Просмотр исходного текста страницы ТОК бюллетень. №4. 1999

Коми Республикаса уна сикас войтыр министерстволӧн
ЮӦР ГИЖӦД.
№ 4.
Сыктывкар 1999.
 
==Пыдди пуктана лыддьысьысь!==
 
 Ми водзӧ тӧдмӧдам Тіянӧс Коми Республикаса уна сикас войтыр министерствобердса Республиканскӧй кыв комиссия уджӧн. Тайӧ небӧгсӧ сиӧма налы, кодъяслы абу веськодь коми кывлӧн аскиа луныс.
 Ассьыныд видзӧдлас, вӧзйӧм ми корам ыстыны Коми Республикаса уна сикас войтыр министерствоӧ.
 Миян уджаланінпас: 167010, Сыктывкар, Коммунистическӧй улича, 8, Коми Республикаса уна сикас войтырлӧн министерство.

==Кыв комиссия нимсянь==
 
 Нёль воысь унджык коли сійӧ кадсяньыс, кор петіс Коми Республикаса уна сикас войтыр министерстволӧн медводдза “Юӧр гижӧд”. Сійӧ тӧдмӧдіс лыддьысьысьясӧс ӧткымын терминӧн да кыв тэчасӧн, кодъяс чужисны Кыв комиссияӧ пырысьяслӧн ӧтув вежӧрын. Вель уна выль термин, сёрнисикасса кывъяс, кодъясӧс вынсьӧдіс комиссия да кодъясӧс вӧзйӧма войтыр сёрниын вужйӧдӧм вылӧ, кыв озырмӧдӧм вылӧ, вӧлі йӧзӧдӧма “Юӧр гижӧдлӧн” мӧд петасын.
 Талун ми вермам шуны, мый творческӧя уджалысь войтыр зіля босьтчис кыпӧдны государственнӧй коми кыв. На пӧвстысь унаӧн тыр-бура гӧгӧрвоӧны сійӧс водзӧ сӧвмӧдӧмын ассьыныс ыджыд тӧдчанлунсӧ да окотапырысь вӧдитчӧны асланыс уджын вӧзйӧм кывворӧн. Медводз колӧ пасйыны “Коми гор” государственнӧй теле- да радиокомпанияса журналистъясӧс, кодъяс ясыда гӧгӧрвоӧны, мый чужан кыв — тайӧ коми войтырлӧн талунъя и аскиа луныс. Йӧз пӧвстын выль кывъяс вужйӧдӧм-паськӧдӧмын унатор вӧчӧны школаын коми кыв да литература велӧдысьяс, велӧдчан книга да велӧдны отсасян небӧг гижысь-дасьтысьяс. Коми кыв озырмӧдӧм вӧсна мудзлытӧг тӧждысьӧны-пессьӧны гижысьяс, “Йӧлӧга”, “Коми му” газетъясса журналистъяс, “Войвыв кодзув" журнал вӧчысьяс; асланыс гижӧдъясын найӧ петкӧдлӧны коми кыввор выльмӧдан да ёнмӧдан туйяс да позянлунъяс.
 Кыв комиссия водзӧ чужтӧ-артмӧдӧ выль кывъяс, медводз коми кывлӧн пытшкӧсса вын-эбӧс вылӧ мыджсьӧмӧн, а сідзжӧ бокысь воӧм кывъяс комиӧдӧмӧн. Сэк жӧ комиссияӧ пырысьяс зільӧны ловзьӧдны вунӧдлӧм кывъяс, лэптыны сёрнисикаслысь озырлунсӧ, босьтны-ӧктыны коми-перым сёрниысь сӧстӧм кывъяс да кыв тэчасъяс.
 Став тайӧ позянлун отсӧгӧн комиссияӧ пырысьяс вуджӧдӧны роч вылысь да сетӧны коми ногӧн промышленнӧй предприятие нимъяс, производство котыр, стрӧитчан ӧтув, учреждение нимъяс да с.в. Комиӧдӧма Сыктывкарса улича нимъяс.
 Кыв комиссия заводитіс стӧчмӧдны ӧткымын пырӧм (заимствуйтӧм) кывъяс гижанног йылысь индӧдъяс да лӧсьӧдны найӧс коми кывлӧн нормаяс серти. Сідз, 1996 вося ӧшым тӧлысьын (декабрын) комиссияӧ пырысьяс аддзысьлісны Коми Республикаса велӧдчӧм сӧвмӧдан да велӧданног бурмӧдан институтын уджалысьяскӧд — Л. А. Моторинакӧд, А. И. Царевакӧд, З. А. Лодыгинакӧд да Кӧрткерӧс, Койгорт, Сыктыв, Луздор районъясса, Сыктывкарса 43№-а школаысь, Сосногорскса 3№-а школаысь ичӧт классъясын велӧдысьяскӧд. Сэки вӧлі сёрнитӧма ӧткымын пырӧм кыв гижанног йылысь: -бь, -вь, -рь, -пь, а сідзжӧ -сть шыпасъясӧн помасьысь кывъяс гижанног йылысь.
 Комиссиялысь некымын чукӧртчӧм вӧлі сиӧма иннимъяс (топонимъяс) гижанноглы. Колӧ пасйыны, мый иннимъяс гижанног коми кывйын абу на урчитӧма. Та вӧсна ӧнӧдз иннимъяс, торйӧн нин ванимъяс (гидронимъяс) быдӧн гижӧ, кыдзи кӧсйӧ. Сідз, тавося 11№-а “Войвыв кодзув” журналысь позьӧ казявны уна ногӧн гижӧм топонимъяс: Льӧмъю и Льӧм-ю, Сепыс ёль и Кузь-ёль, Лопъю и Ань-ю, Тыл-ты, Йирты и Кӧреня-ты да с.в. Ванимъяссӧ абу ӧтмоза гижӧма и топонимия кывчукӧръясын. Иннимъяс гижан ӧткымын индӧд, кодӧс вынсьӧдіс комиссия, вӧзйӧма лыддьысьысьяслы “Юӧр гижӧдлӧн" тайӧ петасын.
 Чайтам, лыддьысьысьяс тӧдмасясны и 20-ӧд воясся “Югыд туй” газетысь пасйӧдъясӧн, кодъяс висьталӧны, кыдзи да мый сійӧ каднас вӧчлӧмаӧсь коми кыв сӧвмӧдӧм могысь.
 
