Mark ru + kv 1992 + 1995 + kv 2008
| http://www.biblioteka3.ru/biblioteka/biblija/ev_mark/index.html | kom, Марксянь святӧй бур юӧр, 1992, Лб. 113-179 | kom_Бур юӧр Марк серти. 1995 (Игушев) | kom, Марк серти бур юӧр // Выль кӧсйысьӧм, 2008, Лб. 53‒85. |
| От Марка святое благовествование | МАРКСЯНЬ СВЯТӦЙ БУР ЮӦР | БУР ЮӦР МАРК СЕРТИ | Марк серти бур юӧр |
| Глава 1 | ГЛАВА І | 1 юр | 1 |
| 1 Начало Евангелия Иисуса Христа, Сына Божия, 2 как написано у пророков: вот, Я посылаю Ангела Моего пред лицем Твоим, который приготовит путь Твой пред Тобою. | 1. Иисус Христослӧн, Ен Пилӧн, Евангелие заводитчӧм, 2. Кыдзи гижӧма пророкъяслӧн: «Со, Ме мӧдӧда Ангелӧс Ассьым Тэнад чужӧмбан водзӧ, коді лӧсьӧдас Тэныд туй Тэ водзын». | 1 Исус Кристос, Енлӧн Пи, йылысь бур юӧр пансьӧ тадзи, 2 кыдзи висьталӧма водзвыв юӧртысь Есая гижӧдын: — Тэ водзвылад ме мӧдӧда ассьым юӧртысьӧс, коді писькӧдас тэныд туй. | Исус Кристос, Ен Пи йылысь Евангелльӧ пансьӧ, кыдзи висьталӧма пророк гижӧдъясын: — Ыста Ассьым юӧртысьӧс Тэ водзвылын, сійӧ Тэныд туйсӧ дасьтас. |
| 3 Глас вопиющего в пустыне: приготовьте путь Господу, прямыми сделайте стези Ему. | 3. «Пустыняын горзысьлӧн гӧлӧс шы: Господьлы лӧсьӧдӧй туй, веськыдӧн вӧчӧй туйяс Сылы». | 3 Овтӧминын кылӧ горзӧм: «Мезӧслы лӧсьӧдӧй туй, шыльӧдӧй сылысь ордымъяссӧ». | Овтӧминын кылӧ горзысьлӧн шы: «Лӧсьӧдӧй туйсӧ Господьлы, веськӧдӧй-шыльӧдӧй ордымъяс Сылы!» |
| 4 Явился Иоанн, крестя в пустыне и проповедуя крещение покаяния для прощения грехов. | 4. Локтіс Иоанн, коді пыртіс пустыняын и велӧдіс пыртчыны каитчӧмӧн грекъяс прӧститӧм вылӧ. | 4 И сідзи лои. Овтӧминын Йоан ваӧн пыртіс йӧзӧс да юӧрталіс: «Бергӧдчӧй Енлань да пыртчӧй, медым сійӧ лэдзас грекъяснытӧ». | Локтіс Иоан. Сійӧ пыртіс йӧзӧс овтӧминын да юӧрталіс: «Бергӧдчӧй мыжъяссьыныд да пыртчӧй, медым Ен прӧститас мыжъяснытӧ». |
| 5 И выходили к нему вся страна Иудейская и Иерусалимляне, и крестились от него все в реке Иордане, исповедуя грехи свои. | 5. И петавлісны сы дінӧ Иудеяын став олысьыс и Иерусалимсаяс; и пыртчисны сысянь ставныс Иордан юын, ассьыныс грекъяссӧ висьтавлӧмӧн. | 5 Йоан дінӧ петалісны Юдея муысь став олысьыс да став ерусалимсаыс. Найӧ висьтасисны асланыс грекъяс йылысь, и Иоан пыртіс найӧс Йӧрдан юын. | Иоан дінӧ локтіс уна йӧз Юдея му пасьталаысь да Ерусалим карысь. Асланыс мыжъясысь висьтасьӧм бӧрын Иоан пыртіс найӧс ставнысӧ Йӧрдан юын. |
| 6 Иоанн же носил одежду из верблюжьего волоса и пояс кожаный на чреслах своих, и ел акриды и дикий мед. | 6. Иоанн новліс верблюд гӧнысь кыӧм паськӧм, и коскас сылӧн вӧлі кучик тасма, и сёйис акридаяс и видзвыв ма. | 6 Йоан новліс верблюд гӧнысь кыӧм паськӧм да коскас кучик тасма, а сёйис чиркъяс да вӧрса мазі ма. | Иоан новліс верблюд гӧнысь кыӧм паськӧм да коскас кучик тасма, сёйліс чирк да видзвыв ма. |
| 7 И проповедовал, говоря: идет за мною Сильнейший меня, у Которого я недостоин, наклонившись, развязать ремень обуви Его; | 7. И висьтавліс аслас велӧдӧмын: локтӧ ме бӧрся меысь Вынаджык, Кодлысь ме ог шогмы копыртчӧмӧн разьны тасмасӧ Сылӧн кӧмкотысь; | 7 Сійӧ юӧртіс: «Ме бӧрын локтӧ меысь вынаджык, сійӧ, кодлысь ме ог шогмы копыртчӧмӧн разьны кӧмкотсьыс тасмасӧ. | Сійӧ юӧртіс: «Ме бӧрын локтӧ меысь вынаджык, ме ог шогмы копыртчыны да разьны Сылысь кӧмкот кӧвсӧ. |
| 8 я крестил вас водою, а Он будет крестить вас Духом Святым. | 8. Ме пырті тіянӧс ваӧн, а Сійӧ пондас пыртны тіянӧс Святӧй Духӧн. | 8 Ме пырті тіянӧс ваӧн, а сійӧ пыртас тіянӧс Вежа Лолӧн». | Ме пырті тіянӧс ваӧн, а Сійӧ пыртас тіянӧс Вежа Лолӧн». |
| 9 И было в те дни, пришел Иисус из Назарета Галилейского и крестился от Иоанна в Иордане. | 9. И вӧлі сійӧ лунъясӧ: локтіс Иисус Галилеяса Назаретысь и пыртчис Иоаннсянь Иордан юын. | 9 Сійӧ жӧ лунъясӧ локтіс Галилеяса Назарет карысь Исус, да Йоан пыртіс сійӧс Йӧрдан юын. | Сійӧ лунъясӧ локтіс Галилеяса Назарет карысь Исус. Иоан пыртіс Сійӧс Йӧрдан юын. |
| 10 И когда выходил из воды, тотчас увидел Иоанн разверзающиеся небеса и Духа, как голубя, сходящего на Него. | 10. И кор вӧлі петӧ васьыс, дзик пыр аддзис Иоанн воссьысь енэж и гулю моз Сы вылӧ лэччысь Дух. | 10 Ваысь петігас Исус аддзис воссьысь енэж да сы вылӧ гулю моз лэччысь Лов. | Ваысь петігас Исус аддзис: енэжыс воссис да Сы вылӧ гулю моз лэччис Лов. |
| 11 И глас был с небес: Ты Сын Мой возлюбленный, в Котором Мое благоволение. | 11. И кыліс енэжсянь гӧлӧс шы: Тэ Менам Муса Пи, Тэ вылын Менам бур вӧляӧй. | 11 И кыліс енэжсянь шы: «Тэ менам муса Пи, ме нимкодяся тэӧн». | Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн». |
| 12 Немедленно после того Дух ведет Его в пустыню. | 12. Сэки дзик пыр Дух нуӧдӧ Сійӧс пустыняӧ. | 12 Дзик пыр Лов нуӧдіс Исусӧс овтӧминӧ. | Дзик пыр Лов нуӧдіс Исусӧс овтӧминӧ. |
| 13 И был Он там в пустыне сорок дней, искушаемый сатаною, и был со зверями; | 13. И вӧлі Иисус сэні пустыняас нелямын лун, сатанаӧн ыштӧдана, и вӧлі зверьяскӧд; | 13 Исус вӧлі нелямын лун овтӧминас, кӧні сійӧс ыштӧдіс сӧтана. Исус вӧлі вӧрса пемӧсъяс пиын, | Сэні нелямын лун чӧж сӧтана ыштӧдіс Сійӧс. Исус оліс вӧрса пемӧсъяс пӧвстын, |
| и Ангелы служили Ему. | и Ангелъяс отсасисны Сылы. | и анделъяс кесъялісны сылы. | Сылы кесъялісны анделъяс. |
| 14 После же того, как предан был Иоанн, пришел Иисус в Галилею, проповедуя Евангелие Царствия Божия | 14. Сы бӧрти, кыдз вӧлі вузалӧма Иоаннӧс, Иисус локтіс Галилеяӧ и проповедуйтіс Евангелие Енлӧн Царство йылысь | 14 Йоанлӧн дзескыдінӧ веськалӧм бӧрын Исус муніс Галилея муӧ, Енлысь бур юӧр висьталігтыр. | Иоанлӧн дзескыдінӧ веськалӧм бӧрын Ен Юралӧм йылысь Евангелльӧ висьталігтыр Исус муніс Галилеяӧ. |
| 15 и говоря, что исполнилось время и приблизилось Царствие Божие: покайтесь и веруйте в Евангелие. | 15. И висьтавліс, мый тыри кад и матыстчис Енлӧн Царство: каитчӧй и веритӧй Евангелиелы. | 15 Сійӧ шуліс: «Воис кад да матыстчис Енлӧн ыджыдалӧм. Бергӧдчӧй Енлань да эскӧй бур юӧрлы». | Сійӧ юӧртіс: «Воис кад. Енлӧн Юралӧмыс матын нин. Бергӧдчӧй мыжъяссьыныд да эскӧй Евангелльӧӧ». |
| 16 Проходя же близ моря Галилейского, увидел Симона и Андрея, брата его, закидывающих сети в море, ибо они были рыболовы. | 16. Галилеяса море дорті мунігӧн Иисус аддзис Симонӧс и сылысь воксӧ Андрейӧс, тывъяссӧ мореас чӧвталігӧн, сы вӧсна мый найӧ вӧліны чери кыйысьясӧн. | 16 Галилея ты дорті мунігӧн Исус аддзис Симонӧс да Ӧндрей воксӧ, чери кыйысьясӧс, кодъяс тывнысӧ чӧвталісны тыас. | Галилея ты пӧлӧн мунігӧн Исус аддзис Симонӧс да сылысь Ӧндрей воксӧ. Найӧ вӧліны чери кыйысьяс. Кык вок буретш вӧйтасисны ты вылын. |
| 17 И сказал им Иисус: идите за Мною, и Я сделаю, что вы будете ловцами человеков. | 17. Иисус шуис налы: локтӧй Ме бӧрся, и Ме вӧча тіянӧс мортъясӧс кыйысьясӧн. | 17 Исус шуис налы: «Локтӧй ме бӧрся. Ме вӧча тіянӧс морт лов кыйысьясӧн». | Исус шуис налы: «Локтӧй Ме бӧрся. Ме вӧча тіянысь морт кыйысьясӧс». |
| 18 И они тотчас, оставив свои сети, последовали за Ним. | 18. И найӧ дзик пыр колисны ассьыныс тывъяссӧ и вӧтчисны Сы бӧрся. | 18 Найӧ дзик пыр эновтісны ассьыныс тывъяснысӧ да мӧдӧдчисны сы бӧрся. | Кык вок дзик пыр эновтісны тывъяснысӧ да мунісны Исус бӧрся. |
| 19 И, пройдя оттуда немного, Он увидел Иакова Зеведеева и Иоанна, брата его, также в лодке починивающих сети; | 19. Сэтысянь муныштӧм бӧрын Сійӧ аддзис Зеведеевлысь Иаковӧс и сылысь воксӧ Иоаннӧс, сідзи жӧ пыжынӧсь, дӧмлісны тывъяссӧ. | 19 Сэтысянь муныштӧм бӧрын Исус аддзис Зебедей Яковӧс да Йоан воксӧ, кодъяс пыжын дӧмлісны тывъяснысӧ. | Исус муртса муныштіс да аддзис пыжысь Зеведей Яковӧс Иоан вокыскӧд. Найӧ дзоньталісны тывъяс. |
| 20 и тотчас призвал их. | 20. И дзик пыр корис найӧс. | 20 Дзик пыр сійӧ корис найӧс. | Исус чукӧстіс вокъясӧс. |
| И они, оставив отца своего Зеведея в лодке с работниками, последовали за Ним. | И найӧ колисны ассьыныс батьсӧ Зеведейӧс пыжас уджалысьясыскӧд и вӧтчисны Сы бӧрся. | Найӧ колисны пыжас Зебедей батьнысӧ меда йӧзыскӧд да мӧдӧдчисны Исус бӧрся. | Найӧ колисны пыжас Зеведей батьнысӧ меда йӧзкӧд да мунісны Исус бӧрся. |
| 21 И приходят в Капернаум; | 21. И воисны Капернаумӧ; | 21 Найӧ воисны Капернаум карӧ. | Воисны Капернаум карӧ. |
| и вскоре в субботу вошел Он в синагогу и учил. | и регыд субӧта лунӧ Сійӧ пырис синагогаӧ и велӧдіс. | Медводдза субӧта лунас жӧ Исус пырис юда вичкоӧ да пондіс велӧдны. | Медводдза шойччан лунӧ Исус пырис синагогаӧ да пондіс велӧдны. |
| 22 И дивились Его учению, ибо Он учил их, как власть имеющий, а не как книжники. | 22. И шензисны Сылӧн велӧдӧм вылӧ, сы вӧсна мый Сійӧ велӧдіс найӧс кыдзи власть кутысь, а эз кыдзи книжникъяс. | 22 Йӧзыс шензисны сылӧн велӧдӧм вылӧ, ӧд сійӧ велӧдіс найӧс сідзи, кыдзи морт, кодлы сетӧма ыджыдавны, а эз кыдзи Ен гижӧд велӧдысьяс. | Йӧзыс шензисны Сылӧн велӧдӧмысь, ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс моз. |
| 23 В синагоге их был человек, одержимый духом нечистым, и вскричал: 24 оставь! что Тебе до нас, Иисус Назарянин? | 23. Налӧн синагогаас вӧлі пеж лола морт, и сэки горӧдіс: 24. Эновт, мый Тэныд миянӧдз, Назарейса Иисус? | 23 Дзик пыр юда вичкоас петкӧдчис пеж лолӧн кутӧм морт, коді горӧдіс: 24 «Мый тэныд колӧ миянысь, назаретса Исус? | Синагогаын вӧлі пеж лолӧн кутӧм морт. Сійӧ горӧдіс: «Мый Тэныд колӧ миянсянь, Назаретса Исус? |
| Ты пришел погубить нас! | Тэ локтін пӧгубитны миянӧс! | Тэ локтін бырӧдны миянӧс? | Тэ локтін бырӧдны миянӧс? |
| знаю Тебя, кто Ты, Святый Божий. | тӧда Тэнӧ, коді Тэ, Енлӧн Святӧй. | Тӧда, коді тэ, Енлӧн Вежаыс». | Тӧда, коді Тэ. Тэ — Енлӧн Вежаыс!» |
| 25 Но Иисус запретил ему, говоря: замолчи и выйди из него. | 25. Но Иисус стрӧга ӧлӧдіс сійӧс, шуӧмӧн: ланьт и пет сы пытшкысь. | 25 Но Исус чорыда ӧлӧдіс пеж лолӧс: «Ланьт да пет сы пытшкысь». | Исус ӧлӧдіс пеж лолӧс: «Ланьт! Пет сы пытшкысь». |
| 26 Тогда дух нечистый, сотрясши его и вскричав громким голосом, вышел из него. | 26. Сэки пеж лов, мортсӧ дзӧрӧдӧмӧн и гора шыӧн горӧдӧмӧн, петіс сы пытшкысь. | 26 Сэки пеж лов мортсӧ песовтіс, лёкысь горӧдіс да петіс сы пытшкысь. | Пеж лов песовтіс мортсӧ, лёкысь горӧдіс да петіс сы пытшкысь. |
| 27 И все ужаснулись, так что друг друга спрашивали: что это? | 27. И став йӧзыс шензисны и ӧта-мӧдныслысь юасисны: мый тайӧ татшӧмыс? | 27 Став йӧзыс шемӧсмисны да ӧта-мӧдныслысь юасисны: «Мый тайӧ? | Став йӧзыс весьӧпӧрисны, ӧта-мӧдныслысь юасисны: «Мый тайӧ? |
| что это за новое учение, что Он и духам нечистым повелевает со властью, и они повинуются Ему? | Мыйся тайӧ выль велӧдӧм, мый Сійӧ вына кывъясӧн ӧлӧдӧ пеж ловъясӧс и найӧ кывзысьӧны Сылысь? | Мыйся тайӧ выль велӧдӧм? Тайӧ мортыслысь тшӧктӧмсӧ кывзӧны весиг пеж ловъяс!» | Мыйсяма выль велӧдӧм? Сылысь кывзысьӧны весиг пеж ловъяс». |
| 28 И скоро разошлась о Нем молва по всей окрестности в Галилее. | 28. И ӧдйӧ паськаліс Сы йылысь сёрни став Галилея пасьта. | 28 Исус йылысь сёрни ӧдйӧ паськаліс став Галилея му пасьта. | Исус йылысь сёрниыс ӧдйӧ паськаліс став Галилея му пасьтала. |
| 29 Выйдя вскоре из синагоги, пришли в дом Симона и Андрея, с Иаковом и Иоанном. | 29. Синагогаысь петӧм бӧрын локтісны Симон и Андрей керкаӧ Иаковкӧд и Иоаннкӧд. | 29 Юда вичкоысь петӧм бӧрын Исус локтіс Яковкӧд да Йоанкӧд Симон да Ӧндрей ордӧ. | Синагогаысь петӧм бӧрын Исус локтіс Яковкӧд да Иоанкӧд Симон да Ӧндрей ордӧ. |
| 30 Теща же Симонова лежала в горячке; | 30. Симонлӧн жӧ тьӧщаыс куйліс биа висьӧмӧн; | 30 Симон гӧтырлӧн мамыс куйліс биа висьӧмӧн, | Симон гӧтырлӧн мамыс куйліс биа висьӧмӧн. |
| и тотчас говорят Ему о ней. | и дзик пыр висьталӧны Иисуслы сы йылысь. | и дзик пыр та йылысь висьталісны Исуслы. | Та йылысь дзик пыр висьталісны Исуслы. |
| 31 Подойдя, Он поднял ее, взяв ее за руку; | 31. Иисус матыстчис и киӧдыс босьтӧмӧн кыпӧдіс сійӧс, | 31 Исус матыстчис да кисӧ босьтӧмӧн лэптіс сійӧс кок йылас. | Исус матыстчис ань дінӧ да киӧдыс босьтӧмӧн чеччӧдіс сійӧс. |
| и горячка тотчас оставила ее, и она стала служить им. | и биа висьӧмыс дзик пыр эновтіс сійӧс, и сійӧ пондіс отсасьны налы. | Биа висьӧмыс дзик пыр петіс, и ань пондіс дӧзьӧритны найӧс. | Биа висьӧмыс дзик пыр эновтіс аньӧс, и сійӧ пондіс кесъявны налы. |
| 32 При наступлении же вечера, когда заходило солнце, приносили к Нему всех больных и бесноватых. | 32. А рытладорыс, шонді лэччӧм бӧрын, Сы дінӧ вайӧдлісны быд висьысьӧс и пеж лолаясӧс. | 32 А рытнас, шонді лэччӧм бӧрын, Исус дінӧ вайӧдісны став висьысьсӧ да мутиясӧн кутӧм став йӧзӧс. | Рытнас, шонді лэччӧм бӧрын, Исус дінӧ вайӧдісны став висьысьсӧ да пеж лолӧн кутӧмасӧ. |
| 33 И весь город собрался к дверям. | 33. И став карыс чукӧртчис ӧдзӧс дорас. | 33 И став карыс чукӧртчис ӧдзӧс дорас. | Став карыс чукӧртчис керка ӧдзӧс дорӧ. |
| 34 И Он исцелил многих, страдавших различными болезнями; изгнал многих бесов, и не позволял бесам говорить, что они знают, что Он Христос. | 34. Иисус унаӧс бурдӧдіс уна пӧлӧс висьӧмъясӧн висьысьясӧс; уна бесӧс вӧтлаліс и эз лэдз бесъяслы висьтавлыны, мый найӧ тӧдӧны, мый Сійӧ Христос. | 34 Уна войтырӧс бурдӧдіс Исус быд сикас висьӧмысь и уна мутиӧс вӧтліс йӧз пытшкысь. Сійӧ эз сет мутияслы сёрнитны, ӧд найӧ тӧдісны сійӧс. | Исус унаӧс бурдӧдіс быдпӧлӧс висьӧмысь да вӧтліс уна пеж лолӧс. Сійӧ эз лэдз сёрнитны пеж ловъясӧс, ӧд найӧ тӧдісны, мый Сійӧ — Кристос. |
| 35 А утром, встав весьма рано, вышел и удалился в пустынное место, и там молился. | 35. Асывводзнас, югдытӧдз на чеччиг, петіс и муніс овтӧминӧ и сэні кевмысис. | 35 Аскинас, югдытӧдз ёна водзджык на, Исус чеччис, петіс да муніс кевмысьны овтӧминӧ. | Аскинас, югдытӧдзыс на, Исус чеччис да муніс кевмысьны овтӧминӧ. |
| 36 Симон и бывшие с ним пошли за Ним | 36. Симон и сыкӧд вӧлысьяс мунісны Сы бӧрся; | 36 Симон да сыкӧд вӧлысьяс мунісны Исус бӧрся. | Симон да сыкӧд вӧлысьяс мунісны Исус бӧрся. |
| 37 и, найдя Его, говорят Ему: все ищут Тебя. | 37. И, кор Сійӧс аддзисны, шуӧны Сылы: быдӧн корсьӧны Тэнӧ. | 37 Сійӧс аддзӧм бӧрын шуисны сылы: «Быдӧн корсьӧны тэнӧ». | Исусӧс аддзӧм бӧрын висьталісны: «Ставныс корсьӧны Тэнӧ». |
| 38 Он говорит им: пойдем в ближние селения и города, чтобы Мне и там проповедовать, ибо Я для того пришел. | 38. Иисус шуӧ налы: мунамӧй матыса сиктъясӧ и каръясӧ, медым Меным и сэні проповедуйтны, ӧд Ме сы вылӧ и локті. | 38 Исус шуис налы: «Мунамӧй матысса сиктъясӧ, медым ме сэні тшӧтш юӧрта, ӧд ме сы могысь и локті». | Исус шуис налы: «Мунамӧй маті сиктъясӧ. Меным тшӧтш сэні колӧ висьтавлыны Бур Юӧрсӧ, ӧд та могысь Ме локті». |
| 39 И Он проповедовал в синагогах их по всей Галилее и изгонял бесов. | 39. И велӧдіс Сійӧ налӧн синагогаясын став Галилея пасьта и вӧтлаліс бесъясӧс. | 39 Став Галилея муын сійӧ висьталіс бур юӧр юда вичкоясын да вӧтлаліс мутиясӧс йӧз пытшкысь. | Сійӧ ветлӧдліс Галилея му пасьтала, висьтавліс синагогаясын Бур Юӧр да вӧтлаліс пеж ловъясӧс. |
| 40 Приходит к Нему прокаженный и, умоляя Его и падая пред Ним на колени, говорит Ему: если хочешь, можешь меня очистить. | 40. Сы дінӧ локтӧ проказаӧн висьысь и Сы водзӧ пидзӧсъяс вылас уськӧдчӧмӧн, кевмысьӧмӧн шуӧ Сылы: кӧсъян кӧ, верман менӧ бурдӧдны. | 40 Исус дінӧ локтіс вуджан кучик висьӧмӧн висьысь морт, пидзӧсчанясис сы водзӧ да кевмысьӧмӧн шуис сылы: «Кӧсъян кӧ, верман менӧ сӧстӧммӧдны». | Исус дінӧ локтіс проказаӧн висьысь да Сы водзӧ пидзӧс вылас сувтӧмӧн корис: «Кӧсъян кӧ, верман менӧ сӧстӧммӧдны». |
| 41 Иисус, умилосердившись над ним, простер руку, коснулся его и сказал ему: хочу, очистись. | 41. Иисус, сійӧс жалитӧмӧн, нюжӧдіс кисӧ, инмӧдчис сылы и шуис сылы: кӧсъя, медым тэ бурдін. | 41 Жаляддза Исус нюжӧдіс кисӧ, инмӧдчис сылы да шуис: «Кӧсъя, сӧстӧммы». | Исуслӧн сьӧлӧмыс нормис. Сійӧ нюжӧдіс кисӧ, инмӧдчыліс висьысь дінӧ да шуис: «Кӧсъя. Сӧстӧммы». |
| 42 После сего слова проказа тотчас сошла с него, и он стал чист. | 42. Тайӧ кывсӧ шуӧм бӧрын дзик пыр сы вылысь быри проказаыс и сійӧ лои чистӧйӧн. | 42 Вуджан висьӧмыс сы кучик вылысь дзик пыр быри, да сійӧ сӧстӧммис. | Висьысьлӧн дойясыс дзик пыр бырисны, сійӧ бурдіс. |
| 43 И, посмотрев на него строго, тотчас отослал его 44 и сказал ему: смотри, никому ничего не говори, но пойди, покажись священнику и принеси за очищение твое, что повелел Моисей, во свидетельство им. | 43. И сы вылӧ стрӧга видзӧдлӧм бӧрын дзик пыр ыстіс сійӧс 44. И шуис сылы: кывзы, некодлы нинӧм эн висьтавлы; но мун, петкӧдчыв священниклы и вай аслад бурдӧмысь, мый тшӧктіс Моисей, налы тӧдӧм вылӧ. | 43 Исус дзик пыр ыстіс сійӧс да чорыда ӧлӧдіс: 44 «Видзчысь, эн висьтавлы та йылысь некодлы, а мун, петкӧдчыв поплы да вай аслад сӧстӧммӧмысь вись, кодӧс тшӧктіс Мӧсей, мед йӧзыс тӧдісны». | Исус пырысьтӧм-пыр ыстіс сійӧс да чорыда ӧлӧдіс: «Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь». |
| 45 А он, выйдя, начал провозглашать и рассказывать о происшедшем, так что Иисус не мог уже явно войти в город, но находился вне, в местах пустынных. И приходили к Нему отовсюду. | 45. А сійӧ петӧм бӧрас пондіс сёрнитны и висьтавлыны йӧз водзын лоӧмтор йывсьыс, сідз мый Иисус эз нин вермы пырны карас восьсӧн, но вӧлі кар ортсыас овтӧминъясын. И волісны Сы дінӧ быдласянь. | 45 А петӧм бӧрас морт кутіс паськӧдны лоӧмтор йывсьыс юӧр. Та вӧсна Исус эз нин вермы пырны веськыда каръясӧ, а кольччыліс кар сайӧ, овтӧминӧ. Быдласянь йӧзыс волісны сы дінӧ. | Мунӧм бӧрас бурдӧм морт пондіс висьтавлыны лоӧмтор йывсьыс. Та вӧсна Исус эз нин вермы восьсӧн пырны карӧ. Сійӧ оліс кар саяс, овтӧминын, и Сы дінӧ быдласянь волісны йӧзыс. |
| Глава 2 | ГЛАВА 2 | 2 юр | 2 |
| 1 Через несколько дней опять пришел Он в Капернаум; | 1. Некымын лун мысти Иисус бара локтіс Капернаумӧ; | 1 Кымынкӧ лун мысти Исус бара воис Капернаум карӧ. | Кымынкӧ лун мысти Исус бара локтіс Капернаумӧ. |
| и слышно стало, что Он в доме. | и пондіс кывны, мый Сійӧ — керкаын. | Сылӧн гортӧ воӧм йылысь кутіс кывсьыны. | Йӧзыс кылісны, мый Сійӧ гортас, |
| 2 Тотчас собрались многие, так что уже и у дверей не было места; | 2. Дзик пыр чукӧртчисны унаӧн, сідз мый ӧдзӧс дорас эз нин тӧрны, | 2 Сы ордӧ чукӧртчис сэтшӧм уна йӧз, мый ӧдзӧс дорас весиг эз тӧрны. | и дзик пыр уна йӧз чукӧртчис Сы ордӧ, весиг пыранінас сулалісны. |
| и Он говорил им слово. | а Сійӧ висьтавліс налы велӧдан кыв. | Исус висьталіс налы Кыв. | Исус висьталіс налы Енлысь Кывсӧ. |
| 3 И пришли к Нему с расслабленным, которого несли четверо; | 3. И локтісны Сы дінӧ нёльӧн, вайисны вынсьыс усьӧм мортӧс; | 3 Сэки локтісны сы дінӧ нёльӧн, кодъяс вайисны парализуйтӧм мортӧс. | Сэки нёльӧн вайисны вӧрзьӧдчыны вермытӧм мортӧс. |
| 4 и, не имея возможности приблизиться к Нему за многолюдством, раскрыли кровлю дома, где Он находился, и, прокопав ее, спустили постель, на которой лежал расслабленный. | 4. И эз вермыны матыстчыны Сы дінӧ уна йӧзыс вӧсна, восьтісны керка вевтсӧ, кӧні вӧлі Иисус, и сэті восьтӧм бӧрын лэдзисны вольпасьнас, код вылын куйліс вынсьыс усьӧм мортыс. | 4 Уна йӧз вӧснаыс найӧ эз вермыны матыстчыны Исус дінӧ. Сэки керка вевтсӧ восьтісны сэті, кӧні вӧлі Исус, да лэдзисны керкаас висьысьсӧ вольпасьнас. | Уна йӧз вӧсна найӧ эз вермыны матыстчыны Исус дінӧ. Сэки найӧ разисны керка вевтсӧ да Исус весьтті лэдзисны висьысьӧс вольпасьнас. |
| 5 Иисус, видя веру их, говорит расслабленному: чадо! прощаются тебе грехи твои. | 5. Иисус, налысь верасӧ аддзӧмӧн, шуӧ эбӧстӧмыслы: пиӧй, прӧститсьӧны тэныд грекъясыд тэнад. | 5 Налысь эскӧмнысӧ аддзӧмӧн Исус шуис висьысьыслы: «Пиӧй, тэнад грекъясыд лоӧны лэдзӧмаӧсь». | Налысь эскӧмсӧ аддзӧмӧн Исус шуис висьысьлы: «Пиӧй, тэнсьыд мыжъястӧ прӧститӧма». |
| 6 Тут сидели некоторые из книжников и помышляли в сердцах своих: 7 что Он так богохульствует? | 6. Сэні пукалісны кодсюрӧ книжникъяс пӧвстысь и асланыс сьӧлӧманыс мӧвпалісны: 7. Мый Сійӧ тадзи Енмӧс омӧльтӧ? | 6 Сэні пукалісны кодсюрӧ Ен гижӧд велӧдысьяс пӧвстысь да ас кежсьыныс мӧвпалісны: 7 «Мыйла тадзи Енмӧс увтыртӧмӧн сёрнитӧ сійӧ? | Сэні пукалісны Индӧдӧ велӧдысьясысь кодсюрӧ да мӧвпалісны ас кежас: «Мыйла Сійӧ Енмӧс омӧльтӧ? |
| кто может прощать грехи, кроме одного Бога? | Коді вермас прӧститны грекъяс, ӧти Ен кындзи? | Коді нӧ вермӧ лэдзны грекъяс, ӧти Енмысь ӧтдор?» | Ен кындзи вермас-ӧ кодкӧ прӧститны мыжъяс?» |
| 8 Иисус, тотчас узнав духом Своим, что они так помышляют в себе, сказал им: для чего так помышляете в сердцах ваших? | 8. Иисус, дзик пыр тӧдіг Аслас Лолӧн, мый найӧ тадзи мӧвпалӧны ас пытшканыс, шуис налы: мыйла тадзи мӧвпаланныд асланыд сьӧлӧманыд? | 8 Исус ловнас дзик пыр кыліс, мый найӧ тадзи мӧвпалӧны ас кежсьыныс, да шуис налы: «Мыйла татшӧм ногӧн мӧвпаланныд асланыд сьӧлӧманыд? | Исуслӧн лолыс дзик пыр тӧдіс налысь мӧвпъяссӧ. Сійӧ шуис: «Мыйла ті мӧвпаланныд тадзи? |
| 9 Что легче? сказать ли расслабленному: прощаются тебе грехи? или сказать: встань, возьми свою постель и ходи? | 9. Мый кокньыдджык? шуны-ӧ эбӧстӧмлы: «прӧститсьӧны тэныд грекъясыд?» или шуны: «чеччы, босьт ассьыд вольпасьтӧ и ветлӧдлы»? | 9 Мый нӧ кокньыдджык? Шуны-ӧ парализуйтӧмлы: «Тэнад грекъясыд лоӧны лэдзӧмаӧсь» либӧ шуны: «Чеччы, босьт ассьыд вольпасьтӧ да ветлӧдлы»? | Мый кокньыдджык шуны вӧрзьӧдчыны вермытӧмлы: “Тэнсьыд мыжъястӧ прӧститӧма” либӧ “Чеччы, босьт вольпасьтӧ да ветлы”? |
| 10 Но чтобы вы знали, что Сын Человеческий имеет власть на земле прощать грехи, - говорит расслабленному: | 10. Но медым ті тӧдінныд, мый Морт Пилӧн эм власть му вылын прӧститны грекъяс, — эбӧстӧмлы шуӧ: | 10 Но медым ті тӧданныд, мый Мортлӧн Пилы сетӧма му вылын лэдзны грекъяс,» — сійӧ шыӧдчис парализуйтӧм дінӧ — | Ӧні ті тӧдмаланныд: Морт Пи вермӧ прӧститны мыжъяс му вылын». Сэсся шуис висьысьлы: |
| 11 тебе говорю: встань, возьми постель твою и иди в дом твой. | 11. Тэныд шуа: чеччы, босьт вольпасьтӧ ассьыд и мун аслад гортӧ. | 11 «тэныд шуа: чеччы, босьт ассьыд вольпасьтӧ да мун гортад». | «Тэныд шуа: чеччы, босьт вольпасьтӧ да мун гортад». |
| 12 Он тотчас встал и, взяв постель, вышел перед всеми, так что все изумлялись и прославляли Бога, говоря: никогда ничего такого мы не видали. | 12. Сійӧ дзик пыр чеччис и, вольпасьсӧ босьтӧмӧн, петіс ставныс водзын, сідз мый быдӧн шензисны и ошкисны Енмӧс, шуалӧмӧн: некор нинӧм татшӧмсӧ ми эгӧ аддзывлӧй. | 12 Сійӧ чеччис, дзик пыр босьтіс вольпасьсӧ да петіс ставныс водзын. Быдӧн шензисны, ошкисны Енмӧс да шуалісны: «Ми некор нинӧм татшӧмсӧ эгӧ аддзывлӧй». | Сійӧ дзик пыр чеччис, босьтіс вольпасьсӧ да ставныслӧн син водзын петіс. Йӧзыс шензьӧмӧн ошкисны Енмӧс да шуалісны, татшӧмсӧ пӧ ми эгӧ на аддзылӧй. |
| 13 И вышел Иисус опять к морю; | 13. Иисус бара петіс море дорӧ; | 13 Исус бара петіс ты дорӧ. | Исус бара муніс ты дорӧ. |
| и весь народ пошел к Нему, и Он учил их. | и став йӧзыс муніс Сы дінӧ, и Сійӧ велӧдіс найӧс. | Йӧзыс ставӧн локтісны сы дінӧ, да сійӧ велӧдіс найӧс. | Йӧзыс ставныс локтісны Сы дінӧ, и Сійӧ велӧдіс найӧс. |
| 14 Проходя, увидел Он Левия Алфеева, сидящего у сбора пошлин, и говорит ему: следуй за Мною. | 14. Мунігас Иисус аддзис Алфейлысь Левийӧс, пукаліс налог чукӧртанінын, и шуӧ сылы: вӧтчы Ме бӧрся. | 14 Сэтысь мунігас Исус аддзис Алпей Левиӧс, коді пукаліс вот чукӧртанінын, да шуис сылы: «Лок ме бӧрся». | Сэтысь мунігас Исус аддзис Алфей Левийӧс, сійӧ пукаліс вотчукӧртанінын. Исус шуис сылы: «Лок Ме бӧрся». |
| И он, встав, последовал за Ним. | Сійӧ чеччис и вӧтчис Сы бӧрся. | Сійӧ чеччис да муніс Исус бӧрся. | Левий чеччис да муніс Исус бӧрся. |
| 15 И когда Иисус возлежал в доме его, возлежали с Ним и ученики Его и многие мытари и грешники: | 15. И кор Иисус пукаліс сы ордын, пукалісны Сыкӧд велӧдчысьясыс Сылӧн и унаӧн мытаръяс и грешникъяс; | 15 Исус сэсся пажнайтіс Леви ордын. Сыкӧд да сылӧн велӧдчысьясыскӧд сёйис уна вот чукӧртысь да грека морт, | Сэсся Исус локтіс Левий ордӧ. Сэні Исускӧд да Сылӧн велӧдчысьяскӧд сёйисны тшӧтш вот перйысьяс да мукӧд мыжа йӧз. |
| ибо много их было, и они следовали за Ним. | сы вӧсна мый унаӧн вӧліны найӧ и вӧтчисны Сы бӧрся. | ӧд найӧ унаӧн вӧліны Исус бӧрся локтысьяс пиын. | Унаӧн на пиысь вӧліны Исус бӧрся мунысьяс. |
| 16 Книжники и фарисеи, увидев, что Он ест с мытарями и грешниками, говорили ученикам Его: | 16. Кор аддзисны книжникъяс и фарисейяс, мый Иисус сёйӧ мытаръяскӧд и грешникъяскӧд, шуисны Сылӧн велӧдчысьяслы: | 16 Кор Ен гижӧд велӧдысьяс — найӧ волыны фарисейясӧн — аддзисны, мый Исус сёйӧ вот чукӧртысьяскӧд да грекаяскӧд, шуисны велӧдчысьясыслы: | Индӧдӧ велӧдысьяс да фарисейяс аддзисны, мый Исус сёйӧ мыжа йӧзкӧд да вот перйысьяскӧд. Сэки юалісны Исуслӧн велӧдчысьяслысь: |
| как это Он ест и пьет с мытарями и грешниками? | кыдзи нӧ Сійӧ сёйӧ и юӧ мытаръяскӧд и грешникъяскӧд? | «Мыйла нӧ сійӧ сёйӧ вот чукӧртысьяскӧд да грекаяскӧд?» | «Мыйла Сійӧ сёйӧ-юӧ вот перйысьяскӧд да мыжа йӧзкӧд?» |
| 17 Услышав сие, Иисус говорит им: не здоровые имеют нужду во враче, но больные; | 17. Тайӧ кылӧм бӧрын Иисус шуӧ налы: висьтӧмъяслы бурдӧдысь оз ков, но висьысьяслы: | 17 Тайӧс кылӧм бӧрын Исус шуис налы: «Бурдӧдысь колӧ висьысьяслы, а оз висьтӧмъяслы. | Исус кыліс тайӧс да шуис налы: «Дзоньвидзалы бурдӧдысьыд оз ков, сійӧ висьысьлы колӧ. |
| Я пришел призвать не праведников, но грешников к покаянию. | Ме локті корны эг веськыда олысьясӧс, а грешникъясӧс каитчӧм вылӧ. | Ме локті корны эг веськыда олысьясӧс, а грекаясӧс». | Ме локті корны Ен дінӧ мыжаясӧс, эг веськыда олысьясӧс». |
| 18 Ученики Иоанновы и фарисейские постились. | 18. Иоаннлӧн и фарисейяслӧн велӧдчысьяс видзалісны. | 18 Йоанлӧн да фарисейяслӧн велӧдчысьясныс вӧлі видзалӧны. | Иоанлӧн да фарисейяслӧн велӧдчысьясыс вӧлі видзалӧны. |
| Приходят к Нему и говорят: почему ученики Иоанновы и фарисейские постятся, а Твои ученики не постятся? | Локтӧны Иисус дінӧ и шуӧны: мыйла Иоаннлӧн и фарисейяслӧн велӧдчысьясыс видзалӧны, а Тэнад велӧдчысьяс оз видзавны? | Исус дінӧ локтісны юавны: «Мыйла Йоанлӧн да фарисейяслӧн велӧдчысьясныс видзалӧны, а тэнад велӧдчысьясыд оз видзавны?» | Йӧзыс локтісны Исус дінӧ да юалісны: «Иоанлӧн да фарисейяслӧн велӧдчысьяс видзалӧны. Мыйла Тэнад оз?» |
| 19 И сказал им Иисус: могут ли поститься сыны чертога брачного, когда с ними жених? | 19. Иисус висьталіс налы: вермасны-ӧ видзавны гӧтрасянінын гажӧдчысь зонъяс, кор накӧд жӧник? | 19 Исус вочавидзис налы: «Вермасны-ӧ видзавны гӧтрасянінын гажӧдчысь зонъяс, кор верӧспуыс накӧд? | Исус вочавидзис: «Вермӧны-ӧ видзавны кӧлысь вылын верӧспукӧд гажӧдчысь ёртъяс? |
| Доколе с ними жених, не могут поститься, | Кытчӧдз накӧд жӧник, оз вермыны видзавны; | Сэтчӧдз, кытчӧдз верӧспуыс накӧд, оз вермыны найӧ видзавны. | Верӧспуыс кӧ накӧд, найӧ оз вермыны видзавнысӧ. |
| 20 но придут дни, когда отнимется у них жених, и тогда будут поститься в те дни. | 20. Но воасны лунъяс, кор мырддясны жӧниксӧ налысь, и сэки пондасны видзавны сійӧ лунъясӧ. | 20 Воас сэтшӧм кад, кор верӧспусӧ мырддясны налысь, и сійӧ лунӧ найӧ видзаласны. | Воасны на сійӧ лунъясыс, кор колясны верӧспутӧг, сэки и видзаласны. |
| 21 Никто к ветхой одежде не приставляет заплаты из небеленой ткани: | 21. Важ паськӧмӧ некод оз пукты дӧмасъяс белиттӧм дӧраысь; | 21 Некод оз вур важ паськӧмӧ мыськытӧм дӧраысь дӧмассӧ: | Важ паськӧмтӧ оз дӧмны выль дӧра дӧмасӧн. |
| иначе вновь пришитое отдерет от старого, и дыра будет еще хуже. | сы вӧсна мый выльысь вурӧмыс косялас важсьыс, и розьыс лоӧ нӧшта на лёк. | выльысь вурӧмыс косялас важсӧ, да розьыс лоӧ важсьыс на ыджыдджык. | Тадзи кӧ вӧчан, выль дӧмас дортіыс нёйдас-косяссяс паськӧмыд, розьыс ёнджыка на ыдждас. |
| 22 Никто не вливает вина молодого в мехи ветхие: иначе молодое вино прорвет мехи, и вино вытечет, и мехи пропадут; | 22. Некод оз кисьтав том вина важмӧм кучик мешӧкъясӧ: сы вӧсна мый том винаыс поткӧдас мешӧкъяссӧ, и визувтас винаыс, и дозъясыс вошасны; | 22 Некод оз кисьтав выль вина важ кучик дозъясӧ: выль винаыс поткӧдас найӧс и визувтас, да дозъясыс тшыкасны. | Выль винатӧ оз кисьтны важ кучик дозйӧ. Тадзи кӧ вӧчан, кучик дозйыс потас, и винаыс киссяс. |
