Коми орфография: ø/ы

Майшӧг

Мукӧд коми кывйын ы шыыс вермӧ вежласьны абутӧмӧн. Артмӧны вариантъяс. Тадзи овлӧ татшӧминъясын:

• ыасян кадакывдін помын: восьтыны / восьтны
• кыввужйын (абу кӧ тайӧ ы-ыс воддза слогын): быглясьны / быгылясьны

Корсюрӧ ы-а формаыс норма, корсюрӧ ы-тӧмыс.

Лыддьӧг

Татчӧ вайӧдам бырлан ы-а кывъяслысь нормируйтӧм да нормируйттӧм вариантнысӧ.

Кадакывдін помын

Вариантасьӧм овлӧ, кор кадакывдін помын лоӧ суффикс -ышт, С+т либӧ СС+л.

суффикс -ышт(ы) дырйи: норма ы-тӧм (вариант ы-а)

Гижӧд кывйын нормируйтӧма зумыд пертас (ышт), а содтан ы-а формаыс (ышты) - сёрнисикасса вариант.

1. варовитыштны - варовитыштыны
2. ворсыштны - ворсыштыны
3. гажӧдчыштны - гажӧдчыштыны
4. каитчыштны - каитчыштыны
5. курыштны - курыштыны
6. лолыштны - лолыштыны
7. лӧньӧдыштны - лӧньӧдыштыны
8. лӧсьӧдыштны - лӧсьӧдыштыны
9. мӧвпыштны - мӧвпыштыны
10. пелксьыштны - пелксьыштыны
11. сёйыштны - сёйыштыны
12. сулыштны - сулыштыны

суффикс -т(ы) дырйи

Кадакывдін помын кӧ шума кывчукӧр, кодлӧн мӧд компонентыс т, вариантасьӧны кык ногӧн:

норма ы-тӧм (вариант ы-а)

1. дзуртны - дзуртыны
2. кисьтны - кисьтыны
3. ланьтны - ланьтыны
4. мустӧмтны - мустӧмтыны
5. пӧрысьтны - пӧрысьтыны
6. чукӧстны - чукӧстыны
7. ымӧстны - ымӧстыны

норма ы-а (вариант ы-тӧм)

1. восьтыны - восьтны
2. шонтыны - шонтны

суффикс -в/л(ы) дырйи: норма ы-а (вариант ы-тӧм)

Сідзсӧ кадакывлы аспект содтан тайӧ суффиксыд ыасян кывдін бӧрас в/л пертаса (пуктывны), а зумыд кывдін бӧрас л(ы) пертаса (ворслыны).

Вариантасян кадакывдіныд кӧ нормаын зумыд пома, ы-ыс содӧ л суффикс бӧрӧ; сёрнисикасса вариантас л/в-водзса кывдін помыс ыасьӧ, а л/в суффиксыд оз.

1. кисьтлыны - кисьтывны
2. ланьтлыны - ланьтывны
3. урӧстлыны - урӧстывны
4. вольсыштлыны - вольсыштывны

Кыввужйын

норма ы-тӧм (вариант ы-а)

1. быглясьны - быгылясьны
2. веглясьны - вегылясьны
3. жуглясьны - жугылясьны

норма ы-а (вариант ы-тӧм)

1. векышасьны - векшасьны
2. паныдасьны - пандасьны
3. чукыльӧсь - чукльӧсь