Koi Паныт важся некаитчӧмлӧ (1899)

ǯ = оригиналiсь з̌!!!

1899-ся оригинал	öння графика
ПАНЫТ ВАЖСЯ НЕКАИЧЧОМЛÖ Эд лэǯö, православнöйз, и öння виǯлö каиччытöг и причастиччытöг!	ПАНЫТ ВАЖСЯ НЕКАИТЧÖМЛÖ Эд лэдзö, православнöйез, и öння видзсö каитчытöг и причаститчытöг!
Тъиян-дынö, православнöйез, вермись кыл мiян,-тъиян-дынö, конъия уна гöддэз (батъи витдас) эд воллылö, постуйтны и причашшайччыны.	Тiян дынö, православнöйез, вермись кыв миян, тiян дынö, кöднiя уна годдэз (батi витдас) эд вовлывлö, постуйтны и причащайтчыны.
Гажтöмччö тъиян-понда мам, православнöй Вычку.	Гажтöмтчö тiян понда мам, православнöй Вичку.
Ен Iисусъ Кристосъ оджик ӵöктъис сылö лоны святöен и негрешнöен, куӵöм съия эм и öнъи.	Ен Иисус Христос одзжык тшöктiс сылö лоны святöйöн и негрешнöйöн, кытшöм сiя эм и öнi.
Съиöн, кин сылöн тор уна гöддэз продитöм бöрын оз весöт асьсö греккеись (весöтны туйö только каиччöмöн), кин содталö аслас греккез-дынö виль греккез: съия не только ду̀г-дö-лоны матъись торöн; но неунаöн керö асьсö умöлен сыдынö «святöй и негрешнöй-дынö».	Сiйöн, кин сылöн тор уна годдэз пройдитöм бöрын оз весöт асьсö греххезiсь (весöтны туйö токö каитчöмöн), кин содталö аслас греххез дынö виль греххез: сiя не токö дугдö лоны матiсь торöн; но невнаöн керö асьсö умöльöн сы дынö, «святöй и негрешнöй дынö».
И съия кажнöй постуйтъись – понда весöтöм вотöǯ съиö грекись юрбытö поп öмöн: «мирит и öтлаал съиö аслат святöй Вичкулö;» не съиöн ли öдденжык уна гöддэз бöрын не воллыллъисез постуйтны öштъисö сыкöт мир?	И сiя каждöй постуйтiсь понда весöтöм вотöдз сiйö грехись юрбитö поп öмöн: «Мирит и öтлаав сiйö аслат святöй Вичкулö»; не сiйöн ли öддьöнжык уна годдэз бöрын не вовлывлiссез постуйтны öштiсö сыкöт мир?
И кыǯжö сылö эта бöрын не гажтöмччыны тъиян-понда, торрясем-понда тъиянöс сыкöт!	И кыдз жö сылö эта бöрын не гажтöмтчыны тiян понда, торьясьöм понда тiянöс сыкöт!
– Съиǯжö гажтöмччö тъяин понда ангел-кранитъись.	Сiдз жö гажтöмтчö тiян понда ангел-хранитiсь.
Кыǯ чистöй лол и гректöм съия оз вермы лоны матъисен (кöть бы сибöтины) сэшöм морт-дынö, лол кодалöн уна гöддэз кольччö весöттöг ыӂыт греккеись и учöттэись.	Кыдз чистöй лов и грехтöм сiя оз вермы лоны матiсьöн (кöть бы сибöтчыны) сэтшöм морт дынö, лов кöдалöн уна годдэз кольччö весöттöг ыджыт греххезiсь и учöттэзiсь.
(Да и бытсöн ангельскöй мiр виǯöм асьсö ылыккодьын морт рöддынъись, кыччöǯ абу вöлöм ваем отир-понда весöтан жертва: öнъисянь казялат оссем кымöр и Енлъись ангеллэöс казялат ка̀иссеöс и лэччиссеöс кымöрсянь, висьталöм только сэк, кыǯ мыччисем Спаситель мiрö спаситны грешнöйеöс.	Да и быдсöн ангельскöй мир видзöм асьсö ылын кодьын морт род дынiсь, кытчöдз абу вöлöм вайöм отир понда весöтан жертва: öнiсянь казялат оссьöм кымöр и Енлiсь ангеллэзöс казялат кайиссезöс и лэдзчиссезöс кымöрсянь, висьталöм токö сэк, кыдз мыччисьöм Спаситель мирö спаситны грешнöйезöс.
