык висьтавö Iисус Христос понда. Оǯжык висьтавöм понда съия шувсö пророкöн.

Но и Давид вöви негрехтöм. Этпыр съия босьтъис асвыс инь öтъик воинвись а асьсö ӵöктъис вийны. Ен обличитъис съие эта грекын. Давид каиччис, и Ен проститъис съие. Каиччöм этö Давид гижис витдасöт псаломын «Мивуйт менö, Енö, уна Тъеят мивосет».

Цар Соломон

Цар Соломон вöви ешö том. Ен мыччасис сывö и висьтавис: «кор Менчим, мый тэит ковö». Соломон висьтавис сывö: «Тэ керин менö царен медбы управляйтны отирöн, а ме ешö том; сет меим вежöр, медбы судитны отирöс правда – кузет». Енвö эта прозьба вöви приятна, и Съия сетъис сывö не токон мудрось, но и богатсво и слава. Чожа этыбöрсянь Соломон мыччавис езвö асьсис вежöр. Воктъисö сыдынö судвö кык инька. Öтъик ныись шувис: «мие овам öтваын, и съесься некин миян абу. Ме ваи кага, а куим вун бöртъи и эта инькавöн чужис кага. Öтъи ое зон сывöн кувис. Съия босьтъис меньчим вовья кага, а асьсис пуктъис медынö». Мöдъи инька оправдываччис и баитъис, што съия этö эз кер. Медбы тöдны, кöда инькавöн эта кага, Соломон ӵöктъис керавны кага шöри и сетны кыкнаннысвö ӂыньен. Сэк öтъик ныъись шувис: «эдö керавö съие, а сетö сывö!» Мöдъи инька баитъис: «керавö съие, ась оз дöнзьы не сывö, не меим». Соломон сэсь тöдъис, кöда мам зонкавöн и ӵöктъис съие сетны сыво.

Соломон вöви сэӵӵöм мудрöй, што тöдъис быдос ростеньяез и быд пода, сочинитöм тысьча духовнöй песняез, куим тысьча притчаез и книга Екклезиает. Кывзыны сывись мудрось и виǯетны сывись богатсвовö воввисö ывисянь. Сиǯьöжö воввис этыввö жö Савейскöй царица. Кöр съия кывзъис сывись баитöм и аǯǯивис богатсво, шувис: «ме эг верит сывö, мый висьтависö меим тэпонда; но öнъи аǯǯа, што меим эз висьтавö и ӂынсö, мый ме аǯǯиви ачим».

Ерусалимын Соломон керис ыӂыт и богатöй вичкув Енвö. Вичкув этö керисö сизим ӂыньен год. Уӂависö сэтöн 180,000 морт. Сы украшöньевö мунъис уна золото и серебро. Эсся Соломон ешö керис Ерусалимын уна мöдъи ыӂыт керкуввез и садитъис саддез. Сывöн царсводырна еврейскöй отир овис часлива.

Соломонвöн уна вöвисö иньнез; мукöдныс ныись вöвисö идовопоклонничаез. Соломон керис ны понда уна идольскöй вичкуввез, и мукöдпора ачис ветвис ныкöт. Эты понда Ен висьтавис сывö, што сывöн царсво̀ янсöччас кыквö и ыӂыт чась сеччас мöдъи родвö. И дейсвительно сывöн кувöмбöрын еврейскöй сарсво янсöччис кыквö. Этъик ныись, ыӂытжык, пондъис шувсины Израильскöен, а мöдъик, учетжык, Iудейскöен. Бöрьявын воис царен зон Соломонвöн, Ровоам нима.

Пророккез понда

Еврейезковасын вöвисö морттез, кöдна шувсисö пророккезöн. Съиǯ эна морттез шувсисö сысянь, што висьтаввисö оǯжык, особенно висьтаввисö Iисус Христос йывись. Эсся ешö пророккез вевöтъисö отир бур овöмвö, кöритъисö нъие греккез понда, утешайтъисö благочестивöй морттезöс и керöмась чудоез. Мöднеж, кервисö сэӵӵöм девоез, кöднö токон туе керны Ен отсавöмдырни. Пророккезъись особенно замечательнöесь: Илiя, Елисей, Данiл нимаöсь.

Пророкъ Илiя

Пророк Илья особенно воис замечателен съиен, што вовьяöн вöви босьтöм енвевтвö. Öтпыр съия асвас вевöччиськöт, Елисей нимаöн, мунъис туйвöт. Съия тöдъис, што чожа воас вовьен босьтöм енвевтвö, и шувис Елисейвö: «кычеǯ ме ешö тэкöт, кöр меньчим мый мöдан, медбы ме кери тэ понда». Елисей шувис сывö: «пророческой дар, кöда эм тэят, ась воас меям кык мымда». – «уна тэ коран, – шувис сывö Илия, – но кыǯи аǯǯиван, кыǯ ме воа босьтöм енвевтвö, воас тэсертъи, а кыǯи он – оз вов». Кöр нъия мунъисö и баитъисö, вдруг бия келега и бия вöввез босьтъисö Илiяöс, и съия пондъис ывавны енвевтвö. Кöр Елисей аǯǯивис этö, пондъис чирзыны: «келега Израильвöн и вöввез сывöн (мöднеж зашшытник израильскöй отирвöн)!» сыбöрын Ильяöс эзни понды тыдавны. Елисей горесянь косевтъис асьсис паськöм. Эта пора усис сы коккездынö вевдöрись паськöм Ильявöн, мый означайтъис, што Елисей получитъис съие мый жавайтъис.

Илiя овис израильскöй царсвоын. Сывöн овöмдырни царен вöви Ахав, цар öдден нечестив. öтпыр Илiя Ен ӵектöмöт, воктö Ахавордö и шувö: «Ен нимсянь шува ме тэит, што чожа оз вов не зэр не пуж, кычеǯ ме ог висьтав». Этыберсянь Илiя мунъис öтъик шордынö, кыче кырнышшез асывон и рытöнъ ваяввисö сывö сёян – нянь, яй. Кыǯ висьтавис Илiя Ахаввö, съиǯ и воис: зэр и пуж эз вов, мыйсянь воис засука, а засукасянь ӵыг пора. Засука вöви сыыжда, што шор, кöдыдынын овис Илiя, косьмис. Сэк Ен ӵектъис мунны Илiявö Сарепта городö. Илiя мунъис. Кöр съия воктъис городынö, аǯǯивис инька, кöда öктъис пес. Илiя висьтавис эта инькавö: «Вай меим ювны». Кöр съия мунъис ювöмвö, Илiя пондъис чирзыны сысерö: «вай меим ешö и нянь кусöк!» Инька висьтавис сыво: «Меям абу и этъик пöжавöм нянь, а эм токон кырыммымда пизь, да невна ви; то ме öкта пес, пöжава эта пизись нянь, сея съие зонкöт и сыбöрсянь кувам». Илья висьтавис сывö: «мун, пöжав меим эта пизись нянь, а асвыт зонкöт пöжаван послежык. Ен шувö, што пизь и ви тэят оз чин, кычеǯ оз понды мунны зэр». Инька веритъис сывö, мунъис, пöжавис сывö нянь и ваис. но съиен жö пöтъис ачис и зон сывöн. Не пизь, не ви сывöн дейсвительно эзö чинö и эзöна пондö. Илья кольччис овны эта инькаордын. Зон сывöн öтпыр пондъис шогавны и кувис. Илья юрбытъис сыпонда Енвö, и съия вовзис.

Кöр начао засукасянь чувавис куим год. Ен ӵектъис Илiявö вились мунны Ахавордö и висьтавны нывö, што чожа пондас мунны зэр. Кöр Ахав аǯǯивис Илiяöс, висьтавис сывö: «этö тэ растраивайтан израильскöй отъирöс!» Но Илья висьтавис сывö: «не ме, а тэ и семья тэят, сысянь што тъие вунöтъит истиннöй Енöс и свужытат идов Вааввö. Сыбöрын Илiя ӵектъис Акаввö öктыны отир и 950 жреч Вааввöн. Ахав öктъис. Илiя висьтавис отирвö: «вае кык кукань и ась жреччез Вааввöн босьтасö öтъикö, керавасö съие торрезвö, пуктасö песвö, а би озö; ме босьта мöдъикö и кера съие жö, Ась жреччез Вааввон корасö асвас енöс, а ме – Ассимöс. Кин ыстас би жертвавö, съия и эм истиннöй Ен». Отир согласиччис. Жреччез Вааввöн пуктъисö асьсис куканес песвö и пондъисö корны Ваавöс. Чирзисö нъия вунтыр, а би нывö Ваав эзна ысты. Сэк Илiя öктъис отир, босьтъис даскык из, керис ныись жертвенник, пуктъис сыввö пес, торьетъис асьсис куканес, пуктъис нъие пес вывö и гарьис жертвенник гöгöр канава. Сыбöрын ӵектъис вайны даскык ведра ва киськавны Жертвенник. Кöр ва вöви кисьтöм жертвенниквö, канава тырис ваöн. Сыбöрын Илiя пондъис юрбытны Енвö, медбы Съия ыстъис би сы жертваввö. Вдруг енвевтсянь веччис би и сотъис жертва, пессъез, иззэз и нельки сотчис му. Сэк отир усис муввö: «Ен Илiявöн эм истиннöй Ен!» – и Илiя ӵöктöм начкывны жреччез Вааввись. Чожа этыбöрсянь енвевтвын вептъисьöмась кымöррез и пондъис мунны зэр.

Пророк Елисей

Пророк Елисей известен асвас чудоезöн, Воктъис съия öтъик городö. Отир жавуйччис сывö, што нывöн ва умöль и му. Елисей чапкис нывöн ваö сов, и ва воис бур, и му пондъис шогмöтны.

Елисейвöн юрвын вöви еӵа юрси. Öтпыр челядь петъисö сывö паныт и чирзъисö: «вок, юрситöм, вок!» Елисей ердъис нъие этыпонда. Сэк вöрись петъисö кык ош и сеисö нельдаскык.

Öтъик инька воктъис сыордö и висьтавис: «женикö кувис и колис довг. Съия, кöдывö съия вöви должон, мöдö этъи понда босьтны меньчим кык зон,» Елисей ювавис съие: «мый тэят эм гортын?» Съия висьтавис, што сывöн эм ви да и съия еча. Елисей ӵöктъис сывö корны унажык суседвись доззэз, пöднасьны гортын и кисьны асвас дозъись ны дозйö ви. Дöва öктъис доззэз, пондъис кисьны асвас дозъись – и тыртъис быдöс доззэсö. Съия вузавис этö ви, мынтъис довг, да и асвыс сывö кольччис зоннэзкöт верданвö.

Öтъик инькавö Елисей висьтавис, што съия ваяс зон. Съия вöви кагатöм. Зон сывöн дейсвительно чужис. Кöр съия вöви-ни порадошнöй зонкаокöн, пондъис шогавны и кувис. Елисей юрбытъис сыпонда Енвö, мышкырччис сыввын – и съия вовзис.

О́тъик морт ваис Елисейордö кыкдас ярушник. Елисей ӵöктъис нъие сетны сто морттэзвö. Свуга сывöн висьтавис: «мый ме эстъись сета сто морттэзвö?» Елисей висьтавис сывö: «сет! Ен шувö: пöтасö и кольччас». И действительно, пöтъисö сто морт, и эшö кольччис.

Военачальник Сирiйскöй царвöн, Нееман нима, вöви шог проказаöн, быдöс яй сывöн орсявис. Сывöн вöви служанка – еврейка. Эта служанка öтпыр висьтавис иньвö Нееманвöн; «кыǯ бы меям господин ветвис еврейскöй муö прöрок ордö, то съия бы веськöччис». Инь Нееманвöн висьтавис этö асвас жениквö, и съия мунъис Елисейордö. Кöр съия воктъис Елисейордö, съия ӵöктъис сывö сизимись вöтишсины Iордан рекаын. Кöр Нееман кывис этö, висьтавис: «ме чайтъи, што пророк петас медынö, пуктас меввö кийез, корас Асьсис Енöс и веськöтас; неужели миян ваез умöльжыкöсь Iорданся?» и мунъис бöр. Слугаез сывöн ӵöктъисö керны, мый шувис пророк. Нееман керис этö и веськавис. Кöр Нееман аǯǯивись этö чудо, воктъис Елисейордö и висьтавис: «ме тöдъи öнъи, што абу быд муöт сэӵӵöм Ен, кыǯ еврейскöй» и ваис Елисейвö козин. Елисей эз бось и веǯис съие гортö.