| но вино молодое надобно вливать в мехи новые. | но том вина колӧ кисьтавны выль дозъясӧ. | Выль вина колӧ кисьтавны выль кучик дозъясӧ». | Выль винатӧ кисьтӧны выль кучик дозйӧ». |
| 23 И случилось Ему в субботу проходить засеянными полями, | 23. Сылы ковмис мунны субӧта лунӧ кӧдзӧм муяс дорті, | 23 Исус субӧта лунӧ мунӧ вӧлі кӧдзӧм муяс дорті, | Шойччан лунӧ Исус мунӧ вӧлі кӧдзӧм муяс вомӧн. |
| и ученики Его дорогою начали срывать колосья. | и Сылӧн велӧдчысьясыс муніганыс пондісны нетшкыны шепъяссӧ. | и сылӧн велӧдчысьясыс мунігмозныс пондісны нетшкыны шепсӧ. | Сылӧн велӧдчысьясыс мунігмозныс нетшкисны шепсӧ. |
| 24 И фарисеи сказали Ему: смотри, что они делают в субботу, чего не должно делать? | 24. И фарисейяс шуисны Сылы: видзӧд, мый вӧчӧны найӧ субӧта лунӧ, мый оз позь вӧчны? | 24 Сэки фарисейяс шуисны сылы: «Видзӧд: велӧдчысьясыд субӧта лунӧ вӧчӧны сійӧс, мый оз позь вӧчны?» | Фарисейяс шуисны Исуслы: «Видзӧдлы, мый Тэнад велӧдчысьясыд вӧчӧны! Тайӧс оз позь вӧчны шойччан лунӧ». |
| 25 Он сказал им: неужели вы не читали никогда, что сделал Давид, когда имел нужду и взалкал сам и бывшие с ним? | 25. Иисус шуис налы: ті ӧмӧй некор энӧ лыддьывлӧй, мый вӧчис Давид, кор вӧлі йӧрмӧма и тшыгъялӧ ачыс и сыкӧд вӧлысьяс? | 25 Исус шуис налы: «Ті ӧмӧй некор энӧ лыддьывлӧй, мый вӧчис Давид, кор ачыс да сыкӧд вӧлысьясыс тшыгӧсь вӧліны да налӧн эз вӧв сёянныс? | Исус воча шуис: «Ті ӧмӧй энӧ лыддьылӧй, мый вӧчис Давид, кор тшыгъяліс аслас йӧзкӧд да налӧн эз вӧв сёяныс? |
| 26 как вошел он в дом Божий при первосвященнике Авиафаре и ел хлебы предложения, которых не должно было есть никому, кроме священников, и дал и бывшим с ним? | 26. Кыдзи сійӧ пырис Енлӧн керкаӧ Авиафар первосвященник дырйи и сёйис пуктӧм няньяссӧ и сетіс сыкӧд вӧлысьяслы, кодъясӧс оз позь вӧлі сёйнысӧ некодлы, священникъяслы кындзи? | 26 Сійӧ пырис Ен керкаӧ Абъятар аркирей дырйи сёйны да вердны Енлы пуктӧм няньӧн сыкӧд волысьясӧс. Тайӧ няньсӧ оз позь вӧлі сёйны некодлы попъясысь кындзи». | Авиафар аркирей дырйи сійӧ пырис Ен керкаӧ, сёйис Енлы вайӧм няньсӧ да аслас йӧзлы тшӧтш сетіс. Тайӧ няньсӧ сӧмын попъяслы позис сёйны». |
| 27 И сказал им: суббота для человека, а не человек для субботы; | 27. И шуис налы: субӧтаыс эм мортлы вылӧ, а абу мортыс субӧталы вылӧ; | 27 Исус шуис налы: «Субӧта лун лӧсьӧдӧма мортлы, а абу мортӧс субӧта лунлы. | Сэсся Исус шуис фарисейяслы: «Шойччан лунсӧ лӧсьӧдӧма мортлы, абу мортсӧ шойччан лунлы. |
| 28 посему Сын Человеческий есть господин и субботы. | 28. Та вӧсна Мортлӧн Пи эм и субӧтаыс вылын господин. | 28 Та вӧсна Мортлӧн Пи лоӧ ыджыдӧн и субӧта лун вылын». | Та вӧсна Морт Пи шойччан лун вылын ыджыдыс». |
| Глава 3 | ГЛАВА 3 | 3 юр | 3 |
| 1 И пришел опять в синагогу; | 1. Бара локтіс синагогаӧ; | 1 Исус бара муніс юда вичкоӧ. | Исус бара локтіс синагогаӧ. |
| там был человек, имевший иссохшую руку. | сэні вӧлі кос киа морт. | Сэні вӧлі кос киа морт. | Сэні вӧлі косьмӧм киа морт. |
| 2 И наблюдали за Ним, не исцелит ли его в субботу, чтобы обвинить Его. | 2. И кыйӧдісны Иисус бӧрся, оз-ӧ бурдӧд сійӧс субӧта лунӧ, медым мыжавны Сійӧс. | 2 Исус бӧрся кыйӧдчисны, бурдӧдас-ӧ сійӧ мортсӧ субӧта лунӧ, медым мыжавны таысь Исусӧс. | Исус бӧрся сюся видзӧдісны, бурдӧдас-ӧ шойччан лунӧ, ӧд корсисны помка мыжавны Сійӧс. |
| 3 Он же говорит человеку, имевшему иссохшую руку: стань на средину. | 3. Иисус шуӧ кос киа мортыслы: сувт шӧрас. | 3 Исус шуис кос киа мортыслы: «Сувт шӧрас». | Исус тшӧктіс косьмӧм киа мортлы: «Сувт шӧрас». |
| 4 А им говорит: должно ли в субботу добро делать, или зло делать? душу спасти, или погубить? | 4. А налы шуӧ: субӧта лунӧ позьӧ-ӧ бур вӧчны или лёк вӧчны? душасӧ спаситны или пӧгубитны? | 4 А налы шуис: «Кодыс позяна субӧта лунӧ: бур али лёк вӧчӧмыс, мортӧс мездӧмыс али сійӧс виӧмыс?» | Сэсся юаліс мукӧдыслысь: «Мый позьӧ вӧчны шойччан лунӧ: бурсӧ али лёксӧ, мездыны мортӧс али вины сійӧс?» |
| Но они молчали. | Но найӧ чӧв олісны. | Но найӧ чӧв олісны. | Найӧ чӧв олісны. |
| 5 И, воззрев на них с гневом, скорбя об ожесточении сердец их, говорит тому человеку: протяни руку твою. | 5. И на вылӧ скӧрпырысь видзӧдлӧмӧн, налӧн сьӧлӧмъяс чорзьӧм вӧсна шогсьӧмӧн, шуӧ сійӧ мортыслы: нюжӧд китӧ ассьыд. | 5 На вылӧ чорыда видзӧдлӧмӧн да налӧн чорзьӧм сьӧлӧмъяс вӧсна шогсьӧмӧн, шуис Исус мортыслы: «Нюжӧд китӧ». | Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». |
| Он протянул, и стала рука его здорова, как другая. | Сійӧ нюжӧдіс, и киыс сылӧн бурдіс, лои кыдзи мӧдыс. | Морт нюжӧдіс кисӧ да лои дзоньвидза. | Сійӧ нюжӧдіс, и киыс пырысь-пыр бурдіс, лои мӧдыс кодь. |
| 6 Фарисеи, выйдя, немедленно составили с иродианами совещание против Него, как бы погубить Его. | 6. Фарисейяс петӧм бӧраныс дзик пыр сёрнитчисны Ирод дор сулалысьяскӧд ӧтвыв Иисуслы паныд, кыдзи эськӧ Сійӧс вины. | 6 Фарисейяс петісны да дзик пыр сёрнитчисны Ирӧд дор сулалысьяскӧд ӧтвылысь вины Исусӧс. | Сэки фарисейяс петісны да Ирӧдлӧн йӧзкӧд дзик пыр панісны сёрни Исусӧс виӧм йылысь. |
| 7 Но Иисус с учениками Своими удалился к морю; | 7. Но Иисус Аслас велӧдчысьяскӧд ылыстчис море дорӧ, | 7-8 Исус аслас велӧдчысьяскӧд ылыстчис ты дорӧ, | Исус муніс велӧдчысьясыскӧд ты дорӧ. |
| и за Ним последовало множество народа из Галилеи, Иудеи, 8 Иерусалима, Идумеи и из-за Иордана. | и Сы бӧрся вӧтчисны уна йӧз Галилеяысь, Иудеяысь, 8. Иерусалимысь, Иудеяысь и Иордан сайысь и Тир и Сидон гӧгӧрса олысьяс. | и сыкӧд тшӧтш унаӧн мунісны Галилеяысь. Ыджыд чукӧрӧн Исус дінӧ сідзжӧ локтісны и Юдеяысь, Ерусалимысь, Идумеяысь, Йӧрдан сайысь, | Сы бӧрся вӧтчис унасьыс-уна йӧз Галилеяысь, Юдеяысь, Ерусалим карысь, Идумеяысь, Йӧрдан ю сайысь, Тир да Сидон каръясысь. |
| И живущие в окрестностях Тира и Сидона, услышав, что Он делал, шли к Нему в великом множестве. | Кор кылісны ставторъяс йылысь, мый вӧчис Иисус, локтісны Сы дінӧ вывті уна йӧз. | Тырос да Сидон гӧгӧрысь, кор кылісны, мый сійӧ вӧчӧ. | Найӧ локтісны Исус дінӧ, ӧд кывлӧмаӧсь, мый Сійӧ вӧчӧ. |
| 9 И сказал ученикам Своим, чтобы готова была для Него лодка по причине многолюдства, дабы не теснили Его. | 9. И шуис Аслас велӧдчысьяслы, медым дасьтӧма вӧлі Сылы пыж, уна йӧзыс вӧсна, медым эз дзескӧдны Сійӧс. | 9 Исус тшӧктіс аслас велӧдчысьяслы дасьтыны сылы пыж, медым уна йӧзыс эз дзескӧдны сійӧс. | Исус тшӧктіс велӧдчысьясыслы лӧсьӧдны Сылы пыж, медым йӧзыс эз дзескӧдны Сійӧс. |
| 10 Ибо многих Он исцелил, так что имевшие язвы бросались к Нему, чтобы коснуться Его. | 10. Сы вӧсна мый унаӧс Сійӧ бурдӧдіс, сідз мый ставныс, кодъяс вӧлі висьӧны, сюйсисны Сы дінӧ, медым инмӧдчывны Сылы. | 10 Ӧд сійӧ унаӧс бурдӧдіс, да сы вӧсна висьысьяс ставӧн сюйсисны, медым инмӧдчывны сылы. | Исус унаӧс бурдӧдіс сэні. Та вӧсна висьысьяс сюйсьӧмӧн сюйсисны, медым инмӧдчывны Сы дінӧ. |
| 11 И духи нечистые, когда видели Его, падали пред Ним и кричали: Ты Сын Божий. | 11. И пеж ловъяс, Сійӧс аддзӧм бӧрын, уськӧдчисны Сы водзӧ и горзісны: Тэ — Енлӧн Пи. | 11 Исусӧс аддзӧм мысти пеж ловъяс уськӧдчисны сы водзӧ да горзісны: «Тэ Енлӧн Пи!» | Исусӧс аддзигӧн пеж ловъяс уськӧдчылісны Сы водзӧ да горзісны: «Тэ Ен Пи!» |
| 12 Но Он строго запрещал им, чтобы не делали Его известным. | 12. Но Иисус стрӧга ӧлӧдіс найӧс, медым эз висьтавлыны Сы йылысь. | 12 Но Исус чорыда ӧлӧдіс, медым найӧ эз эрдӧдны сійӧс. | Исус чорыда ӧлӧдіс найӧс Сы йылысь висьтавлӧмысь. |
| 13 Потом взошел на гору и позвал к Себе, кого Сам хотел; | 13. Сы бӧрти кайис гӧра вылӧ и Ас дінас корис, кодӧс кӧсйис Ачыс. | 13 Бӧрыннас Исус кайис керӧсӧ да корис ас дінас сыӧн бӧрйӧмаяссӧ, | Исус кайис керӧсӧ. Сійӧ корис Ас дінас, кодӧс кӧсйис, |
| и пришли к Нему. | И найӧ локтісны Сы дінӧ. | и найӧ локтісны сы дінӧ. | и найӧ локтісны Сы дінӧ. |
| 14 И поставил из них двенадцать, чтобы с Ним были и чтобы посылать их на проповедь, 15 и чтобы они имели власть исцелять от болезней и изгонять бесов; | 14. И сувтӧдіс дас кыкӧс, медым вӧліны Сыкӧд и медым мӧдӧдны найӧс проповедуйтӧм вылӧ, 15. Медым налӧн вӧлі власть бурдӧдны висьысьясӧс и вӧтлавны бесъясӧс: | 14 Сійӧ индіс дас кыкӧс ас дінас, медым мӧдӧдны найӧс паськӧдны бур юӧр 15 да сетны налы вын вӧтлавны мутиясӧс. | Сійӧ бӧрйис дас кыкӧс лоны Сыкӧд, медым мӧдӧдны найӧс висьтавны Бур Юӧр да сетны налы вын бурдӧдавны висьысьясӧс да вӧтлавны пеж ловъясӧс. |
| 16 поставил Симона, нарекши ему имя Петр, 17 Иакова Зеведеева и Иоанна, брата Иакова, нарекши им имена Воанергес, то есть "сыны громовы", 18 Андрея, Филиппа, Варфоломея, Матфея, Фому, Иакова Алфеева, Фаддея, Симона Кананита 19 и Иуду Искариотского, который и предал Его. | 16. Сувтӧдіс Симонӧс, сылы сетіс ним — Петыр; 17. Иаковӧс Зеведеевлысь и Иоаннӧс, Иаковлысь воксӧ, налы сетісны ним Воанергес, мӧд ногӧн «гымлӧн пиян»; 18. Андрейӧс, Филиппӧс, Варфоломейӧс, Матфейӧс, Фомаӧс, Алфеевлысь Иаковӧс, Фаддейӧс, Симон Кананитӧс 19. И Иуда Искариотӧс, коді и вузаліс Иисусӧс. | 16 Тайӧ дас кыкыс вӧліны: Симон, кодлы сетіс Петыр ним, 17 Зебедей Яков да Йоан вокыс, кодъяслы сетіс Боанергес ним — сылӧн вуджӧдӧмыс татшӧм: гым пиян, 18 Ӧндрей, Пилип, Бартоломей, Матвей, Томас, Алпей Яков, Таддей, Дорйысь Симон 19 да Юдас Искариот, коді и вузаліс Исусӧс. | Дас кыкыс вӧліны: Симон, кодлы сетіс Петыр ним, Зеведей Яков да сылӧн Иоан вокыс, кодъяслы сетіс Воанергес ним, вуджӧдны кӧ: гым пиян, Ӧндрей, Филип, Варфоломей, Матвей, Фома, Алфей Яков, Фаддей, Кананит Симон да Искариот Иуда, Исусӧс вузалысь. |
| 20 Приходят в дом; и опять сходится народ, так что им невозможно было и хлеба есть. | 20. Локтӧны керкаӧ; и бара чукӧртчӧны йӧз, сідз мый налы некор вӧлі и нянь сёйны. | 20 Исус муніс гортас. Сэтчӧ бара чукӧртчисны йӧз, сійӧ велӧдчысьясыскӧд эз вермы весиг нянь сёйыштны. | Кор найӧ бӧр локтісны гортас, бара чукӧртчисны йӧз. Исуслы да велӧдчысьясыслы эз вӧв позянлуныс весиг сёйыштнысӧ. |
| 21 И, услышав, ближние Его пошли взять Его, ибо говорили, что Он вышел из себя. | 21. И кор кылісны, Сылӧн матысаяс локтісны босьтны Сійӧс, сы вӧсна мый сёрнитісны, мый Сійӧ ас пытшсьыс петіс. | 21 Кор та йылысь кылісны Исуслӧн матыссаясыс, локтісны босьтны сійӧс, ӧд сёрнитісны, мый сійӧ абу ас вежӧрас. | Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас. |
| 22 А книжники, пришедшие из Иерусалима, говорили, что Он имеет в Себе веельзевула и что изгоняет бесов силою бесовского князя. | 22. Иерусалимысь локтысь книжникъяс сёрнитісны, мый Сы пытшкын веельзевул и вӧтлалӧ бесъясӧс бесъяс князь вынӧн. | 22 А Ерусалимысь локтысь Ен гижӧд велӧдысьяс сёрнитісны: «Сы пытшкын Бельзебул» да «Сійӧ мутиясӧс вӧтлалӧ налӧн жӧ юралысь вынӧн». | Ерусалимысь локтысь Индӧдӧ велӧдысьяс сёрнитісны, Сы пытшкын пӧ Вельзевул, вӧтлалӧ пӧ пеж ловъясӧс налӧн юралысь вынӧн. |
| 23 И, призвав их, говорил им притчами: как может сатана изгонять сатану? | 23. И найӧс корӧм бӧрын сёрнитіс накӧд притчаясӧн: кыдзи вермас сатана вӧтлавны сатанаӧс? | 23 Йӧзӧс корӧм бӧрын Исус сёрнитіс найӧс велӧдан висьтъясӧн: «Кыдзи сӧтана вермас вӧтлыны сӧтанаӧс? | Исус корис йӧзсӧ да висьталіс налы велӧданвисьтъясӧн: «Вермас-ӧ сӧтана вӧтлыны сӧтанаӧс? |
| 24 Если царство разделится само в себе, не может устоять царство то; | 24. Царство кӧ юксяс ачыс ас пытшкас, оз вермы сулавны сійӧ царствоыс; | 24 Ыджыдаланін кӧ юксьӧ, оз вермы лоны сійӧ ыджыдаланіныс. | Ас муын олысьяс кӧ ас костаныс тышкасьӧны, сэні олӧмыс киссяс. |
| 25 и если дом разделится сам в себе, не может устоять дом тот; | 25. И керкаыс кӧ юксяс ачыс ас пытшкас, оз вермы сулавны сійӧ керкаыс; | 25 И керкапытшса кӧ юксьӧны ас костаныс, оз вермы лоны сійӧ ӧтувъя котырыс. | Зыксьӧмӧн олысь керка дыр оз сулав. |
| 26 и если сатана восстал на самого себя и разделился, не может устоять, но пришел конец его. | 26. И сатана кӧ кыпӧдчис ачыс ас вылас и торйӧдчис, оз вермы сулавны сійӧ, но воис пом сылӧн. | 26 Ӧд сӧтана кӧ кыпӧдчӧ аслыс паныд да юксьӧ, сійӧ оз вермы водзӧ лоны, сэки воис сылы пом. | Сӧтанаыс кӧ аслыс паныд кыпӧдчӧ-тышкасьӧ, сійӧ вынсӧ воштас, сылы воас пом. |
| 27 Никто, войдя в дом сильного, не может расхитить вещей его, если прежде не свяжет сильного, и тогда расхитит дом его. | 27. Некод, ёна вына ордӧ пырӧмӧн, оз вермы мырддявны кӧлуйсӧ сылысь, оз кӧ водзджык кӧртавлы ён вынасӧ, — и сэки петкӧдас сылысь керкасӧ. | 27 Некод оз вермы пырны вына ордӧ да мырддьыны сылысь кӧлуйсӧ, оз кӧ водзджык кӧртавлы вынасӧ. Сӧмын водзвыв кӧртавлӧмӧн вермас петкӧдны сылысь керкасӧ. | Некод оз вермы пырны вына мортлӧн керкаӧ да сійӧс кӧртавтӧг босьтны сылысь эмбурсӧ. Вына мортӧс кӧрталӧм бӧрын сӧмын вермас босьтны эмбурсӧ. |
| 28 Истинно говорю вам: будут прощены сынам человеческим все грехи и хуления, какими бы ни хулили; | 28. Веськыда висьтала тіянлы: морт пиянлы лоӧ прӧститӧма став грекъяссӧ и омӧльтӧмсӧ, кутшӧмӧн эськӧ сӧмын эз омӧльтны; | 28 Збыльысь висьтала тіянлы: мортлысь лоӧ лэдзӧма став грексӧ да омӧльтӧмсӧ, кутшӧма кӧть эз лёкӧд. | Веськыда висьтала тіянлы: мортлысь быд мыж да быд омӧльтӧм лоӧ прӧститӧма. |
| 29 но кто будет хулить Духа Святаго, тому не будет прощения вовек, но подлежит он вечному осуждению. | 29. Но коді пондас омӧльтны Святӧй Духсӧ, сылы некор оз ло прӧститӧма, но сійӧ лоӧ век кежлӧ мыждӧма. | 29 Но коді лёкӧдӧ Вежа Лолӧс, сылысь некор оз ло лэдзӧма грексӧ. Сійӧ лоӧ нэмсӧ мыжа, сылӧн грекыс лоӧ помасьлытӧм». | Коді омӧльтас Вежа Лолӧс, сылысь мыжсӧ некор оз ло прӧститӧма. Сылӧн мыжыс пыр кежлӧ кольӧ». |
| 30 Сие сказал Он, потому что говорили: в Нем нечистый дух. | 30. Сійӧ висьталіс тайӧс, сы вӧсна мый сёрнитісны: Сы пытшкын пеж лов. | 30 Исус висьталіс тайӧс сы вӧсна, мый сёрнитісны: «Сы пытшкын пеж лов». | Исус висьталіс тайӧс, ӧд сёрнитісны, мый Сы пытшкын пеж лов. |
| 31 И пришли Матерь и братья Его и, стоя вне дома, послали к Нему звать Его. | 31. И локтісны Мамыс и вокъясыс Сылӧн и ортсыас сулалігӧн мӧдӧдісны Сы дінӧ корны Сійӧс. | 31 Локтісны Исуслӧн мамыс да вокъясыс. Найӧ ортсыас сулалігас мӧдӧдісны корны сійӧс. | Локтісны Исуслӧн мамыс да вокъясыс. Ывлаас сулалігӧн найӧ мӧдӧдісны корны Сійӧс. |
| 32 Около Него сидел народ. И сказали Ему: вот, Матерь Твоя и братья Твои и сестры Твои, вне дома, спрашивают Тебя. | 32. Сы дінын пукалісны йӧз. И шуисны Сылы: со, мамыд Тэнад и вокъясыд Тэнад, и чойясыд Тэнад керка ортсыас юасьӧны Тэнӧ. | 32 Сы гӧгӧрын пукалісны йӧз, да кодкӧ шуис сылы: «Ывлаас тэнӧ юасьӧны тэнад мамыд, вокъясыд да чойясыд». | Исус гӧгӧр пукалысь йӧз шуисны Сылы: «Мамыд да чой-вокыд ывлаасӧсь, Тэнӧ юасьӧны». |
| 33 И отвечал им: кто матерь Моя и братья Мои? | 33. И Сійӧ воча кылӧн шуис налы: коді мамыс Менам и вокъясыс Менам? | 33 А Исус вочавидзис налы: «Коді менам мамӧй да вокъясӧй?» | Исус воча шуис: «Коді Меным мамыс да вокыс?» |
| 34 И обозрев сидящих вокруг Себя, говорит: вот матерь Моя и братья Мои; | 34. И Ас гӧгӧрсьыс пукалысьясӧс видзӧдлӧм бӧрын шуис: со мамыс Менам и вокъясыс Менам; | 34 Ас гӧгӧрас пукалысьяс вылӧ видзӧдлӧмӧн шуис: «Тані менам мамӧй да вокъясӧй. | Ас гӧгӧрыс пукалысьяс вылӧ видзӧдлӧмӧн шуис: «Найӧ Менам вокъясӧй да Менам мамӧй. |
| 35 ибо кто будет исполнять волю Божию, тот Мне брат, и сестра, и матерь. | 35. Ӧд коді пондас олӧмӧ пӧртны Енлысь вӧлясӧ, сійӧ Меным вок и чой, и мам. | 35 Коді вӧчӧ Ен кӧсйӧм серти, сійӧ менам вок, чой да мам». | Ен кӧсйӧм серти олысь — Меным вок, чой да мам». |
| Глава 4 | ГЛАВА 4 | 4 юр | 4. |
| 1 И опять начал учить при море; | 1. И бара пондіс велӧдны море дорын; | 1 Исус бара кутіс велӧдны ты дорын. | Исус бара велӧдіс ты дорын. |
| и собралось к Нему множество народа, так что Он вошел в лодку и сидел на море, а весь народ был на земле, у моря. | и Сы дінӧ чукӧртчис зэв уна йӧз, сідз мый Сійӧ пыжӧ пуксьӧмӧн вӧлі море вылас, а став йӧзыс вӧліны му вылын море дорас. | Сы дінӧ чукӧртчис сэтшӧм уна йӧз, мый сійӧ пыжӧн петіс ты вылас, а йӧзыс вӧліны вадорас. | Сы дінӧ чукӧртчис зэв уна йӧз, Сылы весиг ковмис пуксьыны пыжӧ. Пыжыс сулаліс ва вылын, а йӧзыс — вадорас. |
| 2 И учил их притчами много, и в учении Своем говорил им: | 2. И велӧдіс найӧс притчаясӧн унатор йылысь и аслас велӧдӧмын висьтавліс налы: | 2 Исус велӧдан висьтъясӧн тӧдмӧдіс найӧс унаторйӧн. Сійӧ велӧдіс найӧс тадзи: | Исус висьталіс налы уна велӧданвисьт: |
| 3 слушайте: вот, вышел сеятель сеять; | 3. Кывзӧй: со, кӧдзысь петіс кӧдзны; | 3 «Кывзӧй: Кӧдзысь петіс кӧдзны. | «Кывзӧй. Морт кӧдзны петас. |
| 4 и, когда сеял, случилось, что иное упало при дороге, и налетели птицы и поклевали то. | 4. И кор сійӧ кӧдзис, лои, мый ӧткымынъяс усины туй дорӧ, и воисны лэбачьяс и кокалісны сійӧ тусьяссӧ; | 4 Кор сійӧ кӧдзис, мукӧд тусьыс усис туй бокӧ, и локтісны лэбачьяс да кокалісны найӧс. | Кӧдзигас кымынкӧ кӧйдыс усяс туй бокӧ. Сэтчӧ воасны лэбачьяс да кокаласны. |
| 5 Иное упало на каменистое место, где немного было земли, и скоро взошло, потому что земля была неглубока; | 5. Мӧдъяс усины из вылӧ, кӧні этша вӧлі муыс, и ӧдйӧ петалісны, сы вӧсна мый муыс вӧлі ляпкыд; | 5 Мукӧдыс усисны изъяс вылӧ, кӧні этша вӧлі муыс, и ӧдйӧ чужисны, муыс вӧлі ляпкыд да. | Кымынкӧ кӧйдыс усяс изъяинӧ. Этша муыс вӧсна ляпкыдінад найӧ ӧдйӧ чужасны. |
| 6 когда же взошло солнце, увяло и, как не имело корня, засохло. | 6. А кор петіс шонді, нярзис и, кыдзи эз вӧв вужйыс, косьмис; | 6 А кор петіс шонді, пӧжис найӧс да косьтіс, ӧд налӧн эз вӧв вужныс. | Петас шонді, пӧжны пондас, и омӧль вужъя петасыд косьмас. |
| 7 Иное упало в терние, и терние выросло, и заглушило семя, и оно не дало плода. | 7. Кодсюрӧ усины лежнӧг пытшкӧ, и быдмис лежнӧгыс и пӧдтіс кӧйдыссӧ, и сійӧ эз сет тусьяссӧ; | 7 Мукӧдыс усисны лежнӧг вужъяс костӧ. Лежнӧгыс быдмис да пӧдтіс быдмӧг нырсӧ, и сійӧ эз сет тусьяссӧ. | Кымынкӧ кӧйдыс усяс лежнӧг пӧвстӧ. Быдмигас лежнӧгыс пӧдтас петассӧ, и сійӧ оз вай тусьсӧ. |
| 8 И иное упало на добрую землю и дало плод, который взошел и вырос, и принесло иное тридцать, иное шестьдесят, и иное сто. | 8. А мукӧдыс усины бур му вылӧ, коді петаліс и быдмис и сетіс тусьяс, и ӧткымынъяс вайисны комын пӧвстӧн, мӧдъяс квайтымынӧн, мукӧдыс сё пӧвстӧн. | 8 Мукӧдыс усисны бур муӧ, петалісны, быдмисны да сетісны тусьяс: ӧтияс вайисны комынӧс, мӧдъяс квайтымынӧс, коймӧдъяс сёӧс». | Мукӧд кӧйдысыс усяс бур муӧ. Петас, быдмас да ваяс уна тусь: ӧтияс — комын пӧв, мӧдъяс — квайтымын пӧв, коймӧдъяс — сё пӧв». |
| 9 И сказал им: кто имеет уши слышать, да слышит! | 9. И шуис налы: кодлӧн эм пельяс кывны, мед кылас! | 9 Сэсся шуис налы: «Кодлӧн эм кывны пель, мед кылӧ!» | Сэсся Исус шуис: «Кодлӧн эм пель, мед кылӧ!» |
| 10 Когда же остался без народа, окружающие Его, вместе с двенадцатью, спросили Его о притче. | 10. Кор жӧ Сійӧ коли йӧзтӧг, Сыкӧд вӧлысьяс дас кыкыскӧд ӧтлаын юалісны Сылысь притча йылысь. | 10 Кор Исус колис ӧтлаын дас кык велӧдчыськӧд да сыкӧд волысьяскӧд, найӧ юалісны сылысь велӧдан висьтъяс йывсьыс. | Ас кежаныс кольӧм бӧрын дас кыкыс мукӧд велӧдчысьыскӧд пондісны юасьны Исуслысь велӧданвисьт йылысь. |
| 11 И сказал им: вам дано знать тайны Царствия Божия, а тем внешним все бывает в притчах; | 11. И висьталіс налы: тіянлы сетӧма тӧдны Ен Царствоысь гусьӧн видзанасӧ, а налы ортсысаяслы ставсӧ лоӧ висьтавны притчаясӧн, | 11 Исус вочавидзис: «Тіянлы сетӧма тӧдны Ен ыджыдалӧмлысь гусяторсӧ, а найӧ, мукӧдыс, кылӧны ставсӧ сӧмын велӧдан висьтъясысь. | Исус шуис: «Тіянлы сетӧма тӧдны Ен Юралӧмлысь гусяторъяссӧ, а мукӧдыс кылӧны та йылысь сӧмын велӧданвисьтъясысь. |
| 12 так что они своими глазами смотрят, и не видят; своими ушами слышат, и не разумеют, да не обратятся, и прощены будут им грехи. | 12. Сідз мый найӧ асланыс синъясӧн видзӧдӧны и оз аддзыны; асланыс пельясӧн кылӧны и оз гӧгӧрвоны, да оз бергӧдчыны, медым вӧлі прӧститӧма налы грекъяссӧ. | 12 Найӧ аддзӧны асланыс синмӧн, да оз казявны, кылӧны асланыс пельӧн, да оз гӧгӧрвоны, да оз бергӧдчыны Енлань, да оз лэдз Ен налысь грекъяснысӧ». | — Найӧ видзӧдӧны, аддзӧны — да оз казявны, кывзӧны, кылӧны — да оз гӧгӧрвоны. Оз бергӧдчыны Енланьӧ, и налысь мыжъяссӧ оз ло прӧститӧма». |
| 13 И говорит им: не понимаете этой притчи? | 13. И шуӧ налы: онӧ гӧгӧрвоӧй тайӧ притчасӧ? | 13 Исус юаліс налысь: «Онӧ гӧгӧрвоӧй тайӧ велӧдан висьтсӧ? | Исус шуис налы: «Энӧ ӧмӧй гӧгӧрвоӧй тайӧ велӧданвисьтсӧ? |
| Как же вам уразуметь все притчи? | кыдзи нӧ тіянлы гӧгӧрвоны став притчаяссӧ? | Кыдзи нӧ став велӧдан висьтсӧ ті гӧгӧрвоанныд? | Кыдзи нӧ мукӧд велӧданвисьтсӧ гӧгӧрвоанныд? |
| 14 Сеятель слово сеет. | 14. Кӧдзысь кывъяс кӧдзӧ. | 14 Кӧдзысь кӧдзӧ Кыв. | Кӧдзысь Ен Кыв кӧдзӧ. |
| 15 Посеянное при дороге означает тех, в которых сеется слово, но к которым, когда услышат, тотчас приходит сатана и похищает слово, посеянное в сердцах их. | 15. Туй дорӧ кӧдзӧмыс петкӧдлӧ найӧс, кодъяс пытшкӧ кӧдзӧны кывсӧ, но кодъяс дорӧ, кор найӧ кыласны, дзик пыр локтӧ сатана и гусялӧ найӧ сьӧлӧмӧ кӧдзӧм кывсӧ. | 15 Туй бокас усьӧмаыс петкӧдлӧ, мый йӧз кылӧны Кывсӧ, но дзик пыр локтӧ сӧтана да гусялӧ на сьӧлӧмӧ кӧдзӧм Кывсӧ. | Туй бокӧ усьӧм кӧйдыс петкӧдлӧ: мортыс кылӧ Кывсӧ, но дзик пыр локтӧ сӧтана да гусялӧ сьӧлӧмас кӧдзӧм Кывсӧ. |
| 16 Подобным образом и посеянное на каменистом месте означает тех, которые, когда услышат слово, тотчас с радостью принимают его, 17 но не имеют в себе корня и непостоянны; потом, когда настанет скорбь или гонение за слово, тотчас соблазняются. | 16. Та ногӧн жӧ из вылӧ кӧдзӧмыс петкӧдлӧ найӧс, кодъяс, кор кыласны кывсӧ, дзик пыр радпырысь примитӧны сійӧс, 17. Но ас пытшканыс вужтӧмӧсь и вежласьысьӧсь; сэсся, кор сӧмын воӧ шог либӧ кывйыс вӧсна вӧтлӧм, дзик пыр ылалӧны. | 16 Та ногӧн жӧ изъяс вылӧ кӧдзӧмаыс петкӧдлӧ, мый йӧз, мыйӧн кылӧны Кывсӧ, дзик пыр долыда босьтӧны сійӧс. 17 Но налӧн вужйыс абу да оз вермыны кутчысьны дыр. Кор лоӧ Кывйыс вӧсна дзескӧдӧм либӧ вӧтлӧм, татшӧм йӧзыс дзик пыр ылалӧны. | Изъяинӧ усьӧм кӧйдысыс петкӧдлӧ: мортыс кылӧ Кывсӧ да дзик пыр долыдпырысь босьтӧ сійӧс сьӧлӧмас, но вужъясьтӧмысла оз дыр эскы, Ен Кыв вӧсна дзескӧдігӧн-вӧтлігӧн сійӧ эновтчӧ эскӧмсьыс. |
| 18 Посеянное в тернии означает слышащих слово, 19 но в которых заботы века сего, обольщение богатством и другие пожелания, входя в них, заглушают слово, и оно бывает без плода. | 18. Лежнӧг пытшкӧ кӧдзӧмыс петкӧдлӧ кывъяссӧ кылысьясӧс, 19. Но кодъяс пытшкын тайӧ олӧмса тӧждысьӧмъяс, озырлунӧн ыштӧдӧмъяс и мукӧд кӧсйӧмъяс, наӧ пыриг, пӧдтӧны кывсӧ, и сійӧ овлӧ тусьястӧм. | 18 Лежнӧг пытшкӧ кӧдзӧмаыс петкӧдлӧ, мый йӧз кылӧны Кывсӧ, 19 но тайӧ олӧмса тӧждысьӧмъяс, озырлунӧн ылӧдӧм да мукӧд кӧсйӧмъяс пӧдтӧны Кывсӧ, да сійӧ оз сет тусьсӧ. | Лежнӧг пӧвстӧ усьӧм кӧйдысыс петкӧдлӧ: мортыс кылӧ Кывсӧ, но быдлунъя тӧждыс, озырмыны ыштӧмыс да мукӧд кӧсйӧмыс пӧдтӧ кӧдзӧм Кывсӧ, и сійӧ оз вай вотӧссӧ. |
| 20 А посеянное на доброй земле означает тех, которые слушают слово и принимают, и приносят плод, один в тридцать, другой в шестьдесят, иной во сто крат. | 20. А бур му вылӧ кӧдзӧмыс петкӧдлӧ найӧс, кодъяс кылӧны кывсӧ и иналӧны, и вайӧны тусьяс, ӧтияс комын пӧвстӧн, мӧдъяс квайтымынӧн, а мукӧдыс сё пӧвстӧн. | 20 А бур муӧ кӧдзӧмаыс петкӧдлӧ, мый йӧз кылӧны Кывсӧ, босьтӧны сійӧс сьӧлӧманыс да вайӧны тусьяс: комынӧс, квайтымынӧс либӧ сёӧс». | Бур муӧ кӧдзӧм кӧйдысыс петкӧдлӧ: мортыс кылӧ Кывсӧ, босьтӧ сійӧс сьӧлӧмас да вайӧ вотӧс: ӧтияс — комын пӧв, мӧдъяс — квайтымын пӧв, коймӧдъяс — сё пӧв». |
| 21 И сказал им: для того ли приносится свеча, чтобы поставить ее под сосуд или под кровать? | 21. И висьталіс налы: сы вылӧ ӧмӧй вайӧны сисьсӧ, медым сувтӧдны сійӧс доз улӧ либӧ крӧвать улӧ? | 21 Исус висьталіс налы: «Куд улӧ либӧ лабич улӧ пуктӧм могысь ӧмӧй вайӧны лампасӧ? | Исус висьталіс: «Ӧзтӧм битӧ ӧмӧй пыртлӧны керкаӧ, мед доз улӧ пуктыны либӧ лабич улӧ сувтӧдны? |
| не для того ли, чтобы поставить ее на подсвечнике? | Оз ӧмӧй сы вылӧ, медым сувтӧдны сійӧс сись ӧзтан доз вылӧ? | Оз ӧмӧй вайны сійӧс сувтӧдӧм могысь? | Оз ӧмӧй сійӧс бикок вылӧ пуктыны? |
| 22 Нет ничего тайного, что не сделалось бы явным, и ничего не бывает потаенного, что не вышло бы наружу. | 22. Нинӧм абу гусяыс, мый эськӧ эз ло восьтӧма; и нинӧм оз овлы дзебаса, мый эськӧ эз пет ортсӧ. | 22 Став гусяыс лоӧ восьса, да став дзебасаыс лоӧ йӧзасьӧма. | Став гусяыс воссяс да став дзебӧмаыс йӧзасяс. |
| 23 Если кто имеет уши слышать, да слышит! | 23. Кодлӧн эм пельяс кывны, мед кылӧ! | 23 Кодлӧн эм кывны пель, мед кылӧ!» | Кодлӧн эм пель, мед кылӧ!» |
| 24 И сказал им: замечайте, что слышите: какою мерою мерите, такою отмерено будет вам и прибавлено будет вам, слушающим. | 24. И висьталіс налы: тӧд вылӧ босьтӧй, мый кыланныд: кутшӧм мераӧн мерайтанныд, сэтшӧмӧн лоӧ мерайтӧма тіянлы и лоӧ содтӧма тіянлы кывзысьяслы. | 24 Исус шуис налы: «Тӧд выланыд босьтӧй, мый кыланныд. Кыдзи ті мурталанныд, сідзи лоӧ мурталӧма да содтӧма тіянлы. | Исус шуис: «Тӧд выланыд босьтӧй, мый кыланныд. Асланыд мурталӧм серти тіянлы мурталасны, нӧшта содтасны на тіянлы, кывзысьяслы. |
| 25 Ибо кто имеет, тому дано будет, а кто не имеет, у того отнимется и то, что имеет. | 25. Ӧд кодлӧн эм, сылы лоӧ сетӧма, а кодлӧн абу, сылысь лоӧ мырддьӧма и сійӧ, мый эм. | 25 Кодлӧн эм, сылы лоӧ сетӧма, а кодлӧн абу, сылысь лоӧ мырддьӧма весиг сійӧс, мый эм». | Кодлӧн эм, сылы сетасны. Кодлӧн абу, сылысь бӧръясӧ босьтасны». |
| 26 И сказал: Царствие Божие подобно тому, как если человек бросит семя в землю, 27 и спит, и встает ночью и днем; и как семя всходит и растет, не знает он, 28 ибо земля сама собою производит сперва зелень, потом колос, потом полное зерно в колосе. | 26. И шуис: Енлӧн Царство кӧдзысь морт кодь, коді шыбитас кӧйдыс муӧ, 27. И узьӧ, и чеччӧ войын и лунын, а кӧйдысыс кыдзи петалӧ и быдмӧ, оз тӧд сійӧ; 28. Сы вӧсна мый муыс ачыс быдтӧ войдӧр вежӧд, сэсся шеп, сэсся тыр тусьяс шептас, | 26 Исус шуис: «Енлӧн ыджыдалӧмыс татшӧм. Морт кӧдзӧ кӧйдыссӧ муӧ. 27 Войын сійӧ узьӧ да чеччӧ лунын, а кыдзи няньыс чужӧ да быдмӧ, сійӧ оз тӧд. 28 Муыс ачыс быдтӧ, водзджык чеччӧ вежӧдыс, сэсся шептасьӧ, да тыр тусьяс воӧны шептас. | Исус шуис: «Енлӧн Юралӧмыс татшӧм. Морт кӧдзӧ кӧйдыс муӧ. Войсӧ сійӧ узьӧ, лунсӧ олӧ, а кутшӧм ногӧн няньыс чужӧ-быдмӧ, оз тӧд. Муыс ачыс быдтӧ: медводз петӧ веж турун, сэсся сійӧ шептасьӧ, а сэсся нин шепъясас артмӧны тусьяс. |
| 29 Когда же созреет плод, немедленно посылает серп, потому что настала жатва. | 29. А кор тусьясыс воасны, дзик пыр мӧдӧдӧ чарла, сы вӧсна мый воис вундан кад. | 29 А кор няньыс воас, дзик пыр мӧдӧдӧ чарла, ӧд локтіс вундан кад». | Кор няньыс воас, дзик пыр сійӧ мӧдӧдӧ вундысьясӧс, ӧд вундан кадыс воис». |
| 30 И сказал: чему уподобим Царствие Божие? | 30. И шуис: мыйӧн ӧткодялам Енлысь Царствосӧ? | 30 Исус шуис: «Мыйӧн ӧткодялам Енлысь ыджыдалӧмсӧ? | Исус шуис: «Мыйкӧд ӧткодялам Енлысь Юралӧмсӧ? |
| или какою притчею изобразим его? | или кутшӧм притчаӧн петкӧдлам сійӧс? | Либӧ кутшӧм велӧдан висьтӧн петкӧдлам сійӧс? | Кутшӧм велӧданвисьтӧн петкӧдлам сійӧс? |
| 31 Оно - как зерно горчичное, которое, когда сеется в землю, есть меньше всех семян на земле; | 31. Сійӧ — кыдзи горчица тусь, коді муӧ кӧдзигӧныс медся ичӧт став кӧйдысъясысь му вылын; | 31 Сійӧ горчича тусь кодь. Кӧдзигӧн сійӧ мувывса став кӧйдыссьыс медся ичӧт, | Сійӧ муӧ кӧдзӧм горчица тусь кодь. Став кӧйдыссьыс сійӧ медпосни. |