Кажнöй öнъи мiян коласъись вермö шуны ассис этö жертвалö только каиччöмöн и плоддэöн, конъия достойнöйöсь каиччöмöн.	Каждöй öнi миян коласiсь вермö шуны ассис этö жертвасö токö каитчöмöн и плоддэзöн, кöднiя достойнöйöсь каитчöмöн.
Гажтöмччöны тъян понда Ен Мам и асланыт нима святöйез.	Гажтöмтчöны тiян понда Ен Мам и асланыт нима святöйез.
Ен Мам грешниккезлö, конъия только öшшö пуктöны пыдöс (начало, основанiе) каиччомлö, эм вернöй оǯöсултöтъись.	Ен Мам грешниккезлö, кöднiя токö эшö пуктöны пыдöс (начало, основание) каитчöмлö, эм вернöй одзöсултöтiсь.
Святöйез асланыт нимаез радуйччöны тъиян понда и аǯǯöны аспондасиныс тъиянöс кыǯ почитайтъисьсеöс нъиö, кор тъи олат нымоз: каиччöмöн и старайччöмöн олны весыта быӵöма.	Святöйез асланыт нимаэз радуйтчöны тiян понда и адззöны ас пондасиныс тiянöс кыдз почитайтiссезöс нiйö, кöр тi олат ны моз: каитчöмöн и старайтчöмöн овны весыта, бытшöма.
Гусен тöждö и гажтöмчö асланыт лол, – эта съиǯ; съиöн штö лол кажнöйлöн тъян керöм Енсянь весытöн и невиннöен, кыǯ ангел.	Гусьöн тöждö и гажтöмтчö асланыт лов – эта сiдз: сiйöн что лов каждöйлöн тiян керöм Енсянь весытöн и невиннöйöн, кыдз ангел.
Кин керис уна греккез, съия и локтас каиччыны – оз вермы друг висьталны ассис греккез, рöвнö кин-кö домалъис сылъись кыл.	Кин керис уна греххез, сiя и локтас каитчыны – оз вермы вдруг висьтавны ассис греххез, ровно кинкö домалiс сылiсь кыв.
Но любöйез менам! Куӵöм жö нужда тъиянлö дыр ветлöтны грекöвöй ношаöн?	Но любöйез менам! Кытшöм жö нужда тiянлö дыр велöтны греховöй ношаöн?
Ен – Христос, кода проститъис бöбалъисьлö, кода правдайтъис рам Мытарлö и кода осьтъис ыбöс райлъись разбойник понда, и öнъи разь кинлъись либо каиччöм оз примит, кöть кин мында бы уна греккеöн сектöтъис ассис лоллö?	Ен-Христос, кöда проститiс бöбалiсьсö, кöда правдайтiс рам мытарьсö и кöда осьтiс ыбöс райлiсь разбойник понда, и öнi разь кинлiсь-либо каитчöм оз примит, кöть кин мымда бы уна греххезöн сьöктöтiс ассис ловсö?
Разве не быдöнлö и кожнöйлö Съия баитö: «локтöте Ме дынö быдöнныт мырсиссез и сектъисьсез греккеöн и Ме шоччöта тъиянöс?»	Разве не быдöнлö и каждöйлö сiя баитö: «Локтöте Ме дынö быдöнныт мырсиссез и сьöктiссез греххезöн и Ме шоччöта тiянöс?
Виǯöтö öшшö асланыт каиччöм вылö öтöр лапöлсянь: кыǯ съия туйö тъиянлö кажнöй пöраö!	Видзöтö эшö асланыт каитчöм вылö öтöр лапöлсянь: кыдз сiя туйö тiянлö каждöй пораö?
Тъи разь олат отечество дорын али невернöйез коласын и йöзверуйтъиссез коласын, штö некытон тъиянлö аǯǯыны православнöй попöс, штöбы сыдырни каиччыны Аслыс Енлö?	Тi разь олат отечество дорын али невернöйез коласын и йöзверуйтiссез коласын, что некытöн тiянлö адззыны православнöй попöс, чтобы сы дырни каитчыны Аслыс Енлö?