Свуга Елисейвöн, Гiезiй нима, жалейтъис, што Елисей нем эз бось, вöччис Неемансерö и висьтавис сывö: «меям господинордö воктъисö кык ученик, и съия ныпонда корö деньга (рублей 1500 гöгöр) и кык паськöм. Нееман сетъис сывö, Гiезiй ǯебис этö и воктъис Елисейордö. Пророк ювавис съие: «кысянь тэ?» Съия висьтавис: «ме некытöн эг вöв». Елисей висьтавис сывö: «севöмö меям вöви тэкöт, кöр тэ ветвин Нееманордö… ась жöн висян сывöн воас тэввын». – и Гiезiй петъис сыордсянь шог, чочком кыǯ вым. Мöдъи годö Елисей кувöмбöртъи, могивадынöт, кöдаын вöви ǯебöм съия, нöбöтъисö кувöмöс. Кöр аǯǯивисö, што нысерö вöччöны непрiятельлез, чапкисö, поконикöс. Съия усис Елисей коскаезвö и вовзем.

Усем iудейскöй и израильскöй царсвоезвöн

Совомон кувöмбöртъи еврейез пондъисö вунöтны истинöй Енос и пондъисö почитайтны идоввезöс. Ен дыр пророккезöт корис нъие исправиччыны. Нъия эзö веськавö. Сэк Ен накажитъис нъие: израильтянаöс сетъис ассирiйскöй отирвö, а iудейезöс вавивонскöйвö.

Пророкъ Данiилъ

Пророк Данiил овис iудейезкöт Вавилонын. Босьтъисö съие ешö зонкаокöн. Царь вавилонскöй Навуходоносор ӵöктъис съие быттыны öтваын вавилонскöй зонкаоккезкöт. Съия вöви вежöра и вевöччис мед бура. Кöр съия веваис, Навуходоносор колис съие асдынас.

Данiил особенно просвавиччис висьтавöмöн Навуходоносорвö вöтöн и спасеньеöн леввезсянь.

Öтпыр Навуходоносор аǯǯивис вöт, но асывон вунöтъис съие. Съия корис быдöс вавилонскöй мудреччезöс и ӵöктъис нывö висьтавны вöт. Но мудреччез керны этö эзö вермö. Етыпонда Навуходоносор ӵöктъис быдöннысö нъие вийны, ныковасын вöви и Данiил. Кöр Данiил тöдъис öтö, корис сарöс виччисьны и мöдъис висьтавны сывö вöт. Царь согласитчис. Данiил юрбытъис Енвö, и Съия осьтъис сывö вöт Навуходоносорвись. Данiил благодаритъис Енöс, мунъис царордö и висьтавис сывö: «царь, тэ рытöн думайтъин, мый вöас тэбöрын. Ен этö мыччавис тэит вöтын. Съия и меим известитъис тэнчит вöт. Тэ, цар, аǯǯивин ыӂыт яй срашнöй рожакöт. Юр эта яйвöн вöви зовотой, морос и киез серебрянöесь, кынöм и лядвейез кöртовоесь, коккез мукöдваöт кöртовоесь, мукöдваöт сеевöесь. Сыбöрын тэ аǯǯивин, што кэрöссянь торьясис из, вартъис коккез–кузет яйвö и пазöтъис съие. Вебис тöв и нöбöтъис быд бус сывись. Из керсис ыӂыт керöсöн и вевттис асьнас быд му». Сыбöрын Данiил висьтавис сывö, мый означайтö эта вöт. Юр означайтö Навуходоносорöс, а мöд торрез мöдъи нель сарство, кöдна воасö сыбöрын. Из жöн Христос Спасителес. Кöр Навуходоносор тöдъис асьсис вöт, усис муввö и ошкис истиннöй Енöс, а Данилöс керис первöй начальникöн.

Навуходоносор кувöмбöртъи вавилонскöй царсво босьтъисö Мидяна и Персез. Дарiй, цар персидскöй, кöр тöдъис Данивöс, öдден пондъис любитны съие. Персидскöй начальниккезвö эта вöви нелюбо и нъия мöдъисö погубить Данивöс. Некыӵöм вина Данивсаин эз вöв: нъия пондъисö хитритны. Нъия воктъисö Дарiйердö и шувöны: «тэят начальниккез согласиччöмась, медбы тэ ӵöктъин быд асват отирвö куимдас вун некинвись нем не корны, дажö еннэзвис; кыǯи жö кин öз кер этö, съие ӵöкты чапкыны ямаö леввезвö». Нъия тöдъисö, што Данiил оз дугды юрбытны асвас Енвö. Дарiй согласиччис. Данiил тöдъис этö, но эз дугды юрбытны Енвö. Кажнöй вун съия куимись юрбытъис ышынсянь сыване, кытöн вöви Iерусалим. Враггез висьтависö этö Дарiйвö. Кöр Дарiй кывис этö, сывö öдден жаль вöви Данивöс, но всетаки ӵöктъис съие чапкыны леввездынö. Етыбöрсянь Дарiй эз усь ойбыт и все думайтъис Данивпонда. Оǯ асывöн мöдъи вунö съия воктъис ямадынö и чирöстъис: «Данив! Ен, Кöдывö тэ юрбытан, спаситъис я тэнö леввезсянь?» Данiил вöви вовья и висьтавис сывö: «Ен ыстыс медынö Ангелöс, и съия берегитъис менö, сысянь што эз аǯǯы менö виновнöен Ас весьтас, да и тэвесьтын ме, царь, абу виноват». Царь öдден гажавис, кöр кывис шы Даниввись и ӵöктъис чожык петны сывö ямасянь, а враггезöс сывись иньнезöн и челядькöт чапкыны эта ямаö. Леввез нъие сэк жöн летъисö. Етыбöрсянь Дарiй ӵöктъис, медбы отир сывöн быдöс веруйтъис Данив Енвö.

Данив висьтавис еврейезвö, што Спаситель чужас 490 годов бöртъи, нывöн освобоженесянь вавилонскöй пленъись.

Куим друг Данiиввöн: Ананiя, Азарiя и Мисаил

Данiиввöн вöви куим друг: Ананiя, Азарiя и Мисаил нимаöсь. Нъия тожöн вöвисö iудейез и быдмöмась ӵöӵ Данивкöт, а сыбöрын вöвисö начальниккезöн вавилонскöй муын. Öтпыр Навуходоносор сувтöтъис ыбвын зовотой бовбан, öктъис отир и ӵöктъис сывö кевмисьны, а кин оз, нъие чапкавны жара горö. Быдныс кевмисö, эзö токон Ананiя, Азарiя и Мисаил. Навуходоносорвö висьтависö этö. Съия корис нъие асдынö и ӵöктъис неприменно керны съие, мый ӵöктъис съия. Нъия висьтависö сывö, што эм Ен енвевтвын, и Сывö öтъиквö кевмисьны. Навуходоносор вöгасис ныввö, ӵöктъис вонтны гор сизим жара и чапкыны нъие сеччинь. Приказ сывись исповнитъисö. Но Ен эз веǯ погибнуть нывö. Съия ыстъис ныдынö Ангевöс и сокранитъис нъие бисянь. Горын нъия ветвöтъисö и сивисö бур шы Енвö. Кöр Навуходоносор аǯǯивис нъие гор пыӵкын ветвöтöммезöн и ешö нелетöс ныкöт (Ангевöс), висьтавис асвас начальниккезвö: «не куим морт я мие чапким горö?» Нъия висьтависö: «куимö». Навухадоносор висьтавис; «А ме аǯǯа неле, нелет ныись вачкисе Ен Зонвö». Эна шыезбöрсянь съия воктъис гордынö и висьтавис: «петö!» Нъия петъисö ǯоньнеöн. Навуходоносор ныдырни кевмисис истиннöй Енвö, сэксянь эз ӵöкты некинвö серавны Енвын Ананiя, Азарiя и Мисаилвöн. Асьнысö жö нъие ешö öдденжыка вептъис.

Маккавейез

Двисти годов Iисус Христос чужöмся оǯжык еврейез вöвисö покоренöсь греккезöн (отир). Öтъик цардырни, Антiох Епифандырни, нывö овны вöви öдден умöль. Эта Сар ӵöктъис нывö кевмисьны бовбаннъезвö, а кин эз кэр этö, съие вийвисö. Эта еврейезковасын овис öтъик праведнöй морт, Елезар нима. Сывö вöви öкмысдас год. Язычниккез öтпыр вашöтъисö съие бовбандынö и ӵектъисö сывö сейны яй, кöдö вайвисö бовбанвö. Елеазар эз сей. Сэк сывö висьтависö, што сэччэ пуктасö мöдъи яй, и медбы съия сеис съие. Съия этыввö висьтавис нывö: «меям годдэзö я керны этö! кыǯи ме, пöрисьморт, грешыта Ен весьтын, мый воас томмезкöт? Нъия месерсянь сиǯжö грешытасö. Кыǯ ме спасичча тъиян мукасянь, то ог спасиччи Ен судсянь!» Етыбöрсянь съие виисö.

Ачис Антiохдынö ваетъисö öтпыр инька, Соломония нимаö, сизим зонкöт. Кватес ныись сыпонда, што нъия езö сее порсь яй, кöда вöви нывö запретитöм законöн, öтъикöн кувöтъисö биввын. Учет зонвö Соломонiявöн Антiох обешшайтъис богатство́, кыǯи токон съия сеяс порсь яй. Етыдырни Антiох корис Соломонiяöс уговаривайтны зонöс. Соломонiя же пондъис корны зонöс, медбы съия эз кывзы Антiохöс, а вучше бы кувис, кыǯ кувисö и воннэз. Кöр съия баитъис этö, зон сывöн висьтавис: «мыи́ ешö виччисят? ме ог кывзы царес!» Антiох вöгасис этыввö и ӵöктъис съие кувöтны. Сыбöрын кувöтъисö и Соломонiяöс. Эна мученниккез шувсены Маккавеизöн.

РАЗСКАЗЫ ИЗЪ СВЯЩЕННОЙ ИСТОРIИ НОВАГО ЗАВѢТА

Чужöм Ен Чужöтъисьвöн

Еврейскöй карын (городын) Назаретын овис öтъик праведнöй морт Iоаким нима асвас инькöт Анна нимакöт. Iоаким и Анна вöвисö пöрисьöсь ни, а челядь нывöн эз вöв. Нъия корисö öдден Енöс, медбы Съия сетъис нывö кага, кöдö мöдъисö сетны вичкувö Ен свужытöмвö. Ен кывис нывись кевмöм и сетъис нывö ныв. Iоаким и Анна нимтъисö съие Марiяöн. Сысянь и чужис жениктöг Спаситель, Кöдö Ен кöсъис Адамвö и Евавö.

Чужöм Ен Чужöтъисьвöн празднуччö 8 сентябрьинъ.

Тропарь праздниквö

Чужöм Тэят, Ен чужöтъисе, гажöтъис быд му: Тэись чужис Шондъи правдавöн Христос Ен миян, Кöда раӟис ёрдöм, сетъис благосвовеннё, и вермöм кувöмöс, сетъис миянвö пыр овöм.

Пыртöм вичкуö

Кöр Марiявö, Ен Чужöтъисьвö, воис куим год, ай и мам Сывöн öктъисö асьсис росвенничаес и ныкöт нувöтъисö Съие Вичкуö. Вичкувын Съие пантавис первосвящöнник и, Ен ӵöктöмöн, пыртъис Съие Автаре, кыче ачис вермис пыравны токон öтпырисен годöн. Ныв Марiя кольччис овны вичкувын инькаезкöт, кöдна овисö татöн и свужытъисö Енвö. Кöр Марiя овис Вичкувын, юрбытъис Енвö, выддис свящöннöй книгаез и уӂавис.

Вичкувын Ныв Марiя овис даснелеǯ годöǯ. Кöр Сывö тырис даснёль год, Сывö законöт ковис петны Вичкувись асвас ай мамордö. Ай мам эта пора ни кувисö Сывöн; мыйся священниккез мöдъисö сетны Съие жениксае. Но Марiя висьтавис, што Съия сетъис Енвö обешшанье – пыр овны нывöн. Сэк священниккеэ сетъисö съие öтъик стариквö, Iосифвö. Iосиф плотьничайтъис и овис Назарет карын.

Пыртан Вичкуö Ен Чужöтъисьвöн празнуччö 21 ноябрын.