 Ӧнія юӧр гижӧдын йӧзӧдӧма:
 1) коми-роч да роч-коми кывчукӧр, коді шымыртӧ:
 а) выль терминъяс;
 б) печораса, сыктывйывса да удораса сёрнисикасысь босьтӧм кывъяс, кодъяс пӧвстысь ӧткымын вермасны содтыны коми термин лыд (кывчукӧрын найӧс сетӧма печ., вс., да уд. пасӧн);
 в) 1934 вося “Коми терминологияа словарысь” бӧрйӧм кывъяс (сетӧма К.т.с. пасӧн);
 г) коми-перым сёрниын бергалысь кывъяс, кодъясӧн позьӧ вӧдитчыны бокысь воӧм кывъяслы синонимъяс пыдди (сетӧма к-п пасӧн);
 2) сёян-юан нимъяс;
 3) Сыктывкарса улича нимъяс;
 4) пырӧм кывъяс гижанног индӧдъяс;
 5) иннимъяс (топонимъяс) гижанног индӧдъяс;
 6) 1923-1925-ӧд воясся “Югыд туй” газетысь пасйӧдъяс.

==Кывчукӧр==
 
 *Курсивӧн сетӧм кывъясыс - сёрнисикасса ӧткымын кывъяслӧн синонимъяс. Найӧс сетӧма воддзаяссӧ бурджыка гӧгӧрвоӧдӧм могысь.
 
 айним (к-п), вич* - отчество
 аслымавны, аслыдавны, аслысавны (печ.) - присвоить
 асму вузӧс - отечественные товары
 Асшӧр Государство Котыр (АГК) Содружество Независимых Государств (СНГ) 
 барс (уд.), нӧш - большая деревянная колотушка, чекмарь (для утрамбовки при строительстве)
 би сетысь (печ.) - электрик
 бот (вс.) - пойло, питье для скота
 бӧрйысян кабала - избирательный бюллетень
 бӧртас (К.т.с.) - результат
 быдзан (вс.) - хвост у птицы
 вапетук (к-п.) - кроншнеп
 варда, варді (уд.) - рама, решетка бороны
 варыд; лым варыд (уд.), рӧспута - распутица
 веджгун (вс.) - ворчун
 вежас (уд.) - обмен, бартер
 вежнӧс (уд.) - колья, воткнутые крест-накрест; крестообразно воткнутые подпорки к изгороди
 вежонся урокъяс - расписание уроков на неделю
 вердан лов (уд.) - иждивенец
 веркӧса (К.т.с.) - неосновательный
 вешльӧс (уд.) - тонкий шест
 видзӧдлас воля - свобода совести
 видлӧг (К.т.с.) - проба
 визгар (ныв, пу) - высокий, стройный, тонкий
 визьтор - дефис
 виньчи (уд.) - оладьи из крупной ячневой муки
 вирпуж (уд.), вурыс - красный след, рубец
 висньӧд (печ.) - нежирный, обезжиренный
 водзӧс (К.т.с.) - ссуда
 войтӧдан (вс.) - пипетка
 вочасьӧм (К.т.с.) - исправление
 вочӧм (К.т.с.) - ремонт
 вузӧс вӧчысь - товаропроизводитель
 вунлӧс (уд.) - забывчивый, легко забывающий
 вӧлӧга вӧзйӧг - меню, перечень блюд
 вӧрзьӧдана эмбур -движимое имущество
 вӧрзьӧдтӧм эмбур - недвижимое имущество
 вӧрмӧс (к-п.), йӧра - лось
 вырмыш (уд.) - крепкий, здоровый
 вырмышйыны (уд.) - окрепнуть, возмужать
 гараньга (уд.) - корявое, суховатое дерево
 гаридз (уд.), стропило - стропило
 гожӧб (уд.) - щель
 гозъёрт (к-п.) - супруг, супруга
 гӧгапи (к-п.) - внук
 гузеня (уд.), ва нидзув - пиявка
 депутатӧс вӧрӧдтӧмлун депутатская неприкосновенность
 дзиӧд (уд.) - слабый, мелкий (о ягодах) 
 дзоньвидзалун видлалӧм -профилактический осмотр
 дзулимкай(к- п.) - иволга
 жбот (печ.) - пюре из пареной репы
 жобӧг, жобӧга (уд.), кышыд - неплотный, рыхлый
 зойдӧдз (уд.) - молодой лес
 зэвтӧд (уд.), вожала, вожка - пяла
 изэрд - площадь
 индӧга пасйӧд (К.т.с.) - замечание, взыскание
 йичук (печ.) - льдина, торос
 йӧзаин - общественное место
 йӧзму вузӧс - импортные товары
 кага велӧдысь, кагульнича - воспитательница в детском саду, няня в детском саду
 каргӧн (уд.) - шерсть овцы второй стрижки
 кидь (вс.) - мягкий, рыхлый снег
 кольк турун (вс.) - анютины глазки
 Коми Республикаса велӧдчӧм сӧвмӧдан да велӧданног бурмӧдан институт - Коми республиканский институт развития образования и переподготовки кадров
 кошкым (уд.), мича лун - вёдро; ведренный
 кӧсйӧг (К.т.с.) - умысел
 кунка (уд.) - чайная чашка
 лапӧг (уд.) - пласт (сена)
 Локтан чужанвуж фонд - Фонд будущих поколений
 лоншак (уд.) - годовалый медведь
 лунджынъя удж - неполный рабочий день
 лунтутув (уд.) - мелкие бабочки, летающие над водой
 лучӧк (уд.) - деревянная дужка, скоба
 лыдмӧдан техника - множительная техника
 лымвый - мороженое
 лымдорчача (к-п.) - подснежник
 моми (вс.) - мифическое существо
 мортпас - личное дело
 му воль (уд.) - верхний слой почвы
 муниципальнӧй юкӧн - муниципальное образование
 мусерпас - карта (географическая)
 мусин (печ.) - родник, ключ
 нажыль (вс.) - рогатка, деревянный ошейник (для лошади)
 ниндуль (тшак) (к-п.) - валуй
 нойпа (печ.) - шерстяные носки
 нурӧб (уд.) - поперечная балка пола
 няр бадь (уд.) - плакучая ива
 оглом (вс.) - бурелом
 ӧдйӧзавны (печ.) - прокладывать дорогу по снегу
 ӧмидзкай (лэбач) (к- п.) - малиновка
 Ӧтсӧгласа да бурасян во - Год согласия и примирения
 падьӧр (печ.) - непогода
 пак (вс.) - илистые отложения на лугу
 патрак (печ.) - шалаш
 пелькытш (к-п.) - серьги
 писка (вс.) - манок на дичь
 польыд (вс.) - набухший, вздутый
 пӧрйӧд (печ.) - обман, соблазн
 пуга (печ.) - завязь (о ягодах)
 пурысь - проезд
 пыжъян (к-п.) - шыла
 пырмыга (вс.) - цельнокроенный
 рӧдкутысь - наследник
 рызьӧм (вс.) - переспелый (о ягодах)
 рызьыны (вс.) - переспеть (о ягодах)
 сераку (к-п.) - письмо
 сёрнитантор (К.т.с.) - повестка дня
 сорма (уд.) - смешанный лес
 сӧрба (печ.) - клевета, кляуза
 сӧрмыны (печ.) - перезреть, затвердеть
 сялльӧг (вс.) - высевки черемуховой муки
 тарӧг (вс.) - с низким, грубым звуком (о колоколе)
 тиньӧг (вс.) - звонкоголосый (о колоколе)
 тирган (вс.) - сверчок
 тільк (уд.) - мелкий хариус
 тӧдмӧгъяс (К.т.с.) - сведения
 тӧрнӧс (печ.) - тормоз
 туй - шоссе
 тшӧктӧд (К.т.с.) - предписание
 тюбӧй (уд.) - птичье перо
 уджлун (к-п.) - трудодень (рабочий день в календаре)
 уджтуй - деловая репутация
 уджын ас дон - профессиональное достоинство
 уджын бурним - профессиональная честь
 уличкост - переулок
 урок лыддьӧг - расписание уроков
 урчитӧм йӧв нӧгыль - базисная жирность молока
 чаж (уд.) - картофельные выжимки
 чарс (печ.) - наст
 чот (печ.) - путы
 чугра (печ.) - густой непроходимый лес
 чӧжӧс - доход
 шен (печ.) - диво
 шен (печ.) - кадриль
 шӧртуй - проспект
 шыӧдчӧм - заявление (бланк)
 ыджыд зал - актовый зал
 эмбур кутысь - собственник
 юрвеж (к-п.) - память
 юридическӧй кывкутысьлӧн организационно-правовӧй сикас - организационно-правовая форма юридического лица юрним, юргижӧд (Турк.) - заглавие, заголовок
 Юӧр чукӧртан-донъялан шӧрин - Информационно-аналитический центр
 юӧрпас (К.т.с.) - повестка