Нет; приходскöй поп кажнöй пöра олö тъиянкöт; съия частö воллыллö тъиянö и важын уже тъиянлö ӵöктö каиччыны. Съия быдпöра тъиянлö гöтöв отсалны кыǯ имiйтъись коǯын бурсетöмлъись (даръ благодати) проститны греккез.	Нет, приходскöй поп каждöй пора олö тiянкöт; сiя часто вовлывлö тiянö и важын ужö тiянлö тшöктö каитчыны. Сiя быд пора тiянлö готов отсавны кыдз имейтiсь козин бурсьöтöмлiсь проститны греххез.
Сыбöрын казьтöте, – куӵöм ползьöтан кыллэöн Ен Іисус Христос осьтъис Тайнöй рыт Аслас велöччиссезкöт, кода вылын султöтъис св. причашшенье! Кöр вузалъись Сылöн сöвсем мунъис эта рытсянь, кöр Сыкöт кольччисö только любимöй велöтчиссез, Съия нылö висьталöм: «Одден ме мöдъи сёйны этö паскасö оджык Аслам маиччöм вотöǯ». Аǯǯатö кыǯ Сылö окота вöлöм сетны Ассис яй и вир Аслас велöтчиссезлö, и куӵöм радöсь Сылö причастиччиссез понда! Тъиöжö вот од исполняйтö этö колансö, кодö Сылö колö, од ваялö Сылö асланыт гöтöвиччöмöн причастиччöм бурсетан кöǯынлъись! Сыбöрын: Съия кöсъйö мiянлö св. причассеын сэшöм сибоччан Асдынас, куӵöмö оз имiйтö ангеллэз и кыǯ абу домалöмöсь öтамöд бердö ай и зон или нимасян кага аслас мамкöт. А вот мый съия шуö: «сёись Менчим, Яйлö и юись Менчим Вирлö Ме пыӵкын олö, и Ме сыпыӵкын.» Не «дивнöй ли эта чудо» – олны Енкöт, нолъйöтны аспыӵкын Енлö и лоны нолъйöтöмöн Енöн! Мый öшшö вермам пуктыны асланым оланын вылынжыка Ен милöсся и морт любитöмся! Быль «озвермöччö эстöн быдöнлöн вежöр и немöй лоö быдöнлöн кыл!» А вот тъиö немында од тэрмасе Христос дынö Сытаинсвоын яйлъись и вирлъись. Тъи од старайччö досполна кылзыны, куӵöм эта ченатöм коǯын и куӵöмö немувылъись радöсь косъйö св. Вичку тъиянлö, кöр корö съия тъиянöс локны св. причассё дыно! Ен Iисус Кристос Ай любитöмöн и кыǯ сар ӵöктöмöн шуö мiян дынö: «примитö, сёйöте: съия Менам яй; юöте сыись быдöнныт; съиöн штö съия Менам вир виль заветлöн, кода уна понда кисьтöм греккез колем понда, т.е. сваль ӵöктö мiянлö сёйны Ассис весыт яй и юны Сылъис весыт вир. А вот тъи асмознаныт судитат: тырмас кöр небудь, нетö мындакö гöддэзбöрын причассё босьны! Тъи сöвсемъ од мöдö пользуйтчыны эта милöстивöй Ен ӵöктöмöн тъиянлö. Только баитат: ме ог сулал съиö, меным не виǯны,» съиǯ штö эта шуöмöн и дас гöддэз од воллыллö причассе дынö. Кыǯ жö тъи думайтат асмознаныт, штö унажик имiйтат св. причассе и унажык судитат сы важнöсь йылъись, чем мöдъиккез йылъись, чем ачыс св. Вичку, кода ӵöктö тъиянлö локны и сыбöрын, кыǯ пешлас тъиян лол каиччöмсö поп оǯын! Мöдъиккез жö лыддены лишнöен локны св. причассе дынö öприш Ыӂыт виǯся и Успенскöй виǯся. Даже лыддены грекöн постуйтны öприш виǯǯезся (напр. оджык квать неделяся). Нет, – Ен Iисус Христос быдöнöс мiянöс велöтö юрбытны: нянь мiянлö сет талун, а эта нянь ултын колö ылöсны св. причассе. Асылъись кристiана причассе босьтöны öдден сваль, а первой вичкуын абу продитлöм и öтъик öбедня причашайчытöг. А вот Iисус Христос куӵöм быль висьталö мiянлö: «кыǯ од пондö сёйны Менчим яй и юны Менчим вир, то од пондö имiйтны аспыӵканыт олан. Сёись Менчим яй и юись Менчим вир имiйтö вечной олан, и