Тропарь праздниквö

Таун Ен мивосьвöн оǯǯа тöт, ювöртöм отирвö спасеньё: Ен вичкувö воктö Ныв и Асвас воктöмöн кöсйö чожа воктöм Христосвись. Сывö и мие горöччам: радуччи Керисьввöн (Создательвöн) стараньё воöм.

Благоовещенiё Ен Чужöтъисьвö

Кöр Пресвятöй Ныв Марiя овис Iосиф керкувын, Сыордö мыччасис Архангел Гаврiил и шувис: «радуччы бвагодатнöй! Ен Тэкöт! Благословенна Тэ иньнезковасын!» Ныв Марiя повзис эна шыезсянь. Но Архангел висьтавис Сывö: «то Тэят чужас Зон, и Тэ нимтан Съие Iисусöн; Съия воас Зон Енвöн, воас царен быд муввын и Сывöн Царсвовö оз вов пон!» Ныв Марiя висьтавис Архангелвö: «кыǯ эта воас, кöр меям абу женик?» Архангел шувис Сывö: «Вов Святой веччас Тэввö, и вын Енвöн вевтяс Тэнö, мыйсянь и чужöм Тэсянь шувсяс Зонöн Енвöн. То и Елизавета, Тэят росвеннича, кватет мисеч ни новьетö занöс; Енвöн озна кольччи вынтöг некыӵöм шы». Сэк Ныв Марiя висьтавис сывö; «Ме морт Енвöн; ась воас съиǯ, кыǯ тэ висьтавин Меим». А Архангев мунъис Сыдынсянь.

Благовещöнiе Пресвятой Ныв Марiя празнуччö 25 мартын.

Тропарь празниквö

Таун миян спасеньёвöн пондан и воöм тайнавöн, кöда вöви вöсьöтöм быдся оǯ: Зон Енвöн, Зон Ныввöн воö и Гаврiил (Архангел Гаврiил) бурювöр висьтавö. Сысянь и мие сыкöт (Гаврiилкöт) Ен чужöтъисьвö горöччам: радуччи, благодатнöй, Ен Тэкöт.

Чужöм Iисус Христосвöн

Öтпыр пресвятой Ныв Марiя Iосифкöт мунъисö Виѳлеем карö. Мунъисö нъия тачче гижсины. Iисус Христос чужöм оǯжык еврейез вöвисö покоренöесь римскöй отирöн. Римскöй царь мöдъис тöдны, мында сывöн отир, мый понда кажнöй довжон вöви мунны асвас карö и гижсины. Кöр Пресвятой Ныв Марiя и Iосиф воктъисö Виѳлеемö, керкуввез вöвисö ни тыраöсь. Пресвятой Ныввö Марiя воис пора вайны кага. Кöр Iосиф и Марiя эзö аǯǯö места Виѳлеемын, мунъисö öтъик керöс ковасö, кöда вöви неывын Виѳлеемсянь, кöда свужытъис картаöн подавö. Ета керöс ковасын Марiя и ваис Iисус Христосöс. Съия пеленайтъис Съиö и пуктъис еслиö.

Спаситель чужöмпонда мед оǯ тöдъисö Виѳлеемскöй пода караулитъисьсез. Сы пора, кöр чужис Iисус Христос, нъия вöвисö ыбвын асвас подакöт. Вöви ой. Вдруг нывö мыччисис Ангелъ Енвöн. Пода караулитъисьсез повземась сысянь. Ангелъ висьтавис нывö: «эд повö! Ме мыччиси гажöтны тъиянöс: Виѳлеемын чужис Спаситель, Кöда эм Христос Ен. Тъие аǯǯат Съие еслиын пеленаеǯö каттемö». Сыбöрын пода караулитъись сывесьтын воисö мöдъи Ангелвез, Кöдна сьывисö Ен писняез: «Бур шы вывын Енвö и муввын бур пора: отирковасын благоволенiе». Сыбöрын быд Ангелвез öшисö. Пода караулитъисьсез висьтависö öта мöднысвö: «мунамö Виѳлеемö и виǯöтам, мый сэччинь воис». Нъия мунъисö, пырисö гор ковасö и аǯǯисö сэччинь Кага Христосöс, пеленаезöн каттемö. Пода караулитъисьсез юрбытъисö Сывö, кыǯ Енвö, и висьтависö Ныв Марiявö быдöс, мый кывисö Ангелвезсянь. Сыбöрын нъия мунъисö бöр ыбвö и свавитъисö Енöс быдпонда, мый кывисö и аǯǯивисö.

Чужöм Христосвöн празнуйччö 25 декабрин.

Срича вун

Кöр Iисус Христосвö тырис нёльдас вун, Пресвятой Ныв Марiя и Iосиф ваисö Съие вичкувö. Вичкувын нъие пантавис öтьик праведнöй морт, Семен нима. Сывö Енсянь вöви шувöм, што съия оз кув, кычеǯ оз аǯǯив Спасителес. Кöр Iисусöс ваисö вичкувö, съия тöдъис съие и висьтавис: «Öнъи веǯан мортöс Тэнчит, Енö, Тэят шыöт, сысянь што аǯǯивисö менам синнэз Спасенье Тэнчит, кöдö Тэ заптъин быд отирпонда». Сыбöрын Семен сетъис Iисус Христосöс Ныв Марiявö и шувис Сывö: «Тэят Зонпонда унаöсь пондасö споритны; мукöдныс веруйтасö и спасиччасö, а мукöдныс озö. Тэит Асвыт эта пора съиǯ воас секыт, кыǯ бытьтöн Тэнö шучкöп быӵкасö мечен».

Вичкувын сыпора вöви ешö öтъик дöва, Анна нима. Съия пыр овис вичкувдынын. Кöр съия аǯǯивис Iисус Христосöс, ошкис Енöс, а сыбöрсянь пондъис висьтавны Iисус Христос чужöмпонда быднысвö, кöдна виччисисö Съиö.

Срича вун празнуйччö 2 февралин.

Тропарь празниквö

Радуйччы Ен Чужöтъись Нывö, сысянь што Тэись вирдöм Шондъи правдавöн Христос Ен миян, Кöда югдöтö пемытъинын овöммезöс; гажöччи и тэ, праведнöй старик морт, босьтöм киезвö Спасителес миян воввезвись, сетъисьöс миянвö овöм.

Кеймöм мудреччезвöн Спасительвö и вием кагаезöс Виѳлеемын

Кеймисьны чужöм Спасительвö воввисö и ывисянь мудреччез. Нъия воктъисö Iерусалимö и ювависö: «Кытöн чужис Царь iудейскöй? Мие аǯǯивим Сывись звезда асывванись». Iисус Христос чужöм оǯын ешö пророк Валаам висьтавис отирвö, што Сывöн чужöмдырни мыччисяс звезда. Мудреччез тöдъисö этö, и кöр аǯǯивисö виль звезда, мунъисö Iерусалимö. Эта пора еврейезвöн царен вöви Ирод Идумеянин – мöдъи отирись, сувтöм римскöй царен. Кöр съия кывис, што еврейезвöн чужис асвас царь, повзис: съия думайтъис, што эта чужöм царь мырддяс сывись власть. Съия öктъис быдöс вевöтöм еврейскöй отир и ювавö нывись: «кытöн должен чужны Христос?» Нъия шувисö, што Христосвö должно чужны Виѳлеемын. Сэк Ирод гусен корис асдынö мудреччезöс и юваис нывись, кöр мыччасис звезда, и шувис нывö: «мунö Виѳлеемö и тöдö, кытöн чужис Христос, а кöр тöдат, воктö и висьтавö меим, и ме муна кеймися Сывö». Ирод совсем эз мöд кеймисьны Сывö, а мöдъис вийны. Мудреччез мунъисö. Звезда, кöдö нъия аǯǯивисö асыввын, мыччисис нывö и мунъис ныоǯин. Съия мунъис сэччöǯ ныоǯин, кыччöǯ эз воктö керку весьтö, кытöн вöви Пресвятой Ныв Марiя Iисус Христоскöт. Мудреччез пырисö эта керкувö, и кöр аǯǯивисö Христосöс, кеймисö Сывö и ваисö козиннэз: зовото, серебро, вадан и смирна (бур дука мавтан). Этыбöрын нъия мöдъисö мунны Иродордö. Но Ангел Енöн мыччисис нывö вöтын и эз ӵöкты мунны Иродордö, а мунны гортö мöдъи туен. Мудреччез съиǯ и керисö.

Кöр Ирод тöдъис, што мудреччез мунъисö мöдъи тует, съия ӵöктъис вийны быд кагаезöс Виѳлеемын и сыгöгöр кык годсяеö и учетжыккеö. Съия думайтъис, што ныковасын сюрас и Iисус Христос. Воиннэз виисö даснёль тысьча кага. Iосиф и Пресвятой Ныв Марiя Iисус Христоскöт этапора пышшисö Египетö, кытöн овисö Ирод кувтöǯ.

Iоан Креститель (Пыртъись)

Этъик iудейскöй карын овис поп Захарiя асвас инькöт Елизаветакöт. Нъия вöвисö отир набожнöесь. Нъия вöвисö пöрисесь, а челядь нывöн эз вöв. Нъия корисö Енöс, медбы Съия сетъис нывö кага. Ен кывис нывись кеймöм и ыстъис Захарордö Архангел Гаврiилöс висьтавны, што сывöн чужас зон. Захарiя эз верит Ангелвö. «Кыǯ ме тöда этö? Ме эд пöрись и ине пöрись?» шувис Архангелвö Захарiя. Архангелъ шувис сывö: «ме ыстöм Енсянь, висьтавны тэит этыпонда; сыпонда, што тэ эн верит меим, воан кывтöм сэччöǯ, кычöǯ тэят оз чуж зон». Захарiя сэк жöн керсис кывтöмöн. Кыǯ висьтавис Архангелъ, съиǯ и воис: Елизавета ваис зонöс. ямыс вунö родственниккез Захарвöн и Елизаветавöн воктъисö ныордö. Нъия мöдъисö съиö шуны Захарöн, кыǯ шувисö и аес. Но Елизавета шувис, што съие ковö шуны Iоанöн. Ювависö этыпонда Захарвись. Съия вöви сё ешö кывтöм, корис пöвок и гижис: «Iоаннъ ним сывö». Кöр гижис этö, пондъис баитны и ошкыны Енос».

Iоан учöтсянь овис пустыняын. Сёис татöн бöб ма и саранча, паськöм новьис верблюд вурунъись, кушакасис кучик йыöн. Кöр сывö тырис куимдас год, Ен ӵöктъис сывö мунны Иöрдан вывö и вöсетны отирöс сричавö Спасителес. Iисус Христосвö эта пора вöви кыкдас öкмыс ӂыньен год. Iоаннъ воктъис Iорданвö и шувис отирвö: «каиччö асваныт греккезын: воктъис царсво Енвöн». Кин отирись каиччис, съие Iоаннъ пыртъис Iорданын.

Отир ювавис Iоанöс: «мый жöн миянвö керны?» Iоан баитъис сывö: «кинвöн эм кык паськöм, съия ась сетö öтъикö сывö, кинвöн абу; кинвöн эм сёян, ась керö съие жöн», Сборшыккез ювависö съие: «ученьшык, мый миянвö керны?» Нывö съия баитъис: «эдö босьтö некинсянь унаджык». Уна и мöдъикö съия баитъис отирвö, вевöтъис съие.

Пыртöм Iисус Христосöс

Кöр Iисус Христосвö тырис куимдас год, Съия воктъис Iорданвö Iоанордö и корö, медбы Iоан пыртъис Съие. Iоан виǯис Съие и баитъис: «меим ковö пырччины Тэсянь, и Тэя воктан медынö». «Коль öнъи», – шувис сывö Iисус Христос, – «сысянь што миянвö ковö керны сякöй правда». Сэк Iоан пыртъис Съие. Кöр Iисус Христос петъис ваись, юрбытъис Енвö. Сыпора сывевдöрынъ осьсис енвевт и Дух Святой ду̀дъикоден веччис Сыввö, а енвевтсянь кывсис шы Ен Айвöн: «Съия эм Меям Зон любöй, Кöдаын Меям благоволеньё».

Iисус Христос пырччис не сысянь, што нуждайччис пыртанын, а сыпонда, медбы светитны пыртан и Асвас примерöн мыччавны отирвö, што нъия довжны пырччины и весöччины греккезсянь.