==Сёян-юан нимъяс==
 
 гӧрд пӧкъя жаритӧм нянь - канапе с икрой лососевой
 чимиа жаритӧм нянь - канапе с сёмгой
 чери пӧкъя жаритӧм нянь - зернистая икра с тостом
 чери пӧкъя пӧжалӧм няньшом - корзиночка закусочная с икрой
 чимиа пӧжалӧм няньшом - корзиночка закусочная с семгой
 чериа салата пӧжалӧм няньшом - корзиночка закусочная с салатом рыбным
 яй салата пӧжалӧм няньшом - корзиночка закусочная с салатом мясным
 сола ельдӧга пӧжалӧм няньшом - корзиночка закусочная с груздями солеными
 тшынӧдӧм яй сораса пӧжалӧм няньшом -корзиночка закусочная с копченостями мясными
 выя да лимона чими - семга с маслом и лимоном
 выя да лимона гӧрд пӧк - икра лососевая с маслом и лимоном
 чери сорас - ассорти рыбное
 туруна да лимона осетр балык - балык осетровый с лимоном и зеленью
 майонеза пуӧм осетр - осетрина отварная под майонезом
 картупеля сельди - сельдь с картофелем
 “пася” сельди - сельдь “под шубой”
 маринада пражитӧм пелядь - пелядь жареная под маринадом
 лимона да маринуйтӧм сливаа шпротъяс - шпроты с лимоном и маринованной сливой
 тшака маринуйтӧм чими - маринованная лососина с грибами
 укропа да петрушкаа свежӧй ӧгуреч, помидор, редис - огурцы, помидоры, редис свежие с укропом и петрушкой
 тшак тыра помидор - помидор фаршированный с грибами
 “Дзоньвидзалун" коктейль-салат - салат-коктейль “Здоровье"
 “Мелілун” коктейль- салат - салат-коктейль “Нежность”
 болгар салат - салат болгарский
 “Фантазия” салат - салат “Фантазия”
 “Войвывса букет” салат - салат "Северный букет”
 градвыв пуктаса салат-коктейль - салат-коктейль овощной
 курӧга да фруктыа коктейль- салат - салат-коктейль с курицей
 витамина салат - салат витаминный
 “Тулыс” салат - салат “Весна”
 “Юркар” пӧткаа салат - салат “Столичный”с птицей
 сельдиа да градвыв пуктаса винегрет - винегрет овощной с сельдью
 фруктыа да градвыв пуктаса винегрет - винегрет из фруктов и овощей
 сыра, чеснока салат - салат пикантный
 нырӧм мус - паштет из печени
 нӧкъя сола ельдӧг - грузди соленые в сметане
 кослунъя выя да лукъя ягсер - волнушки с маслом растительным и луком
 турун сора тшынӧдӧм кӧр яй - окорок олений копченый с зеленью
 пувъя тшынӧдӧм кӧр яй - филе оленины копченый с брусникой
 анькытша тшынӧдӧм порсь морӧс яй - грудинка свиная копченая с зеленым горошком
 помидора тшынӧдӧм порсь ордлы - корейка свиная копченая с помидорами
 ӧгуреча тшынӧдӧм калбас - колбаса копченая с огурцами
 маринуйтӧм вотӧса ветчина - ветчина с маринованными ягодами
 градвыв пуктаса яй сорас - ассорти мясное с овощами
 заливной мӧс кыв - язык говяжий заливной
 хрена заливной мӧс яй - говядина заливная с хреном
 заливной чери - рыба заливная
 турипувъя тшынӧдӧм ош яй - медвежатина копченая с клюквой
 сельди тыра курӧг кольк - яйцо фаршированное сельдью
 чими тыра курӧг кольк - яйцо фаршированное семгой
 пӧк тыра курӧг кольк - яйцо фаршированное икрой
 кын осетр - строганина из осетрины
 айбарч - строганина из оленины
 нӧкъя еджыд гоб - грибы белые в сметане
 яя пельмень - пельмени мясные
 чериа пельмень - пельмени рыбные
 рыся тупыль - сырные шарики
 пӧжӧм сельди - сельдь запеченная
 еджыд гоба пӧжалӧм няньшом - подушечки с белыми грибами
 картупеля кызку да чери - ватрушка кар&офельная с рыбой
 гортса солянка да растегай - солянка домашняя с растегаем
 свежӧй капустаа борщ да пирожки - борщ из свежей капусты с пирожком
 баяр шыд да кӧвдум - щи боярские с колобком
 юква - уха рыбацкая
 лапшаа чипан шыд - суп лапша домашняя с курицей
 борщ да кызку - борщ с ватрушкой
 юква да картупеля шаньга - похлебка рыбная с шаньгой картофельной
 бульон да блин - бульон с блинчиками
 фрикаделькиа бульон - бульон с фрикадельками
 пельменя бульон - бульон с пельменями
 кӧдзыд борщ - борщ холодный
 яя окрошка - окрошка мясная
 омлетын пӧжӧм картупель - картофель запеченный в омлете
 няньшомын пражитӧм осетр - осетрина жареная в тесте
 тшака пӧжӧм пелядь - пелядь запеченная с грибами
 гортса ног пӧжӧм пикша - пикша тушеная по-домашнему
 “еджыд вина” соуса пуӧм чими - семга припущенная в соусе "белое вино"
 укропа выйӧн пражитӧм кебӧс - сиг жареный с зеленым маслом
 пражитӧм сир - поджарка из щуки
 севрюгаа шашлык - шашлык из севрюги
 выйӧн пражитӧм пелысь соуса стерлядь - стерлядь жареная фри с рябиновым сусом
 чеснӧкӧн пражитӧм петшӧр соусӧн белуга - белуга жареная с чесноком с крапивным соусом
 войвывса бифштекс - бифштекс по-северному
 юркарса биточки - биточки по-столичному
 майонезӧн пӧжӧм мӧс яй - говядина запеченная под майонезом
 тшак сорӧн пӧжӧм мӧс яй - говядина тушенная с грибами
 войвывса жаренича - жаркое по-северному
 тшак сора порсь яй жаринеч - жаркое из свинины с грибами
 сурын пӧжӧм кӧр яй - оленина тушеная в пиве
 кӧр яя шашлык - шашлык из оленины
 пувъя соуса няньшомын пражитӧм кӧр яй - оленина жареная в тесте с брусничным соусом
 беф-строганов - беф-строганов
 пражитӧм кӧр яй - поджарка из оленины
 йӧла ош яй - медвежатина в молоке
 тшака небзьӧдӧм зразы - зразы отбивные с грибами
 тшака мус - печень с грибами
 грездса мус - печень по-деревенски
 няньшомын пражитӧм порсь яй - свинина жареная в тесте
 "Изьва” небзьӧдӧм яй - отбивная “Ижма”
 “Эжва” чиг яй - филе “Вычегда”
 лукъя бифштекс - бифштекс рубленый с луком
 тшака эскалоп - эскалоп с грибами
 помидора лангет - лангет с помидорами
 чипан колькъя бифштекс - бифштекс с яйцом
 хрен соуса пражитӧм чиг яй - вырезка жареная с соусом
 тшак тыра картупель - картофель фаршированный с грибами
 жовъя соуса сыктывкарса чипан - цыпленок по-сыктывкарски с калиновым соусом
 тшака соуса байдӧг - куропатка под паровым соусом с грибами
 пувъя юркарса сьӧла - рябчик по-столичному с брусникой
 курӧг жаринеч - жаркое из курицы
 нӧкйӧн пражитӧм байдӧг - куропатка жареная в сметане
 пӧжӧм ош яй - медвежатина духовая
 кос няньын пражитӧм кыв - язык жареный в сухарях
 выя пуӧм кыв - язык отварной с маслом
 тшака пӧжӧм кыв - язык запеченный с грибами
 яя голубцы - голубцы с мясом 
 яй да рис тыра переч - перец фаршированный с мясом и рисом
 селянской биточки - биточки по-селянски
 кӧр яй калбас - колбаски из оленины
 вый пиын пражитӧм картупель да град выв пуктас - картофель жареный фри с овощами
 чимиа блин - блины с семгой
 гӧрд пӧкъя блин - блины с икрой лососевой
 варенньӧа блин - блины с вареньем
 пражитӧм пӧтка зразы - зразы натуральные из дичи
 сакара лимон - лимон с сахаром
 сакара да винаа апельсин - апельсин с сахаром и вином
 шоколада лымвый - мороженое с шоколадом
 ӧрешкиа лымвый - мороженое с орехами
 маа лымвый - мороженое с медом
 пувъя варенньӧа лымвый - мороженое с брусничным вареньем
 варенньӧа пӧжӧм яблок - яблоко печеное с вареньем
 турипувъя желе - желе клюквенное
 пувъя желе - желе брусничное
 “гӧрд вина” желе - желе “красное вино”
 фруктыа крюшон - крюшон с фруктами
 юмов ва - сбитень
 турипув ырӧш - квас клюквенный
 лежнӧга ва - напиток из шиповника
 пелыся ва - напиток рябиновый
 лимона чай - чай с лимоном
 варенньӧа чай - чай с вареньем
 маа чай - чай с медом
 сакара чай - чай с сахаром
 купеч чай - чай купеческий
 лимона сьӧд кофе - кофе черный с лимоном
 ухтаса грог - грог по-ухтински
 туруна чай - чай с травами