| 32 а когда посеяно, всходит и становится больше всех злаков, и пускает большие ветви, так что под тенью его могут укрываться птицы небесные. | 32. А кӧдзӧм бӧрас быдмас и лоӧ ыджыдджык став злакӧвӧй кӧдзаясысь, и петӧны ыджыд вожъяс, сідз мый найӧ гож сай улӧ вермӧны дзебсьыны енэжвыв лэбачьяс. | 32 но кӧдзӧм бӧрас быдмӧ, лоӧ став град выв пуктасысь медыджыд да лэдзӧ гырысь вожъяс, кодъяс вуджӧр улӧ вермӧны поздысьны лэбачьяс». | Кӧдзӧм бӧрас быдмӧ да став пуктассьыс ыджыд лоӧ, весиг енэжвыв лэбачьяс вермӧны поздысьны гырысь вожъясыслӧн вуджӧр улӧ». |
| 33 И таковыми многими притчами проповедовал им слово, сколько они могли слышать. | 33. И татшӧм уна пӧлӧс притчаясӧн висьтавліс налы кывъяс, мыйтӧм найӧ вермисны кывны; | 33 Исус уна татшӧм велӧдан висьтӧн юӧртіс налы Кывсӧ, мыйта найӧ вермисны гӧгӧрвоны. | Уна татшӧм велӧданвисьтӧн Исус юӧртіс налы Енлысь Кывсӧ, мыйта найӧ вермисны гӧгӧрвоны. |
| 34 Без притчи же не говорил им, а ученикам наедине изъяснял все. | 34. Притчаястӧг эз висьтавлы налы, а велӧдчысьясыслы ас кежын восьтіс ставсӧ. | 34 Велӧдан висьтъястӧг эз сёрнитлы накӧд, а велӧдчысьясыслы ас кежын гӧгӧрвоӧдліс ставсӧ. | Велӧданвисьтъястӧг эз сёрнитлы йӧзыскӧд, а велӧдчысьясыслы ас кежаныс гӧгӧрвоӧдліс ставсӧ. |
| 35 Вечером того дня сказал им: переправимся на ту сторону. | 35. Рытнас сійӧ лунӧ шуис налы: вуджамӧй мӧдлапӧлас. | 35 Сійӧ лунӧ, рытнас, Исус шуис велӧдчысьяслы: «Вуджамӧй мӧдлапӧлас». | Сійӧ лунӧ, рытнас, Исус шуис велӧдчысьясыслы: «Вуджамӧй ты мӧдлапӧлӧ». |
| 36 И они, отпустив народ, взяли Его с собою, как Он был в лодке; | 36. И найӧ йӧзсӧ лэдзӧм бӧрын босьтісны Сійӧс аскӧдныс, кыдзи Сійӧ вӧлі пыжас; | 36 Велӧдчысьяс колисны йӧзсӧ, асьныс пуксисны пыжӧ, кӧні пукаліс нин Исус. | Найӧ колисны йӧзсӧ, асьныс пуксисны пыжӧ Исус дінӧ. |
| с Ним были и другие лодки. | Сыкӧд вӧліны и мукӧд пыжъяс. | Сэні вӧліны тшӧтш мукӧд пыжаяс. | Накӧд вӧліны тшӧтш мукӧд пыжаяс. |
| 37 И поднялась великая буря; волны били в лодку, так что она уже наполнялась водою. | 37. И кыпӧдчис ыджыд тӧв ныр, гыясыс нӧйтісны пыжсӧ, сідз мый сійӧ пондіс тырны ваӧн, | 37 Кыпӧдчис зэв ыджыд тӧвныр, да гыясыс нӧйтісны пыжсӧ сідзи, мый сійӧ кутіс тырны ванас. | Кыптіс ыджыд тӧвныр, ёна гызис, да пыжыс кутіс тырны ванас. |
| 38 А Он спал на корме на возглавии. | 38. А Сійӧ узис пыж бӧжладорас юрлӧс вылын. | 38 А Исус узис пыж бӧжас юрлӧс вылын. | Юрлӧс вылӧ нёровтчӧмӧн Исус узис пыж бӧжас. |
| Его будят и говорят Ему: Учитель! | Сійӧс чуксалӧны и шуӧны Сылы: Велӧдысь! | Сійӧс садьмӧдісны да шуисны сылы: «Велӧдысь! | Сійӧс садьмӧдісны да шуисны: «Велӧдысь! |
| неужели Тебе нужды нет, что мы погибаем? | Тэныд ӧмӧй веськодь, мый ми вӧям? | Оз ӧмӧй тэнӧ шогӧ, мый ми вӧям?» | Тэныд ӧмӧй веськодь, мый ми вӧям?» |
| 39 И, встав, Он запретил ветру и сказал морю: умолкни, перестань. | 39. Сійӧ чеччис и ӧлӧдіс тӧвсӧ и шуис морелы: лӧнь, ланьт. | 39 Сійӧ чеччис, ӧлӧдіс тӧвсӧ да шуис тыыслы: «Ланьт, лӧнь!» | Исус чеччис, ӧлӧдіс тӧвсӧ да тшӧктіс ваыслы: «Ланьт, лӧнь!» |
| И ветер утих, и сделалась великая тишина. | И тӧлыс ланьтіс, и лои зэв лӧнь. | И тӧлыс ланьтіс, да лои зэв лӧнь. | Тӧлыс ланьтіс, и вӧвлытӧм чӧв-лӧнь пуксис. |
| 40 И сказал им: что вы так боязливы? | 40. И шуис налы: мый ті сэтшӧм полысьӧсь? | 40 Исус шуис налы: «Мыйла ті сэтшӧм полысьӧсь? | Исус шуис велӧдчысьясыслы: «Мыйла ті сэтшӧм полысьӧсь? |
| как у вас нет веры? | Мыйла тіян абу вераныд? | Мыйла тіян эскӧмыс абу?» | Кӧні тіян эскӧмныд?» |
| 41 И убоялись страхом великим и говорили между собою: кто же Сей, что и ветер и море повинуются Ему? | 41. А найӧ зэв ёна повзисны и сёрнитісны ас костаныс: коді нӧ Тайӧ, мый и тӧв и море кывзысьӧны Сылы? | 41 А найӧ зэв ёна повзисны да сёрнитісны ас костаныс: «Коді нӧ тайӧ, кодлысь кывзысьӧны весиг тӧв да ты?» | Найӧ ыджыд полӧмӧн тырисны, ӧта-мӧдныслысь пондісны юасьны: «Коді Сійӧ? Весиг тӧлыс да ваыс кывзысьӧ Сылысь». |
| Глава 5 | ГЛАВА 5 | 5 юр | 5. |
| 1 И пришли на другой берег моря, в страну Гадаринскую. | 1. И воисны море мӧдар берегас, Гадаринса му вылӧ. | 1 Найӧ воисны мӧдлапӧлас, Гераса муӧ. | Та бӧрти найӧ вуджисны ты мӧдлапӧлӧ, Гадара муӧ. |
| 2 И когда вышел Он из лодки, тотчас встретил Его вышедший из гробов человек, одержимый нечистым духом, | 2. И кор Иисус петіс пыжсьыс, дзик пыр Сійӧс паныдаліс пеж лолӧн кутӧм морт, коді петӧма гуасян гуясысь; | 2 Кор Исус чеччис пыжсьыс, дзик пыр паныдаліс сійӧс пеж лолӧн кутӧм морт, коді петӧма кырта дзебанінысь. | Пыжсьыс чеччӧм бӧрын Исуслы дзик пыр паныд петіс шойнаысь пеж лолӧн кутӧм морт. |
| 3 он имел жилище в гробах, и никто не мог его связать даже цепями, | 3. Сылӧн вӧлі оланіныс гуасян гуяс, и некод эз вермы кӧртавны сійӧс весиг чепъясӧн; | 3 Сійӧ оліс кырта дзебанінъясын, и некод эз сюр, коді эськӧ вермис дорны сылысь ки-коксӧ. | Сійӧ оліс шойгу кыртаын, сійӧс сьӧкыд вӧлі кӧртавны весиг чепъясӧн. |
| 4 потому что многократно был он скован оковами и цепями, но разрывал цепи и разбивал оковы, | 4. Сы вӧсна мый унаысь вӧлі дорӧма сійӧс кӧрт чепъясӧн, но орйӧдліс чепъяссӧ и жугӧдліс дорӧмсӧ, | 4 Унаысь сылысь дорлісны кисӧ да коксӧ, но ки кӧртӧдсӧ сійӧ орйӧдліс да кок кутӧдсӧ жугӧдліс, | Унаысь дорлісны сылысь ки-коксӧ, но сійӧ орйӧдлывліс чепсӧ да жугӧдліс дорӧмсӧ. |
| и никто не в силах был укротить его; | и некодлӧн эз вӧв вын ланьтӧдны сійӧс; | и некодлы эз сетчы лӧньӧдны. | Некод сійӧс лӧньӧдны эз вермы. |
| 5 всегда, ночью и днем, в горах и гробах, кричал он и бился о камни; | 5. Дугдывтӧг, войын и лунын, гӧраясын и гуясын, горзіс сійӧ и кучкаліс асьсӧ изъясӧн. | 5 Сійӧ лун и вой дугдывтӧг горзіс керӧсъясын да кырта дзебанінъясын да нӧйтіс асьсӧ изъясӧн. | Лун и вой сійӧ дугдывтӧг горзіс шойгу кыртаын да керӧсъясын, дойдаліс асьсӧ изйӧн. |
| 6 увидев же Иисуса издалека, прибежал и поклонился Ему, 7 и, вскричав громким голосом, сказал: что Тебе до меня, Иисус, Сын Бога Всевышнего? | 6. А кор ылысянь на аддзис Иисусӧс, котӧрӧн локтіс и копыртчыліс Сылы, 7. И, ыджыд гӧлӧсӧн горӧдӧмӧн, шуис: мый Тэныд меӧдз, Иисус, Ставсьыс Вылысса Енлӧн Пи? | 6 Кор сійӧ ылісянь аддзис Исусӧс, котӧрӧн локтіс да копыртчыліс сылы 7 да горӧдіс лёк горшӧн: «Мыйла тэ менӧ дзерӧдан, Исус, Медся вылысса Енлӧн Пи? | Сійӧ ылісянь аддзис Исусӧс, котӧрӧн локтіс да уськӧдчис Сы водзӧ, сэсся лёк горшӧн горӧдіс: «Мый Тэныд месянь колӧ, Исус, Медвылысса Енлӧн Пи? |
| заклинаю Тебя Богом, не мучь меня! | Енмӧн кора Тэнӧ, эн мучит менӧ! | Ен могысь, эн мучит менӧ!» | Енмӧн кора, эн пес менӧ!» |
| 8 Ибо Иисус сказал ему: выйди, дух нечистый, из сего человека. | 8. Сы вӧсна мый Иисус шуис сылы: пет, пеж лов, тайӧ морт пытшсьыс. | 8 Ӧд Исус шулӧма сылы: «Пеж лов, пет тайӧ морт пытшсьыс». | Тадзи шуаліс, ӧд Исус тшӧктіс пеж ловлы петны морт пытшкысь. |
| 9 И спросил его: как тебе имя? | 9. И юаліс сылысь: кыдзи тэнад нимыд? | 9 Исус юаліс сылысь: «Мый тэнад нимыд?» | Исус юаліс сылысь: «Мый тэнад нимыд?» |
| И он сказал в ответ: легион имя мне, потому что нас много. | И сійӧ воча кылӧн шуис: легион нимӧй менам, сы вӧсна мый ми унаӧнӧсь. | Сійӧ вочавидзис: «Легион менам нимӧй, ми унаӧнӧсь да». | Сійӧ вочавидзис: «Легион менам нимӧй, ми ӧд унаӧнӧсь». |
| 10 И много просили Его, чтобы не высылал их вон из страны той. | 10. И ёна корисны Иисуслысь, медым найӧс эз вӧтлы ортсӧ сійӧ му вылысь. | 10 И ёна корис Исусӧс, медым эз вӧтлы найӧс тайӧ муысь. | Сійӧ ёна корис Исусӧс, мед эз вӧтлы найӧс тайӧ муысь. |
| 11 Паслось же там при горе большое стадо свиней. | 11. Сэні гӧра дорас йирсис порсьяслӧн ыджыд стада. | 11 Сэні керӧс бокас йирсис ыджыд порсь чукӧр. | Сэні керӧс бокын йирсис ыджыд порсь чукӧр. |
| 12 И просили Его все бесы, говоря: пошли нас в свиней, чтобы нам войти в них. | 12. И корисны Сылысь став бесъясыс шуалӧмӧн: ысты миянӧс порсьясас, медым миянлы пырны на пытшкӧ. | 12 Пеж ловъяс корисны Исуслысь: «Лэдз миянӧс порсьяс дінас, ми пырам на пытшкӧ». | Пеж ловъяс корисны Исусӧс: «Лэдз миянӧс пырны порсьяс пытшкӧ». |
| 13 Иисус тотчас позволил им. | 13. Иисус пырысь пыр лэдзис налы. | 13 Исус лэдзис найӧс мунны. | Исус лэдзис. |
| И нечистые духи, выйдя, вошли в свиней; | И пеж ловъяс петӧм бӧраныс пырисны порсьяс пытшкӧ; | Сэки пеж ловъяс петісны морт пытшкысь да пырисны порсьясӧ, | Пеж ловъяс петісны да пырисны порсьяс пытшкӧ. |
| и устремилось стадо с крутизны в море, а их было около двух тысяч; и потонули в море. | и стадаыс уськӧдчис бужӧддорсяньыс мореас, а вӧліны найӧ кык сюрс гӧгӧр, и вӧйины мореас. | и порсь чукӧрыс уськӧдчис бужӧд йывсяньыс тыас. Порсьыс вӧлі кык сюрс гӧгӧр и ставыс вӧйис. | А порсьяс кыр йывсянь уськӧдчисны тыӧ да пӧдісны. Порсьыс вӧлі кык сюрс гӧгӧр. |
| 14 Пасущие же свиней побежали и рассказали в городе и в деревнях. | 14. Сэки порсь видзысьяс котӧртісны и висьталісны карас и сиктъясын. | 14 Порсь видзысьяс котӧртісны да висьталісны та йылысь карас да сиктъясын. | Порсь видзысьяс пышйисны сэтысь, котӧрӧн мунісны карӧ да орчча сиктъясӧ висьтавны аддзывлӧмтор йывсьыс. |
| И жители вышли посмотреть, что случилось. | И йӧзыс петісны видзӧдлыны, мый сэтшӧмыс лои. | Йӧзыс петісны видзӧдлыны, мый лоӧма. | Йӧзыс петісны видзӧдлыны, мый лоӧма. |
| 15 Приходят к Иисусу и видят, что бесновавшийся, в котором был легион, сидит и одет, и в здравом уме; и устрашились. | 15. И локтӧны Иисус дінӧ и аддзӧны, мый пеж лола морт, код пытшкын вӧлі легион, пукалӧ паськӧма и тыр вежӧра, и повзисны. | 15 Кор локтісны Исус дінӧ, аддзисны, мый мутиясӧн кутлӧм морт, код пытшкын ӧнӧдз на вӧлі Легион, пукалӧ паськӧма да тыр вежӧра, и повзисны. | Найӧ локтісны Исус дінӧ да аддзисны коркӧя пеж лолӧн кутӧм мортӧс, код пытшкысь петіс дзонь легион. Сійӧ, паськӧма да ас вежӧра, пукаліс сэні. Йӧзыс ёна повзисны. |
| 16 Видевшие рассказали им о том, как это произошло с бесноватым, и о свиньях. | 16. Аддзылысьяс висьталісны налы сы йылысь, кыдзи тайӧ лои пеж лолакӧд и порсьяс йылысь. | 16 Тайӧс аддзылысьяс висьталісны йӧзыслы, мый суис мутиясӧн кутлӧм мортсӧ да порсьяссӧ. | Аддзылысьяс висьталісны локтӧмаяслы, мый лоис пеж лолӧн кутӧм морткӧд да порсь чукӧркӧд. |
| 17 И начали просить Его, чтобы отошел от пределов их. | 17. И пондісны корны Сылысь, медым ылыстчис найӧ му вылысь. | 17 Сэки йӧзыс пондісны корны Исуслысь, медым сійӧ ылыстчис налӧн муысь. | Йӧзыс пондісны корны Исусӧс мунны налӧн муысь. |
| 18 И когда Он вошел в лодку, бесновавшийся просил Его, чтобы быть с Ним. | 18. И кор Иисус пырис пыжӧ, сійӧ, код пытшкын вӧліны пеж ловъяс, вӧзйысис Сылы, медым лоны Сыкӧд. | 18 Кор Исус вӧлі пуксьӧ пыжӧ, морт, код пытшкын войдӧр вӧліны мутияс, вӧзйысис мунны сыкӧд. | Кор Исус пуксис пыжӧ, пеж лолысь мездмӧм морт вӧзйысис мунны Сыкӧд. |
| 19 Но Иисус не дозволил ему, а сказал: иди домой к своим и расскажи им, что сотворил с тобою Господь и как помиловал тебя. | 19. Но Иисус эз лэдз сійӧс, а шуис: мун гортад, аслад гортса дінӧ и висьтав налы, мый вӧчис тэкӧд Господь и кыдзи мездіс тэнӧ. | 19 Но Исус эз лэдз сійӧс, а шуис: «Мун гортад да юӧрт гортсаыдлы, мый вӧчис тэныд Мезӧс да кыдзи бурсьӧлӧмтчис тэ дінӧ». | Исус эз лэдз, а шуис: «Мун гортад да висьтав гортсаыдлы, мый вӧчис тэныд Господь да кутшӧм бур сьӧлӧма Сійӧ вӧлі тэ дінӧ». |
| 20 И пошел и начал проповедовать в Десятиградии, что сотворил с ним Иисус; | 20. И муніс и пондіс висьтавлыны Дасакарын, мый вӧчис сыкӧд Иисус. | 20 Сійӧ муніс да Декаполи му пасьта пондіс паськӧдны Исусӧн сылы вӧчӧм буртор йылысь юӧр. | Сійӧ муніс да Даскар му пасьтала пондіс висьтавны, мый сылы вӧчис Исус. |
| и все дивились. | И ставныс шензисны. | И ставӧн шензисны. | Став йӧзыс шензисны. |
| 21 Когда Иисус опять переправился в лодке на другой берег, собралось к Нему множество народа. | 21. Кор Иисус бӧр вуджис пыжӧн мӧдар берегас, чукӧртчис Сы дінӧ уна йӧз. | 21 Исус бара вуджис пыжӧн ты мӧдлапӧлас, и сы дінӧ чукӧртчис зэв уна йӧз. | Исус бӧр вуджис пыжӧн ты мӧдлапӧлӧ. Сы дінӧ чукӧртчис уна йӧз. |
| Он был у моря. | Сійӧ вӧлі море дорын. | Кор сійӧ вӧлі вадорас, | Кор Сійӧ вӧлі вадорас, |
| 22 И вот, приходит один из начальников синагоги, по имени Иаир, и, увидев Его, падает к ногам Его 23 и усильно просит Его, говоря: дочь моя при смерти; | 22. И со, локтіс синагогаса ыджыдалысьяс пытшкысь ӧти, Иаир нима, и, кор аддзис Иисусӧс, уськӧдчис Сылӧн кокъяс водзӧ 23. И ёна корис Сійӧс шуалӧмӧн: нылӧй менам кулан выйын; | 22 локтіс Яир нима морт, юда вичкоса юралысь. Исусӧс аддзӧм бӧрын уськӧдчис сылы кок улас 23 да ёна корис сійӧс: «Менам нылӧй кулан выйын. | локтіс Явир нима морт, синагогаса юралысь. Исусӧс аддзӧм бӧрын Явир уськӧдчис Сы водзӧ да ёна корис: «Менам нылӧй кулан выйын. |
| приди и возложи на нее руки, чтобы она выздоровела и осталась жива. | лок и пуктыв сы вылӧ киястӧ, медым сійӧ бурдіс и коли ловъя. | Лок да пуктыв сы вылӧ китӧ, медым сійӧ мездмас кулӧмысь да коляс ловйӧн». | Лок, пуктыв сы вылӧ китӧ, мед бурдас да коляс ловйӧн». |
| 24 Иисус пошел с ним. | 24. Иисус муніс сыкӧд, | 24 Исус муніс сыкӧд. | Исус муніс юралыськӧд. |
| За Ним следовало множество народа, и теснили Его. | Сы бӧрся вӧтчис уна йӧз и дзескӧдісны Сійӧс. | Сы бӧрся мӧдӧдчис уна йӧз да дзескӧдіс сійӧс. | Уна йӧз вӧтчис Исус бӧрся да дзескӧдіс Сійӧс. |
| 25 Одна женщина, которая страдала кровотечением двенадцать лет, 26 много потерпела от многих врачей, истощила всё, что было у ней, и не получила никакой пользы, но пришла еще в худшее состояние, - | 25. Ӧти нывбаба, коді висьӧма вир мунӧмӧн дас кык во, 26. Ёна терпитӧма уна врачьяссянь и бырӧдӧма став эмбурсӧ, мый вӧлӧма сылӧн, и некутшӧм отсӧг абу лоӧма, но воӧма нӧшта лёкджык выйӧдз, — | 25 Ӧти нывбаба висьӧма вир мунӧмӧн дас кык во, 26 уна сьӧкыдтор нуӧма бурдӧдысьяссянь да видзӧма став эмбурсӧ, мый сылӧн вӧлӧма, но отсӧг пыдди сылы нӧшта на лёкджык лоӧма. | Йӧз чукӧрын вӧлі ань, сійӧ дас кык во чӧж висьӧма вир мунӧмӧн да уна сьӧкыд нуӧма бурдӧдысьяссянь. Сійӧ видзӧма ставсӧ, мый сылӧн вӧлӧма, но отсӧг пыдди сылы нӧшта на лёкджык лоӧма. |
| 27 услышав об Иисусе, подошла сзади в народе и прикоснулась к одежде Его, | 27. Иисус йылысь кылӧм бӧрын матыстчис бӧрсяньыс йӧз пӧвстын и инмӧдчис паськӧмас Сылы; | 27 Исус йылысь кывлывлӧм бӧрын сійӧ йӧз пӧвсттіыс матыстчис бӧрсяньыс да инмӧдчис Исус паськӧмӧ, | Ань водзынджык нин кывлӧма Исус йылысь. Йӧз пӧвсттіыс сійӧ матыстчис Исус дінӧ мышсяньыс да инмӧдчыліс Сылы паськӧмас. |
| 28 ибо говорила: если хотя к одежде Его прикоснусь, то выздоровею. | 28. Сы вӧсна мый шулӧма: инмӧдчыла кӧ сӧмын Сы паськӧмӧ, то бурда. | 28 ӧд ас кежсьыс шуис: «Сӧмын кӧ инмӧдчыла сы паськӧмӧ, мездма висьӧмысь». | Ань мӧвпаліс: «Сӧмын инмӧдчыла кӧ Сылӧн паськӧмӧ, бурда». |
| 29 И тотчас иссяк у ней источник крови, и она ощутила в теле, что исцелена от болезни. | 29. И дзик пыр дугдіс сылӧн вир мунӧмыс, и кыліс ас телӧас, мый сійӧ бурдіс висьӧмсьыс. | 29 Вирыс дзик пыр дугдіс мунны, да сійӧ кыліс ас пытшкас, мый бурдіс. | Вир мунӧмыс пырысьтӧм-пыр дугдіс, сійӧ ас пытшкас кыліс бурдӧмсӧ. |
| 30 В то же время Иисус, почувствовав Сам в Себе, что вышла из Него сила, | 30. Сійӧ жӧ кадӧ Иисус кыліс Ас пытшкас, мый петіс Сы пытшкысь вын, | 30 Исус дзик пыр кыліс, мый сы пытшкысь петӧ выныс, | Исус дзик пыр казяліс, мый Сы пытшкысь петіс вын. |
| обратился в народе и сказал: кто прикоснулся к Моей одежде? | бергӧдчис йӧз пытшкас и шуис: коді инмӧдчис Менам паськӧмӧ? | бергӧдчис йӧз чукӧрас да юаліс: «Коді инмӧдчыліс менам паськӧмӧ?» | Сійӧ бергӧдчис йӧз чукӧрлань да юаліс: «Коді инмӧдчыліс Менам паськӧмӧ?» |
| 31 Ученики сказали Ему: Ты видишь, что народ теснит Тебя, и говоришь: кто прикоснулся ко Мне? | 31. Велӧдчысьясыс шуисны Сылы: Тэ аддзан, мый йӧзыс дзескӧдӧны Тэнӧ, и шуан: коді инмӧдчис Меным? | 31 Велӧдчысьясыс шуисны сылы: «Тэ аддзан, мый йӧзыс дзескӧдӧны тэнӧ, а юалан: Коді инмӧдчыліс меным?» | Велӧдчысьясыс шуисны: «Тэ аддзан, йӧзыс дзескӧдӧны Тэнӧ, и юасян, коді инмӧдчыліс Тэ дінӧ». |
| 32 Но Он смотрел вокруг, чтобы видеть ту, которая сделала это. | 32. Но Сійӧ гӧгӧр видзӧдіс, медым эськӧ аддзыны сійӧс, коді вӧчис тайӧ. | 32 Инмӧдчылысьсӧ аддзӧм могысь Исус видзӧдіс гӧгӧрбок. | Исус видзӧдліс гӧгӧрбок, медым аддзыны инмӧдчылысьӧс. |
| 33 Женщина в страхе и трепете, зная, что с нею произошло, подошла, пала пред Ним и сказала Ему всю истину. | 33. А нывбабаыс тӧдіс, мый сыкӧд лои, и, повзьӧмысла дзӧрӧмӧн, матыстчис и уськӧдчис Сы водзӧ муас и висьталіс Сылы ставсӧ веськыда. | 33 Нывбабаыс тӧдіс, мый сійӧс суис. Повзьӧмысла дзӧрӧмӧн сійӧ матыстчис да уськӧдчис Исус водзӧ муас да висьталіс сылы ставсӧ веськыда. | Ань гӧгӧрвоис, мый сыкӧд лои. Повзьӧмысла дзӧригтыр сійӧ матыстчис да уськӧдчис Исус водзӧ, висьталіс ставсӧ веськыда. |
| 34 Он же сказал ей: дщерь! вера твоя спасла тебя; | 34. Иисус шуис сылы: нылӧй Менам! вераыд тэнад спаситіс тэнӧ; | 34 Исус шуис сылы: «Нылӧй, тэнад эскӧмыд мездіс тэнӧ. | Исус шуис аньлы: «Нылӧй, эскӧмыд мездіс тэнӧ. |
| иди в мире и будь здорова от болезни твоей. | мун лӧня и ло дзоньвидза тэнад висьӧмысь. | Повтӧг мун да ло дзоньвидза, тэ мынін висьӧмсьыд». | Мун повтӧг да ло дзоньвидза, тэ мынін висьӧмсьыд». |
| 35 Когда Он еще говорил сие, приходят от начальника синагоги и говорят: дочь твоя умерла; что еще утруждаешь Учителя? | 35. Кор Сійӧ сёрнитіс на тайӧ, локтӧны синагогаса юралысьсянь и шуӧны: нылыд кулі тэнад, мый сэсся сьӧктӧдан Велӧдысьсӧ? | 35 Кор на Исус висьталіс тайӧс, локтісны юда вичкоса юралысь гортсянь да шуисны: «Куліс тэнад нылыд, мыйла нӧшта мудзтан велӧдысьсӧ?» | Исуслӧн сёрнитігӧн локтісны синагогаса юралысьлӧн гортсяньыс да шуисны: «Нылыд кулі, эн мудзтӧд Велӧдысьсӧ». |
| 36 Но Иисус, услышав сии слова, тотчас говорит начальнику синагоги: не бойся, только веруй. | 36. Но Иисус, кор кыліс тайӧ кывъяссӧ, дзик пыр шуӧ синагогаса юралысьлы: эн пов, сӧмын верит. | 36 Но кор Исус кыліс тайӧ кывъяссӧ, шуис юда вичкоса юралысьлы: «Эн пов, сӧмын эскы». | Исус кыліс тайӧс да шуис синагогаса юралысьлы: «Эн пов, сӧмын эскы». |
| 37 И не позволил никому следовать за Собою, кроме Петра, Иакова и Иоанна, брата Иакова. | 37. И эз тшӧкты локны некодлы Сы бӧрся, Петырлы, Иаковлы да Иоаннлы, Иаковлӧн воклы кындзи. | 37 Исус эз тшӧкты локны некодлы ас бӧрсяыс, Петырысь, Яковысь да Яковлӧн Йоан вокысь кындзи. | Сэсся босьтіс Аскӧдыс Петырӧс, Яковӧс да сылысь Иоан воксӧ, мукӧдсӧ эз лэдз локнысӧ. |
| 38 Приходит в дом начальника синагоги и видит смятение и плачущих и вопиющих громко. | 38. Локтіс синагогаса юралысь керкаӧ и аддзӧ шӧйӧвошӧм и гораа лыддьӧдлӧмӧн, сыркъялӧмӧн бӧрдысьясӧс. | 38 Исус локтіс юда вичкоса юралысь керка дорӧ да аддзис шызьӧм. Йӧзыс сыркъялӧмӧн бӧрдісны. | Юралысь керкаӧ воӧм мысти Исус аддзис: йӧзыс шызьӧмаӧсь, сыркъялӧмӧн бӧрдӧны. |
| 39 И, войдя, говорит им: что смущаетесь и плачете? | 39. И пырӧм бӧрас шуӧ налы: мый шӧйӧвошӧмныд и бӧрданныд? | 39 Керкаӧ пырӧм бӧрас Исус шуис налы: «Мыйла шӧйӧвошинныд да бӧрданныд? | Исус пырис керкаӧ да шуис налы: «Мыйла нӧ шызьӧмныд да бӧрданныд? |
| девица не умерла, но спит. | Нылыс эз кув, но узьӧ. | Нывкаыс эз кув, а узьӧ». | Нывкаыс эз кув, сійӧ узьӧ». |
| 40 И смеялись над Ним. | 40. И сералісны Сы вылын. | 40 И сералісны сы вылын. | Исус вылын пондісны серавны. |
| Но Он, выслав всех, берет с Собою отца и мать девицы и бывших с Ним и входит туда, где девица лежала. | Но Иисус, ставнысӧ ыстӧмӧн, босьтіс Аскӧдыс нылыслысь батьсӧ и мамсӧ и Сыкӧд вӧлысьяссӧ и пырӧ сэтчӧ, кӧні куйліс нылыс. | Но Исус ставнысӧ ывлаӧ ыстіс, босьтіс аскӧдыс нывкаыслысь бать-мамсӧ да сыкӧд вӧлысьяссӧ и пырис сэтчӧ, кӧні куйліс нывкаыс. | Сійӧ вӧтліс керкаысь ставнысӧ, босьтіс Аскӧдыс сӧмын нывкалысь бать-мамсӧ да Сыкӧд локтысьясӧс. |
| 41 И, взяв девицу за руку, говорит ей: "талифа куми", что значит: девица, тебе говорю, встань. | 41. И босьтіс киӧдыс нывсӧ и шуӧ сылы: <rus>«талифа-куми»</rus>, мый лоӧ «нылӧй, тэныд шуа, чеччы». | 41 Исус босьтіс нывкасӧ киӧдыс да шуис сылы: «Талита кум», тайӧ лоӧ: «Нылӧй, тэныд шуа: чеччы». | Исус пырис нывка дінӧ, босьтіс сійӧс киӧдыс да шуис: «<arc>Талита куми</arc>». Тайӧ лоӧ: «Нылӧй, тэныд шуа: чеччы». |
| 42 И девица тотчас встала и начала ходить, ибо была лет двенадцати. | 42. И нылыс дзик пыр чеччис и пондіс ветлӧдлыны, сійӧ вӧлі ар дас кыка кымын. | 42 Нылыс дзик пыр чеччис да пондіс ветлӧдлыны; сылы вӧлі ар дас кык кымын. | Нывка дзик пыр чеччис да пондіс ветлӧдлыны; сылы вӧлі дас кык арӧс. |
| Видевшие пришли в великое изумление. | Аддзылысьяс ёна чуймисны и шензисны. | Тайӧс аддзылысьяс зэв ёна шензисны. | Аддзылысьяс ёна чуймисны. |
| 43 И Он строго приказал им, чтобы никто об этом не знал, и сказал, чтобы дали ей есть. | 43. Иисус чорыда ӧлӧдіс найӧс, медым та йылысь некод эз тӧд, и шуис, медым сетісны сылы сёйны. | 43 Но Исус чорыда ӧлӧдіс найӧс, медым та йылысь некодлы эз висьтавны, да тшӧктіс нывсӧ вердны. | Исус чорыда ӧлӧдіс найӧс та йылысь мукӧдлы висьтавлӧмысь, а нывкаӧс Сійӧ тшӧктіс вердны. |
| Глава 6 | ГЛАВА 6 | 6 юр | 6. |
| 1 Оттуда вышел Он и пришел в Свое отечество; | 1. Сэтысь петіс Сійӧ и локтіс Аслас чужан муӧ; | 1 Исус муніс сэтысь да локтіс аслас карӧ. | Сэтысь Исус муніс Аслас карӧ, |
| за Ним следовали ученики Его. | Сы бӧрся вӧтчисны велӧдчысьясыс Сылӧн. | Велӧдчысьясыс воисны сыкӧд. | Сылӧн велӧдчысьясыс мунісны Сы бӧрся. |
| 2 Когда наступила суббота, Он начал учить в синагоге; | 2. Кор воис субӧта, Сійӧ пондіс велӧдны синагогаын, | 2 Кор воис субӧта лун, Исус пондіс велӧдны юда вичкоын. | Шойччан лунӧ Сійӧ велӧдіс синагогаын. |
| и многие слышавшие с изумлением говорили: откуда у Него это? | и унаӧн кывзысьяс шензьӧмӧн шуалісны: кытысь Сылӧн тайӧ? | Уна кывзысь шензьӧмӧн шуаліс: «Кытысь сійӧ босьтіс тайӧс ставсӧ? | Кывзысьяс пиысь унаӧн шензьӧмӧн шуалісны: «Кытысь Сылӧн тайӧ? |
| что за премудрость дана Ему, и как такие чудеса совершаются руками Его? | мыйся сюсьлун сетӧма Сылы? и кыдзи татшӧм чудесаяс вӧчсьӧны Сійӧ киясӧн? | Мыйся тайӧ сюсьлун, кодӧс сылы сетӧма? Мыйся тайӧ вына вӧчӧмторъяс, кодъяс артмӧны сы киын? | Мыйсяма мывкыдлун Сылы сетӧма? Сійӧ вӧчӧ татшӧм шензьӧданаторъяс! |
| 3 Не плотник ли Он, сын Марии, брат Иакова, Иосии, Иуды и Симона? | 3. Абу-ӧ плӧтник Тайӧ, Мариялӧн Пи, вок Иаковлӧн, Иосиялӧн, Иудалӧн и Симонлӧн? | 3 Абу-ӧ сійӧ тшупсьысь, Марьялӧн пи, Яковлӧн, Ёсеслӧн, Юдаслӧн да Симонлӧн вок? | Абу-ӧ Сійӧ тшупсьысь? Абу-ӧ Мариялӧн пиыс, Яковлӧн, Иосейлӧн, Иудалӧн да Симонлӧн вокыс? |
| Не здесь ли, между нами, Его сестры? | И абу-ӧ танӧсь миян костын чойясыс Сылӧн? | Оз-ӧ сылӧн чойясыс овны тані миянкӧд тшӧтш?» | Оз-ӧ тані овны Сылӧн чойясыс?» |
| И соблазнялись о Нем. | И ылавлісны Сы йылысь. | Тадзи найӧ ӧтдортісны сійӧс. | Тадзи Сійӧс ӧтдортісны. |
| 4 Иисус же сказал им: не бывает пророк без чести, разве только в отечестве своем и у сродников и в доме своем. | 4. Иисус жӧ шуис налы: бурӧ пуктытӧм пророк оз овлы, гашкӧ, сӧмын аслас чужан муас и аслас рӧдство костын и аслас гортас. | 4 А Исус шуис налы: «Енсянь юӧртысьӧс быдлаын пыдди пуктӧны, аслас карын кындзи, аслас рӧдвуж пиын кындзи да ас гортас кындзи». | Исус шуис налы: «Пророкӧс пыдди пуктӧны быдлаын, сӧмын ас карас, ас рӧдвужас да ас гортас оз». |
| 5 И не мог совершить там никакого чуда, только на немногих больных возложив руки, исцелил их. | 5. И эз вермы вӧчны сэні некутшӧм чудеса; сӧмын некымын висьысь вылӧ пуктыліс кияссӧ и бурдӧдіс найӧс. | 5 Сійӧ эз вермы сэні вӧчны некутшӧм вына вӧчӧмтор, сӧмын некымын висьысь вылӧ пуктыліс кисӧ да бурдӧдіс найӧс. | Исус эз вермы сэні вӧчны шензьӧданаторъяс, сӧмын кымынкӧ висьысь вылӧ кисӧ пуктылӧмӧн бурдӧдіс найӧс. |
| 6 И дивился неверию их; | 6. И шензис налӧн вериттӧм вылӧ. | 6 Йӧзлӧн эскытӧмлуныс шензьӧдіс сійӧс. | Йӧзлӧн эскытӧмлуныс шензьӧдіс Сійӧс. |
| потом ходил по окрестным селениям и учил. | Сы бӧрти ветлӧдліс на гӧгӧрса сиктъясӧд и велӧдіс. | Исус ветлӧдліс матігӧгӧрса сиктъясӧд да велӧдіс йӧзсӧ. | Исус ветлӧдліс матігӧгӧр сиктъясӧд да велӧдіс йӧзсӧ. |
| 7 И, призвав двенадцать, начал посылать их по два, и дал им власть над нечистыми духами. | 7. И, дас кыксӧ корӧмӧн, пондіс мӧдӧдавны найӧс кыкӧн-кыкӧн и сетіс налы власть пеж ловъяс вылын. | 7 Сійӧ корис дас кык велӧдчысьӧс ас дорас, сетіс налы вын йӧз пытшкысь вӧтлавны пеж ловъясӧс да пондіс мӧдӧдавны найӧс кыкӧн-кыкӧн. | Сійӧ корис дас кыкнан велӧдчысьсӧ да сетіс налы вын вӧтлавны пеж ловъясӧс. |
| 8 И заповедал им ничего не брать в дорогу, кроме одного посоха: ни сумы, ни хлеба, ни меди в поясе, 9 но обуваться в простую обувь и не носить двух одежд. | 8. И нинӧм эз тшӧкты босьтны налы туй выланыс, ӧти бедь кындзи: ни ноп, ни нянь, ни ыргӧн вӧньясас, 9. Но кӧмасьны кокньыдик кӧмкотӧн и мед эз новлыны кык паськӧм. | 8 Сійӧ налы нинӧм эз тшӧкты босьтны сьӧраныс беддьысь кындзи: ни нянь, ни ноп, ни вӧняныс сьӧм. 9 Сійӧ тшӧктіс кӧмасьны да пасьтавны сӧмын ӧти дӧрӧм. | Сэсся кыкӧн-кыкӧн мӧдӧдаліс найӧс. Исус шуис налы: «Туяныд бедь кындзи нинӧм энӧ босьтӧй, весиг нянь, ноп, сьӧм да вежан кӧм-пась». |
| 10 И сказал им: если где войдете в дом, оставайтесь в нем, доколе не выйдете из того места. | 10. И шуис налы: кутшӧм керкаӧ пыранныд, кольччӧй сэтчӧ, кытчӧдз онӧ петӧй сэтысь. | 10 Нӧшта Исус шуис налы: «Кутшӧм керкаӧ пыранныд, сэні и олӧй, кытчӧдз онӧ вӧрзьӧдчӧй мӧд сиктӧ. | Нӧшта Исус висьталіс: «Кутшӧм керкаӧ пыранныд, водзӧ мунтӧдзныд олӧй сэні. |
| 11 И если кто не примет вас и не будет слушать вас, то, выходя оттуда, отрясите прах от ног ваших, во свидетельство на них. | 11. А кӧні оз примитны тіянӧс и оз пондыны кывзыны тіянлысь, сэки, сэтысь петіганыд, пыркӧдӧй буссӧ асланыд кокъясысь, налы тӧдӧм вылӧ. | 11 А кӧні оз сибӧдны да оз кывзыны тіянӧс, сэтысь петіганыд, пыркӧдӧй асланыд кокъясысь буссӧ, медым найӧ тӧдісны, мый вӧчисны». | Оз кӧ сибӧдны-кывзыны тіянӧс, сэтысь петіганыд пыркӧдӧй коксьыныд буссӧ. Тайӧ лоӧ найӧс ӧлӧдӧм. |
| Истинно говорю вам: отраднее будет Содому и Гоморре в день суда, нежели тому городу. | Веськыда висьтала тіянлы: долыдджык лоӧ Содомлы и Гоморралы суд лунӧ, сійӧ карыслы дорысь. | Веськыда висьтала тіянлы: Мыждан лунӧ Содом да Гомора каръяслы лоас кокньыдджык сійӧ карыслы дорысь». | |
| 12 Они пошли и проповедовали покаяние; | 12. Найӧ мунісны и велӧдісны каитчыны; | 12 Велӧдчысьяс петісны туйӧ да юӧртісны йӧзлы, мый ставныслы колӧ бергӧдчыны Енлань. | Велӧдчысьяс мунісны да юӧрталісны, йӧзыс мед бергӧдчисны мыжъяссьыс. |
| 13 изгоняли многих бесов и многих больных мазали маслом и исцеляли. | 13. Вӧтлалісны уна бесъясӧс и уна висьысьясӧс мавтісны выйӧн и бурдӧдалісны. | 13 Найӧ вӧтлалісны уна мутиӧс да выйӧн мавтӧмӧн уна висьысьӧс бурдӧдісны. | Найӧ вӧтлісны уна пеж лолӧс да выйӧн мавтӧмӧн бурдӧдісны уна висьысьӧс. |
| 14 Царь Ирод, услышав об Иисусе (ибо имя Его стало гласно), говорил: это Иоанн Креститель воскрес из мертвых, и потому чудеса делаются им. | 14. Кор кыліс Ирод царь, сы вӧсна мый Иисус ним йылысь паськалі сёрни, шуис: тайӧ Пыртысь Иоанн ловзис кулӧмысь, и сійӧ вӧчӧ чудесаяс. | 14 Ирӧд ӧксы кыліс Исус йылысь, сылӧн нимыс быдлаын паськаліс да. Кодсюрӧ шуисны: «Йоан Пыртысь ловзьӧма кулӧмаясысь, и та вӧсна сылӧн татшӧм вын». | Ирӧд ӧксы кыліс Исус йылысь, ӧд тайӧ нимыс быдлаын вӧлі тӧдса. Сійӧ шуис, Пыртысь Иоан пӧ ловзьӧма, та вӧсна вермӧ вӧчны шензьӧданаторъяс. |
| 15 Другие говорили: это Илия, а иные говорили: это пророк, или как один из пророков. | 15. Мукӧдъяс сёрнитісны: тайӧ Илия. А мукӧдыс шуалісны: тайӧ пророк, или кыдзи ӧтик пророкъяс пытшкысь. | 15 Мукӧдъяс сёрнитісны: «Тайӧ Элия». А ӧткымынъяс шуалісны: «Тайӧ Енсянь мукӧд юӧртысьяс кодь жӧ юӧртысь». | Мукӧдыс шуалісны, тайӧ пӧ Илля, кодсюрӧ шуисны, Сійӧ пӧ пророкъясысь ӧти. |
| 16 Ирод же, услышав, сказал: это Иоанн, которого я обезглавил; он воскрес из мертвых. | 16. Ирод жӧ кылӧм бӧрас шуис: тайӧ Иоанн, кодлысь ме юрсӧ керышті; сійӧ ловзис кулӧмысь. | 16 Исус йылысь кылӧм бӧрын Ирӧд шуис: «Тайӧ ловзьӧм Йоан, кодлысь ме керыштӧдлі юрсӧ». | Татшӧм сёрнияс бӧрын Ирӧд шуис, тайӧ пӧ Иоан, кодлысь ме юрсӧ керышті, ловзьӧма. |
