Коми орфография: ø/а

Майшӧг

Рочысь босьтӧм кывъясын мукӧддырйи а шыыс вермӧ вежласьны нульӧн. Корсюрӧ тайӧ норма, а корсюрӧ абу.

Лыддьӧг

Нормаын кыв помас "а", а вариантын "а"-ыс абу

1. бандура - бандур
2. бумага - бумаг, гумаг
3. груда - груд
4. детина - детин
5. клавиша - клавиш
6. кружева (< кружево) - кружев
7. папаша - папаш
8. стада (< стадо) - стад
9. стелюга - стелюг
10. субӧта - субӧт
11. фабрика - фабрик
12. шняга - шняг
13. шпала - шпал

Корсюрӧ кывдінын а содігӧн вошӧ гласнӧй:

• убытка - убыток

Нормаын кыв помын а-ыс абу, а вариантын эм

1. шын - шына
2. манжет - манжета

тр пома кывъяс

Тр пома кывъясын шуӧмсӧ кокньӧдӧм могысь вермӧ содтысьны а шы:

1. литр - литра
2. метр - метра
3. милиметр - миллиметра

кт пома кывъяс

Кт пома кывъясын шуӧмсӧ кокньӧдӧм могысь вермӧны содтысьны а либӧ ы шы. Та дырйи фрукты кывйын норма - ы, а прӧдукта кывйын норма - а.

1. фрукты - фрукта - фрукт
2. прӧдукта - прӧдукт

Кыв водзын нормаын а, вариантын нуль

• аэроплан - ероплан

Дискуссия

Юлия Игнатова (2013ʼ вося арнас):

• Литра да мый да: ме вӧзъя нормируйтны метра да литра, сы вӧсна, мый метр да литр оз лӧсяв коми шуанногыслы.
• Фрукты да прӧдукта: фрукт да прӧдукт лоӧ ӧтка лыдӧн, фрукты да прӧдукта петкӧдлӧны унатор.
• Ероплан: тайӧ кывйыс историзм, сійӧн бурджык пыртны орфография нормаӧ традиционнӧй коми шуанног.
• Шына, манжета: бурджык бӧрйыны вариант а-ӧн, сы вӧсна, мый пӧшти став мукӧд кывйын, кӧні эм а нуль вежласьӧмыс, нормаын кольӧ а.
• Убытка: буретш татшӧм коми шуанногыс.