==Кутшӧм улича вылын олам?==
 
 Коммунистическӧй улича, Бабушкин улича, Октябр шӧртуй... Татшӧм коми гижӧдъяс бӧръя кадӧ кутісны ӧшавны Сыктывкарса уличаяс вылын. Юркарса олысьяс велалісны нин на дорӧ. Карын важӧн позьӧ аддзыны уна вывеска, кодъясӧс гижӧма рочӧн да комиӧн.
 Век жӧ Сыктывкарса войтыр пӧвстысь эз быдӧн ӧткодя донъяв тайӧ коми нимъяссӧ: ӧтияс нимкодьпырысь лыддисны найӧс, мӧдъяс чуймӧмӧн видзӧдлісны выль гижӧд вылӧ, коймӧдъяс ӧнӧдз на вӧйпӧны найӧс.
 Медводз пасъям, мый юркарса уличаяслысь нимъяссӧ комиӧдіс Коми Республикаса уна сикас войтыр министерство бердын уджалысь Республиканскӧй термино-орфографическӧй комиссия (мӧд ногӧн кӧ, Кыв комиссия). Тайӧ уджсӧ вӧчӧма абу ӧти здукӧн, а подулалӧмӧн, корсьысьӧмӧн, ӧта-мӧдӧс эскӧдӧмӧн да ӧти кывйӧ воӧдчӧмӧн. Кыв комиссияӧ пырысьяс — гижысьяс, журналистъяс, кыв туялысьяс, вузын да школаын велӧдысьяс, министерствоса уджалысьяс — тӧждысисны сы вӧсна, медым улича нимъяс комиӧдігӧн тырвыйӧ мыджсьыны ас кывлӧн вын-эбӧс вылӧ. Та вӧсна вуджӧдӧма став ним, кодӧс позьӧ вежны рочыслы лӧсялана коми кывйӧн либӧ кыв тэчасӧн. Сэк жӧ уна роч ним, кор абу лӧсялана коми кывйыс, кольӧма вежтӧг. Пример пыдди вайӧдам некымын улича ним. Сідз, ул. Водника гижӧдкӧд орччӧн кутас ӧшавны Водник улича; ул. Дальняя — Ылыс улича; Молодежный переулок — Том йӧз уличкост; Гаражный проезд лоас Гараж пурысь да с.в.
 Унаӧн вермасны думыштчывны, кытысь босьтӧма шӧртуй кыв, мыйла переулок шуӧма уличкостӧн, а проезд комиӧдӧма пурысь кывйӧн да с. в. Найӧс бӧрйигӧн сідз жӧ мыджсьӧма коми кывлӧн позянлунъяс вылӧ. Сідз, пурысь — зэв важся кыв. Кыдзи индӧма В. И. Лыткинлӧн да Е. С. Гуляевлӧн "Краткий этимологический словарь коми языка” небӧгын, сійӧ воис миянӧдз перым кадсянь, кор ас сёрниын миян пӧль-пӧч вӧдитчисны сыӧн “улича” вежӧртасын. Тайӧ кывсӧ кужӧмӧн пыртӧма Г. Юшковлӧн “Бива” романӧ да В. Тиминлӧн "Эжва Перымса зонка” повестьӧ, кӧні гижысьяс петкӧдлӧны коми йӧзлысь важся олӧмсӧ.
 Шӧртуй кывйӧн комиӧдӧма проспект кыв. Кыдзи петкӧдлӧны словаръяс, проспект кыв рочӧ воӧма латин кывсянь да тӧдса "паськыд да веськыд туй” вежӧртасын. Буретш тайӧ вежӧртас вылӧ мыджсьӧмӧн лӧсьӧдӧма выль коми кыв, кодӧс вынсьӧдіс комиссия. Шоссе кыв, коді чужӧма француз кывйын, гӧгӧрвосьӧ кыдзи "рельстӧм транспортӧн ветлан туй”. Тайӧс тӧд вылын кутӧмӧн шоссе кывсӧ комиӧдӧма туй кывйӧн. Тайӧ бура шогмӧ уличалы, кодлы сетӧма Сысольское шоссе ним — тайӧ уличаыс петӧ карысь да йитчӧ районъяслань нюжӧдчысь туйяскӧд.
 Сыктывкарса став уличаыс вочасӧн кутас шусьыны кык ногӧн — рочӧн да комиӧн. Тайӧ нимъяссӧ Ті верманныд лыддьыны “Юӧр гижӧдысь”.
 
 Л. Безносикова, Кыв комиссияӧн веськӧдлысьӧс вежысь.
 А.Осипова,
 Коми Республикалӧн уна сикас войтыр министерствоысь медыджыд специалист