Крешшенье празнуччö 6 январин. Съия шувсе ешö Енмыччасемöн, сысянь што эта вунö мычасис отирвö быдöс Пресвятой Троича: Ен Ай баитъис енвевтсянь, Ен Зон пырччис, а Ен Дух Святой веччис Iисус Христос выö дудъикоден.

Тропарь празниквö

Кöр Тэ, Енö, пырччин Iорданын, сэк осьсис кевмöм Пресвятой Троичавö: сысянь што шы Тэят Айвöн свидетельствуйтъис Тэпонда, шувöм Тэнö возлюбленнöй Зонöн и Дух Святой дудъикоден утвержайтъис шыэз Айвись: мыччисем Христос Ен и быдöс просветитöм бур шы Тэит.

Овöм Iисус Христосвöн пыртанбöрын и Сывöн вевöччиссез

Асвас пыртанбöрын Iисус Христос мунъис пустыняö и сэччинь нельдас вун юрбытъис Енвö. Сыбöрын Съия куим год ӂыньен гöгöр ветвöтъис еврейскöй каррезöт, вевöтъис отирöс веруйтны Сывö кыǯ Ен Зонвö и овны праведно. Етыдырни Съия керис уна чудоез. Сывöн вöвисö вевöччисьсез, мукöдныс ныись шувсисö апостолвезöн, мöднёж, посланниккезöн. Съиǯ нъия шувсисö сысянь, што Iисус Христос ыстыввис нъие гöгöр вевöтны отирöс. Самöй замечательнöй вевöччисьсез Сывöн даскык: Петръ, Андрей, Iаков, Iоан, Филип, Варфовомей, Фома, Матѳей, Симон, Зилот, Iаков Алфеев, Iуда Iаковлев и Iуда Искорiотскöй нимаöсь.

Нёляöсь ныись гижисö и колисö миянвö евангелiё, кöдаын гижсе быд овöм Iисус Христосвöн. Вевöччисьсез эна: Матѳей, Марк, Лука и Iоан, кöдна шувсены евангелиссэзöн. Мукöдныс ныись гижисö и колисö миянвö апостольскöй ыстöммез.

Чудоез Iисус Христосвöн

Свадьба Канаын

Первöй чудо, кöдö керис Iисус Христос, вöви керöм вина свадьбавын Кана карын.

Еврейскöй карын Канаын вöви свадьба. Эта свадьбаввö корисö Iисус Христосöс Мамкöт и вевöччисьсезкöт. Свадьбадырни жениквöн эз суǯ вина. Эн Чужöтъись тöдъис, што Iисус Христос вермас отсавны жениквö, воктъис Сыдынö и шувис: «вина эз суǯ нывöн». Iисус Христос шувис Сывö: «ешö эзна вок час Меям». Вина ешö вöви, а сысянь Iисус Христос и шувис, што эзна вок ешö час Сывöн». Пресвятой Ныв Марiя воктъис жöник свугаездынö и ӵöктъис нывö керны быдöс, мый ӵöктас нывö Iисус Христос.

Еврейезвöн вöви обычай кажнöй воктöм госьвö или вевöтъисьвö миськавны коккез, а сысянь кажнöй еврейскöй ыбöсдынын сувависö доззэз ваöн. Iисус Христос шувис слугаезвö: «тыртö доззэз ваöн». Слугаез тыртъисö. Сэк Iисус Христос ӵöктъис нывö гумавны доззэзъись и нöбöтны пир начальникдынö. Пир начальник пешвис и аǯǯивис, што эта вина буржык оǯǯася; съия эз тöд кысянь босьсис вина, корис асдынö женикöс и шувис сывö: «быдъ морт удавö гöсьсезвö оǯжык бур вина, а кöр коǯǯасö, сэк удö умöльжыкö, – а тэ бур вина виǯин öнöǯ?» Сэк осьсис, што Iисус Христос керис ваись вина, и веруйтъисö Сыö вевöччисьсез Сывöн.

Веськöтöм шогавöмöс баля купальнадынын

Ерусалимын вöви купальна. Эта купальнадынын вöви вит жыр, кытöн куйвисö шогавöммез. Мукöд пораöт Ангелъ Енвöн веччивис эта купальнаö и гудыртвис сыын ва. Кин первöй веччивис ваö, Ангелъ ва гудыртöмбöрын, съия петвис здоровöен. Шогавöммез сысянь сэтöн и куйвисö. медбы веччивны купальнаö, кöр сыын гудырччас ва. Татöн вöви öтъик шог – рослабленнöй, кода шогавис куимдас öтъик ямыс год. Öтпыр Iисус Христос пырис эта купальнаö, воктъис раслабленнöйдынö и ювавис съие: «мöдан-я вовны здоровöен?» Шогавись висьтавис Сывö: «мöда, Енö, но абу сэӵöм морт, кöда бы веǯис менö купальнаö чожык гудырччем вабöртъи; ачим жöн ме огна ешты веччины сэччинь оǯжык мöднысся». Iисус шувис сывö: «чеччи, бось ольпась тэнчит и ветвöт». Шогавись сэк жöн, öтъик Ен шысянь, воис здоров, чеччис, босьтъис ольпась и мунъис. Эта вöви субöт вунö. Еврейез неправильно думайтъисö нёлет заповедь вевöтöм понда, – суббöт вунö нъия нем эз керö, дажöн эз мöдö керны бурö мортвö. Кöр аǯǯивисö веськавöмö ольпасен киин, нъия висьтависö сывö: «таун субöт, эз ков тэит босьны ольпась». Веськавöм висьтавис нывö: «кин менö веськöтъис, Съия шувис меим: бось ольпась тэнчит и мун». Съие ювависö: «кин жö висьтавис тэныт: бось ольпась и ветвöт?» Веськавöм эзнатöд Iисус Христосöс. Чожа этыбöрсянь Iисус Христос аǯǯивис веськавöмöс вичкувын и шувис сывö: «то тэ öнъи здоров; эн грешыт эсся; медбы эз вов тэкöт мый умöльжык» (Эта шыезсянь тыдавö, што висян веськавöмвöн вöви асвас греккезсянь). Веськавöм мöдъис прославитны Iисус Христосöс, мунъис и пондъис висьтаввыны, што съие веськöтъис Iисус Христос. Еврейез мöдъисö вийны I. Христосöс сыпонда, што Съия керис этö Субöт вунö.

Вовзетöм зонöс Наинскöй дöвавись

Öтпыр Iисус Христос воктъис Наин кардынö. Сысерын мунъисö вевöччисьсез Сывöн и уна отир. Карö пыртандырни Сывö пантасис отир, кöда нöбöтъис ǯебны öтъик том мортöс. Кувöм вöви öтъик зон дöвавöн. Съия мунъис домовищшшосерын и горззъис. Iисус Христос жалейтъис съие и висьтавис: «эн горзы!» Нöбöтъиссез домовишшо сувтъисö. Iисус Христос воктъис домовишшодынö, павкöччис сыбердö и висьтавис кувöмвö: «том морт, тэитъ шуа, чеччи!» Кувöм сэк жöн вовзис, пуксис и пондъис баитны. Iисус Христос сетъис съие сывöн мамвö. Кöдна вöвисö эта чудодырни пондъисö славитны Енöс и баитъисö: «ыӂыт пророк воис миянкувасын, и Ен эз коль Асьсис отирöс».

Дугдöтöм буряöс тывын

Öтпыр Iисус Христос воктъис Генисаретскöй тыдынö, пуксис Асвас вевöччисьсезкöт пыжье и шувис нывö: «вужамö мöдваповö». Кöр нъия уисö, тыввын вебис ыӂыт буря. Iисус Христос эта пора узис. Вевöччисьсез öдден повзисö, пондъисö саймöтны Iисус Христосöс и баитъисö: «Вевöтъисе! Вевöтъисе! мие погибайтам!» Iисус Христос саймис, эз ӵöкты пöльтны тöввö, шувöм: «дугды!» и буря дугдъис и керсис бур погода. Сыбöрын Iисус Христос висьтавис вевöччисьсезвö: «мый тъие съиǯ поват? Кыǯ тъиян еӵа вера?» Вевöччисьсез асковасас баитъисö: «Кин жöн эта, ва и тöв кывзöны съие?»

Чудеснöй пöтöм отирöс вит нянен

Öтъи пора Iисус Христос вöви пустыняын. Отир öксис Сыдынö уна. Iисус Христос пондъис вевöтны отир и вевöтъис рытöǯ. Рытöн вевöччисьсез висьтависö Iисус Христосвö: «места татöн пустыннöй, а сёр ни; веǯ отирöс сёянва». Iисус Христос висьтавис нывö: сетö тъие нывö сёйны, чем нывö мунны». Но апостолвез висьтависö Сывö, што нывöн эм токон вит нянь и кык чери, а эта еӵа воас сымда отирвö. Iисус Христос ӵöктъис вайны этö нянь, а отир пуксьöтны турунвö стоöн и витдасöн. Кöр нянь и чери вöви ваем, Iисус Христос бвавословитъис нъие и ӵöктъис сетны отирвö. Вевöччисьсез сетъисö. Быдöс отир сёис и пöтъис и эшö кольччисö кусöккез даскык тырья короб. Быдныс сёис вит тысяча гöгöр, да эшö иньнез и челядь.

Ветвöтöм Iисус Христосвöн ваезöт

Öтпыр вевöччисьсез Iисус Христосвöн уисö тыöт пыжьин. Iисус Христос эта пора ныкöт эз вöв. Вöви ой. Тыввын вöви öдден тöва. Асыввö нъия аǯǯивисö, што кыӵöм кö морт мунö пыдö ваöт. Нъия думайтъисö, што бвазнитö, повзисö и пондъисö чирзыны. Эта вöви Iисус Христос: Съия висьтавис нывö: «эд повö! эта Ме!» Апостолъ Петр висьтавис Сывö: «Енö! кыǯи Тэ, ӵöкты меим мунны Тэдынö ваöт». Iисус Христос ӵöктъис сывö. Петр петъис пыжьись и мунъис паныт Сывö, но кöр аǯǯивис ас гöгöрын ыӂыт ваввез, повзис и пондъис вöйны. Съия пондъис чирзыны Iисус Христосвö: «Енö! спасит менö!» Iисус Христос воктъис сыдынö, босьтъис съие киет и шувис: «мый тэ повзин». Сыбöрын Съия пырис пыжье и тöв раммис. Вевоччисьсез кеймисö Iисус Христосвö и шувисö Сывö: «Тэ – Зон Енвöн!»

Веськавöм бесноватöй нывöс Хананеянкавись

Этпыр Iисус Христоссерын мунъис Хананейскöй инька, язычница, и чирзъис: «мивуйт менö, Енö, Зон Давидвöн, ныв меям öдден беснуйччö». Эта инька веруйтъис вынвö Iисус Христосвöн. Iисус Христос, кыǯ Ен, тöдъис этыпонда. Медбы и вевöччисьсез аǯǯивисö сывись вера, Съия дыр нем эз баит сывö. Инька эзна дугды кеймисьны Сывö. Вевöччисьсез шувисö Iисус Христосвö: «веǯ съие, ась оз чирзы миянвö». Но Iисус Христос висьтавис: «абу бур мырддины нянь челядьвись и сетны съие поннэзвö». Инька висьтавис сывö: «съиǯ, Енö, но эд и поннэз сёйöны крöшкаез, кöдна усьвöны пызансянь». Сэк Iисус Христос висьтавис сывö: «о, инька! ыӂыт тэят вера, ась воас тэят жаваньеыт», – и куль петъис сы пычкись сэк жöн.

Веськавöм дас прокажоннöес

Пырöмдырни öтъик карö Iисус Христосöс пантависö дас морт прокажоннöесь, кöднывöн быд яй вöви вевттем орöн. Нъия сувтъисö и ывисянь чирзъисö Сывö: «Iисус Вевöтъись, мивуйт миянöс». Iисус Христос висьтавис нывö: «мунö, мыччасе поппезвö». Шогöт проказа öдден заразителен, а сысянь кöдна шогависö съиöн пыр овисö карсаин. Кöр нъия веськависö, то пыр мыччасьвисö попезвö. Поппез нъие свидѣтельсвуйтвисö и, кыǯ нъия веськаввисö, вились ӵöктыввисö овны карын отирковасын. Эссянь Iисус Христос и ӵöктъис нывö мунны поппезордö. Нъия мунъисö и туен быдныс веськависö. Öтъик ныись вöви Самарянин – мöдъи отирись. Кöр съия аǯǯивис, што веськавис, берччис Iисус Христосдынö, усис Сывöн коккездынö, ошкис Съие и благодаритъис Енöс. Кöр Iисус Христос аǯǯивис этö, шувис: «эд быдныс веськависö даса? кытöн жöн öкмыс? мыля жöн нъия эзö берччö сетны бур шы Енвö, а воктъис то токон öтъик мöдъи отирись?» – и шувис сывö: «чеччи, мун, вера тэят спаситъис тэнö».