| 17 Ибо сей Ирод, послав, взял Иоанна и заключил его в темницу за Иродиаду, жену Филиппа, брата своего, потому что женился на ней. | 17. Ӧд тайӧ Иродыс мӧдӧдіс босьтны Иоаннӧс и пуксьӧдіс сійӧс тюрмаӧ Иродиада понда, аслас вок Филипп гӧтыр вӧсна, сы вӧсна мый гӧтрасис сы вылӧ. | 17 Ирӧдыс тшӧктӧма кутны Йоанӧс да пуксьӧдны сійӧс дзескыдінӧ, ӧд ачыс вӧлі гӧтрасьӧма Ирӧдиада вылӧ, Пилип вокыс гӧтыр вылӧ, | Ӧд Филип вокыслӧн Ирӧдиада гӧтырыс вӧсна Ирӧд тшӧктіс босьтны Иоанӧс да дорӧмӧн пуксьӧдны дзескыдінӧ. |
| 18 Ибо Иоанн говорил Ироду: не должно тебе иметь жену брата твоего. | 18. Ӧд Иоанн шуліс Иродлы: оз позь босьтны тэныд аслад вокыдлысь гӧтырсӧ. | 18 а Йоан шулӧма Ирӧдлы: «Тэныд оз позь овны аслад вок гӧтыркӧд». | Ирӧдиадаӧс гӧтырӧ босьтӧмысь Иоан ӧлӧдліс Ирӧдӧс: «Вок гӧтырыдкӧд тэныд оз позь овнытӧ». |
| 19 Иродиада же, злобясь на него, желала убить его; но не могла. | 19. Иродиада скӧраліс Иоанн вылӧ и кӧсйис вины сійӧс, но эз вермы. | 19 Ирӧдиада скӧраліс Йоан вылӧ да кӧсйис вины сійӧс, но эз вермы. | Ирӧдиада скӧраліс Иоан вылӧ да кӧсйис вины сійӧс, но эз вермы. |
| 20 Ибо Ирод боялся Иоанна, зная, что он муж праведный и святой, и берёг его; многое делал, слушаясь его, и с удовольствием слушал его. | 20. Сы вӧсна мый Ирод поліс Иоаннысь, тӧдӧмӧн, мый сійӧ веськыда вӧчӧ и святӧй морт, и видзис сійӧс, унатор вӧчис сылысь кывзӧмӧн и нимкодьпырысь кывзіс сійӧс. | 20 Ирӧд тӧдіс, мый Йоан веськыда олысь да Енлы сетчӧм морт, да поліс сыысь. Ирӧд видзис сійӧс да окотапырысь кывзіс сылысь, но унатор майшӧдліс сійӧс Йоанӧс кывзігӧн. | Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс. |
| 21 Настал удобный день, когда Ирод, по случаю дня рождения своего, делал пир вельможам своим, тысяченачальникам и старейшинам Галилейским, - | 21. Воис сэтшӧм лун, кор Ирод вӧчис пир, аслас чужан луныс кузя, аслас отсасьысьяслы, сюрсъясӧн веськӧдлысьяслы, Галилеяса ыджыдалысьяслы. | 21 Веськаліс лӧсялана здук, кор Ирӧд аслас чужан лунӧ котыртіс гажӧдчӧм веськӧдлысьяслы, тышка вынӧн юралысьяслы да галилеяса пыдди пуктана войтырлы. | Ирӧд чужан лунӧ Ирӧдиадалы лоис позянлун вины Иоанӧс. Тайӧ лунӧ Ирӧд котыртіс гаж юралысьяслы, тышкайӧзӧн веськӧдлысьяслы да галилеяса пыдди пуктана войтырлы. |
| 22 дочь Иродиады вошла, плясала и угодила Ироду и возлежавшим с ним; | 22. Сэки пырис Иродиадалӧн нылыс и йӧктіс: и шогмана лои Иродлы и сыкӧд пукалысьяслы. | 22 Ирӧдиадалӧн нылыс локтіс да йӧктіс. Тайӧ воис сьӧлӧм вылас Ирӧдлы да сыкӧд пукалысьяслы. | Ирӧдиадалӧн нылыс пырис да йӧктіс гажӧдчысьяс водзын. Тайӧ воис Ирӧдлы да сыкӧд пукалысьяслы сьӧлӧм вылас. |
| царь сказал девице: проси у меня, чего хочешь, и дам тебе; | Царь шуис нылыслы: кор менсьым, мый кӧсъян, и сета тэныд. | Ӧксы шуис нылыслы: «Кор менсьым, мый сӧмын кӧсъян, ме сета тэныд». | Ӧксы шуис нывлы: «Кор менсьым, мый кӧсъян, и ме сета тэныд». |
| 23 и клялся ей: чего ни попросишь у меня, дам тебе, даже до половины моего царства. | 23. И кӧсйысис сылы: мый сӧмын коран менсьым, сета тэныд, весиг ассьым царство джынйӧс. | 23 И кыв сетіс сылы: «Сета ставсӧ, мый сӧмын коран менсьым, весиг ыджыдаланінӧйлысь джынсӧ». | Ирӧд кыв сетіс: «Сета, мый сӧмын коран, весиг аслам веськӧдлан мулысь джынсӧ». |
| 24 Она вышла и спросила у матери своей: чего просить? | 24. Нылыс петіс и юаліс аслас мамыслысь: мый корны? | 24 Нылыс петіс да юаліс аслас мамыслысь: «Мый эськӧ кора?» | Ныв петіс да юаліс мамыслысь: «Мый эськӧ корны?» |
| Та отвечала: головы Иоанна Крестителя. | мамыс шуис: кор юрсӧ Пыртысь Иоаннлысь. | Мамыс вочавидзис: «Йоан Пыртысьлысь юрсӧ». | Мамыс шуис: «Пыртысь Иоанлысь юрсӧ». |
| 25 И она тотчас пошла с поспешностью к царю и просила, говоря: хочу, чтобы ты дал мне теперь же на блюде голову Иоанна Крестителя. | 25. И нылыс дзик пыр тэрмасьӧмӧн муніс царь дінӧ и корис сылысь: кӧсъя, медым тэ ӧні жӧ сетін меным тасьті вылын юрсӧ Пыртысь Иоаннлысь. | 25 Нылыс дзик пыр тэрмасьӧмӧн муніс ӧксы дінӧ да корис: «Кӧсъя, мед пыр жӧ сетан тасьті вылын Йоан Пыртысьлысь юрсӧ». | Ныв дзик пыр тэрмасьӧмӧн муніс ӧксы дінӧ да шуис: «Кӧсъя, мед дзик ӧні сетін меным тасьтіын Пыртысь Иоанлысь юрсӧ». |
| 26 Царь опечалился, но ради клятвы и возлежавших с ним не захотел отказать ей. | 26. Царь жугыльмис: но, кӧсйысьӧмыс вӧсна и сыкӧд пукалысьяс кузя, эз кӧсйы ӧткажитны сылы. | 26 Ӧксы жугыльмис, но сыкӧд пукалысьяс водзын сетӧм кыв вӧсна эз кӧсйы бӧрыньтчыны. | Ӧксы шогӧ усис, но гажӧдчысьяс водзын сетӧм кывйысь эз вермы соссьыны. |
| 27 И тотчас, послав оруженосца, царь повелел принести голову его. | 27. И дзик пыр ыстіг оружие новлӧдлысьӧс, царь тшӧктіс вайны Иоаннлысь юрсӧ. | 27 Дзик пыр сійӧ тшӧктіс шыпурт новлӧдлысьлы вайны Йоанлысь юрсӧ. | Дзик пыр сійӧ ыстіс шыпуртаӧс да тшӧктіс вайны Иоанлысь юрсӧ. |
| 28 Он пошел, отсек ему голову в темнице, и принес голову его на блюде, и отдал ее девице, а девица отдала ее матери своей. | 28. Сійӧ муніс, керыштіс Иоаннлысь юрсӧ тюрмаын, и вайис юрсӧ сылысь тасьтіӧ пуктӧмӧн и сетіс сійӧс нылыслы, а нылыс сетіс сійӧс аслас мамыслы. | 28 Шыпурт новлӧдлысь муніс дзескыдінӧ, керыштіс Йоанлысь юрсӧ, вайис сійӧс тасьті вылын да сетіс нылыслы, а нылыс сетіс сійӧс мамыслы. | Шыпурта муніс дзескыдінӧ да керыштіс Иоанлысь юрсӧ. Сэсся вайис тасьтіын юрсӧ да сетіс нывлы, а нылыс — мамыслы. |
| 29 Ученики его, услышав, пришли и взяли тело его, и положили его во гробе. | 29. Кор кылісны велӧдчысьясыс Иоаннлӧн, локтісны и босьтісны шойсӧ сылысь и пуктісны сійӧс гортйӧ и гуалісны. | 29 Та йылысь кывлісны Йоанлӧн велӧдчысьяс. Найӧ мунісны, босьтісны сылысь шойсӧ да нуисны сійӧс дзебанінӧ. | Та йылысь кывлісны Иоанлӧн велӧдчысьясыс. Найӧ локтісны шойысла да нуисны дзебанінӧ. |
| 30 И собрались Апостолы к Иисусу и рассказали Ему всё, и что сделали, и чему научили. | 30. И чукӧртчисны Апостолъяс Иисус дінӧ и висьталісны Сылы ставсӧ, и мый вӧчисны, и мыйӧ велӧдісны. | 30 Апостолъяс чукӧртчисны Исус дінӧ да висьталісны сылы ставсӧ, мый вӧчисны да мыйӧ велӧдісны. | Апостолъяс чукӧртчисны Исус дінӧ. Найӧ висьталісны Сылы ставсӧ, мый вӧчисны да мыйӧ велӧдісны. |
| 31 Он сказал им: пойдите вы одни в пустынное место и отдохните немного, - ибо много было приходящих и отходящих, так что и есть им было некогда. | 31. Сійӧ шуис налы: ті мунӧй ӧтнаныд овтӧминӧ и шойччыштӧй ичӧтика. Сы вӧсна мый уна вӧлі волысьыс и мунысьыс, весиг некор вӧлі сёйыштны налы. | 31 Исус шуис налы: «Ӧтнаным мунамӧй овтӧминӧ шойччыштны». Ӧд уна вӧлі волысьыс да мунысьыс, найӧ весиг эз удитны сёйыштнысӧ. | Исус шуис налы: «Мунӧй овтӧминӧ да шойччыштӧй сэні». Йӧзыс век ӧтарӧ локтіс-муніс, велӧдчысьяслы весиг некор вӧлі сёйыштнысӧ. |
| 32 И отправились в пустынное место в лодке одни. | 32. И мӧдӧдчисны овтӧминӧ пыжӧн ӧтнаныс. | 32 Ӧтнаныс найӧ мӧдӧдчисны пыжӧн овтӧминӧ. | Та вӧсна найӧ ӧтнаныс мӧдӧдчисны пыжӧн овтӧминӧ. |
| 33 Народ увидел, как они отправлялись, и многие узнали их; | 33. И йӧзыс аддзылісны, кыдзи найӧ ылыстчӧны, и унаӧн тӧдісны найӧс; | 33 А йӧзыс аддзылісны налысь мунӧмсӧ, да унаӧн тӧдісны найӧс. | Йӧзыс аддзылісны налысь мунӧмсӧ да тӧдісны найӧс. |
| и бежали туда пешие из всех городов, и предупредили их, и собрались к Нему. | и подӧн котӧртісны сэтчӧ став каръясысь, и воисны водзджык на дорысь и чукӧртчисны Сы дінӧ. | Быд карсянь котӧртісны да воисны сэтчӧ на дорысь водзджык. | Котӧрӧн петісны каръяссьыныс да воисны сэтчӧ на дорысь водзджык. |
| 34 Иисус, выйдя, увидел множество народа и сжалился над ними, потому что они были, как овцы, не имеющие пастыря; | 34. Иисус пыжсьыс петӧм бӧрын аддзис уна йӧзӧс и жалитіс найӧс, сы вӧсна мый найӧ вӧліны кыдзи видзысьтӧм ыжъяс; | 34 Пыжсьыс чеччигӧн Исус аддзис уна йӧзӧс да жалитіс найӧс, ӧд найӧ вӧліны видзысьтӧм ыжъяс кодьӧсь. | Пыжысь чеччигӧн Исус аддзис уна йӧзӧс. Сылӧн сьӧлӧмыс нормис, ӧд найӧ вӧліны видзысьтӧг кольӧм ыжъяс кодьӧсь. |
| и начал учить их много. | и пондіс велӧдны найӧс унаторйӧ. | Сійӧ пондіс велӧдны найӧс унаторйӧ. | Сэки Исус пондіс велӧдны найӧс, Сійӧ унатор йылысь висьталіс налы. |
| 35 И как времени прошло много, ученики Его, приступив к Нему, говорят: место здесь пустынное, а времени уже много, - | 35. И кыдзи кадыс коли уна, велӧдчысьясыс сылӧн, сы дінӧ матыстчӧмӧн, шуӧны: тані овтӧмин, а кадыс сёр нин; | 35 Сёр рытын велӧдчысьясыс матыстчисны сы дінӧ да шуисны: «Тайӧ овтӧмин, и кадыс сёр нин, | Сёр рытнас матыстчисны Исус дінӧ велӧдчысьясыс да шуисны: «Тані овтӧмин, и кадыс сёр нин. |
| 36 отпусти их, чтобы они пошли в окрестные деревни и селения и купили себе хлеба, ибо им нечего есть. | 36. Лэдз йӧзсӧ, медым мунасны найӧ матігӧгӧрса деревняясӧ и оланінъясӧ и ньӧбасны аслыныс нянь; сы вӧсна мый налы нинӧм сёйнысӧ. | 36 лэдз йӧзсӧ мунны матігӧгӧрса сиктъясӧ да каръясӧ и ньӧбны аслыныс сёян». | Ысты йӧзсӧ матігӧгӧр сикт-грездӧ сёянтор ньӧбны». |
| 37 Он сказал им в ответ: вы дайте им есть. | 37. Сійӧ воча кылӧн шуис налы: ті сетӧй сёйнысӧ налы. | 37 Исус вочавидзис налы: «Ті сетӧй сёйнысӧ налы». | Исус воча шуис: «Ті сетӧй налы сёянсӧ». |
| И сказали Ему: разве нам пойти купить хлеба динариев на двести и дать им есть? | И шуисны Сылы: миянлы ӧмӧй мунны и ньӧбны нянь кыксё кымын динарий вылӧ и сетны сёйны налы? | Найӧ шуисны сылы: «Миянлы ӧмӧй колӧ мунны да кыксё динар вылӧ ньӧбны налы сёймӧн нянь?» | Велӧдчысьяс шуисны: «Миянлы-ӧ колӧ ветлынысӧ? Та мындаыслы нянь вылад кыксё динар ковмас». |
| 38 Но Он спросил их: сколько у вас хлебов? | 38. Иисус юаліс налысь: уна-ӧ тіян няньныд? | 38 Но Исус юаліс налысь: «Уна-ӧ тіян няньныд? | Исус юаліс налысь: «Уна-ӧ тіян няньныд? |
| пойдите, посмотрите. | Мунӧй, видзӧдлӧй. | Мунӧй видзӧдлыны». | Мунӧй видзӧдлӧй». |
| Они, узнав, сказали: пять хлебов и две рыбы. | Найӧ тӧдмалӧм бӧраныс шуӧны: вит нянь и кык чери. | Найӧ тӧдмалісны да шуисны: «Вит нянь да кык чери». | Тӧдмалӧм бӧрын найӧ висьталісны: «Вит нянь да кык чери». |
| 39 Тогда повелел им рассадить всех отделениями на зеленой траве. | 39. Сэки тшӧктіс налы пуксьӧдавны ставнысӧ юкӧнъясӧн веж турун вылас. | 39 Исус налы тшӧктіс пуксьӧдавны ставнысӧ чукӧръясӧн веж турун вылас. | Исус тшӧктіс велӧдчысьясыслы пуксьӧдавны йӧзсӧ чукӧръясӧ веж турун вылӧ. |
| 40 И сели рядами, по сто и по пятидесяти. | 40. И пуксялісны дорвыв сёясӧн и ветымынъясӧн. | 40 Найӧ пуксялісны дорвыв сёясӧн да ветымынъясӧн. | Йӧзыс пуксялісны сёӧн да ветымынӧн. |
| 41 Он взял пять хлебов и две рыбы, воззрев на небо, благословил и преломил хлебы и дал ученикам Своим, чтобы они раздали им; | 41. Сійӧ босьтіс вит няньсӧ и кык черисӧ, енэж вылӧ видзӧдлӧмӧн, благословитіс и чегис няньяссӧ и сетіс Аслас велӧдчысьяслы, медым найӧ разӧдісны йӧзыслы; | 41 Сэсся Исус босьтіс вит нянь да кык чери, енэжӧ видзӧдлӧмӧн бурсиис, чегъяліс няньсӧ да сетіс велӧдчысьяслы разӧдны йӧзлы. | Исус босьтіс вит няньсӧ да кык черисӧ, видзӧдліс енэжӧ да Енмӧс аттьӧалӧмӧн чегис няньсӧ, сэсся сетіс велӧдчысьясыслы. Велӧдчысьяс разӧдісны йӧзыслы. |
| и две рыбы разделил на всех. | и кык черисӧ юкис ставныслы вылӧ. | И кык черисӧ юкис ставныслы. | Кык черисӧ тшӧтш юкис ставныслы. |
| 42 И ели все, и насытились. | 42. Сёйисны ставныс и пӧтісны; | 42 Ставныс сёйисны да пӧтісны. | Ставныс пӧттӧдзныс сёйисны, |
| 43 И набрали кусков хлеба и остатков от рыб двенадцать полных коробов. | 43. И чукӧртісны няньторъяссӧ и чери коляссӧ дас кык куд тыр; | 43 Кольӧм няньторъяссӧ да чери коляссӧ чукӧртісны дас кык куд тыр. | а нянь да чери коляссӧ дас кык куд тыр чукӧртісны. |
| 44 Было же евших хлебы около пяти тысяч мужей. | 44. Няньсӧ сёйысьыс вӧлі вит сюрс кымын мужичӧй. | 44 Сёйысьяс пӧвстас айуловыс вӧлі вит сюрс морт. | Сёйысьыс вӧлі вит сюрс гӧгӧр морт. |
| 45 И тотчас понудил учеников Своих войти в лодку и отправиться вперед на другую сторону к Вифсаиде, пока Он отпустит народ. | 45. И дзик пыр тшӧктіс Аслас велӧдчысьяслы пырны пыжӧ и водзджык вуджны мӧдлапӧлас Вифсаидаӧ, Сыӧн йӧзсӧ лэдзис кості. | 45 Дзик пыр Исус тшӧктіс аслас велӧдчысьяслы пуксьыны пыжӧ да водзвыв мунны мӧдлапӧлас, Бетсайдаӧ, кор сійӧ лэдзас йӧзсӧ. | Исус дзик пыр тшӧктіс велӧдчысьясыслы пуксьыны пыжӧ да вуджны Сытӧг мӧдлапӧлӧ, Випсаидаӧ. Сэккості Исус мӧдӧдаліс йӧзсӧ. |
| 46 И, отпустив их, пошел на гору помолиться. | 46. И йӧзсӧ лэдзӧм бӧрын муніс гӧра вылӧ кевмысьны. | 46 Йӧзӧс лэдзӧм бӧрын сійӧ муніс кевмысьны керӧсӧ. | Йӧзӧс ыстӧм бӧрын Ачыс кайис керӧсӧ кевмысьны. |
| 47 Вечером лодка была посреди моря, а Он один на земле. | 47. Рытнас пыжыс вӧлі море шӧрас, а Сійӧ ӧтнас му вылын. | 47 Рытнас пыжыс вӧлі ты шӧрас, а Исус ӧтнас му вылын. | Рытнас пыжаяс вӧліны ты шӧрын, а Исус ӧтнас сулаліс вадорын. |
| 48 И увидел их бедствующих в плавании, потому что ветер им был противный; | 48. И аддзӧ найӧс мырсьысьӧн вуджиганыс, сы вӧсна мый тӧлыс налы вӧлі паныда; | 48 Сійӧ аддзис, мый тӧлыс вӧлі паныда да велӧдчысьяслы сьӧкыд сыннысӧ. | Сійӧ аддзис: паныда тӧлыс вӧсна велӧдчысьяслы сьӧкыд вӧлі сыннысӧ. |
| около же четвертой стражи ночи подошел к ним, идя по морю, и хотел миновать их. | войся нёльӧд видзана кад гӧгӧрын Иисус матыстчис на дінӧ, море вывті локтігтырйи, и кӧсйис ордйӧдны найӧс. | Войся нёльӧд видзана кад гӧгӧрын Исус ва веркӧсӧдыс матыстчис да кӧсйис ордйыны найӧс. | Асъядорыс Исус мӧдӧдчис ва вывті велӧдчысьяс дінас да кӧсйис ордйыны найӧс. |
| 49 Они, увидев Его идущего по морю, подумали, что это призрак, и вскричали. | 49. Найӧ, кор аддзисны море вывті локтӧмсӧ Сылысь, мӧвпалісны, мый тайӧ орт вуджӧр, и горӧдісны. | 49 Кор найӧ аддзисны сылысь ва вывті локтӧмсӧ, чайтісны, мый тайӧ орт, да горӧдісны. | Кор велӧдчысьяс аддзисны ва вывті восьлалысь Исусӧс, чайтісны, мый тайӧ орт, и кутісны горзыны. |
| 50 Ибо все видели Его и испугались. | 50. Сы вӧсна мый ставныс аддзисны Сійӧс и повзисны. | 50 Ӧд ставныс аддзисны сійӧс да повзисны. | Ставныс ёна повзисны. |
| И тотчас заговорил с ними и сказал им: ободритесь; это Я, не бойтесь. | Иисус дзик пыр шыасис накӧд и шуис налы: смелмӧй; тайӧ Ме, энӧ полӧй. | Исус дзик пыр шуис налы: «Лӧньӧй, тайӧ ме. Энӧ полӧй!» | Исус дзик пыр шыасис на дінӧ: «Лӧньӧй, тайӧ Ме. Энӧ полӧй». |
| 51 И вошел к ним в лодку, и ветер утих. | 51. И пырис на дінӧ пыжас; и тӧлыс лӧнис. | 51 Сійӧ пуксис на дінӧ пыжас, и тӧлыс ланьтіс. | Сійӧ пуксис на дінӧ пыжас. Тӧлыс лӧнис. |
| И они чрезвычайно изумлялись в себе и дивились, | И найӧ зэв ёна шензисны ас пытшканыс и дивуйтчисны. | Найӧ зэв ёна чуймисны, | Велӧдчысьяс ёна шензисны. |
| 52 ибо не вразумились чудом над хлебами, потому что сердце их было окаменено. | 52. Сы вӧсна мый эз вежӧрсявны няньяс вылын чудесанас, но сэтшӧма сьӧлӧмныс налӧн вӧлі измӧма. | 52 ӧд Исусӧн нянь юклӧмыс нинӧмӧ эз велӧд, сэтшӧма налӧн вӧлі измӧма сьӧлӧмныс. | Няньӧн вердӧм шензьӧданаторйыс, буракӧ, нинӧм эз висьтав налӧн измӧм сьӧлӧмлы. |
| 53 И, переправившись, прибыли в землю Геннисаретскую и пристали к берегу. | 53. И вуджӧм бӧраныс воисны Генисаретса муӧ и сувтісны берег дорас. | 53 Ты вуджӧм бӧрын найӧ домалісны пыжнысӧ Геннесарет вадорӧ. | Тысӧ вуджӧм бӧрын найӧ сувтісны Генесарет муӧ. |
| 54 Когда вышли они из лодки, тотчас жители, узнав Его, 55 обежали всю окрестность ту и начали на постелях приносить больных туда, где Он, как слышно было, находился. | 54. Кор найӧ петісны пыжсьыс, йӧзыс дзик пыр тӧдісны Сійӧс, 55. Котӧрӧн кытшовтісны став сійӧ оланінъясті и пондісны ваявны висьысьясӧс вольпасьяс вылын сэтчӧ, кӧні Сійӧ вӧлі кывсьӧ. | 54 Кор найӧ чеччисны пыжсьыс, йӧзыс дзик пыр тӧдісны Исусӧс. 55 Котӧрӧн кытшовтісны став матігӧгӧрсӧ да вольпасьяс вылын пондісны вайны висьысьясӧс сэтчӧ, кӧні, кывсис, вӧлі Исус. | Кор найӧ чеччисны пыжсьыс, йӧзыс дзик пыр тӧдмалісны Исусӧс. Тайӧ юӧрнас найӧ котӧрӧн кытшовтісны став матігӧгӧрсӧ да, кӧні кывсис Исус, сэтчӧ пондісны вольпасьӧн вайны висьысьясӧс. |
| 56 И куда ни приходил Он, в селения ли, в города ли, в деревни ли, клали больных на открытых местах и просили Его, чтобы им прикоснуться хотя к краю одежды Его; | 56. И кытчӧ сӧмын Сійӧ эз волы, сиктъясӧ-ӧ, каръясӧ-ӧ, грездъясӧ-ӧ, пукталісны висьысьясӧс эрд вылӧ и корисны Сылысь, медым налы сӧмын инмӧдчывны Сы паськӧм помӧ; | 56 Кытчӧ сӧмын сійӧ эз волы — сиктӧ, карӧ, грездӧ — быдлаын водтӧдалісны висьысьясӧс восьсаинъясӧ да корисны сылысь, медым сетас налы инмӧдчывны сы паськӧм тугйӧ. | Быдлаын, кытчӧ воліс Исус — сиктӧ, карӧ, грездӧ — эрдъяс вылӧ водтӧдавлісны висьысьясӧс да корисны Исусӧс, мед висьысьяслы лэдзас инмӧдчывны паськӧм дорышас. |
| и которые прикасались к Нему, исцелялись. | и кодъяс инмӧдчывлісны Сылы, бурдісны. | Инмӧдчылысьяс ставӧн бурдісны. | Сы дінӧ инмӧдчылысьяс ставӧн бурдісны. |
| Глава 7 | ГЛАВА 7 | 7 юр | 7. |
| 1 Собрались к Нему фарисеи и некоторые из книжников, пришедшие из Иерусалима, | 1. Сы дінӧ чукӧртчисны Иерусалимысь локтысь фарисейяс и кодсюрӧ книжникъяс пӧвстысь. | 1 Исус дінӧ чукӧртчисны фарисейяс да кодсюрӧ Ерусалимсянь локтысь Ен гижӧд велӧдысьяс | Исус дінӧ локтісны фарисейяс да Ерусалимысь воӧм Индӧдӧ велӧдысьяс. |
| 2 и, увидев некоторых из учеников Его, евших хлеб нечистыми, то есть неумытыми, руками, укоряли. | 2. И кор аддзисны кодсюрӧӧс Сылӧн велӧдчысьяс пытшкысь, кодъяс сёйисны нянь мыссьытӧг, няйтчӧм киясӧн, шуасисны. | 2 и аддзисны, мый кодсюрӧ сылӧн велӧдчысьяс пӧвстысь няньсӧ сёйӧны сӧс, мыськытӧм киӧн. | Кор найӧ аддзисны, мый кодсюрӧ Сылӧн велӧдчысьясыс сёйӧны няньсӧ мыськытӧм пеж киӧн, кутісны шуасьны на вылӧ. |
| 3 Ибо фарисеи и все Иудеи, держась предания старцев, не едят, не умыв тщательно рук; 4 и, придя с торга, не едят не омывшись. | 3. Сы вӧсна мый фарисейяс и став Иудейяс, важ йӧзлӧн шуӧмӧ кутчысиг, оз сёйны кияснысӧ бура мыськытӧг; 4. И вузасянінысь локтӧм бӧрын оз сёйны мыссьытӧг. | 3 Став юдаыс, торйӧн нин фарисейяс, кутчысьӧны пӧрысьяслӧн вежа видзана оланногӧ: оз сёйны кинысӧ мыськытӧг 4 и вузасянінысь локтӧм бӧрын оз сёйны, оз кӧ мыськыны асьнысӧ. | Юдейяс, торйӧн нин фарисейяс, кутчысисны пӧрысьяслӧн шуӧмӧ: кинысӧ мыськытӧг эз пуксьывны сёйны и вузасянінысь локтӧм бӧрын эз сёйлыны мыссьытӧг. |
| Есть и многое другое, чего они приняли держаться: наблюдать омовение чаш, кружек, котлов и скамей. | Эм и уна мукӧдторъясӧ кутчысьӧмъяс, мый найӧ босьтсьӧмны вӧчны; тӧждысьӧны мыськавны тасьтіяс, кружкаяс, пӧртъяс и скамьяяс. | Эм нӧшта уна мукӧдтор, мыйӧ найӧ кутчысьӧны: тасьтіяс, дозмукъяс да пӧртъяс мыськалӧмӧ. | Нӧшта уна мукӧдторйӧ на кутчысисны: дозмук, тасьті-пӧрт да вольпась мыськалӧмӧ. |
| 5 Потом спрашивают Его фарисеи и книжники: зачем ученики Твои не поступают по преданию старцев, но неумытыми руками едят хлеб? | 5. Фарисейяс и книжникъяс юасьӧны Сылысь: мыйла велӧдчысьясыд Тэнад оз вӧчны важ йӧз шуӧм серти, но мыськытӧм киясӧн сёйӧны нянь? | 5 Фарисейяс да Ен гижӧд велӧдысьяс юалісны Исуслысь: «Мыйла тэнад велӧдчысьясыд оз вӧчны пӧрысьяслӧн вежа видзана оланног серти, а сӧс киӧн сёйӧны нянь?» | Фарисейяс да Индӧдӧ велӧдысьяс юалісны Исуслысь: «Мыйла велӧдчысьясыд оз овны пӧрысьяслӧн шуӧм серти: мыськытӧм киӧн нянь сёйӧны?» |
| 6 Он сказал им в ответ: хорошо пророчествовал о вас, лицемерах, Исаия, как написано: | 6. Иисус воча кылӧн шуис налы; бура висьтавліс ті ылӧгбанъяс йылысь Исаия, кыдзи гижӧма; | 6 Сійӧ вочавидзис налы: «Есая бура водзвыв юӧртіс тіян йылысь, кык бана шаньгаяс йылысь, кыдзи гижӧма: | Исус шуис налы: «Кык бана шаньгаяс! Бура шуӧма Гижӧдас тіян йылысь Исай пророк: |
| люди сии чтут Меня устами, сердце же их далеко отстоит от Меня, | «тайӧ йӧзыс бурӧ пуктӧны Менӧ вомнаныс, а сьӧлӧмныс налӧн ылыстчӧма Ме дінысь; | — Тайӧ войтырыс бурӧ пуктӧны менӧ вомнаныс, а налӧн сьӧлӧмныс ылын ме дінысь. | — Тайӧ йӧзыс вомнас пыдди пуктӧны Менӧ, но налӧн сьӧлӧмыс ылын Меысь. |
| 7 но тщетно чтут Меня, уча учениям, заповедям человеческим. | 7. И ковтӧм буралӧмӧн бурӧ пуктӧны Менӧ, велӧдӧны мортъяслӧн тшӧктӧмъясӧ»; | 7 Но весьшӧрӧ юрбитӧны меным, кор велӧдӧны йӧзӧн лӧсьӧдӧм тшӧктӧмъясӧ. | Весьшӧрӧ ыдждӧдлӧны Менӧ мортсянь тшӧктӧмъясӧ велӧдігӧн. |
| 8 Ибо вы, оставив заповедь Божию, держитесь предания человеческого, омовения кружек и чаш, и делаете многое другое, сему подобное. | 8. Ӧд ті, Енлысь тшӧктӧмсӧ кольӧмӧн, кутчысянныд мортъяслӧн шуӧмӧ, мыськаланныд кружкаяс и тасьтіяс и вӧчанныд уна мукӧд сэтшӧмторъяс. | 8 Ті эновтінныд Енлысь тшӧктӧмсӧ да кутчысянныд мортлӧн вежа видзана оланногӧ». | Ті эновтінныд Енлысь тшӧктӧмсӧ, кутчысянныд мортлӧн шуӧмъясӧ: тасьті-дозмук мыськалӧмӧ да уна мукӧдторйӧ на». |
| 9 И сказал им: хорошо ли, что вы отменяете заповедь Божию, чтобы соблюсти свое предание? | 9. И шуис налы: бур-ӧ, мый ті вештанныд Енлысь тшӧктӧмсӧ, медым вӧчны асланыд шуӧмъяс серти? | 9 Исус водзӧ шуис налы: «Сюся ті вештінныд Енлысь тшӧктӧмсӧ, медым вӧчны батьяслӧн вежа видзана оланног серти. | Исус водзӧ висьталіс: «Сюся ті вештанныд Енлысь тшӧктӧмсӧ, медым кутчысьны батьяслӧн шуӧмӧ. |
| 10 Ибо Моисей сказал: почитай отца своего и мать свою; | 10. Ӧд Моисей шуис: «бурӧ пукты ассьыд батьтӧ и ассьыд мамтӧ» | 10 Тадзи Мӧсей шуис: «Бурӧ пукты ассьыд бать-мамтӧ» | Мӧисей шуӧма: “Пыдди пукты ассьыд бать-мамтӧ”. |
| и: злословящий отца или мать смертью да умрет. | и: «коді шуас лёк кывйӧн батьсӧ или мамсӧ кулӧмӧн да кулас». | да «Коді лёка шуӧ батьыс либӧ мамыс йылысь, медым виӧмӧн кулӧ». | “Омӧльтан кӧ бать-мамтӧ, тэнӧ кулӧм вылӧ мыждасны”. |
| 11 А вы говорите: кто скажет отцу или матери: корван, то есть дар Богу то, чем бы ты от меня пользовался, 12 тому вы уже попускаете ничего не делать для отца своего или матери своей, 13 устраняя слово Божие преданием вашим, которое вы установили; | 11. А ті шуанныд: коді шуас батьыслы или мамыслы: «<rus>корван</rus>, мый лоӧ: Енлы сетантор сійӧ, мыйӧн эськӧ тэ месянь пӧльзуйтчин», — 12. Сылы ті лэдзанныд нин медым нинӧм эз вӧч аслас батьыслы или аслас мамыслы, 13. Енлысь кывъяссӧ вештӧмӧн асланыд шуӧмъясӧн, кодъясӧс ті лӧсьӧдінныд; | 11 А ті сылы, коді висьталӧ батьыслы либӧ мамыслы: «Сійӧ колантор, кодӧс виччысинныд месянь — тайӧ корбан, Енлы сетантор», 12 он лэдзӧй вӧчны бурсӧ батьыслы либӧ мамыслы. 13 Тадзи ті вештанныд Енлысь кывсӧ вежа видзана оланногӧ кутчысьӧмӧн, кодӧ ті велӧданныд. | А ті мӧдарӧ велӧданныд. Морт кӧ бать-мамыслы сетӧм пыдди шуас: “Корбан, Енлы тайӧс кӧсйыси”, сэки ті онӧ нин лэдзӧй вӧчны бурсӧ бать-мамыслы. Тадзи батьяслӧн шуӧмӧ кутчысьӧмӧн да велӧдӧмӧн ті вештанныд Енлысь Кывсӧ. |
| и делаете многое сему подобное. | и уна мукӧд татшӧмторъяссӧ вӧчанныд. | Татшӧмторсӧ ті вӧчанныд уна сикасӧс». | Уна татшӧмтор на ті вӧчанныд». |
| 14 И, призвав весь народ, говорил им: слушайте Меня все и разумейте: | 14. И став йӧзсӧ корӧм бӧрын шуис налы: кывзӧй Менсьым ставныд и гӧгӧрвоӧй. | 14 Йӧзсӧ бара корӧм бӧрын Исус шуис налы: «Кывзӧй менсьым ставныд да гӧгӧрвоӧй. | Исус бара корис йӧзсӧ да шуис налы: «Кывзӧй Менӧ ставныд да гӧгӧрвоӧй. |
| 15 ничто, входящее в человека извне, не может осквернить его; но что исходит из него, то оскверняет человека. | 15. Нинӧм, мый пырӧ морт пытшкӧ ортсысянь, оз вермы пежавны мортӧс; но мый петӧ сы пытшкысь, сійӧ пежалӧ мортӧс. | 15 Нинӧм, мый пырӧ морт пытшкӧ, оз пежав сійӧс, но мый петӧ сы пытшкысь, сійӧ пежалӧ мортӧс. | Мортӧс оз пежав сійӧ, мый пытшкас пырӧ, а пежалӧ, мый сы пытшкысь петӧ. |
| 16 Если кто имеет уши слышать, да слышит! | 16. Кодлӧн эм пельяс кывны, мед кылас! | (16 Кодлӧн эм кывны пель, мед кылӧ!) | Кодлӧн эм пель, мед кылӧ!» |
| 17 И когда Он от народа вошел в дом, ученики Его спросили Его о притче. | 17. И кор Сійӧ пырис йӧз дінсьыс керкаӧ, велӧдчысьясыс Сылӧн юалісны Сылысь притча йывсьыс. | 17 Кор Исус йӧз дінсьыс пырис керкаӧ, велӧдчысьясыс корисны гӧгӧрвоӧдны сылысь кывъяссӧ. | Исус колис йӧзсӧ да пырис керкаӧ. Велӧдчысьясыс корисны Сійӧс гӧгӧрвоӧдны висьталӧмсӧ. |
| 18 Он сказал им: неужели и вы так непонятливы? | 18. Сійӧ шуис налы: збыль ӧмӧй сэтшӧм гӧгӧрвотӧмӧсь? | 18 Сійӧ шуис налы: «Весиг ті сэтшӧм ӧмӧй гӧгӧрвотӧмӧсь? | Сійӧ шуис налы: «Весиг ті онӧ гӧгӧрвоӧй! |
| Неужели не разумеете, что ничто, извне входящее в человека, не может осквернить его? | Збыль-ӧ онӧ вежӧртӧй, мый нинӧм, мый пырӧ мортлы ортсысянь, оз вермы пежавны сійӧс? | Онӧ ӧмӧй вежӧртӧй: мортӧс оз вермы пежавны сійӧ, мый пытшкас пырӧ, | |
| 19 Потому что не в сердце его входит, а в чрево, и выходит вон, чем очищается всякая пища. | 19. Сы вӧсна мый оз сьӧлӧмас сылы пыр, а кынӧмас и петӧ ортсӧ, тадзи сӧстӧммӧ быд пӧлӧс сёян. | 19 ӧд быдтор пырӧ кынӧмас, а оз сьӧлӧмас, да петӧ ортсӧ». Тадзи Исус гӧгӧрвоӧдіс, мый быд пӧлӧс сёян сӧстӧм. | ӧд сійӧ оз сьӧлӧмас пыр, а веськалӧ кынӧмас, сэсся ортсӧ петӧ». Тадзи Исус гӧгӧрвоӧдіс, мый став сёяныс сӧстӧм. |
| 20 Далее сказал: исходящее из человека оскверняет человека. | 20. Водзӧ висьталіс: мый петӧ морт пытшкысь, сійӧ пежалӧ мортӧс; | 20 Водзӧ висьталіс: «А мый петӧ морт пытшкӧссьыс, сійӧ пежалӧ мортӧс. | Водзӧ висьталіс: «Мый петӧ морт пытшкысь, сійӧ пежалӧ мортсӧ. |
| 21 Ибо извнутрь, из сердца человеческого, исходят злые помыслы, прелюбодеяния, любодеяния, убийства, 22 кражи, лихоимство, злоба, коварство, непотребство, завистливое око, богохульство, гордость, безумство, - | 21. Сы вӧсна мый пытшсьыс, морт сьӧлӧмсянь, петӧны лёк мӧвпъяс, гозъя кост торкӧмъяс, мукӧдкӧд олӧмъяс, виӧмъяс, 22. Гусясьӧмъяс, лёктор вӧчӧмъяс, скӧралӧмъяс, лёксьӧмъяс, ковтӧмтор вӧчӧмъяс, вежӧгтӧмъяс, енмӧс омӧльтӧм, вылӧ кыпӧдчӧм, мывкыдтӧм олӧм. | 21 Пытшкысь, морт сьӧлӧмысь, петӧны лёк мӧвпъяс, 22 гӧтыр вывті либӧ верӧс вывті ветлӧдлӧм, гусясьӧмъяс, морт виӧмъяс, гозъякост торкӧмъяс, горшасьӧмъяс, лёк вӧчӧмъяс, ылӧдчӧм, лёкног олӧм, колысь син, мортӧс омӧльтӧм, асьтӧ вылӧ пуктӧм, мывкыдтӧм олӧм. | Буретш морт пытшкысь, сылӧн сьӧлӧмысь, петӧны лёк мӧвпъяс, гозъя олӧм пежалӧм, кырсалӧм, морт виӧм, гусясьӧм, горшасьӧм, лёк вӧчӧм, ылӧдчӧм, лэдзчысьӧм оласног, колысь син, омӧльтӧм, асьсӧ вылӧ пуктӧм да мывкыдтӧмлун. |
| 23 всё это зло извнутрь исходит и оскверняет человека. | 23. Став тайӧ лёкторыс петӧ пытшкысь и пежалӧ мортӧс. | 23 Тайӧ став лёкыс петӧ пытшкӧсысь да пежалӧ мортӧс». | Став тайӧ лёкыс петӧ морт пытшкысь да пежалӧ сійӧс». |
| 24 И, отправившись оттуда, пришел в пределы Тирские и Сидонские; | 24. И сэтысь мунӧм бӧрын локтіс Тирса и Сидонса муяс вылӧ; | 24 Сэтысь мунӧм бӧрын Исус воис Тырос муӧ. | Сэтысь Исус муніс Тир да Сидон муясӧ. |
| и, войдя в дом, не хотел, чтобы кто узнал; но не мог утаиться. | и кор пырис керкаӧ, эз кӧсйы, медым кодкӧ тӧдіс, но эз вермы гусьӧнсӧ. | Кор пырис ӧти керкаӧ, эз кӧсйы, медым кодкӧ тӧдіс та йылысь, но сылӧн воӧмыс эз ло казявтӧмӧн. | Сійӧ пырис ӧти керкаӧ да эз кӧсйы, мед кодкӧ тӧдіс та йылысь, но тӧдмалісны Сылӧн воӧм йылысь. |
| 25 Ибо услышала о Нем женщина, у которой дочь одержима была нечистым духом, и, придя, припала к ногам Его; | 25. Сы вӧсна мый кыліс Сы йылысь нывбаба, кодлысь нывсӧ вӧлі кутӧма пеж лов, и локтӧмӧн уськӧдчис Сылӧн кокъяс дорӧ; | 25 Кывліс сы йылысь ӧти нывбаба, кодлысь нывсӧ кутӧма пеж лов. Нывбаба дзик пыр локтіс Исус дінӧ да уськӧдчис кок улас. | Кывліс Сы йылысь ӧти ань, кодлысь нывсӧ вӧлі кутӧма пеж лов. Ань локтіс да уськӧдчис Исус водзӧ. |
| 26 а женщина та была язычница, родом сирофиникиянка; | 26. А сійӧ нывбабаыс вӧлі ловъя ен тӧдтӧм, чужлӧма Сирофиникияын; | 26 А сійӧ нывбабаыс вӧлі гречанка, финикияса Сирияысь. | Тайӧ аньыс вӧлі Сирияысь, финикияса, сійӧ сёрнитіс грек кывйӧн. |
| и просила Его, чтобы изгнал беса из ее дочери. | и корис Иисуслысь, медым вӧтліс ныв пытшкысь бессӧ. | Сійӧ корис Исусӧс вӧтлыны ныв пытшкысь мутисӧ. | Ань корис Исусӧс вӧтлыны ныв пытшкысь пеж ловсӧ. |