==Улича нимъяс==
 
 20-ӧд МЮД улича - улица 20-й МЮД
 Авиация улича - улица Авиационная
 Авиация уличкост - Авиационный переулок
 Асыввыв улича - улица Восточная
 Бабушкин улича - улица Бабушкина
 Бажилянных улича - улица Бажилянных
 Берегвыв пурысь - Набережный проезд
 Берегдор улича - улица Береговая
 Больнича уличкост - Больничный переулок
 Борисов улича - улица Борисова
 Бужӧд улича - улица Овражная
 Быковский улича - улица Быковского
 В. Гюго улича - улица В. Гюго
 В. Латкин улича - улица В. Латкина
 Вежа Стефан изэрд - Стефановская площадь
 Велӧдчысьяслӧн пурысь - Ученический проезд
 Веськыд улича - улица Прямая
 Ветеран улича - улица Ветеранов
 Водник улича - улица Водника
 Водопьянов улича - улица Водопьянова
 Войвыв улича - улица Северная
 Вороншор пурысь - Вороншорский проезд
 Вӧр кыскалан улича - улица Лесовозная
 Вӧр пилитан улича - улица Лесопильная
 Вӧр улича - улица Лесная
 Вӧр уличкост - Лесной переулок
 Вӧрзавод улича - улица Лесозаводская
 Выль пурысь - Новый проезд
 Выль улича - улица Новая
 Выльвойвыв улича - улица Выльвойвыв
 Гараж пурысь - Гаражный проезд
 Гараж улича - улица Гаражная
 Гастелло улича - улица Гастелло
 Гоголь улича - улица Гоголя
 Горький улича - улица Горького
 Град йӧр улича - улица Огородная
 Громов улича - улица Громова
 Гӧрд Армия пурысь - Красноармейский проезд
 Гӧрд Армия улича - улица Красноармейская
 Гӧрд Партизанъяс улича - улица Красных Партизан
 Депутат пурысь - Депутатский проезд
 Депутат улича - улица Депутатская
 Димитров улича - улица Димитрова
 Домна Каликова улича - улица Домны Каликовой
 Дорвизь улича - улица Рубежная
 Дорвизь уличкост - Рубежный переулок
 Дырнӧс пурысь - Дырносский проезд
 Дырнӧс улича - улица Дырносская
 Емваль улича - улица Емвальская
 Емельянов улича - улица Емельянова
 Ёртлун улича - улица Дружбы
 Жилин вокъяс улича - улица Бр. Жилиных
 З. Космодемьянская уличкост - переулок З. Космодемьянской
 Завод улича - улица Заводская
 Издор улича - улица Уральская
 Изьва улича - улица Ижемская
 Индустрия пурысь - Индустриальный проезд
 Индустрия улича - улица Индустриальная
 Интернациональной улича - улица Интернациональная
 Калинин улича - улица Калинина
 Карберд пурысь - Пригородный проезд
 Карберд улича - улица Пригородная
 Карл Маркс улича - улица Карла Маркса
 Карсай улича - улица Загородная
 Карьер пурысь - Карьерный проезд
 Карьер улича - улица Карьерная
 Катаев улича - улица Катаева
 Киров улича - улица Кирова
 Кирпич улича - улица Кирпичная
 Клара Цеткин улича - улица Клары Цеткин
 Колхоз пурысь - Колхозный проезд
 Колхоз улича - улица Колхозная
 Комаров улича - улица Комарова
 Коммунистическӧй улича - улица Коммунистическая
 Комсомольскӧй улича - улица Комсомольская
 Комсомольскӧй уличкост - Комсомольский переулок
 Космонавт улича - улица Космонавтов
 Крупская улича - улица Крупской
 Крут улича - улица Крутая
 Куратов улича - улица Куратова
 Кутузов улича - улица Кутузова
 Кӧджпон улича - улица Кочпонская
 Кӧрткерӧс улича - улица Корткеросская
 Кырув уличкост - Кирульский переулок
 Кытшола улича - улица Дуговая
 Ленин улича - улица Ленина
 Лунвыв улича - улица Южная
 Лымъя улича - улица Снежная
 Лэбзян улича -улица Лётная
 Магистральнӧй улича - улица Магистральная
 Маегов улича - улица Маегова
 Малышев улича - улица Малышева
 Марков улича - улица Маркова
 Март 8-ӧд лун улича - улица 8 Марта
 Март 8-ӧд лун уличкост - переулок 8 Марта
 Матросов улича - улица Матросова
 Маяковский улича - улица Маяковского
 Межа улича - улица Межевая
 Мездлун улича - улица Свободы
 Менделеев улича - улица Менделеева
 Мир улича - улица Мира