ме лолзета съиö последнöй лунö». Кыǯ чапкалъиссезлö Съиö эта оланын озло олан Сыкöт сэччин, и съиǯ быд векын: кинкöтжö – ду̀майтö – эна чапкалъиссез пондасö олны мöдъик оланын, кöр лолзясö грöбись, кинкöт пондасö юкалны виль олан, кода уже оз понды имiйтны öння веселиччöммез, – кинкöт сэсся, штö не дiяволкöт и быдöнкöт, конъия сöвсем эз веруйтö Христосло? Кыǯ не раин олны эна отирлö лолзем бöрын, съиöн рай только сэччин, кытöн Христос: кытöн нылö кольтчö олны кыǯ только не адын? Мöдъик югытас ведь только кык места: рай да ад; только кык олан быд ылöса тор понда: чесливöй и мучительнöй, съиǯ штö эна местаез коласын эм ыӂыт пропась, съиǯ штö мöдъиссез вуӂны съиö не кода лапöлсянь оз вермö. Тъи уӂалат, а од мöдö думайтны эна Евангельскöй кыллэз вылын: «кыǯ од сёйö, – олан од имiйтö,» – кыллэын, конъия петъисö Аслас Христос öмись, оз вермö не олны. Тъиянло св. Причассё не ыӂыӂӂык, кыǯ только кристiаналö ветлыны празник пöра заутренякежö или öбеднякежö. Сэшöм святой уӂлö тъи пуктан паныт самöй учитик отказзэз: недосугöсь тъи, вузасят, кöзяйничайтат, уӂалат мый небудь гортаныт. А мукöд и веськыта ыстъисьö аслас дыш вылö и аслас тушалö служитö: напр. нъия велалъисö асылсö дыр узьны и оз вермö чеччыны заутренякежö; нылö сьöкыт сулалны ыӂыт виǯся служба; нъия вынтöмöсь, штобы постуйтны; мукöд шуö, штö ме толькö гöтраси. Не съиǯ, любезнöйез! Воллыны причассе дынö не öтъик кристiанскöй уӂ, но и сэшöм уӂ, кодöн сеччö вечнöй олан мортлö: Конъия частö сибöтчöны сыдынö и сы пöра кажнöись гöтовиччöны вына молитваöн, виǯсемöн и спокойнöй сьöлöмöн, – нъия аǯǯасö кымöрись сарсво: а кажнöй ǯебсисиссез св. причассё дынъись или воллыллъисьсез сыдынö полтöг, вериттöг и любиттöг гöтöвитöны аслыныс вечнöй гибель.	Сыбöрын казьтöте, кытшöм повзьöтан кыввезöн Иисус Христос осьтiс Тайнöй рыт Аслас велöтчиссезкöт, кöда вылын сувтöтiс св. причащеннё! Кöр вузалiсь Сылöн совсем мунiс эта рытсянь, кöр Сыкöт кольччисö токö любимöй велöтчиссез, Сiя нылö висьталöм: «Öддьöн ме мöдi сёйны этö пасхасö одзжык Аслам маитчöм вотöдз». Адззатö кыдз Сылö охота вöлöм сетны Ассис яй и вир Аслас велöтчиссезлö, и кытшöм радость Сылö причаститчиссез понда! Тiйö жö вот од исполняйтö этö колансö, кöдö сылö колö, од ваялö Сылö асланыт готовитчöмöн причаститчöм бурсьöтан козинлiсь! Сыбöрын: Сiя кöсйö миянлö св. причассёын сэтшöм сибöтчан Ас дынас, кытшöмö оз имейтö ангеллэз и кыдз абу домалöмöсь öтамöд бердö ай и зон или нимасян кага аслас мамкöт. А вот мый сiя шуö: «Сёйись Менчим Яйсö и юись Менчим Вирсö Ме пытшкын олö, и Ме сы пытшкын». Не «дивнöй ли эта чудо» овны Енкöт, новйöтны ас пытшкын енсö и лоны новйöтöмöн Енöн! Мый эшö вермам пуктыны асланым оланын вылынжыка Ен милосться и морт любитöмся! Быль «оз вермöтчö эстöн быдöнлöн вежöр и немöй лоö быдöнлöн кыв!». А вот тiйö немымда од тэрмасьö Христос дынö Сы таинствоын яйлiсь и вирлiсь. Тi од старайтчö досполна кывзыны, кытшöм эта ценатöм козин и кытшöм немувылiсь радость кöсйö св. Вичку тiянлö, кöр корö сiя тiянöс локны св. причассё дынö! Ен Иисус Христос Ай любитöмöн и кыдз сар тшöктöмöн шуö миян дынö: «Примитö, сёйöте: сiя Менам яй; юöте сыись быдöнныт, сiйöн что сiя Менам вир виль заветлöн, кöда уна понда кисьтöм греххез кольöм понда, т.