Вевöтöм Iисус Христосвöн

Заповедь Iисус Христосвöн любитны Енöс и матъисьöс

Öтъик законник (вевöтöм морт) воктъис Iисус Христосдынö и ювавис Сывись: «Вевöтъисе! кыӵöм самöй главнöй заповедь законын?» Iисус Христос шувис сывö: «первöй быд заповедьдезъись: кывзы, Израиль, Ен эм öтъик; и любит Енöс тэнчит быд сьöвöмöн и быд воöн тэят и быд вынöн тэят: то первöй заповедь! Мöдъик сыкодь жöн: любит матъисьöс тэнчит, кыǯ асьсö. Мöдъи заповедьöс энася ыӂытжыкö абу законын». Законник шувис Сывö: «бур, Вевöтъисе! правда шувин тэ, што öтъик Ен. И любитны Енöс быд сьöвöмöн, быд воöн и быд вынöн, и любитны матъисьöс, кыǯ асьсö, эм ыӂытжык быд жертваезся». Iисус Христос аǯǯивис, што законник отвечайтъис бура, шувис сывö: «неывын тэ Ен сарсводынсянь».

Притча милосерднöй Самарянин понда

Öтъик законник ювавис Iисус Христосвись: «кинöс ме довжон выддьыны асвам матъисьöн?» Етыввö Iисус Христос висьтавис сывö сэӵӵöм причча. «Öтъик морт мунъис Ерусалим карись Iерихон карö. Туйвын съиö кутъисö розбойниккез, грабитъисö съие, ранитъисö и колисö съие чуть вовьяö. Сыдынöт мунъис iудейскöй поп. Поп виǯетъис сыввö и колис. Сэт жöн мунъис свужитель вичкувись. Но и съия мунъис ортсö. Сы тует жöн мунъис Самарянин. Кöр съия аǯǯивис вартвöмö, чеччис асвас осевсянь, кисьтъис сывö ранаезвö ви и вина, а сыбöрын пуксетъис съие осеввö, ваетъис гостинничаö и укажывайтъис сысерын. Мöдъи вунвö, кöр сывö ковис мунны, съия сетъис деньга кöзяинвö и висьтавис: «берегит съиö, а кыǯи виǯан сыввö унажык, ме мынта тэит, кöр берчча». Кöр Iисус Христос висьтавис этö причча, ювавис законниквись: «кин эна куим мортъись матын увешнöйвö?» Законник шувис Сывö: «съия, кин отсавис сывö». Сэк Iисус Христос висьтавис сывö: «мун и тэ кер съиö жö».

Притча мытарь и фарисей понда

«Кык морт воктъисö вичкувö юрбытны. Öтъик ныись вöви фарисей, а мöдъик мытарь. Фарисей юрбытъис съиǯ: «Енö! благодарита ме Тэнö, штö ме не сэӵӵöм, кыǯ мöдъи умöль отир, ли то кыǯ эта мытарь: постичча кыкись субöтöн и дасöт тор асвам докодъись сетава беднöйезвö». Мытарь жö сувтъис ыбöсдынын и эз высь вептыны синнэз выввань, а токон вартвис асвас моросö и шуввис: «Енö! вов мивослив меим грешнöйвö!»

Кöр висьтавис этö притча, Iисус Христос соттъис: «висьтава тъиянвö, што мытарь мунъис гортö унажык правöн, чем фарисей, сысянь што кин вептö асьсö, съия чинас, а кин чинтö, съия вебас».

Притча милосерднöй цар понда и безжалоснöй довгö сетъись понда

Öтъик сарордö ваетъисö морт, кöда довжон вöви сывö 25.000.000 рублей гöгöр. Морт эта эз вермы мынтыны долг. Сэк цар ӵöктъис вузавны съие, инь сывись, челядь и быдöс именьё и мынтыны довг. Довоник усис сывö коккеö и шувис: виччись, ме быдöс тэныт мынта. Цар жалейтъис съиö и проститъис быд довг. Довоник петъис сарордъись и пантасис асвас товаришкöт. Эта товариш довжон вöви сывö рублей 20 гöгöр. Съия кутъис съиö горшöт и пондъис корны довг. Товариш корис виччисьны. Но съия эз мöд виччисьны и пуксьöтъис съиö тюрьмаö. Кöр цар тöдъис этö, вöгасис сыввö, кöда довжон вöви сывö. Съия корис съиö асдынö и шувис сывö: вöг морт! быд довг ме проститъи тэит, и тэит эз я ков проститны асват товаришвö, кыǯ и ме проститъи тэит? Етыбöрын цар ӵöктъис пуксьöтны съиö тюрьмаö и маитны, кыччöǯ съия оз мынты быд довг».

Притча блуднöй зон понда

«Öтъи мортвöн вöви кык зон. Учöтжык ныись öтпыр висьтавис асвас айвö: «ая! сет меим тор, кöда ковö меим». Ай сетъис. Етабöрын учет зон мунъис ай керкувись асвас именьёöн отъик сранаö и чожа быдöс этö прожыв. Ета сранаын воис ӵыг пора, и съия пондъис нуждаччины. Медбы не кувны ӵыгсянь, съия медасис берегитны порсьсезöс и рад вöви пöтны сёянöн, кöдö сёисö порсьсез, но и этö эзö сетö сывö. Сэк сывö усис тöдвö ай и шувис: «Мында меям айвöн срошнöйез и быдныс нъия сёйöны нянь пöттöǯ, а ме кува ӵыгсянь! Муна айöордö и висьтава сывö: ая! Ме грешытъи енвевтвесьтын и тэвесьтын и недостоин ни ме шувсины зонöн тэят – бось менö асват срошнöйезковасö». Съиǯ съия и керис: чеччис и мунъис.

Ай ешö ывисянь казявис съиö, радуйччис, котöртъис сыпаныт и пондъис съиö окавны. Зон пондъис баитны, мый мöдъис висьтавны, кöр пондъис мунны гортö. Ай же сывöн эз сет сывö баитны, а ӵöктъис асвас свугаезвö вайны мед бур паськöм, чунькыӵ, сапоггез, – и пасьтöтны берччöм зонöс. Сыбöрын ӵöктъис свугаезвö начкывны мед бур кукань и керны öбед. Ыӂыт зон эта пора вöви ыбвын. Кöр съия берччис гортö и кывис сьывöм ай керкуын, ювавис öтъик свугавись: «Мыся весельё ай керкувын?» Свуга висьтавис сывö: «Вон тэят берччис, и ай начкывис сыпонда вердöм куканьöс и керис öбед». Ыӂыт зон вöгасис этыввö и эз мöд пырны ай керкуö. Ай петъис сыдынö и пондъис корны съиö. Но съия висьтавис айвö: кыным год ме свужыта тэит; а тэ не кöр эн сет меим и кöза пiянöс, веселиччыны асвам тöваришшезкöт. Кöр жö эта зон тэят берччис немтöг, – тэ начкывин сыпонда кукань. Ай этыввö висьтавис сывö: Зонö иней, тэ пыр мекöт, и быдöс меям тэят; а сыпонда ковö гажöччины, штö вон тэят вöви кувöм, и вовзис; öшвис, и аǯǯисис».

Притча таланттэз понда

«Öтъик господин пондъис мунны ывö сранаö. Съия корис асдынö асьсис работниккезöс и сетъис нывö асьсис именьё. Öтъиквö сетъис вит тавант, мöдъиквö кык, куимöтвö öтъик. Кöр сетавис быдöс, мунъис. Роботник, кöда повучитъис вит талант, нажыв ныввö ешö вит. Роботник, кöда повучитъис кык тавант, нажыв мöдъи кык. Роботник, кöда повучитъис öтъик талант, вöви морт дыш, съия ǯебис талант муö. Дыр времьёбöртъи господин берччис и пондъис корны асвас роботниккезвись отчот. Роботник, кöдывö съия сетъис вит талант, воктъис сыдынö и шувö: «господинö! тэ сетъин меим вит талант, а ме то аǯǯи ныввö ешö вит». Господин висьтавис сывö: бур, тэ бур морт! Учöтын тэ вöви сувтöм, унаввын мэ тэнö сувтöта; радуччи мекöт. Кöда повучитъис кык талант, воктъис и шувö: господинö! тэ сетвин меим кык талант, ме аǯǯи ныввö ешö кыкö. Господин и этывö висьтавис съиö жö, мый и первöйвö. Етыбöрын господиндынö воктъис дыш роботник и шувö: «господин! ме тöдъи, штö тэ морт вöг: вундан, кыче он кöǯ, и öктан, кыччö он киськав; сысянь ме повзи тэись и ǯеби тэнчит талант муö, на бось съиö». Господин шувис сывö: дыш морт тэ! кыǯ тэ тöдъин, штö ме вунда, кыче ог кöǯ, и öкта, кыччö ог киськав, – тэ сетъин бы меньчим талант купеччезвö, и ме босьтъи бы съиö барышöн». Етыбöрын господин ӵöктъис вашöтны дыш мортöс асвас керкувись.

Кöр Iисус Христос висьтавис этö причча, шувис: «кинвöн эмöсь пеллез, ась кывö!»

Вевöтöм Iисус Христосвöн Сывöн мöдъи воктöм понда мувö и Страшнöй суд понда

Öтпыр апостолвез ювависö Iисус Христосвись: «кöр воас Тэат мöдъи воктöм?» Iисус Христос шувис нывö: «Сы вун понда некин оз тöд, не ангелвез Енвöн, не Зон, тöдö токон öтъик Ен. Кöр жö воктас Зон Асвас славаын и быд святой Ангеввез Сыкöт, сэк пуксяс пызанвö Асвас сваваын. Сывесьтö öксяс быд отир, вовья и кувöм. Съия янсöтас праведниккезöс грешниккезсянь, кыǯ торйöтö пода караулитъись бальлезöс кöзаезсянь. Праведниккезöс сувтöтас веськыт киввö, а грешниккезöс шульгаввöт. Сыбöрын висьтавас праведниккезвö: воктö, бвагосвовленнöйез Меям Аен бур местаö, кöда заптöм тъиян понда: сысянь штö кöр Ме мöдъи сёйны – тъиö вердъит Менö, кöр мöдъи ювны – тъие юктавит Менö, кöр ветвöтъи – тъие корит Менö асват керкуö, кöр вöви куш – тъие пасьтöтъит Менö, кöр вöви шог – тъиö воктъит Медынö, тюрьмаын вöви – и тъиö сэччö воктъит Медынö. Праведниккез шуасö Сывö: Енö! Кöр миö аǯǯивим Тэнö ӵыгöн и вердъим? кöр юктавим? Кöр аǯǯивим ветвöтöмöн, и корим? кушöн, и пасьтöтъим? Кöр аǯǯивим миö Тэнö шогöн ли тюрьмаын, и воктъим Тэдынö?» Цар висьтавас нывö: этö керит тъиö öтъик учет вонвö Меньчим, этö керит Меим». Сыбöрын бергöччас грешниккезвань и шувас нывö: мунö, ёрдöммез, пырся биö, кöда заптöм дьявол и сывöн ангеввезпонда: сысянь штö Ме мöдъи сёйны – и тъие эдö сетö Меим сёйны, мöдъи ювны – и тъиö эдö юктавö, ветвöтъи – и тъиö эд корö Менö, вöви куш – и эд пасьтöтö, вöви шог и тюрьмаын – и тъиö эдö воктö Медынö». Грешниккез шувасö Сывö: Енö! Кöр миö аǯǯивим Тэнö ӵыгöн, ли ювны бы Тэ мöдъин, ли ветвöтöмöн, ли кушöн, ли шогöн, ли тюрьмаын – и эгö свужытö Тэит? Съия шувас нывö: этö тъиö эд керö öтъиквö учет вонвö – и эд керö Меим». И мунасö грешниккез адö, а праведниккез царсво небеснöйö.