| 27 Но Иисус сказал ей: дай прежде насытиться детям, ибо нехорошо взять хлеб у детей и бросить псам. | 27. Но Иисус шуис сылы: сет водзджык пӧткӧдчыны челядьлы; ӧд абу лӧсьыд босьтны нянь челядьлысь и шыбитны понъяслы. | 27 Но Исус шуис сылы: «Колӧ медводз сетны челядьлы пӧттӧдз сёйны. Абу лӧсьыд босьтны челядьлысь нянь да шыбитны кычанъяслы». | Исус шуис: «Медводз мед ныв-пи пӧттӧдзныс сёясны. Абу бур мырддьыны ныв-пилысь няньсӧ да шыбитны сійӧс понпиянлы». |
| 28 Она же сказала Ему в ответ: так, Господи; | 28. Нывбабаыс жӧ воча кылӧн шуис Сылы: сідзи, Господьӧй, | 28 А нывбабаыс вочавидзис сылы: «Сідзи, Мезӧсӧй, | Ань воча шуис: «Сідз, Господьӧй. |
| но и псы под столом едят крохи у детей. | но и понъяс пызан улын сёйӧны нянь крӧшкияс челядьлысь. | но и кычанъяс пызан улын сёйӧны челядьлысь нянь мыльӧссӧ». | Но понъяс тшӧтш пызан улысь сёйӧны ныв-пилысь нянь торпыригсӧ». |
| 29 И сказал ей: за это слово, пойди; | 29. Иисус шуис сылы: тайӧ кывйыс вӧсна, мун; | 29 Исус шуис сылы: «Шуин кӧ тадзи, мун: | Исус шуис сылы: «Тадз кӧ мӧвпалан, мун, |
| бес вышел из твоей дочери. | бес петіс тэнад ныв пытшкысь. | мути петіс тэнад ныв пытшкысь». | пеж лов петіс тэнад ныв пытшкысь». |
| 30 И, придя в свой дом, она нашла, что бес вышел и дочь лежит на постели. | 30. И гортас локтӧм бӧрын сійӧ аддзис, мый бес петӧма и нылыс куйлӧ вольпась вылын. | 30 Гортас локтӧм бӧрын нывбаба аддзис, мый нылыс куйлӧ вольпасьын, да мути петӧма. | Гортас локтӧм бӧрын ань аддзис: нылыс куйлӧ вольпасьын, пеж лов петӧма сы пытшкысь. |
| 31 Выйдя из пределов Тирских и Сидонских, Иисус опять пошел к морю Галилейскому через пределы Десятиградия. | 31. Тирса и Сидонса му вылысь петӧм бӧрын Иисус бара муніс Галилеяса море дорӧ Дасакар вомӧн. | 31 Тырос муысь петӧм бӧрын Исус муніс Галилея ты дорӧ Сидон да Декаполи му вомӧн. | Тир да Сидон муясысь петӧм бӧрын Исус локтіс Даскар му пыр Галилея ты дорӧ. |
| 32 Привели к Нему глухого косноязычного и просили Его возложить на него руку. | 32. Сы дінӧ вайӧдісны пыскыль кывъя пельтӧм мортӧс и корисны Сылысь пуктывны кисӧ сы вылӧ. | 32 Сы дінӧ вайӧдісны пыскыль кывъя пельтӧм мортӧс да корисны сылысь кисӧ пуктывны мортыс вылӧ. | Сы дінӧ вайӧдісны пыскыль кывъя пельтӧм мортӧс да корисны Исусӧс пуктывны кисӧ тайӧ мортыс вылӧ. |
| 33 Иисус, отведя его в сторону от народа, вложил персты Свои в уши ему и, плюнув, коснулся языка его; | 33. Иисус, йӧз дінсьыс сійӧс бокӧ нуӧдӧмӧн, пуктіс чуньяссӧ Ассьыс сылы пельясас и, сьӧлыштӧм бӧрын, инмӧдчис сылы кывъяс; | 33 Исус нуӧдіс сійӧс йӧз дінсьыс бокӧ, пуктіс ассьыс чуньяссӧ сылы пеляс, сьӧлыштіс да инмӧдчис сылы кывъяс. | Исус нуӧдіс сійӧс йӧз дінсьыс бокӧ, пуктіс чуньяссӧ сылы пеляс да сьӧлыштӧмӧн инмӧдчис сылы кывъяс. |
| 34 и, воззрев на небо, вздохнул и сказал ему: "еффафа", то есть: отверзись. | 34. И енэж вылӧ видзӧдлӧмӧн, ышловзис и шуис сылы: «<rus>еффафа</rus>», мый лоӧ «воссьы». | 34 Сэсся, енэжӧ видзӧдлӧмӧн, ышловзис да шуис пельтӧмлы: «Эффата!» Тайӧ лоӧ: «Воссьы!» | Сэсся енэжӧ видзӧдлӧмӧн ышловзис да шуис пельтӧмлы: «<arc>Эффата</arc>!» Тайӧ лоӧ: «Воссьы!» |
| 35 И тотчас отверзся у него слух и разрешились узы его языка, и стал говорить чисто. | 35. И дзик пыр воссисны сылӧн пельясыс, и сылӧн кывлӧн кутӧдъяс орины, и кутіс сёрнитны чистӧя. | 35 Дзик пыр воссис сылӧн пельыс, разьсис кывйыслӧн кӧртӧдыс, да сійӧ пондіс ясыда сёрнитны. | Дзик пыр тайӧ мортыслӧн пельыс воссис да кыв-ворыс разьсис, сійӧ пондіс ясыда сёрнитны. |
| 36 И повелел им не сказывать никому. | 36. И тшӧктіс налы, медым некодлы эз висьтавлыны. | 36 Исус ӧлӧдіс йӧзӧс, медым некодлы эз висьтавлыны. | Исус ӧлӧдіс йӧзсӧ та йылысь мукӧдлы висьталӧмысь. |
| Но сколько Он ни запрещал им, они еще более разглашали. | Но, кымын Сійӧ ӧлӧдіс найӧс, сымын найӧ ёнджыка на висьтавлісны. | Но кымын ёна сійӧ ӧлӧдліс найӧс, сымын ёнджыка на паськӧдісны та йылысь юӧрсӧ. | Но кымын ёна ӧлӧдіс, сымын ёнджыка найӧ висьтавлісны. |
| 37 И чрезвычайно дивились, и говорили: всё хорошо делает, - и глухих делает слышащими, и немых - говорящими. | 37. И зэв ёна шензисны и сёрнитісны: ставсӧ вӧчӧ бура: и пельтӧмъясӧс вӧчӧ кылысьясӧн и немӧйясӧс — сёрнитысьясӧн. | 37 И зэв ёна шензисны да шуалісны: «Ставсӧ вӧчӧ бура. Пельтӧмъяслы отсалӧ кывны, кывтӧмъяслы — сёрнитны». | Йӧзыс шензьӧмӧн шензисны да шуалісны: «Сійӧ уна бурсӧ вӧчӧ. Пельтӧмъяслы сетӧ кывны, кывтӧмъяслы сёрнитны». |
| Глава 8 | ГЛАВА 8 | 8 юр | 8. |
| 1 В те дни, когда собралось весьма много народа и нечего было им есть, Иисус, призвав учеников Своих, сказал им: | 1. Сійӧ лунъясӧ, кор чукӧртчисны зэв уна йӧз и налы нинӧм вӧлі сёйнысӧ, Иисус корис Ассьыс велӧдчысьяссӧ и шуис налы: | 1 Сійӧ кадӧ бара чукӧртчис уна йӧз. Кор налӧн нинӧм вӧлі сёйнысӧ, Исус корис велӧдчысьяссӧ да шуис: | Сійӧ лунъясӧ бара чукӧртчис зэв уна йӧз. Налӧн эз вӧв аскӧдныс сёяныс. Исус корис велӧдчысьяссӧ да шуис: |
| 2 жаль Мне народа, что уже три дня находятся при Мне, и нечего им есть. | 2. Жальӧсь Меным йӧзыс, мый куим лун нин олӧны Ме дінын и нинӧм налы сёйнысӧ; | 2 «Меным жальӧсь йӧзыс. Найӧ куим лун нин ме дінынӧсь, а сёйнысӧ налӧн нинӧм абу. | «Менам сьӧлӧмӧй висьӧ тайӧ йӧзыс вӧсна. Найӧ куим лун нин танӧсь, а налӧн сёяныс абу. |
| 3 Если неевшими отпущу их в домы их, ослабеют в дороге, ибо некоторые из них пришли издалека. | 3. И найӧс кӧ сёйтӧг лэдза асланыс гортъясӧ, туй выланыс вынсьыс усьӧны, сы вӧсна мый кодсюрӧ на пӧвстысь локтісны ылысянь. | 3 Лэдза кӧ найӧс асланыс гортъясаныс сёйтӧг, туй выланыс усясны эбӧссьыныс, ӧд на пиысь кодсюрӧ локтісны ылісянь». | Сёйтӧгыс кӧ мӧдӧда найӧс гортаныс, туяс дзикӧдз эбӧстӧммасны, ӧд кодсюрӧ локтісны ылісянь». |
| 4 Ученики Его отвечали Ему: откуда мог бы кто взять здесь в пустыне хлебов, чтобы накормить их? | 4. Велӧдчысьясыс Сылӧн вочавидзисны Сылы: кытысь вермис эськӧ кодкӧ босьтны тані пустыняын няньяс, медым вердны найӧс? | 4 Велӧдчысьясыс вочавидзисны сылы: «Коді нӧ тайӧ овтӧминас вермас нянь аддзыны найӧс верднысӧ?» | Велӧдчысьяс шуисны: «Кытысь босьтны овтӧминас няньсӧ, медым вердны найӧс?» |
| 5 И спросил их: сколько у вас хлебов? | 5. И юаліс налысь: кымын тіян няньныд? | 5 «Уна-ӧ тіян няньныд?» — юаліс налысь Исус. | Исус юаліс: «Уна-ӧ тіян няньныд?» |
| Они сказали: семь. | найӧ шуисны: сизим. | Найӧ висьталісны: «Сизим». | Найӧ вочавидзисны: «Сизим». |
| 6 Тогда велел народу возлечь на землю; | 6. Сэки тшӧктіс йӧзыслы пуксявны му вылас; | 6 Исус тшӧктіс йӧзыслы пуксявны муас. | Исус тшӧктіс йӧзыслы пуксявны муас. |
| и, взяв семь хлебов и воздав благодарение, преломил и дал ученикам Своим, чтобы они раздали; и они раздали народу. | и сизим няньсӧ босьтӧмӧн благодаритіс, чегис и сетіс Аслас велӧдчысьяслы, медым найӧ разӧдісны; и найӧ разӧдісны йӧзыслы. | Сэсся сійӧ босьтіс сизим няньсӧ, Енмӧс аттьӧалӧмӧн чегъяліс да сетіс велӧдчысьясыслы разӧдны сійӧс. И найӧ разӧдісны йӧзыслы няньсӧ. | Ачыс босьтіс сизим няньсӧ, Енмӧс аттьӧалӧмӧн чегис няньсӧ да сетіс велӧдчысьясыслы, а велӧдчысьяс — йӧзыслы. |
| 7 Было у них и немного рыбок: | 7. Налӧн вӧлі и этшаник чери: | 7 Налӧн вӧлі тшӧтш этшаник посни чери. | Налӧн вӧлі нӧшта кымынкӧ посни чери. |
| благословив, Он велел раздать и их. | благословитӧм бӧрын Сійӧ тшӧктіс разӧдны и черисӧ. | Бурсиӧм бӧрын Исус тшӧктіс юкны и сійӧс. | Бурсиӧм бӧрын Исус тшӧктіс сетавны черисӧ. |
| 8 И ели, и насытились; | 8. И сёйисны, и пӧтісны; | 8 Ставныс сёйисны да пӧтісны. | Ставӧн пӧттӧдзныс сёйисны, |
| и набрали оставшихся кусков семь корзин. | и чукӧртісны кольӧм торъяссӧ сизим куд тыр. | Кольӧм торъяссӧ чукӧртісны сизим куд тыр. | коляссӧ сизим куд тыр чукӧртісны. |
| 9 Евших же было около четырех тысяч. | 9. А сёйысьыс вӧлі нёль сюрс кымын морт. | 9 А вӧлі нёль сюрс кымын морт. | Сёйысьыс вӧлі нёль сюрс гӧгӧр морт. |
| И отпустил их. | И лэдзис найӧс. | Сы бӧрын, кор Исус лэдзис йӧзӧс, | |
| 10 И тотчас войдя в лодку с учениками Своими, прибыл в пределы Далмануфские. | 10. И дзик пыр Аслас велӧдчысьяскӧд пырис пыжӧ и воисны Далмануфса му вылӧ. | 10 сійӧ дзик пыр велӧдчысьясыскӧд пуксис пыжӧ да вуджис Далманута муӧ. | Йӧзсӧ мӧдӧдалӧм бӧрын Исус велӧдчысьясыскӧд дзик пыр пуксис пыжӧ да кывтіс Далманута муӧ. |
| 11 Вышли фарисеи, начали с Ним спорить и требовали от Него знамения с неба, искушая Его. | 11. Петісны фарисейяс, пондісны Сыкӧд вензьыны и, Сійӧс дӧзмӧдӧм могысь, корисны Сылысь индана пас енэжсянь. | 11 Локтісны фарисейяс да пондісны вензьыны Исускӧд. Сылысь вынсӧ тӧдмалӧм могысь найӧ корисны сылысь енэжсянь индысь пас. | Локтісны фарисейяс да пондісны вензьыны Исускӧд. Сійӧс кыйӧм могысь корисны петкӧдлыны енэжсянь индысьпас. |
| 12 И Он, глубоко вздохнув, сказал: для чего род сей требует знамения? | 12. Иисус, пыдысянь ышловзьӧмӧн, шуис: мыйла тайӧ чужанвужйыс корӧ индӧд пассӧ? | 12 Исус пыдісянь ышловзьӧмӧн шуис: «Мыйла тайӧ чужанвужйыс корӧ индысь пассӧ? | Исус сьӧкыда ышловзис да шуис: «Мыйла ӧнія олысьяслы колӧ индысьпасыс? |
| Истинно говорю вам, не дастся роду сему знамение. | веськыда висьтала тіянлы: оз ло сетӧма индӧд пассӧ тайӧ чужанвужлы. | Збыльысь висьтала тіянлы: индысь пас оз ло сетӧма тайӧ чужанвужйысь!». | Веськыда висьтала тіянлы: оз ло налы индысьпасыс». |
| 13 И, оставив их, опять вошел в лодку и отправился на ту сторону. | 13. И найӧс эновтӧм бӧрын бӧр пырис пыжӧ и вуджис мӧдар бокас. | 13 Сійӧ эновтіс найӧс, бӧр пуксис пыжӧ да вуджис мӧдлапӧлас. | Сэсся Исус колис найӧс, бӧр пуксис пыжӧ да вуджис мӧдлапӧлӧ. |
| 14 При сем ученики Его забыли взять хлебов и кроме одного хлеба не имели с собою в лодке. | 14. Велӧдчысьясыс Сылӧн вунӧдісны босьтны няньяс и сӧмын ӧти нянь вӧлі налӧн сьӧрсьыныс пыжаныс. | 14 Велӧдчысьясыс вунӧдӧмаӧсь босьтны нянь, а пыжаныс вӧлі сӧмын ӧти тупӧсь. | Велӧдчысьяс вунӧдісны босьтны аскӧдныс няньсӧ, а пыжас вӧлі сӧмын ӧти няньтор. |
| 15 А Он заповедал им, говоря: смотрите, берегитесь закваски фарисейской и закваски Иродовой. | 15. А Иисус висьталіс налы, шуалӧмӧн: видзӧдӧй, видзчысьӧй фарисейяс шоммӧдӧмысь и Иродлӧн шоммӧдӧмысь. | 15 Исус тшӧктіс налы: «Видзчысьӧй фарисейяслӧн да Иродлӧн шоммӧдчанысь». | Исус шуис налы: «Видзчысьӧй фарисей да Ирӧд няньшомысь». |
| 16 И, рассуждая между собою, говорили: это значит, что хлебов нет у нас. | 16. И ас костаныс сёрнитісны: мый миян няньясным абу. | 16 Сэки велӧдчысьясыс ас костаныс сёрнитісны: «Няньным миян абу». | Велӧдчысьяс ас костаныс сёрнитісны: «Няньыс ӧд миян абу». |
| 17 Иисус, уразумев, говорит им: что рассуждаете о том, что нет у вас хлебов? | 17. Иисус, тайӧс гӧгӧрвоӧмӧн, шуӧ налы: мый сёрнитанныд сы йылысь, мый абу тіян няньныд? | 17 Исус тайӧс тӧдмаліс да шуис налы: «Мыйла сёрнитанныд сы йылысь, мый няньныд абу? | Тайӧс казялӧмӧн Исус шуис налы: «Мый нӧ сёрнитанныд нянь абутӧм йывсьыд? |
| Еще ли не понимаете и не разумеете? | нӧшта на онӧ тӧдӧй и онӧ вежӧртӧй? | Онӧ ӧмӧй казялӧй да онӧ вежӧртӧй? | Онӧ ӧмӧй вежӧртӧй? |
| Еще ли окаменено у вас сердце? | Тіян ӧмӧй пыр на измӧма сьӧлӧмныд? | Измӧма ӧмӧй сьӧлӧмныд? | Измӧма ӧмӧй сьӧлӧмныд? |
| 18 Имея очи, не видите? | 18. Синмаӧсь и онӧ аддзӧй? | 18 Синмаӧсь да онӧ аддзӧй? | Синмаӧсь да, онӧ аддзӧй? |
| имея уши, не слышите? | пеляӧсь и онӧ кылӧй? | Пеляӧсь да онӧ кылӧй? | Пеляӧсь да, онӧ кылӧй? |
| и не помните? | и тӧд выланыд абу? | Тӧд выланыд онӧ кутӧй, | Вунӧдінныд ӧмӧй вит сюрс мортӧс вит няньӧн вердӧм йылысь? |
| 19 Когда Я пять хлебов преломил для пяти тысяч человек, сколько полных коробов набрали вы кусков? | 19. Кор Ме вит няньсӧ чеги вит сюрс мортлы, кымын куд тыр чукӧртінныд ті кольӧм няньторъяссӧ? | 19 кымын куд тыр чукӧртінныд кольӧм няньторъяссӧ, кор ме вит няньсӧ чегъялі вит сюрсыслы?» | Кымын куд тыр сэки коляссӧ чукӧртінныд?» |
| Говорят Ему: двенадцать. | Шуӧны Сылы: дас кыкӧс. | Шуисны сылы: «Дас кыкӧс». | Шуисны: «Дас кыкӧс». |
| 20 А когда семь для четырех тысяч, сколько корзин набрали вы оставшихся кусков? | 20. А кор сизимсӧ нёль сюрсыслы, кымын куд тыр чукӧртінныд ті кольӧм няньторъяссӧ? | 20 «А кымын куд тыр чукӧртінныд кольӧм няньторъяссӧ, кор ме сизим няньсӧ чегъялі нёль сюрсыслы?» | «А нёль сюрс мортӧс сизим няньӧн вердігӧн, кымын куд тыр коляссӧ чукӧртінныд?» |
| Сказали: семь. | Шуӧны: сизимӧс. | Шуисны сылы: «Сизимӧс». | Шуисны Сылы: «Сизимӧс». |
| 21 И сказал им: как же не разумеете? | 21. И шуис налы: кыдзи нӧ онӧ гӧгӧрвоӧй? | 21 Исус шуис налы: «Кыдзи нӧ ті онӧ вежӧртӧй?» | Исус шуис налы: «Кыдзи ті онӧ вежӧртӧй?» |
| 22 Приходит в Вифсаиду; | 22. Воӧ Вифсаидаӧ; | 22 Воисны Бетсайдаӧ. | Исус воис Випсаидаӧ. |
| и приводят к Нему слепого и просят, чтобы прикоснулся к нему. | и вайӧдӧны Сы дінӧ синтӧмӧс и корӧны, медым инмӧдчыліс Сылы. | Исус дінӧ вайӧдісны синтӧмӧс да корисны инмӧдчывны сылы. | Сы дінӧ вайӧдісны синтӧмӧс да корисны инмӧдчывны сы дінӧ. |
| 23 Он, взяв слепого за руку, вывел его вон из селения и, плюнув ему на глаза, возложил на него руки и спросил его: видит ли что? | 23. Иисус, синтӧмсӧ киӧдыс босьтӧмӧн, петкӧдіс сійӧс сиктсьыс ортсӧ и сылысь синъяссӧ дульнас мавтӧм бӧрын пуктіс кияссӧ сы вылӧ и юаліс сылысь: аддзӧ-ӧ мыйкӧ? | 23 Исус босьтіс синтӧмӧс киӧдыс, петкӧдіс сійӧс сиктсьыс, синмас сьӧлыштӧм бӧрын пуктіс кисӧ сы вылӧ да юаліс сылысь: «Аддзан-ӧ мыйкӧ?» | Исус босьтіс синтӧмӧс киӧдыс да петкӧдіс сиктсьыс. Синмас сьӧлыштӧм бӧрын пуктіс кисӧ сы вылӧ да юаліс: «Аддзан-ӧ мыйкӧ?» |
| 24 Он, взглянув, сказал: вижу проходящих людей, как деревья. | 24. Сійӧ видзӧдлӧм бӧрын шуис: аддза мунысь йӧзӧс, кыдзи быттьӧ пуяс. | 24 Морт видзӧдліс да шуис: «Аддза йӧзӧс, найӧ ветлӧдлысь пуяс кодьӧсь». | Синтӧм видзӧдліс да шуис: «Аддза ветлӧдлысь йӧзӧс, найӧ пуяс кодьӧсь». |
| 25 Потом опять возложил руки на глаза ему и велел ему взглянуть. | 25. Сэсся бара пуктыліс кияссӧ сылӧн синъяс вылӧ и тшӧктіс сылы видзӧдлыны. | 25 Сэсся Исус бара пуктыліс кисӧ сы син вылӧ, и ӧні сійӧ аддзис бура. | Исус бара пуктыліс кисӧ сылы синмас да тшӧктіс видзӧдлыны. |
| И он исцелел и стал видеть все ясно. | И сійӧ бурдіс и пондіс аддзыны ставсӧ яснӧя. | Морт бурдіс да ставсӧ ясыда аддзис. | Синтӧм бурдіс да ставсӧ аддзис ясыда. |
| 26 И послал его домой, сказав: не заходи в селение и не рассказывай никому в селении. | 26. И мӧдӧдіс сійӧс гортас, шуӧмӧн: сиктас эн пыр и некодлы эн висьтавлы. | 26 Исус мӧдӧдіс сійӧс гортас, сӧмын шуис: «Сиктас эн пыр». | Исус мӧдӧдіс сійӧс гортас да шуис: «Сиктас эн пыр». |
| 27 И пошел Иисус с учениками Своими в селения Кесарии Филипповой. | 27. И муніс Иисус Аслас велӧдчысьяскӧд Филипплӧн Кесария сиктъясӧ. | 27 Велӧдчысьясыскӧд Пилип Кесарея сиктъясӧ мунігӧн Исус юаліс налысь: | Исус муніс велӧдчысьясыскӧд Филиплӧн Кесария сиктъясӧ. |
| Дорогою Он спрашивал учеников Своих: за кого почитают Меня люди? | Туй вылас мунігӧн Сійӧ юасис Аслас велӧдчысьяслысь: код пыдди лыддьӧны Менӧ йӧзыс? | «Код туйӧ менӧ пуктӧны йӧзыс?» | Муніганыс юаліс налысь: «Код туйӧ йӧзыс пуктӧны Менӧ?» |
| 28 Они отвечали: за Иоанна Крестителя; другие же - за Илию; а иные - за одного из пророков. | 28. Найӧ воча шуисны: Пыртысь Иоанн пыдди, а мӧдъяс Илия пыдди, а мукӧдыс пророкъяс пытшкысь ӧтиӧс. | 28 Найӧ вочавидзисны: «Ӧтияс — Йоан Пыртысь туйӧ, мӧдъяс — Элия туйӧ, а кодсюрӧ лыддьӧны тэнӧ Енсянь юӧртысьясысь ӧтиӧн». | Найӧ вочавидзисны: «Ӧтияс шуӧны, Пыртысь Иоан пӧ, мӧдъяс шуӧны, Илля пӧ, кодсюрӧ шуӧны, пророкъясысь пӧ ӧти». |
| 29 Он говорит им: а вы за кого почитаете Меня? | 29. Сійӧ шуӧ налы: а ті код пыдди лыддянныд Менӧ? | 29 Сійӧ юаліс налысь: «А ті код туйӧ пуктанныд менӧ?» | Исус юаліс: «Код туйӧ ті Менӧ пуктанныд?» |
| Петр сказал Ему в ответ: Ты Христос. | Петыр воча кылӧн шуис Сылы: Тэ — Христос. | Петыр вочавидзис сылы: «Тэ — Мессия». | Петыр вочавидзис: «Тэ — Кристос». |
| 30 И запретил им, чтобы никому не говорили о Нем. | 30. И ӧлӧдіс найӧс, медым некодлы эз висьтавлыны Сы йылысь. | 30 Исус найӧс ӧлӧдіс сы йылысь йӧзлы висьтавлӧмысь. | Исус ӧлӧдіс найӧс, мед эз висьтавны Сы йылысь мукӧдлы. |
| 31 И начал учить их, что Сыну Человеческому много должно пострадать, быть отвержену старейшинами, первосвященниками и книжниками, и быть убиту, и в третий день воскреснуть. | 31. И пондіс велӧдны найӧс, мый Морт Пилы уна ковмас страдайтны, лоны вӧтлӧма ыджыдалысьясӧн, первосвященникъясӧн и книжникъясӧн и лоны виӧма и коймӧд луннас ловзьыны. | 31 Исус пондіс велӧдны велӧдчысьяссӧ, мый Мортлӧн Пилы уна сьӧкыд ковмас нуны, сійӧс шыбитасны пӧрысьяс, аркирейяс да Ен гижӧд велӧдысьяс. Сійӧс виасны, но куим лун мысти сійӧ ловзяс. | Исус пондіс висьтавны велӧдчысьясыслы: «Морт Пилы уна сьӧкыд ковмас нуны. Пӧрысьяс, аркирейяс да Индӧдӧ велӧдысьяс пондасны вӧтлыны да виасны Сійӧс, но коймӧд луннас Сійӧ ловзяс». |
| 32 И говорил о сем открыто. | 32. И та йылысь сёрнитіс восьсӧн. | 32 Та йылысь сійӧ сёрнитіс веськыда. | Та йылысь Исус сёрнитіс восьсӧн. |
| Но Петр, отозвав Его, начал прекословить Ему. | Но Петыр, Сійӧс бокӧ нуӧдӧмӧн, пондіс паныд кывъяс шуавны Сылы. | Сэки Петыр нуӧдіс сійӧс бокӧ да пондіс шуавны сылы паныд. | Сійӧс бокӧ корӧмӧн Петыр паныд шуасьны пондіс. |
| 33 Он же, обратившись и взглянув на учеников Своих, воспретил Петру, сказав: отойди от Меня, сатана, потому что ты думаешь не о том, что Божие, но что человеческое. | 33. Иисус, бергӧдчылӧмӧн видзӧдліс Аслас велӧдчысьяс вылӧ и, Петырӧс ӧлӧдӧмӧн, шуис: вешйы Ме дінысь, сатана, сы понда мый тэ мӧвпалан он сы йылысь, мый Енлӧн, но мый мортъяслӧн. | 33 Бергӧдчылігас Исус аддзыліс велӧдчысьяссӧ да чорыда вомаліс Петырӧс: «Вешйы син водзысь, сӧтана, тэнад мӧвпъясыд мортлӧн, абу Енлӧн». | Велӧдчысьяслань бергӧдчӧмӧн Исус чорыда вомаліс Петырӧс: «Вешйы Ме дінысь, сӧтана! Тэнад мӧвпъясыд мортсянь, абу Енсянь». |
| 34 И, подозвав народ с учениками Своими, сказал им: | 34. И корис йӧзсӧ Аслас велӧдчысьяскӧд и шуис налы: | 34 Исус корис йӧзӧс да велӧдчысьяссӧ и шуис налы: | Исус чукӧстіс йӧзсӧ да велӧдчысьяссӧ да шуис налы: |
| кто хочет идти за Мною, отвергнись себя, и возьми крест свой, и следуй за Мною. | коді кӧсйӧ мунны Ме бӧрся, ӧткажитчы ачыд ассьыд и босьт кресттӧ ассьыд и лок Ме бӧрся; | «Коді кӧсйӧ локны ме бӧрся, мед вунӧдӧ асьсӧ, босьтӧ ассьыс крестсӧ да мунӧ мекӧд. | «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся. |
| 35 Ибо кто хочет душу свою сберечь, тот потеряет ее, а кто потеряет душу свою ради Меня и Евангелия, тот сбережет ее. | 35. Ӧд, коді кӧсйӧ видзны душасӧ ассьыс, сійӧ воштас сійӧс, а коді воштас душасӧ ассьыс Ме вӧсна и Евангелие вӧсна, сійӧ видзас сійӧс. | 35 Ӧд коді кӧсйӧ видзны ассьыс олӧмсӧ, воштӧ сійӧс, а коді воштӧ ассьыс олӧмсӧ ме вӧсна да бур юӧр вӧсна, видзӧ сійӧс. | Коді кӧсйӧ видзны ассьыс олӧмсӧ, воштас сійӧс. Ме вӧсна да Евангелльӧ вӧсна олӧмсӧ воштысь видзас сійӧс. |
| 36 Ибо какая польза человеку, если он приобретет весь мир, а душе своей повредит? | 36. Ӧд кутшӧм бур ваяс мортлы, сійӧ кӧ босьтас став мирсӧ, а аслас душалы лёк вӧчас? | 36 Мый лоӧ мортыслы бурыс, сійӧ кӧ босьтас ставнас муюгыдсӧ да воштас ассьыс олӧмсӧ? | Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? |
| 37 Или какой выкуп даст человек за душу свою? | 37. Или кутшӧм дон сетас морт ассьыс душасӧ ньӧбӧм вылӧ? | 37 Мый вермас морт сетны ассьыс олӧмсӧ бӧр ньӧбӧм могысь? | Вермас-ӧ бӧр ньӧбны ассьыс олӧмсӧ? |
| 38 Ибо кто постыдится Меня и Моих слов в роде сем прелюбодейном и грешном, того постыдится и Сын Человеческий, когда приидет в славе Отца Своего со святыми Ангелами. | 38. Сы вӧсна мый, коді яндысяс Меысь и Менам кывъясысь тайӧ вериттӧм и грешнӧй чужан рӧдас, сыысь яндысяс и Мортлӧн Пи, кор локтас Аслас Бать бур славанас святӧй Ангелъяскӧд. | 38 Коді яндысьӧ меысь да менам кывъясысь тайӧ лэдзчысьӧм да грека чужанвуж пӧвстын, сыысь яндысяс и Мортлӧн Пи, кор локтас Батьыслӧн дзирдалӧмӧн вежа анделъяскӧд». | Коді тайӧ мыжа да пежас ылалӧм йӧз пӧвстын яндысяс Меысь да Менам кывъясысь, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн». |
| Глава 9 | ГЛАВА 9 | 9 юр | 9. |
| 1 И сказал им: истинно говорю вам: есть некоторые из стоящих здесь, которые не вкусят смерти, как уже увидят Царствие Божие, пришедшее в силе. | 1. И шуис налы: веськыда висьтала тіянлы: эмӧсь кодсюрӧ тані сулалысьяс пӧвстысь, кодъяс оз тӧдлыны кулӧмсӧ, кыдзи аддзасны нин Енлысь Царство, вынӧн локтысьӧс. | 1 Исус шуис налы: «Збыльысь висьтала тіянлы: тані сулалысьяс пӧвстын эмӧсь кодсюрӧяс, кодъяс кулӧм водзвыланыс аддзасны Енлысь вынӧн локтан ыджыдалӧмсӧ». | Исус шуис налы: «Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны Ен Юралӧмлысь вына локтӧмсӧ». |
| 2 И, по прошествии дней шести, взял Иисус Петра, Иакова и Иоанна, и возвел на гору высокую особо их одних, и преобразился перед ними. | 2. И квайт лун мысти Иисус босьтіс Петырӧс, Иаковӧс да Иоаннӧс и кыпӧдіс джуджыд гӧра вылӧ ӧтнанысӧ торйӧн, и вежсис на водзын. | 2 Квайт лун мысти мукӧдсьыс торйӧн Исус нуӧдіс Петырӧс, Яковӧс да Йоанӧс джуджыд керӧсӧ. Сэні сійӧ вежсьыліс на водзын, | Квайт лун мысти Исус босьтіс Аскӧдыс Петырӧс, Яковӧс, Иоанӧс да кайис накӧд джуджыд керӧсӧ. Велӧдчысьяс син водзын Исуслӧн мыгӧрыс вежсис, |
| 3 Одежды Его сделались блистающими, весьма белыми, как снег, как на земле белильщик не может выбелить. | 3. Сылӧн паськӧмыс лои югъялана зэв еджыд, кыдзи лым, кыдзи му вылын едждӧдчысь оз вермы едждӧдны. | 3 и сылӧн паськӧмыс лои дзирдалана, югъялана еджыд; татшӧм югыдасӧ му вылын оз вермы едждӧдны некод. | паськӧмыс лои лым кодь дзирдалана еджыд. Татшӧм еджыд дӧрасӧ му вылын он аддзы. |
| 4 И явился им Илия с Моисеем; и беседовали с Иисусом. | 4. И налы петкӧдчисны Илия Моисейкӧд и сёрнитісны Иисускӧд. | 4 Налы петкӧдчисны Исускӧд сёрнитысь Элия да Мӧсей. | Велӧдчысьяс аддзисны Илляӧс да Мӧисейӧс, найӧ сёрнитісны Исускӧд. |
| 5 При сем Петр сказал Иисусу: Равви! хорошо нам здесь быть; сделаем три кущи: Тебе одну, Моисею одну, и одну Илии. | 5. Сэки Петыр шуис Иисуслы: Велӧдысь, миянлы лӧсьыд лоны тані; вӧчам куим шалаш: Тэныд ӧтиӧс, Моисейлы ӧтиӧс, и ӧтиӧс Илиялы. | 5 Петыр шуис Исуслы: «Велӧдысь, миянлы лӧсьыд тані. Ми вӧчам куим чом: ӧтикӧс тэныд, ӧтикӧс Мӧсейлы да ӧтикӧс Элиялы». | Петыр шуис Исуслы: «Велӧдысьӧй, миянлы тані лӧсьыд, сувтӧдам куим чом: Тэныд, Мӧисейлы да Иллялы». |
| 6 Ибо не знал, что сказать; | 6. Ӧд эз тӧд, мый шунысӧ: | 6 Сійӧ эз тӧд, мый шуны, | Петыр ачыс эз гӧгӧрво, мый висьталіс, |
| потому что они были в страхе. | сы вӧсна мый найӧ вӧліны повзьӧмаӧсь. | найӧ вӧлі повзьӧмаӧсь да. | ӧд ставныс найӧ вӧлі ёна повзьӧмаӧсь. |
| 7 И явилось облако, осеняющее их, и из облака исшел глас, глаголющий: Сей есть Сын Мой возлюбленный; Его слушайте. | 7. И тыдовтчис кымӧр и вевттис найӧс, и кымӧрсяньыс кыліс гӧлӧс, шуаліс: Тайӧ — Менам муса Пи; кывзӧй Сылысь. | 7 Сэки тыдовтчис кымӧр да вевттис найӧс, и кымӧрсяньыс кыліс шы: «Тайӧ менам муса Пи. Кывзӧй сылысь». | Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй». |
| 8 И, внезапно посмотрев вокруг, никого более с собою не видели, кроме одного Иисуса. | 8. И виччысьтӧг, гӧгӧр видзӧдлӧмӧн, найӧ некодӧс аскӧдныс эз аддзыны, ӧтнассӧ Иисусӧс кындзи. | 8 Сійӧ жӧ здукӧ найӧ видзӧдлісны гӧгӧрбок, но эз нин некодӧс аддзыны, Исусысь кындзи. | Велӧдчысьяс видзӧдлісны гӧгӧрбок да аддзисны, мый накӧд сӧмын Исус. |
| 9 Когда же сходили они с горы, Он не велел никому рассказывать о том, что видели, доколе Сын Человеческий не воскреснет из мертвых. | 9. И кор найӧ вӧлі лэччӧны гӧра вывсьыс, Сійӧ эз тшӧкты некодлы висьтавлыны сы йылысь, мый аддзылісны, кытчӧдз Мортлӧн Пи оз ловзьы кулӧмысь. | 9 Кор найӧ вӧлі лэччӧны керӧсысь, Исус эз тшӧкты некодлы висьтавны аддзылӧмтор йывсьыс Морт Пилӧн кулӧмаясысь ловзьытӧдзыс. | Керӧсысь лэччиганыс Исус ӧлӧдіс велӧдчысьяссӧ, мед эз висьтавны аддзывлӧм йывсьыс Морт Пилӧн ловзьытӧдз. |
| 10 И они удержали это слово, спрашивая друг друга, что значит: воскреснуть из мертвых. | 10. И найӧ кутісны тайӧ кывсӧ, ӧта-мӧдныслысь юасьӧмӧн, мый лоӧ: кор Сійӧ ловзяс кулӧмысь. | 10 Найӧ босьтісны тӧд выланыс тайӧ кывъяссӧ, но юасисны ӧта-мӧдныслысь, кыдзи гӧгӧрвоны «кулӧмаясысь ловзьытӧдзсӧ». | Найӧ тӧд выланыс босьтісны тайӧ кывъяссӧ да ӧта-мӧдныслысь юасисны, кыдзи гӧгӧрвоны ловзьӧмсӧ. |
| 11 И спросили Его: как же книжники говорят, что Илии надлежит прийти прежде? | 11. И юалісны Сылысь: кыдзи нӧ книжникъяс шуӧны, мый Илиялы колӧ локны водзджык? | 11 Найӧ юалісны Исуслысь: «Мыйла Ен гижӧд велӧдысьяс шуӧны, Элиялы пӧ колӧ водзджык локны?» | Велӧдчысьяс юалісны Исуслысь: «Мыйла Индӧдӧ велӧдысьяс шуӧны, Иллялы пӧ колӧ водзджык локны?» |
| 12 Он сказал им в ответ: правда, Илия должен прийти прежде и устроить всё; | 12. Иисус воча кылӧн шуис налы: збыльысь, Илиялы колӧ водзджык локны и лӧсьӧдны ставсӧ; | 12 Сійӧ шуис налы: «Збыльысь, Элиялы колӧ водзджык локны да лӧсьӧдны ставсӧ. | Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. |
| и Сыну Человеческому, как написано о Нем, надлежит много пострадать и быть уничижену. | и Морт Пилы, кыдзи гижӧма Сы йылысь, ковмас уна страдайтны и увтыртӧм терпитны; | Но мыйла гижӧма Мортлӧн Пи йылысь, ковмас пӧ уна нуны сьӧкыдсӧ да лоны увтыртӧмаӧн? | А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн. |
| 13 Но говорю вам, что и Илия пришел, и поступили с ним, как хотели, как написано о нем. | 13. Но висьтала тіянлы, мый Илия локтіс нин, и сыкӧд вӧчисны, кыдзи кӧсйисны, кыдзи гижӧма сы йылысь. | 13 Висьтала тіянлы, мый Элия локтіс нин, и сылы вӧчисны, мый кӧсйисны, кыдзи гижӧма сы йылысь». | Висьтала тіянлы: Илля локтіс нин. Сыкӧд вӧчисны, мый кӧсйисны. Тадзи вӧлі водзвыв гижӧма сы йылысь». |
| 14 Придя к ученикам, увидел много народа около них и книжников, спорящих с ними. | 14. Кор локтіс велӧдчысьясыс дінӧ, аддзис уна йӧзӧс на дінысь и накӧд вензьысь книжникъясӧс. | 14 Кор локтісны мукӧд велӧдчысьыс дінӧ, на дінысь аддзисны уна йӧзӧс да Ен гижӧд велӧдысьясӧс, кодъяс вензисны накӧд. | Исус локтіс велӧдчысьяс дінӧ да аддзис на дінысь уна йӧзӧс да накӧд вензьысь Индӧдӧ велӧдысьясӧс. |
| 15 Тотчас, увидев Его, весь народ изумился, и, подбегая, приветствовали Его. | 15. Дзик пыр Иисусӧс аддзӧм бӧрын став йӧзыс чуймисны и, котӧрӧн локтіг, чолӧмалісны Сійӧс. | 15 Исусӧс аддзӧм мысти став йӧзыс чуймисны да котӧрӧн матыстчисны чолӧмавны сійӧс. | Исусӧс аддзӧм бӧрын став йӧзыс чуймисны да котӧрӧн матыстчисны чолӧмасьны Сыкӧд. |
| 16 Он спросил книжников: о чем спорите с ними? | 16. Иисус юаліс книжникъяслысь: мый йылысь вензянныд накӧд? | 16 Исус юаліс налысь: «Мый йылысь вензянныд?» | Исус юаліс Индӧдӧ велӧдысьяслысь: «Мый йылысь вензянныд?» |
| 17 Один из народа сказал в ответ: Учитель! я привел к Тебе сына моего, одержимого духом немым: | 17. Йӧз пытшсяньыс ӧти воча кылӧн шыасис: Велӧдысь, ме вайӧді Тэ дінӧ ассьым пиӧс, сійӧс кутӧма сёрниттӧм пеж лов: | 17 Йӧз пӧвстысь ӧти вочавидзис: «Велӧдысь, ме вайӧді тэ дінӧ ассьым пиӧс. Сы пытшкын эм сёрниттӧм пеж лов, | Йӧз пӧвстысь ӧти шуис: «Велӧдысьӧй, ме вайӧді Тэ дінӧ ассьым пиӧс. Сійӧ оз сёрнит, сы пытшкын пеж лов. |
| 18 где ни схватывает его, повергает его на землю, и он испускает пену, и скрежещет зубами своими, и цепенеет. | 18. Кӧні сӧмын топӧдас сійӧс, шыбитӧ сійӧс му вылӧ, и сійӧ лэдзӧ быг, и пиньяссӧ йирӧ, и турдӧ; | 18 коді топӧдӧ сійӧс да шыбитӧ муас. Пиӧй лэдзӧ быг, йирӧ ассьыс пиньсӧ да турдӧ. | Кор пеж лов топӧдӧ сійӧс, шыбитӧ муас. Сэки пиӧй пиньсӧ йирӧ, сійӧс йӧрсӧналӧ, да вомсьыс быг петӧ. |
| Говорил я ученикам Твоим, чтобы изгнали его, и они не могли. | ме висьтавлі Тэнад велӧдчысьяслы, медым вӧтлісны сійӧс, и найӧ эз вермыны. | Ме корлі тэнсьыд велӧдчысьястӧ вӧтлыны пеж ловсӧ, но найӧ эз вермыны». | Ме кори Тэнсьыд велӧдчысьястӧ вӧтлыны пеж ловсӧ, но найӧ эз вермыны». |