е. сваль тшöктö миянлö сёйны Ассис весыт яй и юны Сылiсь весыт вир. А вот тi ас мознаныт судитат: тырмас кöр-нибудь, нето мымдакö годдэз бöрын причассё босьтны! Тi совсем од мöдö пользуйтчыны эта милостивöй Ен тшöктöмöн тiянлö. Токö баитат: ме ог сулав сiйö, меным не видзны», сiдз что эта шуöмöн и дас годдэз од вовлывлö причассё дынö. Кыдз жö тi думайтат ас мознаныт, что унажык имейтат св. причассё и унажык судитат сы важность йылiсь, чем мöдiккез йылiсь, чем ачыс св. Вичку, кöда тшöктö тiянлö локны и сыбöрын, кыдз пешлас тiян лов каитчöмсö поп одзын! Мöдiккез жö лыддьöны лишнöйöн локны св. причассё дынö öприч Ыджыт видзся и Успенскöй видзся. Дажö лыддьöны грехöн постуйтны öприч видззезся (напр. одзжык квать неделяся). Нет, Иисус Христос быдöнöс миянöс велöтö юрбитны: нянь миянлö сет талун, а эта нянь увтын колö ылöстны св. причассё. Асылiсь христиана причассё босьтöны öддьöн сваль, а перво вичкуын абу пройдитлöм и öтiк обедня причащайтчытöг. А вот Иисус Христос кытшöм быль висьталö миянлö: «Кыдз од пондö сёйны Менчим яй и юны Менчим вир, то од пондö имейтны ас пытшканыт олан. Сёйись Менчим яй и юись Менчим вир имейтö вечнöй олан, и Ме ловзьöта сiйö последнöй лунö». Кыдз чапкалiссезлö Сiйö эта оланын оз ло олан Сыкöт сэтчин, и сiдз быд векын. Кинкöт жö, думайтö, эна чапкалiссез пондасö овны мöдiк оланын, кöр ловзясö гробись, кинкöт пондасö юкавны виль олан, кöда ужö оз понды имейтны öння веселитчöммез, кинкöт сэсся, что не дьяволкöт и быдöнкöт, кöднiя совсем эз веруйтö Христослö? Кыдз не райын овны эна отирлö ловзьöм бöрын, сiйöн рай токö сэтчин, кытöн Христос: кытöн нылö кольччö овны кыдз токö не адын? Мöдiк югытас эд токö кык места: рай да ад; токö кык олан быд ылöса тор понда: счастливöй и мучительнöй, сiдз что эна местаэз коласын эм ыджыт пропасть, сiдз что мöдiссез вуджны сiйö некöда лапöвсянь оз вермö. Тi уджалат, а од мöдö думайтны эна евангельскöй кыввез вылын: «Кыдз одö сёйö, олан од имейтö», кыввезын, кöднiя петiсö Аслас Христос öмись, оз вермö не овны. Тiянлö св. причассё не ыджытжык, кыдз токö христианалö ветлыны праздник пора заутреня кежö или обедня кежö. Сэтшöм святöй уджлö тi пуктат паныт самöй учöтик отказзэз: недосугöсь тi, вузасят, хозяйничайтат, уджалат мый-нибудь гортаныт. А мукöд веськыта ыстiсьö аслас дыш вылö и аслас тушалö служитö: напр., нiя велалiсö асывсö дыр узьны и оз вермö чеччыны заутреня кежö; нылö сьöкыт сулавны ыджыт видзся служба; нiя вынтöмöсь, чтобы постуйтны; мукöд шуö, что ме токö гöтраси. Не сiдз, любезнöйез! Вовлыны причассё дынö не öтiк христианскöй удж, но и сэтшöм удж, кöдöн сетсьö вечнöй олан мортлö. Кöднiя часто сибöтчöны сы дынö и сы пора каждöйись готовитчöны вына молитваöн, видзсьöмöн и спокойнöй сьöлöмöн, нiя адззасö кымöрись сарствосö; а каждöй дзебсисиссез св. причассё дынiсь или вовлывлiссез сы дынö повтöг, вериттöг и любиттöг готовитöны аслыныс вечнöй гибель.