 Мирнӧй уличкост - Мирный переулок
 Мичурин пурысь - Мичуринский проезд
 Мичурин улича - улица Мичурина
 Морозов улича - улица Морозова
 Муа улича - улица Земляная
 МЮД пурысь - проезд МЮД
 Национальной улича - улица Национальная
 Невельса 28-ӧд дивизия улича - улица 28-й Невельской дивизии
 Ньывпу улича - улица Пихтовая 
 Овмӧдчысьяс улича - улица Новосёлов
 Овмӧдчысьяслӧн первой улича - улица 1-я Новосельская
 Овмӧдчысьяслӧн мӧд улича - улица 2-я Новосельская
 Октябр улича - улица Октябрьская
 Октябр шӧртуй - Октябрьский проспект
 Оплеснин улича - улица Оплеснина
 Орджоникидзе улича - улица Орджоникидзе
 Осипенко улича - улица Осипенко
 Островский улича - улица Островского
 Папанин улича - улица Папанина
 Парижса Коммуна улича - улица Парижской Коммуны
 Паркдор пурысь - Парковый проезд
 Паркдор улича - улица Парковая
 Первомай улича - улица Первомайская
 Перым улича - улица Пермская
 Петрозаводской улича - улица Петрозаводская
 Печора улича - улица Печорская
 Пионер улича - улица Пионерская
 Пожӧма улича - улица Сосновая
 Пожӧма яг улича - улица Сосновый бор
 Посёлкӧвӧй улича - улица Поселковая
 Пошта пурысь - Почтовый проезд
 Пошта улича - улица Почтовая
 Проектной улича - улица Проектная
 Пушкин пурысь - Пушкинский проезд
 Пушкин улича - улица Пушкина
 Рабочӧй улича - улица Рабочая
 Рабочӧй уличкост - Рабочий переулок
 Рейдӧвӧй улича - улица Рейдовая
 Республика улича - улица Республиканская
 Рытыввыв улича - улица Западная
 Савин улича - улица Савина
 Сад улича - улица Садовая
 Серов пурысь - проезд Серова
 Серов улича - улица Серова
 Серов уличкост - переулок Серова
 Складдор улича - улица Складская
 Слава шӧртуй - проспект Славы
 Слӧбӧда улича - улица Слободская
 СМП пурысь - проезд СМП
 Сорвачёв улича - улица Сорвачева
 Спорт уличкост - Спортивный переулок
 Стандартнӧй пурысь - Стандартный проезд
 Станциядор улича - улица Станционная
 Старовский улича - улица Старовского
 Стаханов улича - улица Стахановская
 Стрӧитчысьяс улича - улица Строительная
 Судоходной улича - улица Судоходная
 Советскӧй улича - улица Советская
 Сыктыв туй - Сысольское шоссе
 Тентюков улича - улица Тентюковская
 Том йӧз уличкост - Молодежный переулок
 Томлун улича - улица Юности
 Туйвыв улича - улица Дорожная
 Тусяпу улича - улица Можжевельная
 Тӧвся улича - улица Зимняя
 Тыдор улича - улица Озерная
 Урбанский улича - улица Урбанского
 Урожай улича - улица Урожайная
 Химик улича - улица Химиков
 Чайкина улича - улица Чайкиной
 Чернов улича - улица Чернова
 Чехов пурысь - проезд Чехова
 Чехов улича - улица Чехова
 Чкалов улича - улица Чкалова
 Чойвыв пурысь - Нагорный проезд .
 Чупров улича - улица Чупрова
 Школадор улича - улица Школьная
 Школадор уличкост - Школьный переулок
 Шордор улича - улица Ручейная
 Ылыс улича - улица Дальняя
 Эжва улича - улица Эжвинская
 Элеватор улича - улица Элеваторная
 Энгельс улича - улица Энгельса
 Эрдвыв улича - улица Полевая
 Юхнин улича - улица Юхнина
 Ягвыв улича - улица Боровая
 Ярославль улича - улица Ярославская

==Рочысь пырӧм ӧткымын кывъяс гижанног==
 
 Коми кывйын б, в, р, п шыяс абу небыдӧсь. Тайӧс тӧд вылын кутӧмӧн да школаса велӧдысьяскӧд ӧти кывйӧ воӧм бӧрын Кыв комиссия шуис стӧчмӧдны заимствуйтӧм кыв помын ь гижӧм йылысь индӧд. Сетам сійӧс выль ногӧн:
 
 1. Рочысь пырӧм кыв помын б, в, р, п шыпасъяс бӧрын ь (небыд пас) оз гижсьы: дроб, любов, морков, лагер, октябр, степ, насып. Оз гижсьы сійӧ и кыв йывъяс да суффиксъяс водзын: дробсӧ, лагерас, октябрын, степсянь, любовтӧ, морковлысь; -яс суффикс водзын гижсьӧ ъ (торйӧдан чорыд пас): лагеръясын, степъясті, дробъяс.
 