| 19 Отвечая ему, Иисус сказал: о, род неверный! доколе буду с вами? | 19. Иисус воча кылӧн шуис сылы: о, Вератӧм йӧз! кытчӧдз лоа тіянкӧд? | 19 Исус шуис налы: «Эскытӧм йӧз, дыр-ӧ колӧ овны меным тіянкӧд? | Исус шуис: «Эскытӧмъяс! Дыр-ӧ на Меным овнысӧ тіянкӧд? |
| доколе буду терпеть вас? | кытчӧдз понда терпитны тіянӧс? | Дыр-ӧ менам сьӧлӧмӧй лэптас тіянӧс? | Дыр-ӧ на Меным видзӧдны тіянӧс? |
| Приведите его ко Мне. | вайӧдӧй сійӧс Ме дінӧ. | Вайӧдӧй зонкасӧ ме дінӧ». | Вайӧдӧй Ме дінӧ зонкасӧ». |
| 20 И привели его к Нему. | 20. И вайӧдісны сійӧс Сы дінӧ. | 20 Сійӧс вайӧдісны Исус дінӧ. | Сійӧс вайӧдісны Исус дінӧ. |
| Как скоро бесноватый увидел Его, дух сотряс его; | Кыдзи сӧмын аддзис Иисусӧс, пеж лов сыркӧдіс сійӧс; | Исусӧс аддзан здукӧ пеж лов песовтіс зонкасӧ, | Исусӧс аддзӧм бӧрын пеж лов дзик пыр кутіс песлӧдлыны зонкасӧ. |
| он упал на землю и валялся, испуская пену. | сійӧ уси му вылӧ и туплясис, лэдзис быг вомсьыс. | коді усис муас, туплясис да вомсьыс лэдзис быг. | Сійӧ усис муас, пондіс туплясьны, вомсьыс кутіс быг петны. |
| 21 И спросил Иисус отца его: как давно это сделалось с ним? | 21. И юаліс Иисус сылӧн батьлысь: важӧн-ӧ тайӧ лои сыкӧд? | 21 Исус юаліс зонка батьлысь: «Дыр-ӧ нин тайӧ пиыдлӧн?» | Исус юаліс зонка батьлысь: «Важысянь-ӧ тайӧ пиыдлӧн?» |
| Он сказал: с детства; | Сійӧ шуис: ичӧтысянь; | Сійӧ вочавидзис: «Кагадырсяньыс. | Сійӧ вочавидзис: «Кагадырсяньыс. |
| 22 и многократно дух бросал его и в огонь и в воду, чтобы погубить его; | 22. И унаысь шыбитліс сійӧс и биӧ, и ваӧ, медым вины сійӧс; | 22 Унаысь нин пеж лов шыбитліс сійӧс биӧ да ваӧ, медым вины. | Унаысь сійӧс пеж лов биӧ-ваӧ шыбитліс, мед вины. |
| но, если что можешь, сжалься над нами и помоги нам. | но, верман кӧ мыйкӧ, жалит миянӧс и отсав миянлы. | Верман кӧ, отсав миянлы жаляддза». | Верман кӧ, отсав миянлы, ло бур сьӧлӧма». |
| 23 Иисус сказал ему: если сколько-нибудь можешь веровать, всё возможно верующему. | 23. Иисус шуис сылы: верман кӧ мыйкӧ мында веритны, ставсӧ позьӧ веритысьлы. | 23 «Верман кӧ!» — шуис сылы Исус. «Эскысьлы ставыс позяна». | Исус шуис сылы: «Эскан кӧ, эскысьлы ставыс вермана». |
| 24 И тотчас отец отрока воскликнул со слезами: верую, Господи! | 24. И дзик пыр зонмыслӧн батьыс синваӧн шыасис: верита, Господьӧй! | 24 Зонкаыслӧн батьыс дзик пыр горӧдіс: «Эска! | Зонкалӧн батьыс дзик пыр бӧрдӧмӧн горӧдіс: «Эска, Господьӧй! |
| помоги моему неверию. | Отсав менам вериттӧмлы. | Отсав меным, эскытӧмлы». | Отсав меным эскыны!» |
| 25 Иисус, видя, что сбегается народ, запретил духу нечистому, сказав ему: дух немой и глухой! Я повелеваю тебе, выйди из него и впредь не входи в него. | 25. Иисус, аддзиг, мый пондісны чукӧртчыны йӧз, ӧлӧдіс пеж ловлы, сылы шуӧмӧн: немӧй и пельтӧм пеж лов! Ме тшӧкта тэныд, пет сы пытшкысь и водзӧ эн пыр сы пытшкӧ. | 25 Кор Исус аддзис, мый котӧрӧн чукӧртчӧны йӧз, пеж ловлы ӧлӧдӧмӧн шуис: «Сёрниттӧм да пельтӧм пеж лов, ме тшӧкта тэныд: пет зонкаысь да водзӧ эн пыр сы пытшкӧ». | Исус аддзис: йӧзыс котӧрӧн чукӧртчӧны. Сэки ӧлӧдӧмӧн шуис пеж ловлы: «Кыв-вор кутысь, пельяс тупкысь пеж лов, тшӧкта тэныд: пет зонка пытшкысь да бӧрсӧ эн лысьт пырны сы пытшкӧ». |
| 26 И, вскрикнув и сильно сотрясши его, вышел; | 26. И ыджыд шыӧн горӧдӧмӧн и сійӧс ёна сыркӧдӧм бӧрын, пеж лов петіс; | 26 Пеж лов горӧдіс, некымынысь песовтліс зонкаӧс да петіс сы пытшкысь. | Пеж лов горӧдіс, песовтіс зонкасӧ да петіс сы пытшкысь. |
| и он сделался, как мертвый, так что многие говорили, что он умер. | и зонмыд лои кыдзи кулӧма кодь, сідз мый унаӧн шуисны, мый сійӧ кулі. | Зонкаыд лои шой кодь, унаӧн весиг сёрнитісны: «Сійӧ кулі». | Зонка куйліс шой кодь, унаӧн весиг шуисны, куліс пӧ. |
| 27 Но Иисус, взяв его за руку, поднял его; и он встал. | 27. Но Иисус босьтіс сійӧс киӧдыс, кыпӧдіс сійӧс, и сійӧ чеччис. | 27 Но Исус ки пӧлӧдыс кыпӧдіс сійӧс, да сійӧ чеччис. | Исус босьтіс зонкаӧс киӧдыс, и сійӧ чеччис. |
| 28 И как вошел Иисус в дом, ученики Его спрашивали Его наедине: почему мы не могли изгнать его? | 28. И кор Иисус пырис керкаӧ, велӧдчысьясыс Сылӧн юасисны Сылысь ас кежаныс: мыйла ми эгӧ вермӧй вӧтлыны сійӧс? | 28 Кор Исус пырис керкаӧ, велӧдчысьясыс ас кежаныс юалісны сылысь: «Мыйла ми эгӧ вермӧй вӧтлыны пеж ловсӧ?» | Керкаӧ пырӧм бӧрын велӧдчысьяс ас кежаныс юалісны Исуслысь: «Мыйла ми эгӧ вермӧй вӧтлыны пеж ловсӧ?» |
| 29 И сказал им: сей род не может выйти иначе, как от молитвы и поста. | 29. Иисус шуис налы, тайӧ рӧдсӧ нинӧмӧн он вермы вӧтлыны, кыдзи сӧмын кевмысьӧмӧн и видзалӧмӧн. | 29 Исус шуис налы: «Тайӧ сикассӧ нинӧмӧн он вермы вӧтлыны, кевмысьӧмысь ӧтдор». | Исус шуис налы: «Видзавтӧг да кевмысьтӧг татшӧм пеж ловъяссӧ вӧтлыны онӧ вермӧй». |
| 30 Выйдя оттуда, проходили через Галилею; | 30. Сэтысь петӧм бӧрын найӧ мунісны Галилея пыр; | 30 Сэтысь петӧм бӧрын найӧ мунісны Галилея пыр. | Сэтысь петӧм бӧрын найӧ мунісны Галилея пыр. |
| и Он не хотел, чтобы кто узнал. | и Сійӧ эз кӧсйы, медым кодкӧ тӧдіс. | Исус эз кӧсйы, медым кодкӧ та йылысь тӧдліс, | Исус эз кӧсйы, медым кодкӧ тӧдліс та йылысь. |
| 31 Ибо учил Своих учеников и говорил им, что Сын Человеческий предан будет в руки человеческие и убьют Его, и, по убиении, в третий день воскреснет. | 31. Сы вӧсна мый Сійӧ велӧдіс Ассьыс велӧдчысьяссӧ и висьтавліс налы, мый Мортлӧн Пи лоӧ сетӧма мортъяслӧн киясӧ, и виасны Сійӧс, и кулӧмысь коймӧд луннас ловзяс. | 31 ӧд сійӧ велӧдіс ассьыс велӧдчысьяссӧ. Сійӧ висьталіс налы: «Мортлысь Писӧ лоӧ сетӧма йӧз киӧ да найӧ виасны сійӧс. Сійӧ кулас, но куим лун мысти сійӧ ловзяс». | Сэні Сійӧ велӧдіс Ассьыс велӧдчысьяссӧ. Сійӧ шуис налы: «Морт Пиӧс сетасны йӧзлӧн киӧ. Сійӧс виасны, но коймӧд луннас Сійӧ ловзяс». |
| 32 Но они не разумели сих слов, а спросить Его боялись. | 32. Но найӧ эз гӧгӧрвоны тайӧ кывъяссӧ, а юавны Сылысь полісны. | 32 Велӧдчысьяс эз гӧгӧрвоны тайӧ шуӧмсӧ, но эз лысьтны сылысь юавнысӧ. | Велӧдчысьяс эз гӧгӧрвоны, мый йылысь Исус висьталӧ, а юавнысӧ полісны. |
| 33 Пришел в Капернаум; | 33. Локтіс Капернаумӧ; | 33 Воисны Капернаумӧ. | Исус воис Капернаумӧ. |
| и когда был в доме, спросил их: о чем дорогою вы рассуждали между собою? | и кор Сійӧ вӧлі керкаын, юаліс налысь: мый йылысь туй вывті локтігӧн ті ас костаныд сёрнитінныд? | Гортӧ пырӧм мысти Исус юаліс велӧдчысьясыслысь: «Мый йылысь ті сёрнитінныд локтігмозныд?» | Гортас пырӧм мысти Сійӧ юаліс велӧдчысьясыслысь: «Мый йылысь ті сёрнитінныд локтігмозныд?» |
| 34 Они молчали; потому что дорогою рассуждали между собою, кто больше. | 34. Найӧ чӧв олісны, сы вӧсна мый туй вывті локтігӧн найӧ сёрнитісны ас костаныс, коді ыджыдджык. | 34 Найӧ чӧв олісны, ӧд локтіганыс вензисны, коді на костын медыджыдыс. | Найӧ чӧв олісны. Локтіганыс найӧ вензисны, коді на пиысь ыджыдджыкыс. |
| 35 И, сев, призвал двенадцать и сказал им: кто хочет быть первым, будь из всех последним и всем слугою. | 35. И пуксьӧм бӧрын корис дас кыкнансӧ и шуис налы: коді кӧсйӧ лоны медводдзаӧн, ло став пытшсьыс медбӧръяӧн и быдӧнлы отсасьысьӧн. | 35 Исус пуксис, корис дас кыкнансӧ да шуис налы: «Коді кӧсйӧ лоны медводдзаӧн, мед лоас став пиас медбӧръяӧн да быдӧнлы кесъялысьӧн». | Исус пуксис, корис дас кыкнансӧ да шуис налы: «Коді кӧсйӧ лоны медводдзаӧн, мед лоас став пиас медбӧръяӧн да быдӧнлы кесъялысьӧн». |
| 36 И, взяв дитя, поставил его посреди них и, обняв его, сказал им: | 36. Босьтіс кагаӧс и сувтӧдіс сійӧс на шӧрӧ и, сійӧс кутлӧмӧн, шуис налы: | 36 Сійӧ босьтіс кагаӧс, сувтӧдіс сійӧс на шӧрӧ да сійӧс сывйыштӧмӧн шуис: | Сійӧ босьтіс кагаӧс, сувтӧдіс на шӧрӧ да сійӧс кутыштлӧмӧн шуис: |
| 37 кто примет одно из таких детей во имя Мое, тот принимает Меня; | 37. Коді примитас ӧтиӧс татшӧм челядьяс пӧвстысь Менам ним кузя, сійӧ Менӧ примитӧ, | 37 «Коді ме кузя татшӧм челядьысь сибӧдӧ ӧтикӧс, сійӧ сибӧдӧ менӧ. | «Коді Менам ним вӧсна сибӧдӧ ӧти татшӧм кагаӧс, сійӧ сибӧдӧ Менӧ. |
| а кто Меня примет, тот не Меня принимает, но Пославшего Меня. | а коді Менӧ примитӧ, сійӧ оз Менӧ примит, но Менӧ Мӧдӧдысьӧс. | А коді менӧ сибӧдӧ, сійӧ сибӧдӧ оз менӧ, а менӧ мӧдӧдысьӧс». | А Менӧ сибӧдысь сибӧдӧ Менӧ Мӧдӧдысьӧс, оз сӧмын Менӧ». |
| 38 При сем Иоанн сказал: Учитель! мы видели человека, который именем Твоим изгоняет бесов, а не ходит за нами; | 38. Сэки Иоанн шуис: Велӧдысь! Ми аддзылім мортӧс, коді Тэнад нимӧн вӧтлалӧ бесъясӧс, а оз ветлы миян бӧрся; | 38 Йоан шуис: «Велӧдысь, ми аддзылім мортӧс, коді тэнад нимӧн вӧтлаліс мутиясӧс. | Иоан шуис: «Велӧдысьӧй, ми аддзылім мортӧс, сійӧ Тэнад нимӧн пеж ловъясӧс вӧтлалӧ. |
| и запретили ему, потому что не ходит за нами. | и ӧлӧдім сылы, сы вӧсна мый оз ветлы миян бӧрся. | Ми сійӧс ӧлӧдім таысь, ӧд сійӧ абу миян пӧвстысь». | Ми ӧлӧдім сійӧс, ӧд сійӧ абу миян пӧвстысь». |
| 39 Иисус сказал: не запрещайте ему, ибо никто, сотворивший чудо именем Моим, не может вскоре злословить Меня. | 39. Иисус шуис: энӧ ӧлӧдӧй сійӧс; сы вӧсна мый некод, Менам нимӧн чудеса вӧчысь, оз вермы регыд кадӧн лёкӧдны Менӧ. | 39 Исус шуис: «Энӧ ӧлӧдӧй сійӧс. Некод, менам нимӧн вына вӧчӧмтор вӧчысь, оз вермы пыр жӧ лёкӧдны менӧ. | Исус шуис: «Энӧ ӧлӧдӧй сійӧс. Менам нимӧн кӧ шензьӧданаторсӧ вӧчӧ, сійӧ оз вермы пырысь-пыр омӧльтны Менӧ. |
| 40 Ибо кто не против вас, тот за вас. | 40. Ӧд коді абу тіянлы паныд, сійӧ тіянладор. | 40 Коді абу миянлы паныд, сійӧ миян дор. | Коді абу тіянлы паныд, сійӧ тіян дор. |
| 41 И кто напоит вас чашею воды во имя Мое, потому что вы Христовы, истинно говорю вам, не потеряет награды своей. | 41. И коді юкталас тіянӧс чашка ваӧн Менам ним кузя, сы вӧсна мый ті Христослӧн, веськыда висьтала тіянлы, оз вошты ассьыс наградасӧ. | 41 Коді юкталӧ тіянӧс ваӧн, сы вӧсна мый ті Кристослӧн, збыльысь висьтала тіянлы: сійӧ оз вошты ассьыс донсӧ». | Веськыда висьтала тіянлы: коді юкталас тіянӧс ваӧн, сы вӧсна мый ті Кристослӧн, сійӧ оз коль удждонтӧг». |
| 42 А кто соблазнит одного из малых сих, верующих в Меня, тому лучше было бы, если бы повесили ему жерновный камень на шею и бросили его в море. | 42. А коді ылӧдас ӧтиӧс тайӧ ичӧтъяс пӧвстысь, Меным веритысьясӧс, сылы бурджык эськӧ вӧлі, ӧшӧдісны кӧ сылы сьылі вылас мельнича изки и шыбитісны сійӧс мореӧ. | 42 «Коді грекӧ вӧйтӧ тайӧ челядь пиысь ӧтикӧс, меным эскысьӧс, сылы бурджык эськӧ лоӧ, ӧшӧдны кӧ сьыліас изки да шыбитны сійӧс саридзӧ. | «Коді ыштӧдас тайӧ ичӧтъясысь ӧтикӧс, Меным эскысьӧс, сылы бурджык лоӧ, сьыліас кӧ ыджыд изки ӧшӧдасны да шыбитасны саридзӧ. |
| 43 И если соблазняет тебя рука твоя, отсеки ее: лучше тебе увечному войти в жизнь, нежели с двумя руками идти в геенну, в огонь неугасимый, | 43. И тэнӧ кӧ ылӧдӧ тэнад киыд, керышт сійӧс: бурджык тэныд китӧг пырны олӧмӧ, кыкнан кинад адӧ мунӧм дорысь, куслытӧм биӧ, | 43 Тэнӧ кӧ грекӧ вӧйтӧ аслад киыд, керышт сійӧс. Тэныд бурджык олӧмас пырны ки пӧлӧн, кыкнан кинад адӧ, куслытӧм биӧ, мунӧм дорысь | Киыд кӧ ыштӧдӧ тэнӧ, керышт сійӧс. Бурджык пырны помтӧм олӧмӧ ки пӧлаӧн куслытӧм биӧ киаӧн веськалӧм дорысь. |
| 44 где червь их не умирает и огонь не угасает. | 44. кӧні номырыс налӧн оз кувлы, и биыс оз куслы. | (44, кӧні «налӧн номырыс оз кувлы да биыс оз куслы»). | Сэні “номырыс оз кувлы да биыс оз куслы”. |
| 45 И если нога твоя соблазняет тебя, отсеки ее: лучше тебе войти в жизнь хромому, нежели с двумя ногами быть ввержену в геенну, в огонь неугасимый, | 45. И тэнӧ кӧ ылӧдӧ тэнад кокыд, керышт сійӧс: бурджык тэныд чотысьӧн пырны олӧмӧ, кыкнан кокнад адӧ шыбитӧм дорысь, куслытӧм биӧ, | 45 Тэнӧ кӧ грекӧ вӧйтӧ аслад кокыд, керышт сійӧс. Тэныд бурджык олӧмас пырны кок пӧлӧн, кыкнан кокнад адӧ шыбитӧм дорысь | Кокыд кӧ ыштӧдӧ тэнӧ, керышт сійӧс. Бурджык пырны помтӧм олӧмӧ кок пӧлаӧн куслытӧм биӧ тэнӧ кокаӧн шыбитӧм дорысь. |
| 46 где червь их не умирает и огонь не угасает. | 46. кӧні номырыс налӧн оз кувлы и биыс оз куслы. | (46, кӧні «налӧн номырыс оз кувлы да биыс оз куслы»). | Сэні “номырыс оз кувлы да биыс оз куслы”. |
| 47 И если глаз твой соблазняет тебя, вырви его: лучше тебе с одним глазом войти в Царствие Божие, нежели с двумя глазами быть ввержену в геенну огненную, 48 где червь их не умирает и огонь не угасает. | 47. И тэнад кӧ синмыд ылӧдлӧ тэнӧ, перйы сійӧс: бурджык тэныд ӧти синмӧн пырны Енлӧн Царствоӧ, кыкнан синнад биа адӧ шыбитӧм дорысь, 48. кӧні номырыс налӧн оз кувлы и биыс оз куслы. | 47 Тэнӧ кӧ грекӧ вӧйтӧ аслад синмыд, перйы сійӧс. Тэныд бурджык Енлӧн ыджыдаланінӧ пырны син пӧлӧн, кыкнан синнад адӧ шыбитӧм дорысь, 48 кӧні «налӧн номырыс оз кувлы да биыс оз куслы». | Синмыд кӧ ыштӧдӧ тэнӧ, шыбит сійӧс. Бурджык пырны Енлӧн Юраланінӧ син пӧлаӧн куслытӧм биӧ тэнӧ синмаӧн шыбитӧм дорысь. Сэні “номырыс оз кувлы да биыс оз куслы”. |
| 49 Ибо всякий огнем осолится, и всякая жертва солью осолится. | 49. Ӧд быдӧнӧс лоӧ биӧн солалӧма, и быд жертва лоӧ солӧн солалӧма. | 49 Быдӧнӧс сӧстӧммӧдасны биӧн сідзи жӧ, кыдзи солалӧны висьӧс. | Быдӧнӧс сӧстӧммӧдасны биӧн да солаласны висьӧс моз. |
| 50 Соль - добрая вещь; | 50. Сов — буртор; | 50 Солыд — буртор, | Солыд — буртор. |
| но ежели соль не солона будет, чем вы ее поправите? | но солыс кӧ лоӧ дуб, сэки ті кыдзи сетанныд вынсӧ сылы? | но сійӧ кӧ лоӧ дуб, ті онӧ вӧчӧй сійӧс солаӧн. | Но солыс кӧ лоас дуб, кыдзи сійӧс бӧр соланас вӧчан? |
| Имейте в себе соль, и мир имейте между собою. | Кутӧй ас пытшканыд совсӧ, и лӧньӧсь лоӧй ас костаныд. | Мед лоас солыс ас пытшканыд да олӧй лӧня ас костаныд». | Тіян пытшкын мед пыр лоӧ солыс, лӧня олӧй ас костаныд». |
| Глава 10 | ГЛАВА 10 | 10 юр | 10. |
| 1 Отправившись оттуда, приходит в пределы Иудейские за Иорданскою стороною. | 1. Сэтысь мунӧм бӧрын локтӧ Иудеяса му вылӧ Иордан сайӧ. | 1 Сэтысь мунӧм бӧрын Исус воис Юдея муӧ да Йӧрдан ю сайӧ. | Сэтысь Исус муніс Йӧрдан ю мӧдлапӧлӧд Юдея муӧ. |
| Опять собирается к Нему народ, | Сы дінӧ бара чукӧртчӧны йӧз; | Сы дінӧ бара чукӧртчисны йӧз, | Сы дінӧ бара чукӧртчис уна йӧз. |
| и, по обычаю Своему, Он опять учил их. | и, кыдзи овлӧ Сылӧн, Сійӧ бара велӧдіс найӧс. | и сійӧ велӧдіс найӧс, кыдзи пыр вӧчліс. | Сійӧ велӧдіс найӧс, кыдзи пыр вӧчліс. |
| 2 Подошли фарисеи и спросили, искушая Его: позволительно ли разводиться мужу с женою? | 2. Матыстчисны фарисейяс и, Сійӧс дӧзмӧдӧм могысь, юалісны: позьӧ-ӧ торйӧдчыны верӧслы гӧтырысь? | 2 Матыстчисны фарисейяс да сылысь кывсӧ кыйӧм могысь юалісны: «Позьӧ-ӧ верӧслы торйӧдчыны гӧтырысь?» | Исус дінӧ матыстчисны фарисейяс да Сійӧс кыйӧм могысь юалісны: «Позьӧ-ӧ верӧслы юксьыны гӧтырыскӧд?» |
| 3 Он сказал им в ответ: что заповедал вам Моисей? | 3. Иисус воча кылӧн шуис налы: мый тшӧктіс тіянлы Моисей? | 3 Исус вочавидзис налы: «Мый тшӧктіс тіянлы Мӧсей?» | Исус воча шуис: «Мый тіянлы гижӧма Мӧисей?» |
| 4 Они сказали: Моисей позволил писать разводное письмо и разводиться. | 4. Найӧ висьталісны: Моисей лэдзис гижны торйӧдчана гижӧд и юксьыны. | 4 Найӧ висьталісны: «Мӧсей лэдзис вӧчны торйӧдчана гижӧд да эновтны гӧтырӧс». | Найӧ вочавидзисны: «Мӧисей лэдзис верӧслы эновтны гӧтырсӧ, сӧмын верӧсыслы колӧ вӧлі сетны гӧтырыслы торйӧдчан гижӧд». |
| 5 Иисус сказал им в ответ: по жестокосердию вашему он написал вам сию заповедь. | 5. Иисус воча кылӧн шуис налы: тіян чорыд сьӧлӧмъяс вӧсна Моисей гижис тіянлы тайӧ тшӧктӧмсӧ; | 5 Исус шуис налы: «Тайӧ тшӧктӧмсӧ Мӧсей гижис тіян чорыд сьӧлӧмъяс вӧсна. | Исус шуис налы: «Тіян чорыд сьӧлӧмныд вӧсна Мӧисей гижис тайӧ тшӧктӧмсӧ. |
| 6 В начале же создания, Бог мужчину и женщину сотворил их. | 6. А медводзын лӧсьӧдігӧн, Ен мужичӧйӧн и нывбабаӧн вӧчис найӧс. | 6 А му пуксьӧмсяньыс на «Ен вӧчис йӧзсӧ ай да энь уловӧн. | Му пуксьӧмсяньыс Ен вӧчис аймортӧс да аньӧс. |
| 7 Посему оставит человек отца своего и мать 8 и прилепится к жене своей, и будут два одною плотью; так что они уже не двое, но одна плоть. | 7. Та вӧсна морт кольӧ ассьыс батьсӧ и мамсӧ. 8. И йитчӧ аслас гӧтыр дінӧ, и лоӧны кыкыс ӧти телӧӧн, сідз мый найӧ абу нин кыкӧн, но ӧти телӧ. | 7 Та вӧсна морт эновтӧ ассьыс бать-мамсӧ да ӧтувтчӧ аслас гӧтыркӧд, 8 и кыкӧн лоӧны ӧти яйӧн». Тадзи найӧ абу нин кык, а ӧти. | “Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧны ӧти вир-яйӧн”. Сідзкӧ, найӧ абу нин кык, а ӧти вир-яй. |
| 9 Итак, что Бог сочетал, того человек да не разлучает. | 9. И сідз, мый Ен ӧтлааліс, сійӧс морт да оз торйӧд. | 9 Мортлы оз позь торйӧдны сійӧс, мый ӧтлааліс Ен». | Мый йитӧма Енмыс, морт мед оз торйӧд». |
| 10 В доме ученики Его опять спросили Его о том же. | 10. Керкаын Сылӧн велӧдчысьясыс бара юалісны сылысь та йылысь. | 10 Керкаын велӧдчысьясыс та йылысь бара юалісны сылысь. | Керкаӧ пырӧм бӧрын велӧдчысьяс та йылысь юалісны Исуслысь. |
| 11 Он сказал им: кто разведется с женою своею и женится на другой, тот прелюбодействует от нее; | 11. Сійӧ шуис налы: коді юксяс аслас гӧтырыскӧд и гӧтрасяс мӧд вылӧ, сійӧ гозйӧдчӧмсӧ торкӧ аслас гӧтырыскӧд; | 11 Исус шуис налы: «Коді юксьӧ аслас гӧтырсьыс да гӧтрасьӧ мӧд вылӧ, сійӧ торкӧ гозъякост олӧм да лоӧ мыжа таысь. | Исус шуис налы: «Верӧсыс кӧ эновтӧ гӧтырсӧ да гӧтрасьӧ мӧдкӧд, сійӧ гозъя олӧм пежалӧ. |
| 12 и если жена разведется с мужем своим и выйдет за другого, прелюбодействует. | 12. И гӧтырыс кӧ торйӧдчас аслас верӧскӧд и мунас мӧд сайӧ, гозйӧдчӧмсӧ торкӧ. | 12 И гӧтырыс кӧ торйӧдчӧ аслас верӧсысь да мунӧ мӧд сайӧ, сійӧ сідз жӧ лоӧ мыжа гозъякост торкӧмысь». | Гӧтырыс кӧ юксьӧ верӧсыскӧд да мунӧ мӧд сайӧ, сійӧ тшӧтш гозъя олӧм пежалӧ». |
| 13 Приносили к Нему детей, чтобы Он прикоснулся к ним; ученики же не допускали приносящих. | 13. Вайӧдлісны Сы дінӧ челядьӧс, медым Сійӧ инмӧдчыліс налы, а велӧдчысьясыс эз лэдзны вайысьяссӧ. | 13 Исус дінӧ вайӧдісны челядьӧс, медым сійӧ инмӧдчыліс на дінӧ. А велӧдчысьясыс вӧйписны вайӧдысьяссӧ. | Исус дінӧ вайӧдісны челядьӧс, медым Сійӧ инмӧдчыліс на дінӧ. Велӧдчысьяс шуасисны вайӧдысьяс вылӧ. |
| 14 Увидев то, Иисус вознегодовал и сказал им: пустите детей приходить ко Мне и не препятствуйте им, ибо таковых есть Царствие Божие. | 14. Кор Иисус аддзис тайӧ, скӧрпырысь шуис налы: лэдзӧй челядьсӧ локны Ме дінӧ и энӧ пыкӧй налы, сы вӧсна мый татшӧмъясыслӧн эм Енлӧн Царство. | 14 Тайӧс казялӧм мысти Исус чорыда шуис налы: «Лэдзӧй челядьӧс ме дінӧ, энӧ кутӧй найӧс ме дінӧ локтӧмысь. Татшӧмъясыслы лоӧ Енлӧн ыджыдаланін. | Исус казяліс тайӧс да чорыда шуис налы: «Лэдзӧй челядьсӧ локны Ме дінӧ. Энӧ кутӧй найӧс. Енлысь Юраланінсӧ ӧд на коддьӧмлы лӧсьӧдӧма. |
| 15 Истинно говорю вам: кто не примет Царствия Божия, как дитя, тот не войдет в него. | 15. Веськыда висьтала тіянлы: коді оз примит Енлысь Царство, кыдзи кага, сійӧ оз пыр сэтчӧ. | 15 Збыльысь висьтала тіянлы: коді кага моз оз сетчы Ен ыджыдалӧмлы, сійӧ оз веськав сэтчӧ». | Веськыда висьтала тіянлы: коді оз сибӧд Енлысь Юралӧмсӧ кага моз, сійӧ оз пыр Енлӧн Юраланінӧ». |
| 16 И, обняв их, возложил руки на них и благословил их. | 16. И найӧс кутлӧм бӧрын пуктыліс кияссӧ на вылӧ и бур сиис найӧс. | 16 Челядьӧс сывйыштӧм бӧрын Исус пуктыліс кисӧ на вылӧ да бурсиис налы. | Исус кутыштліс челядьӧс да кисӧ пуктылӧмӧн бурсиис найӧс. |
| 17 Когда выходил Он в путь, подбежал некто, пал пред Ним на колени и спросил Его: | 17. Кор Сійӧ вӧлі петӧ туйӧ, котӧрӧн кодкӧ матыстчис, уськӧдчис Сы водзӧ пидзӧсъясыс вылӧ и юаліс Сылысь: | 17 Кор Исус петіс туйӧ, кодкӧ котӧрӧн локтіс, пидзӧсчанясис сы водзӧ да юаліс: | Туйӧ петігас Исус дінӧ котӧрӧн локтіс ӧти морт да Исус водзӧ пидзӧс вылас сувтӧмӧн юаліс: |
| Учитель благий! что мне делать, чтобы наследовать жизнь вечную? | Бур Велӧдысь! мый меным вӧчны, медым воны помасьлытӧм олӧмӧ? | «Бур велӧдысь, мый меным колӧ вӧчны помасьлытӧм олӧмӧ веськалӧм могысь?» | «Бур Велӧдысьӧй, мый меным колӧ вӧчны, мед вичмис меным помтӧм олӧм?» |
| 18 Иисус сказал ему: что ты называешь Меня благим? | 18. Иисус шуис сылы: мый тэ шуан Менӧ Бурӧн? | 18 Исус шуис сылы: «Мыйла тэ шуан менӧ бурӧн? | Исус вочавидзис: «Мыйла тэ шуан Менӧ бурӧн? |
| Никто не благ, как только один Бог. | некод абу бур, ӧти Ен кындзи. | Енмысь кындзи некод абу бурыс. | Некод абу бурыс, сӧмын Енмыс бур. |
| 19 Знаешь заповеди: не прелюбодействуй, не убивай, не кради, не лжесвидетельствуй, не обижай, почитай отца твоего и мать. | 19. Тӧдан Енлысь тшӧктӧмъяссӧ: гозъя кост эн торк; эн ви, эн гусясь, ылӧдчанасӧ эн висьтавлы, эн ӧбӧдит, бурӧ пукты ассьыд батьтӧ и мамтӧ. | 19 Тӧдан Енлысь тшӧктӧмъяссӧ: эн ви, эн торк гозъякост олӧм, эн гусясь, эн пӧръясь, ылӧдӧмӧн эн мырддьы йӧзлысь эмбурсӧ, бурӧ пукты ассьыд бать-мамтӧ». | Тэ ӧд тӧдан тшӧктӧмъяссӧ: гозъя олӧмтӧ эн пежав, эн ви, эн гусясь, эн пӧръясь, эн мырддьы мукӧдлысь, пыдди пукты ассьыд бать-мамтӧ». |
| 20 Он же сказал Ему в ответ: Учитель! всё это сохранил я от юности моей. | 20. А сійӧ воча кылӧн шуис Сылы: Велӧдысь! ставсӧ тайӧ видзи ме аслам том кадсянь. | 20 Сійӧ шуис Исуслы: «Велӧдысь, том кадсяньӧй ме олі тайӧ тшӧктӧмъяс сертиыс». | Сійӧ шуис: «Велӧдысьӧй, том кадсянь ме ола тайӧ тшӧктӧмъяс сертиыс». |
| 21 Иисус, взглянув на него, полюбил его и сказал ему: одного тебе недостает: пойди, всё, что имеешь, продай и раздай нищим, и будешь иметь сокровище на небесах; | 21. Иисус сы вылӧ видзӧдлӧм бӧрын любитіс сійӧс и шуис сылы: ӧтитор тэныд оз тырмы: мун, ставсӧ, мый эм тэнад, вузавлы и сетав гӧльяслы, и тэнад озырлуныд лоӧ енэж вылын; | 21 Исус видзӧдліс сы вылӧ радейтӧмӧн да шуис: «Ӧтитор тэнад лои вӧчтӧм: мун да вузавлы ставсӧ, мый тэнад эм, и сьӧмтӧ сет гӧльяслы. Сэки тэнад озырлуныд лоӧ енэжын. | Исус видзӧдліс сы вылӧ мусапырысь да шуис: «Ӧтитор оз тырмы тэныд: мун, вузав ставсӧ, мый тэнад эм, да сьӧмсӧ сет гӧльяслы. Сэки тэныд енэжын озырлуныс вичмас. |
| и приходи, последуй за Мною, взяв крест. | и лок, вӧтчы Ме бӧрся, кресттӧ босьтӧмӧн. | Сэсся лок ме бӧрся». | Сэсся босьт кресттӧ да лок Ме бӧрся». |
| 22 Он же, смутившись от сего слова, отошел с печалью, потому что у него было большое имение. | 22. А сійӧ жугыльтчис тайӧ кывъясысь и муніс шогӧн, сы вӧсна мый сылӧн вӧлі ыджыд озырлун. | 22 Тайӧ кывъясыс шӧйӧвоштісны мортӧс, и сійӧ жугыля муніс, озырлуныс вӧлі уна да. | Исуслӧн кывъясыс шӧйӧвоштісны морттӧ. Сійӧ жугыля муніс, ӧд сылӧн озырлуныс вӧлі уна. |
| 23 И, посмотрев вокруг, Иисус говорит ученикам Своим: как трудно имеющим богатство войти в Царствие Божие! | 23. И гӧгӧр видзӧдлӧм бӧрын Иисус шуис Аслас велӧдчысьяслы: кутшӧм сьӧкыд озырлы пырны Енлӧн Царствоӧ! | 23 Исус видзӧдліс гӧгӧр да шуис велӧдчысьясыслы: «Кутшӧм сьӧкыд озыръяслы веськавны Енлӧн ыджыдаланінӧ!» | Исус видзӧдліс велӧдчысьясыс вылӧ да шуис налы: «Кутшӧм сьӧкыд озырлы пырны Енлӧн Юраланінӧ!» |
| 24 Ученики ужаснулись от слов Его. | 24. Велӧдчысьясыс чуймисны Сылӧн кывъясысь. | 24 Велӧдчысьясыс чуймисны сылӧн кывъясысь. | Велӧдчысьяс чуймисны Сылӧн кывъясысь. |
| Но Иисус опять говорит им в ответ: дети! как трудно надеющимся на богатство войти в Царствие Божие! | Но Иисус выльысь висьталіс налы: челядь! кутшӧм сьӧкыд озырлун вылӧ надейтчысьяслы пырны Енлӧн Царствоӧ! | Но Исус выльысь висьталіс налы: «Челядь, кутшӧм сьӧкыд веськавны Енлӧн ыджыдаланінӧ! | Исус выльысь шуис: «Челядь, кутшӧм сьӧкыд пырны Енлӧн Юраланінӧ сылы, коді озырлун вылӧ лачаӧн олӧ! |
| 25 Удобнее верблюду пройти сквозь игольные уши, нежели богатому войти в Царствие Божие. | 25. Верблюдлы кокньыдджык мунны ем пыс пыр, озырлы Енлӧн Царствоӧ пырӧм дорысь. | 25 Кокньыдджык верблюдлы мунны ем пыс пыр, озырлы Енлӧн ыджыдаланінӧ веськалӧм серти». | Озырлы Енлӧн Юраланінӧ пырӧм дорысь верблюдлы кокньыдджык пырны ем пысӧд». |
| 26 Они же чрезвычайно изумлялись и говорили между собою: кто же может спастись? | 26. А найӧ зэв ёна шензисны и сёрнитісны ас костаныс: коді нӧ вермас спаситчыны? | 26 Найӧ нӧшта на ёнджыка шензисны да юасисны мӧда-мӧдыслысь: «Коді нӧ вермас мездмынысӧ?» | Велӧдчысьяс ёнджыка на чуймисны, юасисны ӧта-мӧдныслысь: «Коді нӧ вермас мездмынысӧ?» |
| 27 Иисус, воззрев на них, говорит: человекам это невозможно, но не Богу, ибо всё возможно Богу. | 27. Иисус, на вылӧ видзӧдлӧмӧн, шуис: мортъяслы тайӧ вермытӧмтор, но абу Енлы, ӧд Енлы быдтор вермана. | 27 Исус на вылӧ видзӧдлӧмӧн шуис: «Йӧзлы тайӧ вермытӧмтор, но абу Енлы. Ен быдтор вермӧ». | На вылӧ видзӧдлӧмӧн Исус шуис: «Мортлы тайӧ вермытӧмтор, но абу Енлы. Енмыслы ставыс вермана». |
| 28 И начал Петр говорить Ему: вот, мы оставили всё и последовали за Тобою. | 28. Петыр пондіс шуавны Сылы: Со ми колим ставсӧ и вӧтчим Тэ бӧрся. | 28 Петыр кутіс висьтавлыны Исуслы: «Ми эновтім ставсӧ да локтім тэ бӧрся». | Петыр шуис Исуслы: «Ми ставсӧ эновтім да мунім Тэ бӧрся». |
| 29 Иисус сказал в ответ: истинно говорю вам: нет никого, кто оставил бы дом, или братьев, или сестер, или отца, или мать, или жену, или детей, или земли, ради Меня и Евангелия, 30 и не получил бы ныне, во время сие, среди гонений, во сто крат более домов, и братьев, и сестер, и отцов, и матерей, и детей, и земель, а в веке грядущем жизни вечной. | 29. Иисус шуис воча кыв: веськыда висьтала тіянлы: некод абу, коді колис эськӧ керкасӧ, или вокъяссӧ, или чойяссӧ, или батьсӧ, или мамсӧ, или гӧтырсӧ, или челядьсӧ, или мусӧ, Ме вӧсна и Евангелие вӧсна, 30. и эз босьт эськӧ ӧні, тайӧ нэмас на, вӧтлӧмъяс дырйи, сё пӧвстӧн унджык керкаяс, и вокъяс, и чойяс, и батьяс, и мамъяс, и челядьӧс, и муяс, а локтана нэмас помасьлытӧм олӧм; | 29 Исус шуис: «Збыльысь висьтала тіянлы: быдӧн, коді эновтіс гортсӧ, вокъяссӧ, чойяссӧ, мамсӧ, батьсӧ, челядьсӧ либӧ муяссӧ ме вӧсна да бур юӧр вӧсна, 30 босьтӧ ӧнія кадас, тіянӧс вӧтлігӧн, сё пӧвстӧн унджык керкаяс, вокъяс, чойяс, мамъяс, челядь да муяс, а локтана нэмас помасьлытӧм олӧм. | Исус шуис: «Веськыда висьтала тіянлы: коді Ме вӧсна да Евангелльӧ вӧсна коляс керкасӧ, чой-воксӧ, бать-мамсӧ, гӧтырсӧ, ныв-писӧ, видз-мусӧ, сылы тайӧ олӧмас на вӧтлӧмъяс дырйи керкаыс, чой-вокыс, мамыс, ныв-пиыс да видз-муыс сё пӧвстӧн бӧр воас, нӧшта локтан нэмас сылы помтӧм олӧм вичмас. |
| 31 Многие же будут первые последними, и последние первыми. | 31. Унаӧн жӧ воддзаясыс лоӧны бӧръяясӧн, а бӧръяясыс воддзаясӧн. | 31 Но воддзаясысь унаӧн лоӧны бӧръяясӧн, а бӧръяясысь — воддзаясӧн». | Воддзаясысь унаӧн лоӧны бӧръяӧн, бӧръяясысь — воддзаӧн». |
| 32 Когда были они на пути, восходя в Иерусалим, Иисус шел впереди их, а они ужасались и, следуя за Ним, были в страхе. | 32. Кор найӧ вӧліны туй вылынӧсь, Иерусалимӧ кайигӧн, Иисус муніс на водзвылын, а найӧ вӧлі чуймӧмны и, Сы бӧрся мунігӧн, вӧлі полӧны. | 32 Кор найӧ кайисны Ерусалимӧ, Исус муніс водзвыланыс. Велӧдчысьясыс шензисны, да сы бӧрся мунысь йӧзыс вӧлі полӧны. | Ерусалимӧ кайигӧн Исус муніс водзвыланыс. Велӧдчысьяс шензисны, а мукӧдыслӧн, Исус бӧрся мунысьяслӧн, вӧлі полӧм. |
| Подозвав двенадцать, Он опять начал им говорить о том, что будет с Ним: | Дас кыкнансӧ корӧм бӧрын Сійӧ бара пондіс налы висьтавлыны сы йылысь, мый лоӧ Сыкӧд: | Дас кыкнансӧ ас дінас корӧм бӧрын Исус пондіс висьтавлыны налы сы йылысь, мый сійӧс виччысьӧ водзын: | Исус корис Ас дінас дас кык велӧдчысьсӧ да пондіс висьтавны, мый Сійӧс виччысьӧ: |
| 33 вот, мы восходим в Иерусалим, и Сын Человеческий предан будет первосвященникам и книжникам, и осудят Его на смерть, и предадут Его язычникам, 34 и поругаются над Ним, и будут бить Его, и оплюют Его, и убьют Его; | 33. Со, ми каям Иерусалимӧ, и Мортлӧн Пи лоӧ сетӧма первосвященникъяслы и книжникъяслы, и судитасны Сійӧс виӧм вылӧ, и сетасны Сійӧс ловъя Ен тӧдтӧмъяслы; 34. и тешитчасны Сы вылын, и пондасны нӧйтны Сійӧс, и сьӧлаласны Сійӧс, и виасны Сійӧс; | 33 «Со ми каям Ерусалимӧ. Мортлысь Писӧ лоӧ сетӧма аркирейяслы да Ен гижӧд велӧдысьяслы, кодъяс мыждасны сійӧс виӧм вылӧ да сетасны сійӧс бокӧвӧйяслы. 34 Найӧ тешитчасны сы вылын, сьӧлаласны сы вылӧ, нӧйтасны сійӧс да виасны. | «Ӧні ми мунам Ерусалимӧ. Сэні Морт Пиӧс сетасны аркирейяслы да Индӧдӧ велӧдысьяслы. Найӧ шуасны вины Сійӧс, сетасны ентӧдтӧмъяс киӧ. Найӧ сераласны Сійӧс, сьӧлаласны да чорыда нӧйтасны, сэсся виасны. |