И öпеть тъиянлö куӵöм мешайтан или куӵöм сьöкыт воллыллыны кажнöй гöдö, но и не öччид гöднас св. причассё дынö? Эта понда тъиянлö разь колö море вуӂны или кузь туйкузя вашöтны? Не рядöн ли тъиян керкуезкöт сулалö Енлöн Вичку, кытöн кажнöй лун совершаччö виртöм жертва и кажнöй öбеднясаин кылсьöны кыллэз: Ен полöмöн и веруйтöмöн сибöччö!	И опять тiянлö кытшöм мешайтан или кытшöм сьöкыт вовлывлыны каждöй годö, но и не öтчид годнас св. причассё дынö? Эта понда тiянлö разь колö море вуджны или кузь туй кузя вашöтны? Не рядöн ли тiян керкуэзкöт сулалö Енлöн Вичку, кытöн каждöй лун совершайтчö виртöм жертва и каждöй обедня сайын кывсьöны кыввез: Ен полöмöн и веруйтöмöн сибöтчö!
Мыля этö тъиянлö и аслыныт безпöкоиччыны кажнöись и кольны безпокойствоö аспондасиныт мöдъиккеöс, кöр тъиянлö аǯǯисьö дума, штö тъи сымда гöддэǯ эд каиччö, сымда виǯǯез лэǯит каиччытöг и св. причассётöг. может вермас лоны öшшö, штö друг аǯǯас тъиянöс страшнöй кулан час? Быль, каиччытöм грешниккесö унажык и вöтö чожа вiись куланыс. А кыǯ асьныс кулöны жагöник: асьныс кыскöны каиччыны и причассе босьны. Мыля жö? съиöн што эз велалö донсьöтны эта чентатöм коǯынöн, штö полöны ни каиччöмись и причассёись, кыǯ рöвнö висьтасисись чожа кулны. Съиǯ нешоча кулöны, даже конылö эм пöра кулан вотöǯ каиччыны и причассё босьны, но и нъия кулöны каиччытöг.	Мыля этö тiянлö и аслыныт беспокоитчыны каждöйись и кольны беспокойствоö ас пондасиныт мöдiккезöс, кöр тiянлö адззисьö дума, что тi сымда годдэз эд каитчö, сымда видззез лэдзит каитчытöг и св. причассётöг, может вермас лоны эшö, что вдруг адззас тiянöс страшнöй кулан час? Быль, каитчытöм грешниккесö унажык и вöтö чожа вийись куланыс. А кыдз асьныс кулöны жагöник: асьныс кыскöны каитчыны и причассё босьтны. Мыля жö? Сiйöн что эз велалö донсьöтны эта ценатöм козинöн, что полöны ни каитчöмись и причассёись, кыдз ровно висьтасисись чожа кувны. Сiдз нешоча кулöны, дажö кöдналö эм пора кулан вотöдз каитчыны и причассё босьтны, но и нiя кулöны каитчытöг.