 Коми сёрнитысьлы сьӧкыдкодь шуны роч ногӧн заимствуйтӧм кывъяс, кодъяс помасьӧны -сть вылӧ. Шуанног серти с шыыс ӧткодявсьӧ (ассимилируйтчӧ) ть шыкӧд да шусьӧ небыда, мӧд ногӧн кӧ , ть-лӧн небыдлуныс вуджӧ воддза шы вылас да сть пыдди шусьӧ сьт. Тайӧс урчитӧмӧн шуӧма вежны татшӧм кывъяссӧ гижанног йылысь индӧд:
 
 2. Рочысь воӧм кывъясын сть шыпасъяс пыдди гижсьӧ сьт: власьт, гӧсьт, обласьт, вӧлӧсьт, ведомосьт.

==Гидронимъяс гижанног==
 
 Гидронимъяс (ванимъяс), кодъяс артмӧны аснимысь да ю, ёль, шор, ты, нюр кывъясысь, гижсьӧны торйӧн, пример пыдди: Горд ёль, Льӧм ю, Крохаль шор, Нимтӧм шор, Тыла ты, Ань ю, Лоп ю, Кӧреня ты, Ниа шор.
 Гидронимысь артмӧм сикт, грезд, посёлок нимъясын ю, ёль, шор, ты, нюр кывъяс гижсьӧны ӧтлаын: Ветью посёлок, Гӧрдъёль посёлок, Гагшор сикт, Ираёль посёлок, да с. в.

==Казьтыштам важсӧ==
 
 20-ӧд воясся “Югыд туй” газетысь пасйӧдъяс.
 (Гижӧдъяссӧ вайӧдӧма важ гижанногсӧ да грамматикасӧ вежлавтӧг) - татчӧ вежим.

===Обласьтувса учреждениеясӧс комиӧ пӧртӧм.===
 
 Ноябр 27-ӧд лунӧ Обласьтувса учреждениеясӧс комиӧ пӧртан Комиссия водзӧ удж нуӧдӧм йылысь сёрнитӧм бӧрын шуис:
 Медым кыпӧдны коми йӧзӧс, дзикӧдз сибӧдны найӧс Сӧвет власьткӧд, велӧдны тыр-бур вежӧрӧн овны, — колӧ власьтсӧ лӧсьӧдны гӧгӧрвоанӧс, быд учрежденньӧын сёрнитны-гижны ас кывйӧн, комиӧн.
 Регыдӧн тайӧ вӧчны он вермы: миян асланым велӧдчӧм коми йӧз этша, лоӧ коравны уджавны мукӧд сёрниа йӧзӧс; мӧд-кӧ — комиясыс унаӧн на оз кужны гижны коминас (коми кыв вылас войдӧр омӧля вӧлі видзӧдӧны да, эз мӧвпыштлыны сійӧс велӧднысӧ). Сійӧн Комиссия шуис ӧні вӧчны позян удж йылысь:
 Тшӧктыны Волісполкомъясӧс кабалаяс гижавны комиӧн. Тшӧктыны быд учрежденньӧлы босьтавны комиӧн гижӧм кабалаяс, жалӧбаяс, прошенньӧяс, сідз водзӧ, налы воча гижны комиӧн жӧ; сэсся тшӧктыны найӧс став йӧзлы висьталӧм вылӧ ыстан гижӧдъяс (циркуляры, воззвания, объявления, плакаты и т.д.) гижны комиӧн. Скодъяс вылын, съездъяс вылын, сёрнитны, приговоръяссӧ гижны комиӧн. Тшӧктыны Обсоюзӧс журнал "Трудовая Кооперация” лэдзны комиӧн. Газет “Югыд туй” ӧні лэдзны комиӧн кыкысь быд вежонын, водзӧ пӧртны дзик комиӧ. Тшӧктыны Изьваса Уисполкомӧс газет “Красная Печора” лэдзны Изьваса кывйӧн.
 Народнӧй судын да му йылысь судитчан комиссияясын выль восянь сёрнитны-гижны комиӧн. Тшӧктыны вӧлӧсьтса милиционеръясӧс выль восянь протоколъяс гижны комиӧн.
 Учреждениеясӧс тшӧктыны лэдзны комиӧн Сӧвет власьтлысь выль законъяс (мед войдӧр видз-му йылысь, вӧр-ва йылысь, удж йылысь, сідз водзӧ).
 Тшӧктыны Обоноӧс коми ичӧт школаясын велӧдны комиӧн, быд обласьтувса гырысь школаын велӧдны коми кыв; гырысь школаясын коми велӧдысьясӧс тшӧктыны велӧдны комиӧн (мед ёна сійӧс колӧ сел.-хоз. техникумын). Водзӧ кежлӧ мырсьыны гырысь школаяссӧ пӧртны Комиӧ. Обоноӧс тшӧктыны вӧчны смета школаяслы коми нигаяс ньӧбӧм вылӧ.
 Коми нига лэдзанінӧс тшӧктыны корны Обисполкомлысь сьӧм коми нига лэдзӧм вылӧ да коми шрифт судзӧдӧм вылӧ.
 Тшӧктыны коми служащӧйясӧс коми сиктъясӧд ветлӧдлігӧн удж нуӧдны комиӧн. 1926-ӧд во кежлӧ став
  
 (1923 вося декабр, 255 № )

===Обласьтувса учрежденньӧсӧ пӧртны комиӧ.===
 
 Коми кывйӧ вуджӧм.
 