| и в третий день воскреснет. | и коймӧд луннас ловзяс. | Но куим лун мысти сійӧ ловзяс». | Но коймӧд луннас Сійӧ ловзяс». |
| 35 Тогда подошли к Нему сыновья Зеведеевы Иаков и Иоанн и сказали: Учитель! мы желаем, чтобы Ты сделал нам, о чем попросим. | 35. Сэки Сы дінӧ локтісны Иаков да Иоанн, Зеведеевлӧн пияныс и шуисны: Велӧдысь! Ми кӧсъям, медым Тэ вӧчин миянлы, мый йылысь корам. | 35 Исус дінӧ матыстчисны Зебедейлӧн Яков да Йоан пияныс да шуисны: «Велӧдысь! Вӧч миянлы сійӧс, мый корам». | Исус дінӧ матыстчисны Зеведейлӧн Яков да Иоан пияныс. Найӧ шуисны: «Велӧдысь, миян эм корӧм Тэ дінӧ». |
| 36 Он сказал им: что хотите, чтобы Я сделал вам? | 36. Сійӧ шуис налы: мый кӧсъянныд, медым Ме вӧчи тіянлы? | 36 Исус юаліс налысь: «Кутшӧм вӧчӧмтор ті месянь виччысянныд?» | Исус юаліс: «Мый ті кӧсъянныд?» |
| 37 Они сказали Ему: дай нам сесть у Тебя, одному по правую сторону, а другому по левую в славе Твоей. | 37. Найӧ шуисны Сылы: сет миянлы пуксьыны Тэ дінӧ, ӧтинымлы веськыдладорад, а мӧднымлы шуйгаладорад, Тэнад славаын. | 37 Найӧ шуисны сылы: «Лэдз миянӧс пукавны тэ дінын, ӧтинымлы веськыдладорад, а мӧднымлы шуйгаладорад, тэнад ыджыдаланінын». | Найӧ вочавидзисны: «Пуксьӧд миянӧс Аскӧдыд Юраланінад, ӧтинымӧс веськыдладорад, мӧднымӧс шуйгаладорад». |
| 38 Но Иисус сказал им: не знаете, чего просите. Можете ли пить чашу, которую Я пью, и креститься крещением, которым Я крещусь? | 38. Но Иисус шуис налы: онӧ тӧдӧй, мый коранныд, верманныд-ӧ юны чашасӧ, кодӧс Ме юа, и пыртчыны пыртчӧмнас, кодӧн Ме пыртча? | 38 Но Исус налы шуис: «Онӧ тӧдӧй, мый коранныд. Верманныд-ӧ юны дозйысь, кодысь ме юа, да пыртчыны, кыдзи ме пыртча?» | Исус шуис налы: «Онӧ тӧдӧй, мый коранныд. Верманныд-ӧ юны Менсьым чашасӧ да Менам пыртчӧмӧн пыртчыны?» |
| 39 Они отвечали: можем. | 39. Найӧ шуӧны Сылы: вермам. | 39 Найӧ вочавидзисны: «Вермам». | Найӧ вочавидзисны: «Вермам». |
| Иисус же сказал им: чашу, которую Я пью, будете пить, и крещением, которым Я крещусь, будете креститься; | Иисус шуис налы: чашасӧ, кодӧс Ме юа, понданныд юны и пыртчӧмнас, кодӧн Ме пыртча, понданныд пыртчыны; | Но Исус шуис налы: «Дозйысь, кодысь ме юа, юанныд, да кыдзи ме пыртча, пыртчанныд. | Исус шуис: «Менсьым чашасӧ понданныд юны да Менам пыртчӧмӧн понданныд пыртчыны. |
| 40 а дать сесть у Меня по правую сторону и по левую - не от Меня зависит, но кому уготовано. | 40. А сетны пуксьыны Менам веськыдладорӧ и шуйгаладорӧ — абу Месянь, но кодлы лӧсьӧдӧма. | 40 А лэдзны пукавны менам веськыдладорын да шуйгаладорын ме ог вермы. Тайӧ пукаланінъясыс лоӧны налӧн, кодъяслы лӧсьӧдӧма». | Но мед пуксьӧдны веськыдладорам да шуйгаладорам — тайӧ абу Ме сайын. Сэтчӧ пуксясны найӧ, кодлы лӧсьӧдӧма». |
| 41 И, услышав, десять начали негодовать на Иакова и Иоанна. | 41. И кор тайӧс кылісны, дасыс шуасисны Иаков да Иоанн вылӧ. | 41 Кор тайӧс кылісны мукӧд дасыс, сэки найӧ дӧзмисны Яков да Йоан вылӧ. | Яковлӧн да Иоанлӧн сёрниыс дӧзмӧдіс мукӧд дас велӧдчысьсӧ. |
| 42 Иисус же, подозвав их, сказал им: вы знаете, что почитающиеся князьями народов господствуют над ними, и вельможи их властвуют ими. | 42. Иисус жӧ найӧс корӧм бӧрын шуис налы: ті тӧданныд, мый найӧ, кодъяс лыддьысьӧны князьясӧн йӧз вылын, ыджыдалӧны на вылын, и налӧн чиновникъяс петкӧдлӧны на вылын ассьыныс власть; | 42 Велӧдчысьяссӧ корӧм бӧрын Исус шуис налы: «Ті тӧданныд, мый йӧзӧн веськӧдлысьяс — йӧзлӧн ыджыдалысьяс, да вынаяс кутӧны йӧзӧс асланыс кабыр улын. | Исус корис велӧдчысьяссӧ да шуис: «Ті тӧданныд, мый юралысьяс ыджыдалӧны йӧз вылын, да веськӧдлысьяс кипод улас кутӧны йӧзӧс. |
| 43 Но между вами да не будет так: а кто хочет быть большим между вами, да будет вам слугою; 44 и кто хочет быть первым между вами, да будет всем рабом. | 43. Но тіян костын мед эз ло сідзи, а коді кӧсйӧ лоны ыджыдӧн тіян пӧвстын, мед лоӧ тіянлы отсасьысьӧн; 44. И коді кӧсйӧ лоны медводдзаӧн тіян пӧвстын, мед лоӧ быдӧнлы рабӧн; | 43 Но тіян костын оз вермы лоны сідзи. А коді кӧсйӧ лоны тіян пӧвстын ыджыдӧн, сылы колӧ лоны тіянлы кесъялысьӧн, 44 и коді кӧсйӧ лоны тіян пӧвстын медводдзаӧн, сылы колӧ лоны быдӧнлы верӧн. | Но ті тадзи энӧ вӧчӧй. Кӧсъян кӧ ыджыдӧ пуксьыны — кесъяв, кӧсъян кӧ юралысьӧ пуксьыны — ло кесйӧг туйын. |
| 45 Ибо и Сын Человеческий не для того пришел, чтобы Ему служили, но чтобы послужить и отдать душу Свою для искупления многих. | 45. Ӧд Мортлӧн Пи эз лок сы вылӧ медым Сылы служитісны, но медым лоны и сетны олӧмсӧ Ассьыс унаӧс ньӧбӧм вылӧ. | 45 Ӧд Мортлӧн Пи эз лок сы могысь, медым сылы кесъялісны, сійӧ локтіс кесъявны да сетны ассьыс олӧмсӧ став йӧзӧс мездан дон пыдди». | Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ унаӧс ньӧбӧм могысь». |
| 46 Приходят в Иерихон. | 46. Воисны Иерихонӧ. | 46 Воисны Ерико карӧ. | Исус велӧдчысьясыскӧд воис Ерикон карӧ. |
| И когда выходил Он из Иерихона с учениками Своими и множеством народа, Вартимей, сын Тимеев, слепой сидел у дороги, прося милостыни. | И кор Иисус вӧлі петӧ Иерихонысь Аслас велӧдчысьяскӧд и уна йӧзкӧд, туй дорас пукаліс синтӧм Вартимей, Тимейлӧн пи, корис милӧсьтинаяс. | Кор Исус аслас велӧдчысьяскӧд да уна йӧзкӧд вӧлі петӧ карысь, туй бокас пукаліс синтӧм корысь Бартимей, Тимейлӧн пи. | Карысь петіганыс накӧд вӧлі уна йӧз. Туй дорас пукаліс синтӧм корысь Вартимей, Тимейлӧн пиыс. |
| 47 Услышав, что это Иисус Назорей, он начал кричать и говорить: Иисус, Сын Давидов! | 47. Кор кыліс, мый тайӧ Иисус Назорей, сійӧ пондіс горзыны и шуавны: Иисус, Давидлӧн Пи! | 47 Кор сійӧ кыліс, мый тайӧ назаретса Исус, сійӧ пондіс горзыны: «Давидлӧн Пи, Исус, | Сійӧ кыліс, Назаретса Исус пӧ локтӧ, да пондіс горӧдны: «Исус, Давид Пи! |
| помилуй меня. | ло милӧсьта ме дінӧ. | бурсьӧлӧмтчы ме дінӧ!» | Ло бур сьӧлӧма ме дінӧ!» |
| 48 Многие заставляли его молчать; но он еще более стал кричать: Сын Давидов! помилуй меня. | 48. Унаӧн йӧзыс тшӧктісны ланьтны сылы, но Сійӧ ёнджыка на пондіс горзыны: Давидлӧн Пи! ло милӧсьта ме дінӧ. | 48 Унаӧн тшӧктісны ланьтны сылы, но сійӧ зільджыка на горзіс: «Давидлӧн Пи, бурсьӧлӧмтчы ме дінӧ!» | Унаӧн ӧлӧдісны сійӧс горзӧмсьыс, но сійӧ ёнджыка на пондіс горзыны: «Давид Пи, ло бур сьӧлӧма!» |
| 49 Иисус остановился и велел его позвать. | 49. Иисус сувтіс и тшӧктіс сійӧс корны. | 49 Исус сувтіс да шуис: «Корӧй сійӧс». | Исус сувтіс да шуис: «Корӧй сійӧс». |
| Зовут слепого и говорят ему: не бойся, вставай, зовет тебя. | Корӧны синтӧмсӧ и шуӧны сылы: эн пов, чеччы, корӧ тэнӧ. | Корисны синтӧмсӧ да шуисны сылы: «Лӧнь! Чеччы, сійӧ корӧ тэнӧ». | Синтӧмӧс корисны, шуисны сылы: «Эн пов, чеччы. Исус корӧ тэнӧ». |
| 50 Он сбросил с себя верхнюю одежду, встал и пришел к Иисусу. | 50. Сійӧ шыбитіс ассьыс вылыс паськӧмсӧ, чеччис и локтіс Иисус дінӧ. | 50 Сійӧ шыбитіс ассьыс вылыс паськӧмсӧ, чеччыштіс кок йылас да локтіс Исус дінӧ. | Сійӧ шыбитіс ассьыс вылыс паськӧмсӧ, чеччис да локтіс Исус дінӧ. |
| 51 Отвечая ему, Иисус спросил: чего ты хочешь от Меня? | 51. Иисус шыасис и юаліс сылысь: мый тэ кӧсъян Месянь? | 51 Исус юаліс: «Менсьым кутшӧм вӧчӧмтор тэ виччысян?» | Исус юаліс: «Мый тэ кӧсъян?» |
| Слепой сказал Ему: Учитель! чтобы мне прозреть. | Синтӧм шуис Сылы: Велӧдысь! медым ме понді аддзыны. | Синтӧм вочавидзис сылы: «Велӧдысьӧй, отсав меным аддзыны». | Синтӧм вочавидзис: «Велӧдысьӧй, кӧсъя аддзыны». |
| 52 Иисус сказал ему: иди, вера твоя спасла тебя. | 52. Иисус шуис сылы: мун, тэнад вераыд спаситіс тэнӧ. | 52 Исус шуис сылы: «Мун, эскӧмыд мездіс тэнӧ». | Исус шуис: «Мун, эскӧмыд мездіс тэнӧ». |
| И он тотчас прозрел и пошел за Иисусом по дороге. | И сійӧ дзик пыр пондіс аддзыны и муніс Иисус бӧрся туй кузяыс. | Морт дзик пыр кутіс аддзыны да мӧдӧдчис Исус бӧрся. | Синтӧм дзик пыр кутіс аддзыны да муніс Исус бӧрся. |
| Глава 11 | ГЛАВА 11 | 11 юр | 11 |
| 1 Когда приблизились к Иерусалиму, к Виффагии и Вифании, к горе Елеонской, Иисус посылает двух из учеников Своих 2 и говорит им: пойдите в селение, которое прямо перед вами; | 1. Кор матыстчисны Иерусалим дорӧ, Виффагияӧ и Вифанияӧ, Елеон гӧра дорӧ, Иисус мӧдӧдӧ кыкӧс Аслас велӧдчысьяс пӧвстысь 2. и шуӧ налы: мунӧй сиктас, коді тіян весьтын; | 1 Кор матыстчисны Ерусалим дорса Бетфаге да Бетания сиктъяслань, кодъяс сулалісны Олив керӧс бокын, Исус мӧдӧдіс велӧдчысьяс пиысь кыкӧс 2 да шуис налы: «Мунӧй сиктас, коді тіян весьтын. | Ерусалимлань матыстчигӧн Исус велӧдчысьясыскӧд воис Олив керӧсын сулалысь Виффагия да Вифания сиктъяс дорӧ. Ассьыс кык велӧдчысьсӧ мӧдӧдігӧн Исус шуис: «Мунӧй тайӧ сиктас. |
| входя в него, тотчас найдете привязанного молодого осла, на которого никто из людей не садился; | сэтчӧ пырӧм бӧрын дзик пыр аддзанныд домалӧм том осёлӧс, код вылӧ некод на эз пуксьыв йӧз пытшкысь; | Сэтысь ті дзик пыр аддзанныд домалӧм осёл чаньӧс, код вылын некод на эз пукав; | Сэтчӧ пыриганыд аддзанныд домалӧм том осёлӧс, сы вылӧ некод на эз пуксьыв. |
| отвязав его, приведите. | сійӧс разьӧй и вайӧдӧй; | домӧдсӧ сылысь разьӧй да вайӧдӧй. | Разьӧй сійӧс да вайӧдӧй татчӧ. |
| 3 И если кто скажет вам: что вы это делаете? - отвечайте, что он надобен Господу; и тотчас пошлет его сюда. | 3. И кодкӧ кӧ шуас тіянлы: «мый ті тайӧ вӧчанныд?», висьталӧй, мый сійӧ колӧ Господьлы; и дзик пыр мӧдӧдас сійӧс татчӧ. | 3 А юалас кӧ кодкӧ: «Мыйла ті тайӧс вӧчанныд?" — вочавидзӧй, мый сійӧ колӧ Мезӧслы, и дзик пыр бӧр мӧдӧдас чаньсӧ татчӧ». | Юаласны кӧ, мыйла тайӧс вӧчанныд, вочавидзӧй, мый сійӧ колӧ Господьлы, и дзик пыр мӧдӧдасны осёлсӧ татчӧ». |
| 4 Они пошли, и нашли молодого осла, привязанного у ворот на улице, и отвязали его. | 4. Найӧ мунісны и аддзисны том осёлӧс, домалӧма забор ортсыас, и разисны сійӧс. | 4 Найӧ мунісны, аддзисны дзиръя ортсыас домалӧм чаньӧс да разисны домӧдсӧ. | Мӧдӧдӧмаяс мунісны, аддзисны дзиръя дорӧ домалӧм том осёлӧс да разисны сійӧс. |
| 5 И некоторые из стоявших там говорили им: что делаете? | 5. Сэні сулалысьяс пытшкысь кодсюрӧ шуисны налы: мый вӧчанныд? | 5 Кодсюрӧ сэні сулалысьясысь юалісны налысь: «Мый вӧчанныд? | Кодсюрӧ сэні сулалысьяс пиысь юалісны: «Мый вӧчанныд? |
| зачем отвязываете осленка? | мыйла разянныд осёлписӧ? | Мыйла ті нуӧданныд чаньсӧ?» | Мыйла разянныд осёлсӧ?» |
| 6 Они отвечали им, как повелел Иисус; | 6. Велӧдчысьяс висьталісны налы, кыдзи тшӧктіс Иисус; | 6 Найӧ вочавидзисны, кыдзи тшӧктіс Исус, | Велӧдчысьяс вочавидзисны, кыдзи Исус тшӧктіс. |
| и те отпустили их. | и найӧ лэдзисны велӧдчысьясӧс. | и некод эз кут чаньӧс нуӧдӧмысь. | Сэки лэдзисны босьтны осёлӧс. |
| 7 И привели осленка к Иисусу, и возложили на него одежды свои; | 7. И вайӧдісны осёлпиӧс Иисус дінӧ, и пукталісны сы вылӧ ассьыныс паськӧмъяс; | 7 Чаньӧс вайӧдісны Исус дінӧ, тэчисны сы вылӧ ассьыныс паськӧмнысӧ, | Том осёлӧс вайӧдісны Исус дінӧ. Шлапкисны осёл вылӧ паськӧмнысӧ, |
| Иисус сел на него. | Иисус пуксис сы вылӧ. | и Исус пуксис вылысас. | сэсся Исус пуксис сы вылӧ. |
| 8 Многие же постилали одежды свои по дороге; а другие резали ветви с дерев и постилали по дороге. | 8. И унаӧн вольсавлісны туй кузяыс ассьыныс паськӧмнысӧ, а мукӧдъяс вундалісны пуясысь росъяс и вольсавлісны туй кузяыс. | 8 Унаӧн йӧз пиысь вольсалісны туй вылас ассьыныс паськӧмнысӧ, а мукӧдъяс вундалісны коръя пу чальяс да вольсалісны туй кузяыс. | Унаӧн вольсавлісны ассьыныс паськӧмнысӧ туй вылас, мукӧдыс чегъялісны туй бокысь пу вожъяс да тшӧтш пукталісны туй вылас. |
| 9 И предшествовавшие и сопровождавшие восклицали: осанна! | 9. И водзвылас мунысьяс и бӧрсяньыс вӧтчысьяс горзісны: осанна! | 9 Водзвылас мунысьяс да бӧрсяньыс локтысьяс горзісны: — Осанна! | Водзас да бӧрас мунысьяс горзісны: — <arc>Осанна</arc>! |
| благословен Грядущий во имя Господне! | благословитӧма Господь ним кузя Локтысьӧс! | Мед Мезӧс нимӧн локтысь лоас бурсиӧма! | Бурсиӧма Господь нимӧн Локтысьӧс! |
| 10 благословенно грядущее во имя Господа царство отца нашего Давида! | 10. Благословитӧма Господь ним кузя локтысь царство миян Давид батьлӧн! | 10 Мед миян Давид батьлӧн воысь ыджыдалӧм лоас бурсиӧма! | Бурсиӧма Господь нимӧн миян Давид батьлысь локтан юралӧмсӧ! |
| осанна в вышних! | осанна вылысянь! | Ошкӧм Енлы енэжын! | Ошкӧм Медвылыссалы! |
| 11 И вошел Иисус в Иерусалим и в храм; | 11. И пырис Иисус Иерусалимӧ и храмас; | 11 Исус воис Ерусалимӧ, пырис вежа керкаӧ | Ерусалимӧ воӧм мысти Исус пырис крамӧ. |
| и, осмотрев всё, как время уже было позднее, вышел в Вифанию с двенадцатью. | и ставсӧ видзӧдӧм бӧрын, кыдзи кадыс вӧлі сёр нин, петіс Вифанияӧ дас кыкыскӧд. | да видзӧдаліс сэтысь ставсӧ. Но кадыс вӧлі сёр нин, и дас кыкнан велӧдчысьясыскӧд сійӧ муніс Бетанияӧ. | Ставсӧ видзӧдалӧм бӧрын сёр рытнас муніс дас кыкнан велӧдчысьыскӧд Вифанияӧ. |
| 12 На другой день, когда они вышли из Вифании, Он взалкал; | 12. Мӧд луннас, кор найӧ петісны Вифанияысь, Сійӧ кӧсйис сёйны; | 12 Мӧд луннас, кор найӧ мунісны Бетанияысь, Исуслӧн кутіс сюмавны кынӧмыс. | Мӧд луннас Вифанияысь мунігас Исуслӧн кынӧмыс пондіс сюмавны. |
| 13 и, увидев издалека смоковницу, покрытую листьями, пошел, не найдет ли чего на ней; | 13. И ылысянь аддзис смоква пу, вевттьысьӧма коръясӧн, муніс, оз-ӧ мыйкӧ сюр сы вылысь; | 13 Ылысянь сійӧ аддзис коръя инжир пу да матыстчис сы дінӧ видзӧдлыны, оз-ӧ сюр мыйкӧ сэтысь сёянтор. | Ылысянь Сійӧ аддзис коръя инжир пу да муніс видзӧдлыны, оз-ӧ сюр сэтысь тусьтор. |
| но, придя к ней, ничего не нашел, кроме листьев, ибо еще не время было собирания смокв. | но, кор воис сы дінӧ, нинӧм эз сюр, коръясысь кындзи, сы вӧсна мый эз на вӧв вотӧсъяссӧ чукӧртан кадыс. | Но кор воис пу дінас, коръяссьыс ӧтдор нинӧм эз аддзы, вотӧсыс абу на вӧлі воӧма да. | Матыстчис пу дінас да аддзис сӧмын коръяссӧ, ӧд эз на во тусь гӧрддзасян кадыс. |
| 14 И сказал ей Иисус: отныне да не вкушает никто от тебя плода вовек! | 14. Иисус шуис смоква пуыслы: ӧнісянь да оз сёй некод вотӧссӧ тэнсьыд некор. | 14 Сэки Исус шуис пуыслы: «Ӧнісянь некод мед некор оз сёй тэнсьыд вотӧстӧ». | Исус шуис пуыслы: «Ӧнісянь оз пондыны сёйны тэнсьыд вотӧстӧ». |
| И слышали то ученики Его. | И тайӧс кывлісны велӧдчысьясыс Сылӧн. | Велӧдчысьясыс кылісны тайӧс. | Велӧдчысьясыс кывлісны тайӧс. |
| 15 Пришли в Иерусалим. | 15. Воисны Иерусалимӧ. | 15 Локтісны Ерусалимӧ. | Сэсся найӧ локтісны Ерусалимӧ. |
| Иисус, войдя в храм, начал выгонять продающих и покупающих в храме; | Иисус храмас пырӧм бӧрын пондіс вӧтлавны вузасьысьясӧс и ньӧбасьысьясӧс храмсьыс; | Вежа керкаӧ пырӧм бӧрын Исус кутіс вӧтлавны сэтысь вузасьысьясӧс да ньӧбасьысьясӧс. | Крамӧ пырӧм бӧрын Исус пондіс вӧтлавны сэтысь вузасьысь-ньӧбасьысьясӧс. |
| и столы меновщиков и скамьи продающих голубей опрокинул; | и пызанъяс деньга вежлалысьяслысь и лабичьяс гулюӧн вузасьысьяслысь пӧрӧдіс; | Сійӧ пӧрӧдаліс сьӧм вежлалысьяслысь пызанъяссӧ да гулюӧн вузасьысьяслысь лабичьяссӧ | Пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ, |
| 16 и не позволял, чтобы кто пронес через храм какую-либо вещь. | 16. и эз лэдз храм пырыс нуны нинӧмтор. | 16 и эз лэдз некодӧс вежа керка пырыс мунны нопйӧн. | эз лэдз крам пырыс нуны нинӧмтор. |
| 17 И учил их, говоря: не написано ли: дом Мой домом молитвы наречется для всех народов? | 17. И велӧдіс найӧс, шуалӧмӧн: абу-ӧ гижӧма: «Менам керка шусяс кевмысян керкаӧн став йӧзлы вылӧ»? | 17 Сійӧ велӧдіс найӧс да шуис: «Абу-ӧ гижӧма: «Менам керка быд кывъя йӧзлӧн кевмысян керкаӧн шусьӧ»? | Сійӧ велӧдіс найӧс шуалӧмӧн: «Абу-ӧ гижӧма, мый “Менам керкаӧй быд кыла войтырлы кевмысян керка лоӧ”? |
| а вы сделали его вертепом разбойников. | А ті вӧчинныд сійӧс рӧзбойникъяслы дзебсянінӧн. | А ті вӧчинныд сійӧс йӧз эмбур мырддялысьяслы дзебсянінӧн». | А ті сыысь вӧчинныд лёк вӧчысьяслы дзебсянін». |
| 18 Услышали это книжники и первосвященники, и искали, как бы погубить Его, ибо боялись Его, потому что весь народ удивлялся учению Его. | 18. Тайӧс кылісны книжникъяс и первосвященникъяс и корсисны, кыдзи эськӧ вины Сійӧс, но полісны Сыысь, сы вӧсна мый став йӧзыс шензисны Сылӧн велӧдӧм вылӧ. | 18 Кор тайӧс кылісны аркирейяс да Ен гижӧд велӧдысьяс, мӧвпалісны, кыдзи эськӧ бырӧдны Исусӧс. Найӧ полісны сыысь, став йӧзыс шензисны сылӧн велӧдӧм вылӧ да. | Аркирейяс Индӧдӧ велӧдысьяскӧд кывлісны тайӧс да кутісны мӧвпавны, кыдзи эськӧ вины Исусӧс. Найӧ полісны Сыысь, ӧд став йӧзыс шензисны Сылӧн велӧдӧмысь. |
| 19 Когда же стало поздно, Он вышел вон из города. | 19. Кор нин лои рыт, Сійӧ петіс карсьыс ортсӧ. | 19 Рытнас Исус да велӧдчысьяс петісны карсьыс. | Рытнас Исус петіс карсьыс. |
| 20 Поутру, проходя мимо, увидели, что смоковница засохла до корня. | 20. Асывнас мунігӧн найӧ аддзисны, мый смоква пуыс косьмӧма вужйӧдзыс. | 20 Асывводзнас инжир пу дінті мунігӧн аддзисны сійӧс вужйӧдзыс косьмӧмаӧн. | Асывводзнас инжир пу дінті мунігӧн аддзисны: сійӧ вужйӧдзыс косьмӧма. |
| 21 И, вспомнив, Петр говорит Ему: Равви! посмотри, смоковница, которую Ты проклял, засохла. | 21. И, дум вылас усьӧмӧн, Петыр шуис Сылы: Велӧдысь! видзӧдлы, смоква пуыс, кодӧс Тэ ёрин, косьмӧма. | 21 Петырлы уси тӧд вылас, мый вӧлі войдӧр, да сійӧ шуис Исуслы: «Велӧдысь, видзӧдлы! Инжир пуыс, кодӧс тэ ёрин, косьмӧма». | Петырлы тӧд вылас уси Исуслӧн шуӧмыс. Сійӧ шуис Исуслы: «Велӧдысьӧй, видзӧдлы! Инжир пуыд, кодӧс Тэ ёрин, косьмӧма». |
| 22 Иисус, отвечая, говорит им: 23 имейте веру Божию, ибо истинно говорю вам, если кто скажет горе сей: поднимись и ввергнись в море, и не усомнится в сердце своем, но поверит, что сбудется по словам его, - будет ему, что ни скажет. | 22. Иисус воча кылӧн шуис налы: 23. Енлы веритӧй. Ӧд веськыда висьтала тіянлы: кодкӧ кӧ шуас тайӧ гӧраыслы: «кыпӧдчы и шыбитчы мореас», и оз кӧ верасӧ вошты аслас сьӧлӧмысь, но веритас, мый сідзи лоӧ, мый сійӧ корӧ, — лоӧ сылы. | 22 Исус шуис налы: «Эскӧй Енлы. 23 Збыльысь висьтала тіянлы: Шуас кӧ кодкӧ тайӧ керӧсыслы: «Кыпӧдчы да шыбитчы саридзас!", лоӧ сідзи, сійӧ кӧ оз майшась аслас сьӧлӧмӧн, а эскӧ, мый лоӧ сідзи, кыдзи шуӧ. | Исус шуис налы: «Эскӧй Енлы. Веськыда висьтала тіянлы: шуас кӧ кодкӧ тайӧ керӧсыслы: “Кыпӧдчы да шыбитчы саридзас”, лоӧ тадзи. Сӧмын мед став сьӧлӧмнас майшасьтӧг эскас, мый шуӧмыс инас. |
| 24 Потому говорю вам: всё, чего ни будете просить в молитве, верьте, что получите, - и будет вам. | 24. Та вӧсна висьтала тіянлы: ставсӧ, мый сӧмын понданныд корны кевмысиганыд, веритӧй, мый лоӧ сетӧма, — и лоӧ тіянлы. | 24 Та вӧсна висьтала тіянлы: ставсӧ, мый сӧмын коранныд кевмысиганыд, эскӧй, мый Ен сетіс нин, и лоӧ тіян. | Та вӧсна висьтала тіянлы: мый коранныд кевмысигад, эскӧй, мый сійӧ лоӧ тіянлы, и лоӧ тадзи. |
| 25 И когда стоите на молитве, прощайте, если что имеете на кого, дабы и Отец ваш Небесный простил вам согрешения ваши. | 25. И кор кевмысянныд, прӧститӧй, эм кӧ мый код вылӧ кӧ, медым и тіян Енэжвыв Бать прӧститіс тіянлы грекъяснытӧ тіянлысь; | 25 Кор сулаланныд кевмысиганыд, лэдзӧй быдӧнлысь грекъяссӧ, коді мыжа тіян водзын, медым тіян енэжса Батьныд лэдзис тіянлысь грекъяснытӧ. | Кевмысьны сувтіганыд прӧститӧй тіян водзын мыжмӧмаӧс, медым енэжвыв Батьныд прӧститас тіянлысь мыжъястӧ. |
| 26 Если же не прощаете, то и Отец ваш Небесный не простит вам согрешений ваших. | 26. А онӧ кӧ прӧститӧй, сэки тіян Енэжвыв Бать оз прӧстит грекъяснытӧ тіянлысь. | (26 А онӧ кӧ лэдзӧй, сэки тіян енэжса Батьныд оз лэдз грекъяснытӧ)». | Онӧ кӧ прӧститӧй, сэки енэжвыв Батьныд тіянлысь мыжъястӧ оз прӧстит». |
| 27 Пришли опять в Иерусалим. | 27. Бара локтісны Иерусалимӧ. | 27 Бара локтісны Ерусалимӧ. | Найӧ бара локтісны Ерусалимӧ. |
| И когда Он ходил в храме, подошли к Нему первосвященники и книжники, и старейшины 28 и говорили Ему: какою властью Ты это делаешь? | И кор Сійӧ вӧлі храмын, матыстчисны Сы дінӧ первосвященникъяс и книжникъяс и юрнуӧдысьяс 28. и шуалісны Сылы: кутшӧм властьӧн Тэ вӧчан тайӧ? | Кор Исус ветлӧдліс вежа керкаӧд, сы дінӧ матыстчисны аркирейяс, Ен гижӧд велӧдысьяс да пӧрысьяс. 28 Найӧ юалісны сылысь: «Кутшӧм вынӧн тэ вӧчан ставсӧ тайӧс? | Кор Исус ветлӧдліс крамӧд, Сы дінӧ матыстчисны аркирейяс, Индӧдӧ велӧдысьяс да пӧрысьяс. Найӧ юалісны: «Кутшӧм вынӧн Тэ ставсӧ тайӧс вӧчан? |
| и кто Тебе дал власть делать это? | И коді сетіс властьсӧ Тэныд вӧчны тайӧс? | Коді тэнӧ лэдзис тайӧс вӧчнысӧ?» | Коді Тэнӧ пуктіс тайӧс вӧчнысӧ?» |
| 29 Иисус сказал им в ответ: спрошу и Я вас об одном, отвечайте Мне; тогда и Я скажу вам, какою властью это делаю. | 29. Иисус воча кылӧн шуис налы: юала и Ме тіянлысь ӧтитор йылысь, висьталӧй Меным, сэки и Ме висьтала тіянлы, кутшӧм властьӧн тайӧс вӧча; | 29 Исус шуис налы: «Ме юала тіянлысь ӧтитор, вочавидзӧй меным, сэки ме висьтала тіянлы, кутшӧм вынӧн вӧча тайӧс. | Исус воча шуис: «Ме тшӧтш тіянлысь ӧтитор юала. Вочавидзанныд кӧ, висьтала, кутшӧм вынӧн ставсӧ тайӧс вӧча. |
| 30 Крещение Иоанново с небес было, или от человеков? | 30. Иоаннлӧн пыртӧмыс енэжсянь вӧлі или мортъяссянь? | 30 Вӧлі-ӧ Йоанлӧн пыртӧмыс енэжсянь али йӧзсянь? | Иоанлӧн пыртӧмыс вӧлі Енсянь али мортсянь? |
| отвечайте Мне. | Вочавидзӧй Меным. | Вочавидзӧй меным». | Вочавидзӧй Меным». |
| 31 Они рассуждали между собою: если скажем: с небес, - то Он скажет: почему же вы не поверили ему? | 31. Найӧ ас костаныс сёрнитісны: шуам кӧ: «енэжсянь», сэки Сійӧ шуас: «мыйла ті энӧ веритӧй сылы?» | 31 Найӧ ас костаныс юксисны мӧвпъясӧн: «Шуам кӧ: «Енэжсянь", сэки сійӧ шуас: «А мыйла ті энӧ эскӧй сылы?" | Найӧ ас костаныс сёрнитісны: «Шуам кӧ: “Енсянь”, Сійӧ шуас: “Мыйла сылы энӧ эскӧй?” |
| 32 а сказать: от человеков - боялись народа, потому что все полагали, что Иоанн точно был пророк. | 32. А шуны: «мортъяссянь» — полісны йӧзсьыс; сы вӧсна мый быдӧн мӧвпалісны, мый Иоанн збыльысь вӧлі пророк. | 32 Шуны-ӧ: «Йӧзсянь»?» Но найӧ полісны йӧзсьыс, ӧд быдӧн эскис, мый Йоан збыльысь вӧлі Енсянь юӧртысь. | Шуам-ӧ: “Мортсянь”?» Но найӧ полісны йӧзсьыс, ӧд Иоанӧс ставныс збыльысь пуктісны пророкӧ. |
| 33 И сказали в ответ Иисусу: не знаем. | 33. И воча кылӧн шуисны Иисуслы: огӧ тӧдӧй. | 33 Найӧ вочавидзисны Исуслы: «Огӧ тӧдӧй». | Найӧ вочавидзисны: «Огӧ тӧдӧй». |
| Тогда Иисус сказал им в ответ: и Я не скажу вам, какою властью это делаю. | Сэки Иисус шуис налы: и Ме ог висьтав тіянлы, кутшӧм властьӧн тайӧс вӧча. | Сэки Исус шуис налы: «И ме ог висьтав тіянлы, коді лэдзӧ менӧ вӧчны ставсӧ тайӧс». | Сэки Исус шуис: «Сідзкӧ, Ме тшӧтш ог висьтав, кутшӧм вынӧн ставсӧ тайӧс вӧча». |
| Глава 12 | ГЛАВА 12 | 12 юр | 12 |
| 1 И начал говорить им притчами: некоторый человек насадил виноградник и обнес оградою, и выкопал точило, и построил башню, и, отдав его виноградарям, отлучился. | 1. И пондіс сёрнитны накӧд притчаясӧн: кутшӧмкӧ морт садитіс виноград сад и кытшовтӧдіс потшӧсӧн и кодйис виноград вийӧдан гу и сувтӧдіс башня, сетіс сійӧс виноград вӧдитысьяслы и муніс. | 1 Исус кутіс сёрнитны найӧс велӧдан висьтъясӧн: «Морт пуктіс виноград, град йӧрсӧ потшис, кодйис виноград пычкан гу да лэптіс джуджыд лэбув. Сэсся сетіс сійӧс кӧртымӧ виноград быдтысьяслы, а ачыс муніс. | Исус кутіс висьтавны налы велӧданвисьтъясӧн: «Морт пуктас аслас йӧрӧ виноград, гӧгӧрыс потшас, вотӧс ныранін кодъяс да джуджыд лэбув лэптас. Сэсся йӧрсӧ виноград быдтысьяслы кӧртымӧ сетас, ачыс мунас. |
| 2 И послал в свое время к виноградарям слугу - принять от виноградарей плодов из виноградника. | 2. И вотӧс чукӧртан кадӧ мӧдӧдіс отсасьысьӧс виноград садйӧ — босьтны вотӧссӧ виноград вӧдитысьяссянь; | 2 Вотӧс чукӧртан кадӧ мӧдӧдіс ассьыс версӧ виноград быдтысьяс дінӧ, медым босьтны воӧм вотӧслысь юкӧнсӧ. | Вотӧс чукӧртан кадӧ овмӧс кутысь мӧдӧдас кесйӧгсӧ босьтны вотӧсысь ассьыс пайсӧ. |
| 3 Они же, схватив его, били, и отослали ни с чем. | 3. Найӧ жӧ босьтісны сійӧс, нӧйтісны и мӧдӧдісны нинӧмтӧг. | 3 Но найӧ кутісны версӧ, нӧйтісны да мӧдӧдісны куш киӧн. | Виноград быдтысьяс кутасны кесйӧгсӧ, нӧйтасны да вӧтласны сійӧс куш киӧн. |
| 4 Опять послал к ним другого слугу; | 4. Бара мӧдӧдіс на дінӧ мӧд отсасьысьӧс; | 4 Бара мӧдӧдіс на дінӧ мӧд верӧс, | Овмӧс кутысь мӧд кесйӧгӧс мӧдӧдас. |
| и тому камнями разбили голову и отпустили его с бесчестьем. | и сылысь изъясӧн юрсӧ поткӧдлісны и лэдзисны сійӧс янӧдӧмӧн. | а найӧ кучкалісны сылы юрас да янӧдісны сійӧс. | Сійӧс вачкаласны изйӧн юрас, лёкысь сераласны сы вылын да вӧтласны. |
| 5 И опять иного послал: и того убили; | 5. И выльысь мукӧдӧс мӧдӧдіс: и сійӧс виисны; | 5 Морт мӧдӧдіс коймӧдӧс, и сійӧс виисны. | Мӧдӧдас коймӧдӧс, а сійӧс виасны. |
| и многих других то били, то убивали. | и уна мукӧдӧс — кодӧс нӧйтісны, кодӧс виисны. | Мӧдӧдіс уна мукӧдӧс — ӧтиясӧс нӧйтісны, мӧдъясӧс виисны. | Уна мукӧдӧс на мӧдӧдас, но ӧтиясӧс нӧйтасны, мӧдъясӧс виасны. |
| 6 Имея же еще одного сына, любезного ему, напоследок послал и его к ним, говоря: постыдятся сына моего. | 6. Нӧшта вӧлі сылӧн ӧти пи, кодӧс ёна любитіс, медбӧрти мӧдӧдіс и сійӧс на дінӧ, шуалӧмӧн: яндысясны менам пиысь. | 6 Ӧні сылӧн колис сӧмын ӧти, аслас муса пиыс. Медбӧрын мӧдӧдіс сійӧс виноград быдтысьяс дінӧ татшӧм мӧвпӧн: «Вежавидзасны менам пиысь». | Овмӧс кутысьлӧн нӧшта вӧлі ӧти, аслас муса пиыс. Медбӧрти виноград быдтысьяс дінӧ мӧдӧдас писӧ, мӧвпыштас: “Менам пиысь, гашкӧ, яндысясны”. |
| 7 Но виноградари сказали друг другу: это наследник; | 7. Но виноград вӧдитысьяс шуисны ӧта-мӧдныслы: тайӧ овмӧссӧ босьтысь; | 7 Но виноград быдтысьяс шуисны ӧта-мӧдныслы: «Тайӧ сійӧ мортыс, кодлы вуджас овмӧсыс. | Виноград быдтысьяс шуасны ӧта-мӧдныслы: “Тайӧ мортыслы вуджас овмӧсыс. |
| пойдем, убьем его, и наследство будет наше. | мунам, виам сійӧс, и овмӧсыс лоӧ миян. | Локтӧй, виамӧй сійӧс, и овмӧсыс кольӧ миянлы». | Мунам да виам сійӧс, медым овмӧсыс миянлы коляс”. |
| 8 И, схватив его, убили и выбросили вон из виноградника. | 8. И босьтісны сійӧс, виисны и шыбитісны виноград садсьыс ортсӧ. | 8 Найӧ кутісны сійӧс, виисны да шыбитісны шойсӧ йӧр сайӧ. | Найӧ кутасны сійӧс да виасны, шойсӧ виноград йӧр сайӧ шыбитасны. |
| 9 Что же сделает хозяин виноградника? - | 9. Мый нӧ вӧчас виноград садса кӧзяиныс? | 9 Мый нӧ вӧчас виноград йӧрса кӧзяиныс? | Мый вӧчас овмӧс кутысь? |
| Придет и предаст смерти виноградарей, и отдаст виноградник другим. | Локтас и сетас виӧм вылӧ виноград вӧдитысьясӧс, и виноград садсӧ сетас мӧдъяслы. | Локтас да тшӧктас вины виноград быдтысьясӧс, а град йӧрсӧ сетас мукӧдъяслы. | Сійӧ локтас, виноград быдтысьясӧс виас, а йӧрсӧ мукӧдлы сетас. |
| 10 Неужели вы не читали сего в Писании: камень, который отвергли строители, тот самый сделался главою угла; | 10. Ті ӧмӧй энӧ лыддьывлӧй тайӧ Гижӧдсьыс: «Из, кодӧс шыбитісны керка вӧчысьяс, сійӧ лои воддза пельӧс подулӧн: | 10 Энӧ ӧмӧй лыддьывлӧй тайӧс Гижӧдсьыс: — Из, кодӧс шыбитісны керка вӧчысьяс, лои керка пельӧс подув изйӧн. | Энӧ ӧмӧй Гижӧдсьыс лыддьылӧй тайӧс: — Изйыс, кодӧс шыбитісны керка лэптысьяс, лоис пельӧс изйӧн. |
| 11 это от Господа, и есть дивно в очах наших. | 11. Тайӧ — Господьсянь, и шензянатор миян синъяс водзын»? | 11 Тайӧ — Мезӧссянь, да чуймӧдӧ миянӧс». | Тайӧ Господьсянь да шензяна миян синъяслы». |
| 12 И старались схватить Его, но побоялись народа, ибо поняли, что о них сказал притчу; | 12. И зілисны босьтны Сійӧс, но полісны йӧзсьыс; ӧд гӧгӧрвоисны, мый Сійӧ висьталіс притчасӧ на йылысь; | 12 Найӧ кӧсйисны кутны Исусӧс, ӧд гӧгӧрвоисны, мый сійӧ висьталіс тайӧ велӧдан висьтсӧ на йылысь. | Найӧ гӧгӧрвоисны, мый велӧданвисьтыс вӧлі на йылысь. Кӧсйисны кутны Исусӧс, но полісны йӧзсьыс. |
| и, оставив Его, отошли. | и, Сы дінысь ылыстчӧмӧн, мунісны. | Но эновтісны сійӧс да мунісны, полісны йӧзсьыс да. | Сэки эновтісны Сійӧс да мунісны. |