Преображеньё

Öтпыр Iисус Христос босьтъис куим Асьсис вевöччись (Петрöс, Iаковöс и Iоанöс) и мунъис ныкöт керöсвыö, Ѳавор нимаö. Кöр воктъисö керöсвыö, Iисус Христос пондъис юрбытны. Кеймöм дырни. Съия мöднежасис (вежсис): рожа Сывöн воис югыт, кыǯ шондъи, а паськöм керсис чочком вым моз. Этыдырни Сывö мыччасисö Моисей и Илья (пророккез) и баитъисö Сыкöт Сывöн сраданьёэз понда, кувöм и вовзем понда. Кöр апостол Петр аǯǯивис этö, чирöстъис: «Енö! бур миянвö татöн; кыǯи мöдан, миö керам куим бавоган: öтъикö Тэит, мöдъикö Моисейвö и куимöтö Ильявö». Кöр съия этö баитъис, югыт кымöр савйöвтъис Моисеес и Ильяöс, и кымöрись кывсис шы Ен Айвись: «Эта (Iисус Христос) эм Меям любöй Зон, Кöдаын меям благоволенье, Съиö кывзö!» Кöр вевöччисьсез кывисö этö, повзисö и усисö рожа-баннэöн муввö. Iисус Христос воктъис ныдынö, павкöтъис нъиö и шувис; «чеччö и эд повö!» Вевöччисьсез чеччисö и некинöс сэсься эз аǯǯивö, токон Öтъикö Iисус Христосöс. Iисус Христос вöви кыǯ и оǯжык. Кöр нъия веччисö керöсвысянь, Iисус Христос шувис нывö: «эд висьтавö некинвö, мый татöн аǯǯивит, кыччöǯ морт Зон озна вовзи кувöммезъись».

Преображеньё Енвöн празнучче 6 августын.

Тропарь празниквö

Мöднеӂасин (вежсин) керöсвыын, Христос Енö, мыччавин Тэят вевöччисьсезвö слава Асьсит, мымда нъия вермисö аǯǯивны. Ась вирдас и миянвö грешнöйезвö пырья Тэят югыт; Ен Чужöтъись кевмöммез понда, югыт сетъисьö, бур шы Тэит.

Вовзетöм Вазарöс

Неывын Ерусалимдынсянь вöви селеньё Виѳанiя. Татöн овис öтъик благочестивöй морт Лазарь нима. Сывöн вöви кык сой. Öтъикö шувисö Марѳаöн, а мöдъикö Марiяöн. Благочесьё понда Iисус Христос любитъис нъиö. Öтпыр Лазарь пондъис шогавны и кувис. Вит вунö, сывöн кувöм бöртъи, Iисус Христос воктъис Виѳанiяö. Марѳа петъис Сывö паныт и синваöн синнэзвын шувис Сывö: «Енö, кыǯи бы Тэ вöвин татöн, эз бы кув вонö; но и öнъи, тöда, мый Тэ коран Енвись, Съия сетас Тэит». Iисус шувис сывö: «вовзяс вон тэят!» Марѳа шувис Сывö; «тöда, штö вовзяс вовзян вунö, последней вунö». Етыввö Iисус Христос шувис сывö: «Ме вовзем и овöм; кöда веруйтö Меö, кыǯ и кувас, вовзяс… Веритан я этывö?» Съия шувис Сывö: «Верита, штö Тэ Зон Енвöн, воктöм мiрö». Эта баитöм бöртъи Марѳа мунъис и корис Марiяöс. Марiя чожык котöртъис и, кöр аǯǯивис Iисус Христосöс, усис Сывöн коккез дынö и шувис: «Енö, кыǯи бы Тэ вöвин татöн, эз бы кув вонö!» Iисус Христос ювавис: «кыччö тъиö пуктъит съиö?» Сывö висьтависö. Кöр воктъисö керöс ковасдынö, кыччö вöви ǯебöм Лазарь, Съия шувис: «босьтö из ыбöсдынсянь!» Марѳа шувис Сывö: «Енö, Вазарсянь ни мунö дук, сысянь штö съия нёль вун ни куйвö домовишшоын.» Iисус шувис сывö: «эг я висьтав Ме тэит, кыǯи пондан веруйтны, аǯǯиван слава Енвись?» Етыбöрын из босьтъисö. Iисус Христос юрбытъис Енвö и шувис: «Лазарь! мун сэсь!» Кувöм сэк жö вовзис и петъис домовишшоись, быдöс каттем пеленаезöн. Iисус Христос ӵöктъис босьны быдöс, мый вöви сыввын.

Керкуын Марѳавöн и Марiявöн вöви уна iудейез, кöдна воввисö гажöтны нъиö. Кöр нъия аǯǯивисö этö чудо, мукöдныс ныись веруйтъисö Iисус Христосö, а мукöдныс, кöдна эзö любитö Съиö, мунъисö и висьтависö эта чудопонда Сывöн вöг враггезвö. Враггез Iисус Христосвöн öксисö öтваын и баитъисö: «мый миянвö керны? Эта морт керö уна чудоез. Кыǯи колям Съиö съиǯ, то быдöнныс веруйтасö Сыö». Нъия решытöмась вийны Iисус Христосöс и Лазарöс Сыкöт, сысянь што уна аǯǯивисö вовзьöтöм и веруйтъисö Iисус Христосö.

Пыран Христосвöн Ерусалимö

Вит вунся оǯжык Асвас кувтöǯ Iисус Христос мунъис Ерусалимö. Туйвын Съия корис Асдынö кык вевöччись и шувис нывö: мунö неывся селеньёö, сеччинь аǯǯэат ослича пiянкöт кöртавöммеö, кöдыввö некин ешö эзна пуксив; пöрччавö нъиö и ваетö Медынö. Кыǯи кин ювавас тъиянвись: мыля пöрччават нъиö? Висьтавö сывö: нъия ковöны Енвö, – и съия веǯас нъиö». Вевöччисьсез мунъисö и аǯǯисö ослича пiянкöт кöртавöмöн, воротадын, öтöрын. Кöр нъия пондъисö пöрччавны, кöзяиннэз осличавöн и пiянвöн шувисö нывö: «мыля пöрччават нъиö?» Вевöччисьсез шувисö: «нъие ковö Енвö». Кöзяиннэз веǯисö нъиö. Вевöччисьсез ваетъисö осличаöс и пiянöс Iисус Христосдынö и пуктъисö ныввö асьсис паськöм. Iисус Христос пуксис ныввыö и мунъис ывöжык. Сысерын мунъис уна отир. Öтныс эта отирись пондъисö ольсавны коккез увтö осличавöн и пiянвöн паськöм, а мöдныс орвависö шатьтез пуезсянь и чапкависö нъиö туйкузя, кытъи ковис мунны Енвö. Кöр Iисус Христос вöви ни неывын Ерусалимдынсянь, уна отирись, кöда вöви Ерусалимын, петъисö Сыпаныт пальма шатьтезöн. Быдныс, кöдна вöвисö Сыкöт, и кöдна пантависö Съиö, пондъисö чирöствыны: «спасит, Зон Давидвöн! Благословен мунöм Ен воляöт, Сар Израильвöн! спасит енвевтвын овись!» Кöр Iисус Христос воктъис Ерусалимö, пырис вичкуö. Татöн вöви ыӂыт безпорядок: вузависö дудъиезöс и вежвисö деньга, мыйсянь вичкуын вöви шум. Iисус Христос вашöтъис вичкуись быднысö вузависьсезöс и вежисьсезöс, кыминьтъис пызаннэз вежисьсезвись и скамьяез дудъи вузависьсезвись, и шувис: «гижöм: керку Меям эм керкув кевмöмись; а тъиö керит съиö розбоник местаöн». Сэтöн сибöччисö Сыдынö коктöммез и синтöммез, и Съия веськöтъис нъиö. Челядь еврейезвöн, кыǯи пöрисьсез, горöччиввисö Сывö: «Спасит Зон Давидвöн!» Враггез Iисус Христосвöн шувисö Сывö: «кыван я, мый нъия шувöны?» Iисус Христос шувис нывö: «да! но тъиö яй эд выдде энö шыэз: öммезъись челядьвöн и кагавöн Тэ керан Меим ошкан?» колис нъие и мунъис Ерусалимись Виѳанiяö.

Пыран Iисус Христосвöн Ерусалимö празнучче квать вунöн оǯжык Ыӂыт Вунся и шувсе миян Верба вунöн, сысянь штö эта вунö заутреньядорын крисьяна сувавöны бербаезöн киезын; этъиен отир касьтывö сричайтöм Iисус Христосöс еврейскöй отирöн пальма шатьтезöн.

Тропарь празниквö

Медбы веритъисö, штö быд кувöммез вовзясö, Тэ Христос Енö Асват сраданьёöǯ вовзетъин кувöммезъись Лазарöс. Этыöт и миö, кыǯ еврейскöй челядь, новйöттöн кувöмвын знаккез (вербаез), Тэит кувöмвын Вермисьвö горöччам: спасит енвевтвын овись, благословен мунöм Ен воляöт.

Сраданьёез, кувöм и вовзем Iисус Христовöн

Иуда вузавö Спасительöс и ачис погибайтö

Iисус Христосвöн вöви уна враггез, кöдна эзö любитö Съиö сыпонда, штö Съия каверзитъис нъие нывöн умöль овöмпонда. Öдденжык эз любитö Съиö первосвяшенниккез, книжниккез и фарисейез. Эна вöг враггез сякö стараччисö погубитны Съиö. Вунöн оǯжык Сывöн кувтöǯ нъия öксьöмась öтваын и совешшайтöмась, кыǯ бы погубитны Съиö. Кöр нъия совешшаччöмась ныдынö воктъис öтъик вевöччисьсезъись Iисус Христосвöн, Iуда нима, прозьвишоöн Искорiотскöй. Эта вевöччись Iисус Христосвöн мед öдден любитъис деньга, мыйпонда съия дажö веччисьвис гусявöмвö. Iуда тöдъис замысёв враггезвись Iисус Христосвöн, и тöдъис, кыǯи съия отсавас нывö кутны Съиö, то нъия сетасö сывö деньга. Съия воктъис ныдынö и шувö: «мый тъи сетат меим, и ме отсава тъиянвö кутны Съиö?» Нъия кöсъисö сывö куимдас серебренник. Iуда босьтъис нъие и пондъис кошшыны буржык пора, кыǯ бы сетны̌ нывö Iисус Христосöс.

Кöр жö Iисус Христос осужöн вöви кувöмвö, Iуда ваис серебренниккез бöр первосвяшшенниккезвö и шувис: «грешытъи ме, сетъи тъиянвö невиннöй вир». Нъия этыввö шувисö сывö: «миянвö мый эччöǯ, виǯöт ачит». Iуда чапкис серебренниккез ӂоӂвö, мунъис и жагöччис. Первосвяшшенниккез вептъисö серебренниккез и шувисö: «абу бур пуктыны этö деньга вичкув казнаö, сысянь штö нъия – вир чена». Эна деньгаввö нъия ньöбисö кашник керисьвись му ǯебны ветвöтъистьезöс. Эта му сэксянь пондъис шувсины вир ыбöн.

Тайнöй рыт

Вунöн оǯжык Асвас кувтöǯ Iисус Христос корис Асдынö Асьсис кык вевöччись (Петрöс и Iоанöс) и шувис нывö: «мунö, заптö миянвö сёйны пасха». Нъия ювависö Сывись: «кытöн ӵöктан миянвö заптыны?» Съия шувис нывö: «мунö карö (Ерусалимö): сэччинь пантасяс тъиянвö морт, ваем кукшынын ва: тъиö мунö сысерö и кыччö съия пырас, висьтавö козяинвö сы керкувись: “Вевöтъись шувö тэит: кытöн комната, кытöн бы сёйны пасха Меям вевöччисьсезкöт?” И съия мыччавас тъиянвö ыӂыт вöсетöм горнича; сэччинь и заптö». Вевöччисьсез мунъисö. Кыǯ Iисус Христос висьтавис, съиǯ и воис; вевöччисьсез заптъисö пасха. Рытöн эта вунö жö (а вöви четверк пасхаоǯин) Iисус Христос воктъис эта горничаö Асвас даскык вевöччисьсезкöт, чöвтъис Ассянь вевдöрись паськöм, босьтъис чишкöт и кушакасис съиöн; сыбöрын кисьтъис ва дозъе, пондъис миськавны нъиö чишкöтöн, кöдаöн вöви кушакасем. Кöр миськавис коккез вевöччисьсезвö, Съия бöра пасьтавис Асвыö вевдöрись паськöм и пуксис Асвас местаö. Баиттöн вевöччисьсезкöт, Съия вдруг гаштöмччис и шувис нывö: «öтъик тъиянъись вузавас Менö». Вевöччисьсез эзö тöдö, штö Iуда воас Сывöн вузаисен, повзисö и ювависö Iисус Христосвись: «не ме я, Енö? не ме я, Енö?» Юваис и Iуда: «не ме я, Енö?» Iисус Христос шувис сывö: «тэ!» Но висьтавис съиǯ жагöна, штö мукöд вевöччисьсез эзö кывö, и чожа этыбöрсянь Iуда мунъис. Рыт понын Iисус Христос босьтъис шöма нянь, благосвовитъис съиöе, чегваис и, кöр сетвис вевöччисьсезвö, шувис: «Босьтö, сёйö, эта эм яй Меям, кöда тъиянпонда чегвасьö, медбы кольны греккез». Сыбöрын босьтъис бекöр гöрд винаöн и, кöр сетвис съиö вевöччисьсезвö, шувис: «ювö сыись быдныс, эта эм вир Меям виль заветъись, кöда тъиянпонда и унапонда виявö, медбы колисö грехкез. Керö этö, медбы касьтывны Менö». Вöви ой. Iисус Христос Апостолвезкöт сьивис псаломмез, чеччис и петъис Ерусалимись.