 Коми Обласьтувса Сӧветлӧн ІІІ-ӧд Съездсянь Исполком ёна уджаліс коми кыв учрежденньӧясӧ пыртӧм вылын: вӧчавліс комиӧн гижны-лыддьыны велӧдчан курсъяс, лӧсьӧдіс комиӧн гижан туйдӧд, мырсисны учрежденньӧясӧ пуктавны коми кыв тӧдысь служащӧйясӧс.
 ІІІ-ӧд Съезд тшӧктіс тайӧ уджсӧ чорзьӧдны; шуис — ӧні пӧ став Коми Обласьтын государственнӧй кывъясӧн лыддьыссьӧны коми кыв да роч кыв. Сійӧ лоӧ со мый: ӧнісянь Коми Обласьтын быдлаын позьӧ сёрнитны-гижны кӧть комиӧн, кӧть рочӧн. Водзӧ кежлӧ Обисполком мырсьӧ сэтшӧм сиктъясын, кытӧн олӧны сӧмын комияс, став уджсӧ нуӧдны дзик комиӧн.
 Сійӧ вӧчсьӧ мед роч кывсӧ тӧдтӧм коми уджалысьяссӧ сибӧдны Сӧвет уджӧ, сетны налы ставсӧ гӧгӧрвоӧдӧмӧн.
 Со тадзи видзӧдӧны коми уджалысьяс та вылӧ:
 крестьяна тшӧктӧм кузя карувса съездъяс вылын сёрни муніс комиӧн, весиг унджык докладсӧ вӧчисны комиӧн.
 Прошенньӧяс, жалобаяс пондісны гижны ас кыв выланыс асьныс крестьяна (войдӧр вӧлі лоӧ роч кыв тӧдысь гижысьӧс корсьны).
 Коми сиктъяссянь гижӧны, коми газеттӧ пӧ крестьяна, весиг нывбабаяс, ёна лыддьӧны, ставсӧ пӧ гӧгӧрвоан да. Коми газет пыр тӧдмасьӧны став мувывса олӧмӧн, сӧвет власьт удж нуӧдӧмӧн, велӧдчӧны ассьыныс эмбур босьтчӧдны, выль ног видз-му уджавны.
 Быд сиктсянь омӧлика гижны кужысь крестьяна пондісны ыставны газетӧ гижӧдъяс асланыс вӧлӧсьтувса олӧм-йылысь: буртор йылысь, омӧль йылысь. Сэтшӧм гижӧдъяссӧ газет лэдзанін лӧсьӧдалӧ да печатайтӧ.
 Коми кывйӧн удж пондіс ёнджыка босьтчыны коми крестьяна костын, коми нывбабаяс костын тшӧтш.
 
 (1924 вося октябр, 218 № )

===Коми кыв учрежденньӧясӧ сюйӧм йылысь.===
 
 Ӧні быдсяма пӧлӧс ас сёрниа йӧз миян Сӧвет Республикаын мырсьӧны ас кывйӧн учрежденньӧясын удж нуӧдӧм вӧсна. Миян Коми обласьтын татшӧм уджӧ сідзжӧ кутчысьӧны. Сыктывдін карын ӧні лӧсьӧдӧма курс. Велӧдчӧны комиӧн лыддьысьны-гижны коми служащӧйяс. Курс вылӧ волӧны морт 40-50 гӧгӧр. Гижны-лыддьысьны, коді сьӧлӧмсьысджык кутчысьӧма, прамӧя нин велалӧмаӧсь. Комиӧ делопроизводство пӧртан комиссия мырсьӧ канцелярскӧй формаяс лӧсьӧдӧм вылын, медым эськӧ сійӧ формаяс сертиыс кокниджык лоӧ кутчысьны вӧлӧсьтъясын служитысьяслы. Роч делопроизводствоад зэв уна кыв нин пырӧма мукӧд пӧлӧс сёрниысь, сэсся эмӧсь сэтшӧм роч кывъяс (терминъяс), кодъясӧс унджык деревняса рочьясыс асьныс оз тӧдны, сӧмын тӧдӧны велӧдчӧмджыкъясыс. Сы понда роч формаястӧ да законъястӧ зэв сьӧкыд коми кывйӧн лӧсьӧднытӧ. Рочьяс моз жӧ миянлы лоӧ, дерт, лӧсьӧдны канцелярскӧй терминъяс.
 Первойтӧ эськӧ дерт оз ло гашкӧ гӧгӧрвоана да, водзӧ кежас, кор нин пырасны сэтшӧм терминъясыс коми кыв пӧвстас, лоӧ гӧгӧрвоана.
 Рочьяс унаысь серавласны: мыйла пӧ ас кывъяныд сюянныд роч кывъяссӧ? Гижӧй пӧ дзик ас кывнаныд. Миян литературнӧй кыв вылын найӧ серавлӧны, оз думыштны сы йылысь ӧд миян литературнӧй кывйыд сӧмын на тайӧ воясӧ чужны пондіс, эз на весиг удит сӧвмыныс. Роч литературнӧй кывйыд пӧрысьмытӧдзыс нин олӧма, — весиг унджык роч крестьянаыс оз гӧгӧрвоны, сы мында нин сюялӧмаӧсь ас кыв пӧвстаныс мукӧд пӧлӧс кывъяс. Веськыда кӧ шуны, миян кывъяд роч кывйӧ дорысь этшаджык на пырас мукӧд пӧлӧс кывйыд.
 Коми йӧз пӧвстын унаӧн эмӧсь ас кыв лӧсьӧдӧм понда тӧждысьысьяс, сӧмын найӧ оз тӧдны кыдзи мый отсавны комиӧ пӧртан комиссиялы. Татшӧм тӧждысьысьяслы колӧ эськӧ ӧні жӧ гижавны сэтшӧм роч терминъяссӧ, кутшӧмъяс унаысьджык паныдасьлӧны найӧ учрежденньӧса гижӧдъясын да лӧсьӧдны ас кыв ногӧн терминъяс. Сідзжӧ колӧ эськӧ вуджӧдавны коми кывйӧ инструкцияяс сиктъясын да вӧлӧсьтъясын уджалысьяслы (лесник-коннӧйлы, милиционеръяслы, сельсӧветъяслы, волисполкомъяслы, мӧда-мӧдлы отсасян комиссияяслы). Быдсяма пӧлӧс татшӧм гижӧдъяссӧ ыстыны коми нига лэдзанінӧ.
 
 (1924 вося май, 116№)

[[Category:ТОК]]