Любöй воннэз и сойез! келмам тъиянлö мiян пастырскöй любитöмöн, – стоись келмам: эд лэǯö öшшö виǯсö каиччытöг! кыǯ тъи асьныт тöдат штö öдден грешнöйесь, и мöдъиккез надейччись отиррез, конъия желайтöны тъиян пыӵкын виǯны весыт карактеррезнытлъись, важын уже виччисены тъиянсянь вочмöм: веритö каиччöмыс тъиян понда лоас первöй виǯан вынöн. Келмö Енлö (кыǯ келмам и мiö аспондасиным) саймыны тъиянлö грековнöй суналанъись, Съия некинлö оз ӵöкты кулны греккеöн, но кин бергöччас Сыдынö, и сылö олан желайтö.	Любöй воннэз и сойез! Кевмам тiянлö миян пастырскöй любитöмöн, стоись кевмам: эд лэдзö эшö видзсö каитчытöг! Кыдз тi асьныт тöдат что öддьöн грешнöйöсь, и мöдiккез надейтчись отиррез, кöднiя желайтöны тiян пытшкын видзны весыт характеррезнытлiсь, важын ужö виччисьöны тiянсянь вочмöм, веритö – каитчöмыс тiян понда лоас первöй видзан вынöн. Кевмö Енлö (кыдз кевмам и мийö ас пондасиным) саймыны тiянлö греховнöй суналанiсь, Сiя некинлö оз тшöкты кувны греххезöн, но кин бергöтчас Сы дынö, и сылö олан желайтö.
Съия сетас тъиянлö аǯǯылны ассиныт греккез, – аǯǯылны бытсöн и сэшöм яснöя, штö не только асьныт пондат келмыны асланыт уна греккез понда, но и гöтöвöсь лоат корны мöдъиккеöс, штöбы горзъисö öтлаын тъиян греккез понда; (вот напр: öтъик велоччись частö застанитлöм ассис велöтъисьлö горзъикö. Велоччись юалöм сылъись: «ай менам, мыля тэ частö горзан?» Велöтъись висьталöм: «аслам греккез понда». Велöччис шуöм: «да ме сöвсем ог тöд тэнчит греккезтö, тэят абу нъия». Велотъись вились висьталöм: «веритны ме ӵöкта тэйыт, зон менам! кыǯ туис бы аǯǯылны меным бытсöн менчим греккез, то еӵа бы вöлъи и нёль морт, штобы отлаын мекöт горзыны нъиö.») Сэк св. Вичку паныт шедас тъиянлö киез паськöтöмöн и босьтас тъиянöс и бытсöн кымöр пондас радуйтчыны тъиян каиччöм понда. Кöр тъи каиччат, сы бöрын кöсъисьö тъи кажнöй гöд каиччыны и св. причассе босьны. А сыборын Ен сетас – кажнöись, кыǯ только кылат, штö колö крепмотны ассиныт лол и туша, некинъись эд полö мунны каиччыны и причассё босьны. Öтъик только полан вермас лоны тъиян понда эта пöраö: кыǯ бы тъиянлö не думайтны асланыт достоинство йылъись и праведнöсь йылъись. Но милöся Ен ась сокранитас тъиянöс эта поланъись!	Сiя сетас тiянлö адззывны ассиныт греххез, адззывны быдсöн и сэтшöм яснöя, что не токö асьныт пондат кевмыны асланыт уна греххез понда, но и готовöй лоат корны мöдiккезöс, чтобы горзiсö öтлаын тiян греххез понда. (Вот напр.: öтiк велöтчись часто застанитлöм ассис велöтiсьсö горзiкö. Велöтчись юалöм сылiсь: «Ай менам, мыля тэ часто горзан?» Велöтiсь висьталöм: «Аслам греххез понда». Велöтчись шуöм: «Да ме совсем ог тöд тэнчит греххетö, тэнат абу нiя». Велöтiсь вились висьталöм: «Веритны ме тшöкта тэныт, зон менам. Кыдз туйис бы адззывны меным быдсöн менчим греххез, то етша бы вöлi и нёль морт, чтобы öтлаын мекöт горзыны нiйö»). Сэк св. Вичку паныт шедас тiянлö киэз паськöтöмöн и босьтас тiянöс и быдсöн кымöр пондас радуйтчыны тiян каитчöм понда. Кöр тi каитчат, сы бöрын кöсйисьö тi каждöй год каитчыны и св. причассё босьтны. А сыбöрын Ен сетас – каждöйись, кыдз токö кылат, что колö крепмöтны ассиныт лов и туша, некнинiсь эд полö мунны каитчыны и причассё босьтны. Öтiк токö полан вермас лоны тiян понда эта пораö: кыдз бы тiянлö не думайтны асланыт достоинство йылiсь и праведность йылiсь. Но милостя Ен ась сохранитас тiянöс эта поланiсь!