Юрбытöм Iисус Христосвöн Гевсиманскöй садын и босьтöм Съиö

Тайнöй рытсянь Iисус Христос мунъис Асвас вевöччисьсезкöт Гевсиманскöй садö, кöда вöви неывын Ерусалимдынсянь. Кöр Съия пырис эта садö, шувис вевöччисьсезвö: «пукавö татöн, а Ме муна юрбыта». Куимö ныись: Петрöс, Iаковöс и Iоанöс босьтъис сьöрö. Кöр пырис ныкöт ывöжык садö, Съия пондъис гаштöмччины, и шувис нывö: «пукавö сэтöн и эд узе». Ачыс жö мунъис ныдынсянь неывö, усис муввö и пондъис юрбытны: «Ае! Кыǯи туе, избавит Менö сраданьёсянь и кувöмсянь! ась воас не съиǯ, кыǯ Ме мöда, но кыǯ мöдан Тэ». Юрбытъис Съия сыбырна, штö виявис вир Сывöн кымöсвысянь. Ангел Енвöн мыччасис Сывö и крепитъис Съие. Кыкись Iисус Христос дугдывис юрбытны и кыкись воввис Асвас вевöччисьсездынö, но нъия узисö. Воктъис ныдынö куимöт пырся и шувö: тъие сё ешö узят? чеччö, мунамö; то воктö вузаись Менö». Кöр Iисус Христос баитъис этö, Iуда воиннэзкöт и первосвяшшенник слугаезкöт воктъис Сыдынö. Свугаез и воиннэз вöвисö биен, меччезöн и маеггезöн. Iуда туйвын висьтавис нывö: «Кинöс ме окава, Съие и босьтö». Iисус Христос петъис паныт Iудавö. Iуда шувис сывö: «Гажав, Вевöтъисе!» И окавис Съие. Iисус Христос шувис сывö: «Iуда, окавöмöн я сетан Менö врагезвö?» Сыбöрын Съия бергöччис воиннэздынö и первосвяшенник слугаездынö и юваис нъие: «Кинöс тъие кошшат?» Нъия шувисö Сывö: «Iисус Назорянинöс». Съия шувис нывö: «эта Ме!» Воиннэз и слугаез эна шыезсянь усисö муввö. Кöр нъия веськавöмась, Iисус Христос бöра ювавис нъие: «Кинöс кошшат?» Нъия бöра шувисö Сывö: «Iисус Назорянинöс». Съия баитö нывö: «Ме висьтави тъиянвö, штö эта Ме; кыǯи Менö кошшат, коле нъие (вевöччисьсезöс), ась мунöны». Кöр вевöтчисссез аǯǯивисö, штö Iисус Христосöс мöдöны босьны, шувисö Сывö: «Енö, не босьсины я миянвö меччезбердö?» Апостол Петр эзна виччись ответöс Iисусвись, босьтъис асвас меч, вачкис съиöн первосвяшшенник свугаöс, Малх нимаö, и керавис сывись веськыт пель. Iисус Христос шувис Петрвö: «пукты меч тэнчит пурт виǯанö; неужöли тэ думайтан, штö Ме ог вермы корны меньчим Аес, медбы Съия доръис Менö?» Сыбöрын Съия павкöччис Малх пельбердö и веськöтъис съие. Этыбöрын свугаез и воиннэз кöртависö Iисус Христосöс и нувöтъисö первосвяшшенникордö. Апостолвез повзисö и пышшисö. Iисус Христоссерö мунъисö токон Петр и Iоан.

Судъ Iисус Христосвын Анна и Каiафаордын.

Воиннэз и слугаез ваетъисö Iисус Христосöс Гевсиманскöй садъись первосвяшшенник Аннаордö. Анна ювавис Съие вевöтöмпонда и вевöччисьсезпонда. Iисус Христос шувис сывö: «Ме вевöтъи пыр явно, а гусен эг баит нем; мый юваван Менö? Ював нъие, кöда кывзъисö Меньчим вевöтöм». Кöр Съия шувис этö, этъик первосвяшшенник слугаезъись вачкис Съие пельдорöт и шувис: «съиǯ яй туе баитны первосвяшшенниквö?» Iисус Хр́истос шувис свугавö: «кыǯи Ме висьтави умöле, – мыччав, мый умöль, а кыǯи бур, – то мыйпонда тэ вартван Менö?» Анна немын эз вермы винитны Iисус Христосöс и ыстъис Съие первосвяшшенник Каiафаордö. Каiафаордын öксемась быд враггез Iисус Христосвöн, медбы винитны Съие. Iисус Христоссаин некыӵöм вина эз вöв, сысянь нъия подкупили неправильнöй свидетельлезöс. Свидетельлез вöвисö уна, но нъия немын эз вермö винитны Iисус Христосöс. Христос нем эз баит и эз оправдывайччы. Каiафа чеччис асвас местасянь и шувис Сывö: «мыля Тэ нем он баит?» Но Iисус Христос и этыввö нем эз шу. Сэк Каiафа шувис Сывö: «ёрда Тэнö вовья Енöн, висьтав миянвö: Тэ я Христос Зон Енвöн?» Iисус Христос шувис сывö: «Да, Ме, и висьтава тъиянвö, штö тъие аǯǯиват морт Зонöс, мунöмö енвевт кымöррезвын уна славаöн и вынöн». Кöр Каiафа кывис энö шыез, косявис асвыын паськöм и шувис: «Мыйвö миянвö ешö свидетельлезöс: тъие асьныт кывит, штö Съия кулитö Енöс? кыǯ тъие думайтат, мый этыпонда̀ ковö керны Сыкöт?» Враггез Енвöн шувисö: «Съие ковö вийны!» Кöр враггез осудитъисö Iисус Христосöс кувöмвö, мунъисö горттэöтъ, а Съие сетъисö воиннэзвö и слугаезвö. Воиннэз и слугаез петкöтъисö Съие öтöрö и пондъисö сэччинь сякöй неӝ дикуччины Сыввын: сьöвависö Сывö рожа-банö, вартвисö пельбокöт; вевтисö Сывись синнэз, вартвисö юрöт павкаöн и ювависö: «Христос, висьтав миянвö, кин вачкис Тэнö?». Съия терпитъис и нем эз баит.

Суд Iисус Христосвын Понтiй Пилатордын

Враггез Iисус Христосвöн, кöр осудитöмась Съие кувöмвö, асывöн мöдъи вунö (вöви петнича) нувотъисö Съие Понтiй Пилатордö, медбы съия ӵöктъис нывö кутны Iисус Христосöс. Пилат петъис ныдынö и ювавис: «Мыин тъие винитат это мортöс?» Нъия шувисö сывö: «Съия оз ӵöкты мынтыны вот Кесарьвö (римскöй царвö), шувö Асьсö Христосöн царен. Кыǯ бы Съия эз вöв зводей, эг бы ваетö съие тэдынö». Пилат ювавис съие öтъикö, и кöр аǯǯивис, штö Съия немын абу виноват, петкöтъис Съие отирдынö и шувис: «ме ог аǯǯи Сысаин некыӵöм вина». Враггез жö Iисус Христосвöн пондъисö чирзыны: «Съия разврашшайтö отирöс Галилеясянь (тор Ханаанскöй муын) и Ерусалимöǯ!» Пилат ювавис нъие: «Съия яй Галилеяись?» и, кöр тöдъис, штö Iисус Христос действительно Галилеяись (Назарет, кытöн быдмис Iисус Христос, воö Галилеяын), ыстъис Съие Ирод-Антипаордö, Галилейскöй правительвö. Ирод эта пора вöви Ерусалимын, воктъис тачче празник Пасхаввö. Кöр Ирод аǯǯивис Iисус Христосöс, серавис Сыввын, пасьтавис Сыввыö чочком паськöм и бöр ыстъис Пилатордö. Пилат, кöр воктъис Iисус Христос, шувис отирвö: «ме ювави Съие (Iисус Христосöс) тъияндырни, но эг аǯǯи Сысаин некыӵöм вина; ыстыви Съие Иродордö, и съия эз винит Съие; то ме накажыта Съие и веǯа». Еврейезвöн жö вöви обычай веǯвыны празникъ Пасхавö öтъик преступникöс тюрмаись. Пилат шувис отирвö: «кинöс мöдат, медбы ме веǯи тъиянвö, Варавваöс али Iисусöс, шувöмö Христосöн?» Варавва вöви разбонник. Съия пукавис сыпора тюрьмаын морт виемпонда. Первосвяшшенниккез вевöтъисö корны Варавва, а Iисусöс погубитны. Отир пондъис корны Варавваöс. Пилат ювавис нъие: «мый жö керны Iисускöт?» И пондъисö чирзыны сывö быдныс: «ась воас вартöм пернаö (кресвыö)!» Сэк Пилат сетъис Iисусöс воиннэзвö и ӵöктъис вартвыны Съие. Съия думайтъис, штö кöр отир аǯǯивас Съие вартöмöн, жалейтас Съие и оз понды корны Сывись кувöм».

Воиннэз керисö терновникись (емья кус) венеч и пуктъисö съие Спаситель юрвыö; сыбöрын пасьтависö Съие багряничаö (важ, гöрд, сарскöй паськöм), пондъисö вартвыны Съие и баитъисö Сывö: «гажав, цар iудейскöй!» Кöр нъия серависö сыввыын, Пилат петкöтъис Съие отирдынö. Враггез Спасительвöн, кöр аǯǯивисö Съие, пондъисö чирзыны: «варт Съие пернавö! Варт Съие пернавö!» Пилат уна ешö стараччис освободитны Iисус Христосöс, но кöр аǯǯивис, штö нем оз вермы керны, ӵöктъис вайны ва, миськавис ныоǯин киез и шувис: «ме абу виноват вирын эта праведниквöн; асьныт отвечайтö!» Отир шувис сывö: «вир Сывöн миянвыын и миян челядьвыын (мие и миян челядь пондасö отвечайтны Сывöн вирпонда). Сэк Пилат веǯис нывö Варавваöс, а Iисусöс сетъис перна вартöмвö.

Кувöм Iисус Христосвöн пернаввын

Кöр Пиват осудитъис Iисус Христосöс вартöм пернаввö, сетъис Съие асвас воиннэзвö. Воиннэз чöвтъисö Сывысянь багренча, пасьтависö Съие Сывöн Асвас паськöмö; пуктъисö Сывö пельпоннэзвыö перна и пондъисö нувöтны Голгофа керöсвыö. Iисус Христоссерö мунъис уна отир. Кöр воктъисö Голгоѳавö, воиннэз вартъисö Iисус Христосöс пернаввö и Сы веськыт ки вапöвö и шульга вапöвö дорисö разбойниккезöс. Iисус Христос юрбытъис Асвас мучительлезпонда, шувтöн: «Ае! простит нъие: нъия оз тöдö, мый керöны». Пернаввын Iисус Христосвöн, Сывöн юр вевдöрын, вöви вартöм пöвок, кöдывывын вöви гижöм куим кыввын, еврейскöйвын, греческöйвын и римскöйвын: «Iисус Назорянин, цар Iудейскöй».

Кöр воиннэз вартъисö Iисус Христосöс пернаввö, пондъисö янсöтны асковасаныс Сывись паськöм. Вöви сэӵӵöм обычай. Вевдöрись паськöм нъия торьетъисö нельвö и босьтъисö торöн. Увись паськöм нъия эзö пондö янсöтны, сысянь штö съия быдöс вöви кыем; нъия шувисö сыпонда: «огö пондö косявны съие, а чапкам сыпонда жöребей. Съиǯ и керисö.

Отир серавис Iисус Христосвыын и баитъис: «кыǯи Тэ Ен-Зон, веччы пернаввысянь!» Первосвяшенниккез жö баитъисö: «ась веччас пернаввысянь, и мие веруйтам Сыö». Этъик розбоник, вартöм пернаввö шульга вапöвын, съиǯжöн серавис Сыввын и баитъис: «кыǯи Тэ Ен Зон, спасит Асьтö и Миянöс!» Мöдъи жö розбонник уговаривайтъис асьсис товаришöс: «Он яй тэ пов Енсянь? эд мие тэкöт срадайтам справедливо, а Съия нем умöль эз кер». сыбöрын шувис Iисус Христосвö: «Касьты менö, Енö, кöр воктан Асват царсвоö», Iисус Христос шувис сывö: «правда баита Ме тэит: таун жö воан раин». Воис вуншöр. Вдруг быд муöт керсис пемыт и вöви куим часöǯ. Куимöт часын Iисус Христос шувис: «Ае! Тэят киезö сета вов Меньчим». Этаборсянь Съия мышкыртъис юр и кувис, Сэк вичкув занавеса коссясис шöри, му зэгöччис: керöссъез и иззъез торьясисö, керöс ковассэз, кытöн куйвисö кувöм праведниккез осьсисö, и кувöммез петъисö асвас домовишшоэзъись, мунъисö Ерусалимö и мыччасисö унаезвö. Сотник, кöда сувавис карауввын пернаездынын, шувис: «Дейсвительно эта морт (Iисус Христос) вöви Ен Зон!» Отир повтöн пондъис мунны Голгофасянь и вартвис асьсö куваккезöн моросö.

Мöдъи вунö еврейезвöн вöви Пасха. Еврейез некöр эз кольвö вартöммезöс пернаввын, а босьвисö нъие. Кыǯи жö вартöммез пернаезвын вöвисö ешо вовьяöсь, то нывö вартвисö пиǯöссэз и съиен чожöтъисö кувöм. Пилат, еврейез просьбаöт, ыстъис Голгоѳаö виль воиннэзöс и ӵöктъис нывö вартны пиǯöссэз пернаезвыын варлтöммеись. Воиннэз вартвисö пиǯöссэз розбонниккезвö, а Iисус Христосöс аǯǯисö ни кувöмöн, а сысянь эзö пондö вартны Сывö пиǯöссэз. Этъик воиннэзъись, медбы тöдны, што Iисус Христос кувис ни, быӵкис бокö копьёöн, и бокись виявис вир и ва.

Ǯебöм Iисус Христосöс

Кöр Iисус Христос кувис пернаввын, Пиватордö воктъис вевöччись Iисус Христосвöн Iосиф Аримаѳейскöй (чужöмöн Аримаѳея карись), и корис сывись дозволеньё босьны яй Iисус Христосвись и ǯебны. Пилат ӵöктъис. Сэк Iосиф ньöбис вöснит чочком дöра и мунъис Голгоѳавö. Тачче жö воктъис мöдъи вевöччись Iисус Христосвöн, Никодим нима. Нъия босьтъисö яй Iисусвöн и нöбöтъисö Iосиф садö. Эта садын керавöм вöви керöсын домовишшо, кöдаын ешö некин эз куйвы, и кöдаö мöдъис водны ачыс Iосиф. Мавтъисö Iисус Христосöс дука мазен. кыǯ пыр кервисö еврейез, нъия пуктъисö съие домовишшоö и домовишшо ыбöсдынö пуктъисö из.

Асывöн мöдъи вунö (самöй Паска вунö) первосвяшшенниккез воктъисö Пиватордö и шувöны: «господин, эта обманьшык (съиǯ нъия шуввисö Iисус Христосöс) баитъис, што куим вун Асвас кувöм бöртъи вовзяс, ӵöкты караулитны домовишшо куим вунöǯ, а то вевöччисьсез Сывöн гусявасö оен Съие и шувасö, што Съия вовзис кувöмись, – и сэк бöрья обман воас умöльжык первöйся». Пилат ӵöктъис нывö этö керны. Нъия мунъисö, сувтöтъисö домовишшодынö воиннэзöс и пуктъисö издынö печать.

Вовзем Iисус Христосвöн

Куим вунвö Iисус Христос кувöмбöртъи, Сывöн домовишшодынын керсис землетресеньё. Домовишшодынö воктъис Ангел Енвöн, пöрöтъис из домовишшодынъись и пуксис сыввыö. Iисус Христос вовзис кувöмись и петъис домовишшоись. Воиннэз-караульшыккез öдден повзисö и усявисö муввö. Кор нъия веськависö, котöртъисö Ерусалимö и висьтависö первосвяшшенниккезвö быдöс, мый аǯǯивисö Iисус домовишшодынын. Первосвяшшенниккез сетъисö нывö деньга и шувисö: «эд висьтавö съиǯ, кыǯ аǯǯивит, а баитö: што кöр миэ узим, вевöччисьсез Сывись гусявисö яй Сывись. Кыǯи жö этыпонда тöдас Пилат, мие уговоритам съие, и тъиянвö нем оз вов». Воиннэз съиǯ и керисö: мунъисö и пондъисö висьтавны, што вевöччисьсез Iисусвöн оен гусявисö яй Сывись.

Тропарь празниквö.

Христос кувöмись вовзис, Асвас кувöмöн отир кувöм вермис и кувöм отирвö вов сетъис.

Каем Iисус Христосвöн енвевтвыö

Асвас вовзембöртъи Iисус Христос овис муввын нёльдас вун. Эта пораö Съия унаись мыччасьвис Асвас вевöччисьсезвö и быдöннысвö, кöдна веруйтъисö Сыö. Асвас вевöччисьсезвö Съия ӵöктъис мунны быд муöт и пыртны отирöс. Нёльдас вунö Iисус Христос мыччасис Асвас вевöччисьсезвö Ерусалимын. Эта пора Съия висьтавис нывö, медбы нъия овисö Ерусалимын, кыччöǯ озна веччи ныввыö Святой Вов. Этыбöрын Съия нуöтъис вевöтъис вевöччисьсезöс Елеонскöй керöсвыö. Татöн Съия вептъис Асвас киесö, благословитъис вевöччисьсезöс и пондъис кайны ныдынсянь енвевтвыö. Вевöччисьсез кевмисö Сывö и виǯетъисö Сысерö, но мыччасис югыт, кымöр и са́евтъис Съие ныдынсянь. Нъия жö всё сувависö и виǯетъисö енвевтвö. Друг нывö мыччисисö кык Ангел и шувöны: «Галилеяна! мый сувават и виǯетат енвевтвö? Iисус вились воктас муввö, кыǯ тъие аǯǯивит Съие каемöн». Вевöччисьсез кевмисö ешö Iисус Христосвö и мунъисö Ерусалимö. Ерусалимын нъия овисö пыр öтваын, юрбытъисö Енвö и виччисисö Святой Духöс.

Каемъ Iисус Христосвöн енвевтвö празнуччö нёльдасöт вунö Пасха бöрын.

Ветчöм Святой Духöс апостолвезвö

Дасöт вунö Iисус Христос каембöртъи, вевöччисьсез Сывöн вöви быдныс öтъи керкувын и юрбытъисö. Вöви ешö асыв, друг съия керкуввевдöрын, кытöн пукависö вевöччисьсез, керсис шум, кыǯ бытьтöн бурясянь, и пырис дажö керкуö. Вевöччисьсез юрвевдöрын вдруг мыччисисö бия кыввез. Эта веччис ныввыö Дух Святой. Сывöн вынöн друг вевöччисьсез пондъисö баитны сякöй кыввезвын, кöдные оǯжык эз тöдö и кöдныввö эзöна вевöчче. Керкувдынö, кытöн пукависö апостолвез, шумвö котöртъис уна отир. Кöр съия кывис, што вевöччисьсез баитöны сякöй кыввезвын, дивиччис и баитъис: «И эна Галилеяна? кыǯ жö нъия баитöны сякöй кыввезöн?» Мöддэз жö баитъисö: «нъия вина юисö». Сэк апостол Петр петъис отирвесьтö и шувис: «кывзö менö: мие вовсе не кодöсь, но воис миянвыын шы Iоиль пророквöн, кöда осьтъис, што Мессiя (Христос) вуннэз веччас отирвыö Дух Святой. Iисусöс, Кöда керис уна чудоез и Кöда вöви вартöм пернаввын, Ен вовзетъис кувöмись. Эта Iисус каис енвевтвö и ыстъис миянвö Святой Духöс, Кöда сетъис таун миянвö вын баитны сякöй кыввезöн, мый тъие таун кыват и аǯǯат». Отир ювавис апостолвезвись: «мый жö миянвö керны, воннэе?» Апостолвез шувисö нывö: «ка̀иччö грехкезын и пырччö Iисус Христос нимö, и воасö тъиянвыын даррез бур Святой Духöн». И сы вунö жö пырччис куим тысяча морт. Эта порасянь апостолвез пондъисö ветвöтны быд муöт, вевöтны и пыртны отирöс, кыǯ нывö ӵöктъис Iисус Христос.

Веччöм Святой Духöс апостолвезвыö празнуччö витдасöт вунö Ыӂыт вун бöрын.

Госпожа вун

Iисус Христос енвевтвыö каембöртъи Ен Чужöтъись ешö дыр овис Ерусалимын. Сыкöт пыр овис любимöй вевöччись Iисус Христосвöн, Iоан нима. Мукöд апостолвез эта пора ветвöтъисö быдваын и вевöтъисö отир. Кувтöǯ оǯжык Сывö мыччасис Архангев Гаврiил и шувис, што Ен чожа босьтас Съие Асдынö. Апостолвез эта поракежö öтваö öксисö Ерусалимö; эз вöв токон Фома. Кöр нъия тöдъисö, што Ен Чужöтъись чожа оз вов муввын, öдден гаштöмччисö. Съия жö баитъис нывö, што оз коль нъие сиротаезöн, и пыр пондас отсавны нывö. Iисус Христос Ачыс мыччасис муввö босьны вов Асьсис Мамвись. Апостоввез ǯебисö яй Ен Чужöтъисьвись Гевсиманскöй садын.

Куимöт вунвö Сывöн кувöмбöртъи воктъис Ерусалимö и Фома. Съия пондъис корны апостолвезöс мыччавны сывö яй Ен Чужöтъисьвись. Апостолвез мунъисö сыкöт домовишшодынö, кытöн вöви ǯебöм Ен Чужöтъись, осьтъисö домовишшо и аǯǯивисö, што яй Ен Чужöтъисьвöн сэччинь абу. Нъия эзö тöдö, кыччö воис яй, сувависö и горзъисö. Эта пора нывö мыччасис Ен Чужöтъись Ангелвезкöт и шувис: «гажавö! Ме пыр понда юрбытны тъиянпонда и быдныс понда, кöдна веруйтöны». Апостолвез гажöн берччисö Ерусалимö и бвагодаритъисö Енöс.

Госпожа вун празнуччö 15 августын.

Воздвиженiе Креста Господня

312 годын Iисус Христос Чужöмбöртъи пырччис римскöй цар Константин Великöй. Мам эта сарвöн, Елена нима, жавайтъис аǯǯины перна, кöдыввын вöви вартöм Iисус Христос. Этыпонда съия 326 годы̀н воктъис Ерусалимö и ӵöктъис гарйыны керöс Голгоѳа. Этадырни вöви аǯǯем куим перна. Эна пернаез дорö пондъис сибöччиввыны этъик шог инька и öтъиксянь веськавис. Эта перна павкöччембöртъи öтъик кувöмöс – вовзис съия. Эна кык чудоись тыдавö, што перна, Христосвöн. Кöр хрисьяна тöдъисö, што перна Христосвöн аǯǯем, унаöн пондъисö воввыны кевмисьны сывö. Медбы сякöй ныись вермис аǯǯивны и кевмисьны сывö, перна унаись вептывисö выö.

Празник эта вовыö 14 сентябрин.