| 13 И посылают к Нему некоторых из фарисеев и иродиан, чтобы уловить Его в слове. | 13. И мӧдӧдӧны Сы дінӧ ӧткымынӧс фарисейяс да Ирод дор сулалысьяс пӧвстысь, медым кыйны Сійӧс кывъясас. | 13 Ирӧд дор сулалысьяс да фарисейяс пӧвстысь кодсюрӧӧс мӧдӧдісны Исус дінӧ сылысь кывсӧ кыйӧм могысь. | Сэсся найӧ мӧдӧдісны Исус дінӧ Ирӧдлысь йӧзсӧ да фарисейяс пиысь кодсюрӧӧс, медым кыйны Исусӧс сёрниас. |
| 14 Они же, придя, говорят Ему: Учитель! мы знаем, что Ты справедлив и не заботишься об угождении кому-либо, ибо не смотришь ни на какое лице, но истинно пути Божию учишь. | 14. Найӧ локтісны и шуӧны Сылы: Велӧдысь! ми тӧдам, мый Тэ дзик веськыда вӧчан и он тӧждысь кодлыкӧ шогмӧм йылысь, сы вӧсна мый он видзӧд некод чужӧм вылӧ, но веськыда Енлӧн туйӧ велӧдан; | 14 Найӧ локтісны да шуисны сылы: «Велӧдысь, ми тӧдам, мый тэ веськыд морт и он видзӧд некод вылӧ. Тэ он торйӧд йӧзсӧ, а веськыда велӧдан Енлӧн туйӧ. | Найӧ локтісны да шуисны Сылы: «Велӧдысь, ми тӧдам, мый Тэ веськыда сёрнитан да он пов йӧзлӧн шуасьӧмысь. Тэ он видзӧд морт вылӧ, а веськыда велӧдан Енлӧн туйӧ. |
| Позволительно ли давать подать кесарю или нет? | позьӧ-ӧ сетны налогъяс кесарлы или оз? | Позьӧ али оз мынтыны кесарлы вот? | Висьтав, колӧ-ӧ кесарлы вот мынтыны?» |
| давать ли нам или не давать? | сетны-ӧ миянлы, или оз ков? | Колӧ-ӧ миянлы мынтыны?» | |
| 15 Но Он, зная их лицемерие, сказал им: что искушаете Меня? | 15. Иисус, налысь ылӧдӧмсӧ тӧдӧмӧн, шуис налы: мый ылӧданныд Менӧ? | 15 Но Исус тӧдіс, мый найӧ кык бана шаньгаяс, да шуис налы: «Мыйла кӧсъянныд кыйны менсьым кылӧс? | Исус тӧдіс, мый найӧ кык бана шаньгаяс, да шуис налы: «Мыйла ті зілянныд кыйны Менӧ? |
| принесите Мне динарий, чтобы Мне видеть его. | Вайӧй Меным динарийсӧ, медым аддзывны сійӧс. | Петкӧдлӧй меным динарсӧ». | Петкӧдлӧй Меным динартӧ». |
| 16 Они принесли. | 16. Найӧ вайисны. | 16 Найӧ вайисны. | Найӧ вайисны. |
| Тогда говорит им: чье это изображение и надпись? | Сэки шуӧ налы: кодлӧн тайӧ чужӧмыс и гижӧдыс? | Сійӧ юаліс: «Кодлӧн тані чужӧмыс да нимыс?» | Исус юаліс: «Кодлӧн тані чужӧмыс-нимыс?» |
| Они сказали Ему: кесаревы. | Найӧ шуисны Сылы: кесарлӧн. | Найӧ вочавидзисны сылы: «Кесарлӧн». | Найӧ вочавидзисны: «Кесарлӧн». |
| 17 Иисус сказал им в ответ: отдавайте кесарево кесарю, а Божие Богу. | 17. Иисус воча кылӧн шуис налы: кесарлысь сетӧй кесарлы, а Енлысь Енлы. | 17 Исус шуис налы: «Кесарлы сетӧй кесарлысь, а Енлы — Енлысь». | Исус шуис налы: «Кесарлысь сетӧй кесарлы, а Енлысь — Енлы». |
| И дивились Ему. | И шензисны Сы вылӧ. | Сійӧ шемӧсмӧдіс найӧс. | Исус шемӧсмӧдіс найӧс. |
| 18 Потом пришли к Нему саддукеи, которые говорят, что нет воскресения, и спросили Его, говоря: | 18. Сы бӧрти локтісны Сы дінӧ саддукейяс, кодъяс шуӧны, мый абу ловзьӧмыс, и пондісны юасьны сылысь: | 18 Локтісны Исус дінӧ саддукейяс, кодъяс эз эскыны ловзьӧмлы, да юалісны сылысь: | Исус дінӧ локтісны саддукейяс, кодъяс шуӧны, ловзьӧмыс пӧ абу. Найӧ юалісны Исуслысь: |
| 19 Учитель! Моисей написал нам: если у кого умрет брат и оставит жену, а детей не оставит, то брат его пусть возьмет жену его и восстановит семя брату своему. | 19. Велӧдысь! Моисей гижис миянлы: «кодлӧнкӧ кулӧ кӧ вокыс и кольӧ гӧтырыс, а челядьыс оз коль, сэки вокыс сылӧн мед босьтас гӧтырсӧ сылысь и лӧсьӧдас челядь аслас вокыслы». | 19 «Велӧдысь, Мӧсей гижис миянлы: «Кулӧ кӧ кодлӧнкӧ вокыс да кольӧ гӧтырыс, а челядь оз коль, сэки вокыслы колӧ босьтны сылысь гӧтырсӧ да лӧсьӧдны аслас вокыслы йылӧм». | «Велӧдысь, Мӧисей гижӧма, мый “ныв-питӧм морт кӧ кулас, вокыслы колӧ босьтны сылысь гӧтырсӧ да нюжӧдны аслас вокыслысь рӧдсӧ”. |
| 20 Было семь братьев: первый взял жену и, умирая, не оставил детей. | 20. Вӧліны сизим вок: медводдзаыс гӧтрасис и кулігас эз коль челядьсӧ; | 20 Вӧліны сизим вок: медводдзаыс гӧтрасис да кулігас эз коль йылӧмыс. | Сизим вок вӧлі. Ыджыдыс гӧтрасис, сэсся куліс, ныв-пиыс эз коль. |
| 21 Взял ее второй и умер, и он не оставил детей; | 21. Босьтіс сійӧс мӧдыс, и кулі, и сылӧн челядьыс эз коль; | 21 Босьтіс дӧвасӧ мӧдыс, куліс да эз коль йылӧмыс; | Гӧтырсӧ мӧд вокыс босьтіс, сійӧ тшӧтш ныв-питӧг куліс. |
| также и третий. | сідзи жӧ и коймӧдыс. | сідзи и коймӧдыс. | Сэсся коймӧдыс босьтіс. |
| 22 Брали ее за себя семеро и не оставили детей. | 22. Босьтлісны сійӧс сизимнанныс, и эз кольны челядьсӧ. | 22 Тадзи сизимнанныс эз кольны йылӧмсӧ. | Тадзи сизимнанныс гӧтрасисны да кулісны ныв-питӧг. |
| После всех умерла и жена. | Став бӧртиныс кулі и гӧтырыс. | Ставсьыс медбӧрын куліс гӧтырныс. | Медбӧрын аньыс куліс. |
| 23 Итак, в воскресении, когда воскреснут, которого из них будет она женою? | 23. И сідз ловзьӧм бӧраныс, кор лоӧ ловзьӧмыс, кодлӧн сійӧ лоӧ гӧтырӧн на пӧвстысь? | 23 Кор найӧ ловзясны, кодлӧн на пиысь сійӧ лоӧ гӧтырӧн? | Ловзьӧм бӧрас кодлы сійӧ гӧтырӧн лоас, |
| Ибо семеро имели ее женою. | Ӧд сизимнанныслӧн вӧлі сійӧ гӧтырӧн. | Ӧд сизимнанныслы сійӧ вӧлі гӧтыр». | ӧд сизим верӧс сылӧн вӧлі?» |
| 24 Иисус сказал им в ответ: этим ли приводитесь вы в заблуждение, не зная Писаний, ни силы Божией? | 24. Иисус воча кылӧн шуис налы: тайӧн ӧмӧй ті воинныд ылалӧмас, Енлысь вынсӧ и Гижӧдсӧ тӧдтӧмныдла? | 24 Исус шуис налы: «Ті ылаланныд, Гижӧдъяссӧ да Енлысь вынсӧ онӧ тӧдӧй да. | Исус вочавидзис: «Ті ылалӧмныд Гижӧдъяссӧ да Енлысь вынсӧ тӧдтӧмныдла. |
| 25 Ибо, когда из мертвых воскреснут, тогда не будут ни жениться, ни замуж выходить, но будут, как Ангелы на небесах. | 25. Ӧд кор кулӧмысь ловзясны, сэки оз кутны гӧтрасьны, и верӧс сайӧ оз мунны, но лоӧны, кыдзи Ангелъяс енэжъяс вылын. | 25 Кор ловзясны кулӧмаяс, оз гӧтрасьны да петны верӧс сайӧ, а олӧны енэжса анделъяс моз. | Ловзьӧмаяс оз гӧтрасьны да верӧс сайӧ оз мунны. Найӧ енэжвыв анделъяс кодьӧсь. |
| 26 А о мертвых, что они воскреснут, разве не читали вы в книге Моисея, как Бог при купине сказал ему: Я Бог Авраама, и Бог Исаака, и Бог Иакова? | 26. А кулӧмъяс йылысь, мый найӧ ловзясны, ті ӧмӧй энӧ лыддьывлӧй Моисей книгаысь, кыдзи Ен сылы висьталіс лежнӧг куст дорын: «Ме Ен Авраамлӧн, и Ен Исааклӧн, и Ен Иаковлӧн»? | 26 А казьтыштам кӧ кулӧмаясысь ловзьысьясӧс, энӧ ӧмӧй лыддьывлӧй Мӧсей небӧгысь сотчысь лежнӧг йылысь? Ен висьталіс Мӧсейлы: «Ме Абраамлӧн Ен, Исаклӧн Ен да Яковлӧн Ен». | Ловзьӧм йылысь шуа — ті ӧмӧй энӧ лыддьылӧй Мӧисей небӧгысь сотчысь лежнӧг дорын вӧвлӧмтор йылысь? Ен шуис Мӧисейлы: “Ме Ӧвраамлӧн Ен, Исааклӧн Ен да Яковлӧн Ен”. |
| 27 Бог не есть Бог мертвых, но Бог живых. | 27. Ен абу кулӧмъяслӧн Ен, но ловъяяслӧн Ен. | 27 Сійӧ абу кулӧмаяслӧн Ен, а ловъяяслӧн. | Енмыс абу кулӧмаяслӧн Ен, Сійӧ ловъяяслӧн Ен. |
| Итак, вы весьма заблуждаетесь. | Сідз ті зэв ёна ылалӧмныд. | Ті зэв ёна ылаланныд». | Ті ёна ылалӧмныд». |
| 28 Один из книжников, слыша их прения и видя, что Иисус хорошо им отвечал, подошел и спросил Его: какая первая из всех заповедей? | 28. Книжникъяс пӧвстысь ӧти, кор кыліс налысь сёрнисӧ, аддзӧ, мый Иисус бура висьталіс налы, матыстчӧмӧн, юаліс Сылысь: став тшӧктӧмъяс пытшкысь медводдзаыс кутшӧм? | 28 Ен гижӧд велӧдысьяс пиысь ӧти, коді кыліс венсӧ да казяліс, мый Исус бура вочавидзис налы, матыстчис сы дінӧ да юаліс: «Став тшӧктӧм пиас медводдзаыс кутшӧм?» | Индӧдӧ велӧдысьясысь ӧти казяліс вензьӧмсӧ да кыліс Исуслысь бура вочавидзӧмсӧ. Сійӧ матыстчис Исус дінӧ да юаліс: «Став тшӧктӧм пиысь кутшӧм медыджыдыс?» |
| 29 Иисус отвечал ему: первая из всех заповедей: слушай, Израиль! | 29. Иисус воча кылӧн шуис сылы: став тшӧктӧмъяс пытшкысь медводдзаыс: «кывзы, Израиль! | 29 Исус вочавидзис: «Медводдзаыс: «Кывзы, Израиль! | Исус вочавидзис: «Медыджыд тшӧктӧмыс: Кывзы, Израиль! |
| Господь Бог наш есть Господь единый; | Господь миян Ен эм ӧти Господь; | Мезӧс, миян Ен, сӧмын ӧтнас Мезӧс. | Господь, миян Ен, Сійӧ ӧти Господь. |
| 30 и возлюби Господа Бога твоего всем сердцем твоим, и всею душею твоею, и всем разумением твоим, и всею крепостию твоею, - вот первая заповедь! | 30. И любит Господьӧс ассьыд Ентӧ аслад став сьӧлӧмӧн и аслад став душаӧн, и аслад став мывкыдӧн, и аслад став вынӧн»: со, медводдза тшӧктӧмыс! | 30 Радейт Мезӧсӧс, ассьыд Ентӧ, аслад став сьӧлӧмсяньыд, аслад став ловнад, аслад став мывкыднад да аслад став вынсьыд». | Радейт ассьыд Господь Ентӧ став сьӧлӧмнад, став олӧмнад, став мывкыднад да став выннад. Тайӧ медыджыд тшӧктӧм. |
| 31 Вторая подобная ей: возлюби ближнего твоего, как самого себя. Иной большей сих заповеди нет. | 31. Талы кодь мӧд: «любит ассьыд матысатӧ, кыдзи ачыд асьтӧ»: таысь ыджыдджыкыс тшӧктӧмъяс пӧвстысь мукӧдыс абу. | 31 Мӧдыс татшӧм: «Радейт матыссатӧ асьтӧ моз». Наысь ыджыдджык тшӧктӧм абу». | Сы кодь мӧд тшӧктӧмыс: радейт матыссатӧ асьтӧ моз. Тайӧ тшӧктӧмъясысь ыджыдджыкыс абу». |
| 32 Книжник сказал Ему: хорошо, Учитель! | 32. Книжник шуис Сылы: Велӧдысь! | 32 Ен гижӧд велӧдысь сылы шуис: «Збыль, велӧдысь! | Индӧдӧ велӧдысь шуис Исуслы: «Тадз, Велӧдысьӧй! |
| истину сказал Ты, что один есть Бог и нет иного, кроме Его; | Тэ бура и веськыда висьталін, мый эм ӧти Ен, и Сыысь кындзи абу мӧд; | Тэ веськыда висьталін, мый эм ӧти Ен, сыысь кындзи мӧд абу. | Тэ веськыда висьталін, эм ӧти Ен, мӧдыс абу. |
| 33 и любить Его всем сердцем и всем умом, и всею душею, и всею крепостью, и любить ближнего, как самого себя, есть больше всех всесожжений и жертв. | 33. И любитны Сійӧс став сьӧлӧмӧн, и став мывкыдӧн, и став душаӧн, и став вынӧн, и любитны матысаӧс, кыдзи ачыд асьтӧ, эм ыджыдджык ставсотӧмысь и жертваяс дорысь. | 33 И Енмӧс колӧ радейтны став сьӧлӧмсянь, став вежӧрӧн да став вынысь, и колӧ радейтны матыссаӧс асьсӧ моз. Тайӧ став сотӧм да мукӧд вись дорысь коланаджык». | Енмӧс колӧ радейтны став сьӧлӧмнад, став мывкыднад, став олӧмнад, став выннад да матыссатӧ радейтны асьтӧ моз. Тайӧ сотӧм пемӧсъясысь да став мукӧд вись дорысь коланаджык». |
| 34 Иисус, видя, что он разумно отвечал, сказал ему: недалеко ты от Царствия Божия. | 34. Иисус, аддзӧмӧн, мый сійӧ сюся сёрнитіс, шуӧ сылы: тэ абу ылын Енлӧн Царствоысь. | 34 Исус аддзис, мый сійӧ сюся сёрнитіс, да шуис сылы: «Тэ абу ылын Енлӧн ыджыдаланінысь». | Исус аддзис, мый сійӧ сюся сёрнитӧ, да шуис: «Тэ абу ылын Енлӧн Юралӧмысь». |
| После того никто уже не смел спрашивать Его. | Та бӧрти некод нин эз лысьт юасьны Сылысь. | Сэсся некод нинӧм эз лысьт юавны Исуслысь. | Та бӧрын некод нин эз лысьт юасьны Исуслысь. |
| 35 Продолжая учить в храме, Иисус говорил: как говорят книжники, что Христос есть Сын Давидов? | 35. Храмын велӧдігас Иисус водзӧ сёрнитіс: кыдзи книжникъяс шуӧны, мый Христос эм Давидлӧн пи? | 35 Вежа керкаын велӧдігас Исус юаліс: «Кыдзи Ен гижӧд велӧдысьяс вермӧны шуны, мый Мессия Давидлӧн Пи? | Крамын велӧдігӧн Исус шуис: «Мыйла нӧ Индӧдӧ велӧдысьяс шуӧны, Кристос пӧ Давид пи? |
| 36 Ибо сам Давид сказал Духом Святым: сказал Господь Господу моему: седи одесную Меня, доколе положу врагов Твоих в подножие ног Твоих. | 36. Ӧд ачыс Давид шуис Святӧй Духӧн: «Господь шуис менам Господьлы: пуксьы Менам веськыдладор бокӧ, кытчӧдз ог пукты Тэнад кокъяс улӧ Тэныд лёк вӧчысьясӧс». | 36 Вежа Лолӧн ышӧдӧм Давид ачыс шуис: — Мезӧс висьталіс менам Мезӧслы: Пукав веськыдладор бокам, кытчӧдз ог вай кок улад тэныд лёк вӧчысьясӧс. | Вежа Ловсянь сёрнитігас Давид ачыс шуӧ: — Господь шуис менам Господьлы: “Пукав Менам веськыдладорын, кытчӧдз ог пукты Тэнад кок улӧ Тэныд паныд мунысьясӧс”. |
| 37 Итак, сам Давид называет Его Господом: как же Он Сын ему? | 37. И сідз ачыс Давид шуӧ Сійӧс Господьӧн: кыдзи нӧ Сійӧ пи сылы? | 37 Ачыс Давид шуӧ сійӧс Мезӧсӧн. Кыдзи нӧ сійӧ Давидлӧн пи?» | Давид шуӧ Сійӧс Господьӧн. Кыдзи нӧ Сійӧ сылы пиӧн лоӧ?» |
| И множество народа слушало Его с услаждением. | И зэв уна йӧз кывзісны Сылысь долыд сьӧлӧмӧн. | Зэв уна йӧз кывзісны Исусӧс окотапырысь. | Унаӧн окотапырысь кывзісны Исусӧс. |
| 38 И говорил им в учении Своем: остерегайтесь книжников, любящих ходить в длинных одеждах и принимать приветствия в народных собраниях, 39 сидеть впереди в синагогах и возлежать на первом месте на пиршествах, - | 38. И Аслас велӧдӧмын висьтавліс налы: видзчысьӧй книжникъясысь, кодъяслы муса ветлыны кузь паськӧмӧн и кывны чолӧмалӧмъяс собраниеяс вылын, 39. и водзын пукавны синагогаясын и медводдза местаясын лоны пиръяс вылын; | 38 Велӧдігас сійӧ висьтавліс: «Видзчысьӧй Ен гижӧд велӧдысьясысь, кодъяс радейтӧны ветлыны кузь паськӧмӧн да кывзыны чолӧмалӧмъяс йӧзаинъясын, 39 медводзын пукавны юда вичкоясын да пиръяс вылын. | Велӧдігас Сійӧ висьтавліс: «Видзчысьӧй Индӧдӧ велӧдысьясысь. Найӧ радейтӧны кузь паськӧмӧн ветлыны, йӧзаинын чолӧмалӧмъяс кывзыны, синагогаын водзын пукавны да гажӧдчанінын бурджыклаӧ пуксьыны. |
| 40 сии, поядающие домы вдов и напоказ долго молящиеся, примут тягчайшее осуждение. | 40. Найӧ, дӧваяслысь керкаяссӧ сёйысьяс и асьнысӧ петкӧдлӧм могысь дыр кевмысьысьяс, босьтасны сьӧкыдджыкӧс мыждӧмсӧ. | 40 Найӧс, дӧваяслысь овмӧссӧ сёйысьясӧс да асьнысӧ петкӧдлӧм могысь дыр кевмысьысьясӧс, Ен ёнджыка мыждас». | Найӧ куштӧны дӧваяслысь керкасӧ да асьнысӧ петкӧдлӧм могысь дыр кевмысьӧны. Но найӧс лоӧ чорыда мыждӧма». |
| 41 И сел Иисус против сокровищницы и смотрел, как народ кладет деньги в сокровищницу. | 41. И пуксис Иисус казнаыслы паныд и видзӧдіс, кыдзи йӧзыс пукталӧны деньгасӧ казнаӧ. | 41 Исус пуксис сьӧм чукӧртан дозлы паныд да видзӧдіс, кыдзи йӧзыс сэтчӧ тэчисны сьӧмсӧ. | Исус пуксис сьӧм чукӧртан кудлы паныд да видзӧдіс, кыдзи йӧзыс пуктісны сэтчӧ сьӧм. |
| Многие богатые клали много. | Унаӧн озыръяс пукталісны уна. | Озыръяс пиысь унаӧн шыблалісны уна сьӧм. | Озыръяс уна пуктісны. |
| 42 Придя же, одна бедная вдова положила две лепты, что составляет кодрант. | 42. Локтіс ӧти гӧль дӧва и пуктіс кык лепта, мый лоӧ кодрант (грӧш). | 42 Локтіс ӧти гӧль дӧва да чӧвтіс кык лепта, мый лоӧ ӧти ур. | Локтіс гӧль дӧва да пуктіс кык ыргӧн сьӧм, тайӧ лоӧ ӧти ур мында. |
| 43 Подозвав учеников Своих, Иисус сказал им: истинно говорю вам, что эта бедная вдова положила больше всех, клавших в сокровищницу, 44 ибо все клали от избытка своего, а она от скудости своей положила всё, что имела, всё пропитание свое. | 43. Иисус, Ассьыс велӧдчысьяссӧ корӧмӧн, шуис налы: веськыда висьтала тіянлы, мый тайӧ гӧль дӧваыс пуктіс быдӧнысь унджык, кодъяс пукталісны казнаӧ; 44. Ӧд быдӧн пукталісны асланыс озырлунсянь, а сійӧ аслас гӧльлунсянь пуктіс ставсӧ, мый вӧлі, ассьыс кынӧмпӧтсӧ ставнас. | 43 Исус корис велӧдчысьяссӧ да шуис налы: «Збыльысь висьтала тіянлы: тайӧ гӧль дӧваыс пуктіс сьӧм чукӧртан дозйӧ быдӧнысь унджык. 44 Ӧд быдӧн пуктісны сьӧмсӧ лишаланасьыныс, а сійӧ аслас тырмытӧмлунысь пуктіс ставсӧ, мый коліс сылы быдлунъя олӧмас». | Исус корис велӧдчысьяссӧ да шуис налы: «Веськыда висьтала тіянлы: тайӧ гӧль дӧваыс быдӧнысь унджык пуктіс. Ставныс унасьыс чуктӧдісны, а тайӧ дӧваыс этшасьыс сетіс ставсӧ, мый сылӧн вӧлі кынӧмпӧт вылас». |
| Глава 13 | ГЛАВА 13 | 13 юр | 13 |
| 1 И когда выходил Он из храма, говорит Ему один из учеников Его: Учитель! посмотри, какие камни и какие здания! | 1. И кор Сійӧ вӧлі петӧ храмсьыс, Сылӧн велӧдчысьяс пӧвстысь ӧти шуис Сылы: Велӧдысь! видзӧдлы, кутшӧмӧсь изъясыс и кыдзи тэчӧма стрӧйбаяссӧ! | 1 Кор Исус вӧлі петӧ вежа керкасьыс, велӧдчысьяс письыс ӧти шуис сылы: «Велӧдысь, видзӧдлы, изъясыс кутшӧмӧсь да керкаясыс кутшӧмӧсь!» | Кор Исус вӧлі петӧ крамсьыс, ӧти велӧдчысь шуис: «Велӧдысьӧй, видзӧдлы, кутшӧм изъясысь тэчӧма керкаяссӧ!» |
| 2 Иисус сказал ему в ответ: видишь сии великие здания? | 2. Иисус воча кылӧн шуис сылы: аддзан тайӧ ыджыда тэчӧм стрӧйбаяссӧ? | 2 Исус шуис: «Аддзан тайӧ гырысь керкаяссӧ? | Исус шуис: «Аддзан тайӧ ыджыд керкаяссӧ? |
| всё это будет разрушено, так что не останется здесь камня на камне. | Ставсӧ тайӧс лоӧ жугӧдӧма, сідз мый тані оз коль из вылын из. | Оз коль татчӧ из вылӧ из. Ставсӧ лоӧ жугӧдӧма». | Татчӧ из вылӧ из оз коль, ставсӧ жугӧдасны». |
| 3 И когда Он сидел на горе Елеонской против храма, спрашивали Его наедине Петр, и Иаков, и Иоанн, и Андрей: | 3. И кор Иисус пукаліс Елеон гӧра вылын храмыслы паныд, юасисны Сылысь ас кежын Петыр, Иаков, Иоанн и Андрей: | 3 Кор Исус пукаліс Олив керӧсын, вежа керкаыслы паныдӧн, сылысь юалісны ас кежын Петыр, Яков, Йоан да Ӧндрей: | Кор Исус вӧлі пукалӧ Олив керӧсын, крамлы паныд, Петыр, Яков, Иоан да Ӧндрей ас кежаныс юалісны Сылысь: |
| 4 скажи нам, когда это будет, и какой признак, когда всё сие должно совершиться? | 4. Висьтав миянлы, кор сійӧ лоӧ, и кутшӧм индысь пас, кор сылы ставыслы колӧ лоны? | 4 «Висьтав миянлы, кор сійӧ ставыс лоас. Кутшӧм пас серти ми вермам тӧдмавны, мый сійӧ матын нин?» | «Висьтав, кор ставыс тайӧ лоас? Мый серти ми тӧдмалам сійӧ кадсӧ?» |
| 5 Отвечая им, Иисус начал говорить: берегитесь, чтобы кто не прельстил вас, | 5. Иисус воча кылӧн пондіс висьтавлыны налы: видзчысьӧй, медым кодкӧ эз ылӧд тіянӧс; | 5 Исус кутіс висьтавлыны налы: «Видзчысьӧй, медым некод эз ылӧд тіянӧс. | Исус шуис: «Видзчысьӧй, мед эз ылӧдны тіянӧс. |
| 6 ибо многие придут под именем Моим и будут говорить, что это Я; и многих прельстят. | 6. Сы вӧсна мый унаӧн локтасны Менам ним улын и пондасны висьтавны, мый тайӧ Ме, и унаӧс ылӧдасны. | 6 Унаӧн локтасны менам нимӧн да висьталасны, мый сійӧ ме, да унаӧс ылӧдасны. | Унаӧн Менам нимӧн локтасны да шуасны, ме пӧ Сійӧ, да унаӧс ылӧдасны. |
| 7 Когда же услышите о войнах и о военных слухах, не ужасайтесь: ибо надлежит сему быть, - но это еще не конец. | 7. А кор кыланныд войнаяс йылысь и войнаса сёрнияс йылысь, энӧ полӧй: сы вӧсна мый сылы колӧ лонысӧ; но тайӧ абу на пом. | 7 Кор кыланныд тыш гор да тышъяс мунӧм йылысь юӧръяс, энӧ полӧй. Тадзи колӧ лоны, но тайӧ абу на пом. | Кор кыланныд тыш мунӧмъяс да тыш йылысь юӧръяс, энӧ полӧй. Тайӧ ставыслы колӧ лонысӧ, сӧмын тайӧ абу на пом. |
| 8 Ибо восстанет народ на народ и царство на царство; | 8. Ӧд кыпӧдчасны йӧз вылӧ йӧз, и царство вылӧ царство; | 8 Кыпӧдчас йӧзлы паныд йӧз да ыджыдалӧмлы паныд ыджыдалӧм, | Войтыр войтырлы паныд сувтас, муяс ӧта-мӧдныслы паныд кыпӧдчасны. |
| и будут землетрясения по местам, и будут глады и смятения. | и лоӧны кӧнсюрӧ му вӧрӧмъяс, и лоӧны тшыгъялӧмъяс и шӧйӧвошӧмъяс. | уналаын лоас му вӧрӧм да воас тшыгъялӧм. | Уналаын лоас му вӧрӧм, тшыгъялӧм да шызьӧм. |
| Это - начало болезней. | Тайӧ висьӧмыслӧн заводитчӧмыс. | Тадзи заводитчӧ выль олӧм чужтан дойыс. | Но тайӧ ставыс чужтӧм водзвывса дойяс на. |
| 9 Но вы смотрите за собою, ибо вас будут предавать в судилища и бить в синагогах, и перед правителями и царями поставят вас за Меня, для свидетельства перед ними. | 9. Но ті видзӧдӧй ас бӧрсяныд; сы вӧсна мый тіянӧс пондасны сетавны судитӧм вылӧ и нӧйтны синагогаясын, и тіянӧс нуӧдасны юралысьяс водзӧ и царъяс водзӧ Ме вӧсна, на водзын висьтавлӧм вылӧ. | 9 Видзчысьӧй. Тіянӧс нуӧдасны мыждыны, тіянӧс нӧйтасны юда вичкоясын, тіянӧс ме вӧсна сувтӧдасны веськӧдлысьяс да ӧксыяс водзӧ, медым висьтавны налы ме йылысь. | Видзӧдӧй ас бӧрсяныд. Тіянӧс кыскасны ёрдӧ да нӧйтасны синагогаясын. Ме вӧсна нуӧдасны тіянӧс юралысьяс да ӧксыяс водзӧ, медым найӧ тӧдісны Ме йылысь. |
| 10 И во всех народах прежде должно быть проповедано Евангелие. | 10. И став кыла йӧз пытшкын водзджык колӧ лоны висьтавлӧма Евангелие. | 10 Но помысь водзджык бур юӧрӧн колӧ тӧдмӧдны быд кывъя йӧзӧс. | Помыс вотӧдз Евангелльӧсӧ колӧ висьтавны быд кыла войтырлы. |
| 11 Когда же поведут предавать вас, не заботьтесь наперед, что вам говорить, и не обдумывайте; | 11. А кор нуӧдасны тіянӧс вузалӧм вылӧ, энӧ тӧждысьӧй водзвыв, мый шуны тіянлы, и энӧ мӧвпалӧй; | 11 Кор тіянӧс нуӧдасны мыждыны, энӧ тӧждысьӧй водзвыв, мый висьтавны. | Кор нуӧдасны тіянӧс ёрдӧ, водзвыв энӧ майшасьӧй, мый шуны. |
| но что дано будет вам в тот час, то и говорите, ибо не вы будете говорить, но Дух Святый. | но мый лоӧ сетӧма тіянлы сійӧ кадӧ, сійӧс и висьтавлӧй: сы вӧсна мый онӧ ті пондӧ сёрнитны, но Святӧй Дух. | Висьталӧй сійӧс, мый лоӧ сетӧма тіянлы сійӧ кадӧ, ӧд онӧ ті сёрнитӧй, а Вежа Лов. | Висьталӧй сійӧ, мый лоӧ сетӧма тіянлы сійӧ кадас, ӧд Вежа Лов пондас сёрнитны, онӧ ті. |
| 12 Предаст же брат брата на смерть, и отец - детей; | 12. И вузалас вокыс воксӧ виӧм вылӧ, и батьыс челядьсӧ; | 12 Вокыс сетас воксӧ виӧм вылӧ, батьыс челядьсӧ, | Вокыс воксӧ сетас вины, батьыс — писӧ. |
| и восстанут дети на родителей и умертвят их. | и кыпӧдчасны челядь бать-мам вылӧ, и виасны найӧс. | челядь кыпӧдчасны бать-мамлы паныд да виасны найӧс. | Ныв-пи сувтасны бать-мамыслы паныд да виасны найӧс. |
| 13 И будете ненавидимы всеми за имя Мое; претерпевший же до конца спасется. | 13. И лоанныд ӧтдортӧмаӧсь быдӧнӧн Менам ним кузя; и коді помӧдз терпитас, сійӧ спаситчас. | 13 Быдӧн лӧгалас ті вылӧ ме вӧсна. Но коді нуас ас вывтіыс сьӧкыдлунсӧ помӧдз, мездмас». | Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас». |
| 14 Когда же увидите мерзость запустения, реченную пророком Даниилом, стоящую, где не должно,- читающий да разумеет, - тогда находящиеся в Иудее да бегут в горы; | 14. Кор аддзанныд эновтӧминлысь пежсӧ, мый йылысь висьталӧма Даниил пророклӧн, ковтӧминын сулаланӧн, — лыддьысь мед гӧгӧрвоӧ, — сэки Иудеяын олысьяс мед пышъясны гӧраясӧ; | 14 «Кор аддзанныд бырӧдысь зывӧксӧ сэтысь, кӧні сылы оз позь лоны, — лыддьысьысь мед тайӧс гӧгӧрвоӧ! — сэки Юдеяын олысьяс мед пышъясны керӧсъясӧ. | «Кор ті аддзанныд пеж зывӧксӧ сэтысь, кӧні сылы оз позь лоны, — та йылысь Даниил пророк на висьтавліс; лыддьысьысь мед гӧгӧрвоӧ — сэки Юдея муын олысьяс мед пышъясны керӧсъясӧ. |
| 15 а кто на кровле, тот не сходи в дом и не входи взять что-нибудь из дома своего; | 15. А коді керка вылас, сійӧ мед оз лэччы и оз пыр аслас керкаӧ мыйкӧ босьтны сэтысь; | 15 Коді веськалас керка вевт вылас, мед оз лэччы гортас мыйкӧ босьтны сэтысь, | Коді лоас керка вылас, мед оз пыр керкаас босьтны мыйкӧ. |
| 16 и кто на поле, не обращайся назад взять одежду свою. | 16. И коді видз-му вылын, мед оз бергӧдчы бӧр босьтны ассьыс паськӧмсӧ. | 16 и коді видз-му вылын, мед оз кос гортас вылыс паськӧмысла. | Коді лоас видз-му вылас, мед оз кос гортас паськӧмысла. |
| 17 Горе беременным и питающим сосцами в те дни. | 17. Курыд шог нӧбасьысьяслы и нёньӧдчысьяслы сійӧ лунъясӧ! | 17 Шудтӧмӧсь сійӧ лунъясӧ лоӧны нӧбасьысьяс да нёньӧдчысьяс! | Сійӧ лунъясӧ ёна сьӧкыд лоӧ нӧбасьысьяслы да нёньӧдчысьяслы. |
| 18 Молитесь, чтобы не случилось бегство ваше зимою. | 18. Кевмысьӧй, мед пышйӧмныд тіян эз ло тӧлын. | 18 Кевмысьӧй, мед эськӧ тӧлын эз ло тайӧ. | Кевмысьӧй, мед эз ковмы пышйынытӧ тӧлын. |
| 19 Ибо в те дни будет такая скорбь, какой не было от начала творения, которое сотворил Бог, даже доныне, и не будет. | 19. Ӧд сійӧ лунъясӧ лоӧ сэтшӧм шог, кутшӧм эз вӧвлы водзынсӧ му пуктӧмсяньыс, кодӧс вӧчис Ен, весиг ӧніӧдз, и оз ло. | 19 Ӧд сійӧ лунъясӧ лоӧ сэтшӧм шог, кутшӧм эз вӧвлы Енмӧн му пуктӧмсяньыс ӧніӧдз да некор оз ло. | Сійӧ лунъясӧ ыджыд шог суас йӧзсӧ, татшӧмыс Енмӧн муюгыдсӧ вӧчӧмсянь эз на вӧвлы да оз нин ло. |
| 20 И если бы Господь не сократил тех дней, то не спаслась бы никакая плоть; но ради избранных, которых Он избрал, сократил те дни. | 20. И Ен кӧ эз чинты сійӧ лунъяссӧ, сэки эськӧ эз спаситчы некутшӧм морт, но бӧрйӧмаяс кузя, кодъясӧс Ен бӧрйис, чинтіс сійӧ лунъяссӧ. | 20 Мезӧс кӧ эз чинты сійӧ лунъяссӧ, эз эськӧ мездмы весиг ӧти морт, но бӧрйӧмаяс вӧснаыс чинтіс сійӧ лунъяссӧ. | Господь кӧ тайӧ кадсӧ эз дженьдӧд, ловъя морт эськӧ эз коль. Но Аслас бӧрйӧмаяс вӧсна Сійӧ дженьдӧдіс тайӧ кадсӧ. |
| 21 Тогда, если кто вам скажет: вот, здесь Христос, или: вот, там,- не верьте. | 21. Сэки, кодкӧ кӧ тіянлы шуас: «со, тані Христос», или: «со, сэні», — энӧ веритӧй, | 21 Шуас кӧ сэки кодкӧ тіянлы: «Видзӧд, тані Кристос!» либӧ: «Видзӧд, Кристос сэні!» — энӧ эскӧй. | Сэки шуасны кӧ тіянлы: “Кристос тані”, либӧ шуасны: “Кристос сэні”, энӧ эскӧй. |
| 22 Ибо восстанут лжехристы и лжепророки и дадут знамения и чудеса, чтобы прельстить, если возможно, и избранных. | 22. Сы вӧсна мый сувтасны ылӧгхристосъяс и ылӧгпророкъяс, и вӧчасны шензянторъяс и чудесаяс, медым ылӧдны, позяс кӧ, и бӧрйӧмаясӧс. | 22 Петкӧдчасны ылӧг кристосъяс да ылӧг юӧртысьяс, кодъяс вӧчасны индысь пасъяс да шензьӧданаторъяс, медым ылӧдны, позяс кӧ, бӧрйӧмаясӧс. | Ӧд ылӧгкристосъяс да ылӧгпророкъяс локтасны да пондасны вӧчны шензьӧданаторъяс, медым ылӧдны, позяс кӧ, весиг бӧрйӧмаясӧс. |
| 23 Вы же берегитесь. | 23. А ті видзчысьӧй; | 23 А ті видзчысьӧй. | Видзчысьӧй наысь. |
| Вот, Я наперед сказал вам всё. | со, Ме водзвыв висьталі тіянлы ставсӧ. | Ме тіянлы ставсӧ висьталі водзвыв». | Ме тіянлы ставсӧ водзвыв висьталі». |
| 24 Но в те дни, после скорби той, солнце померкнет, и луна не даст света своего, 25 и звезды спадут с неба, и силы небесные поколеблются. | 24. Но сійӧ лунъясӧ, тайӧ шогыс бӧрын, шондіыс пемдас, и тӧлысь оз сет югыдсӧ ассьыс, 25. и кодзувъяс усясны енэжсянь, и енэжвыв вынъяс вӧрзясны. | 24 «Но сійӧ лунъясӧ, тайӧ шог бӧрын, шондіыс пемдас да тӧлысь оз сет ассьыс югыдсӧ, 25 усясны енэжсянь кодзувъяс да вӧрзясны енэжлӧн вынъяс. | «Сійӧ лунъясӧ, тайӧ шог бӧрас, шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны. |
| 26 Тогда увидят Сына Человеческого, грядущего на облаках с силою многою и славою. | 26. Сэки аддзасны Мортлысь Писӧ, ыджыд вынӧн и славаӧн кымӧръяс вылын локтысьӧс. | 26 Сэки аддзасны Мортлысь Писӧ, коді локтӧ кымӧръяс пӧвстын ыджыд вынӧн да дзирдалӧмӧн. | Сэки аддзасны кымӧръяс вылын ыджыд вынӧн да дзирдлунӧн локтысь Морт Пиӧс. |
| 27 И тогда Он пошлет Ангелов Своих и соберет избранных Своих от четырех ветров, от края земли до края неба. | 27. И сэки Сійӧ мӧдӧдас Ассьыс Ангелъясӧс и чукӧртас Ассьыс бӧрйӧмъясӧс нёльнан тӧвъяссянь, му помсянь енэж помӧдз. | 27 Сэки сійӧ мӧдӧдас анделъяссӧ да чукӧртас ассьыс бӧрйӧмаяссӧ мулӧн нёльнан вежтасысь, му помсяньыс да енэж помӧдзыс. | Сійӧ мӧдӧдас анделъяссӧ нёльнан му вежтасас да чукӧртас Ассьыс бӧрйӧмаяссӧ став му пельӧссьыс. |
| 28 От смоковницы возьмите подобие: когда ветви ее становятся уже мягки и пускают листья, то знаете, что близко лето. | 28. Смоква пу босьтӧй тӧд выланыд: кор сылӧн вожъясыс лоӧны небыдӧсь нин и потӧны коръяс, сэки тӧданныд, мый матын нин гожӧм; | 28 Велӧдчӧй инжир пулысь: кор сылӧн росъясыс ловзьӧны да коръяс потӧны, ті тӧданныд, мый гожӧмыс матын нин. | Инжир пу вылӧ кӧ видзӧдам, аддзам: вожъясыс кӧ ловзьӧны да коръясыс потӧны, сідзкӧ, гожӧмыс матын. |
| 29 Так и когда вы увидите то сбывающимся, знайте, что близко, при дверях. | 29. Сідзи и ті, кор аддзанныд: тайӧ инӧ, тӧдӧй, мый матын нин, ӧдзӧс дорын. | 29 Татшӧм ногӧн жӧ, кор аддзанныд, мый тайӧ инӧ, тӧданныд: сійӧ матын нин, ӧдзӧс дорын. | Тадзи, ставсӧ тайӧс аддзигӧн тӧдӧй: сійӧ кадыс матын, ӧдзӧс дорад нин. |
| 30 Истинно говорю вам: не прейдет род сей, как всё это будет. | 30. Веськыда висьтала тіянлы: оз быр тайӧ чужанвужйыс, кыдзи ставыс тайӧ лоӧ. | 30 Збыльысь висьтала тіянлы: тайӧ чужанвужйыс оз быр сэтчӧдз, кытчӧдз ставыс тайӧ оз ло. | Веськыда висьтала тіянлы: ставыс тайӧ лоас ӧнія олысьяс дырйи на. |
| 31 Небо и земля прейдут, но слова Мои не прейдут. | 31. Енэжыс и муыс бырасны, но Менам кывъяс оз бырны. | 31 Енэжыс да муыс бырасны, а менам кывъясӧй оз бырны». | Енэжыс да муыс бырас, а Менам кывъясӧй оз бырны. |
| 32 О дне же том, или часе, никто не знает, ни Ангелы небесные, ни Сын, но только Отец. | 32. А сійӧ лун и час йылысь некод оз тӧд, весиг енэжвыв Ангелъяс, ни Пиыс, но сӧмын Бать. | 32 «А сійӧ лун да кад некод оз тӧд, ни енэжын анделъяс, ни Пи; тӧдӧ сӧмын ӧтнас Бать. | Сійӧ лунсӧ да сійӧ кадсӧ некод оз тӧд. Анделъяс оз тӧдны, весиг Пиыс оз тӧд, сӧмын Батьыс тӧдӧ. |
| 33 Смотрите, бодрствуйте, молитесь, ибо не знаете, когда наступит это время. | 33. Видзӧдӧй, видзчысьӧй и кевмысьӧй; сы вӧсна мый онӧ тӧдӧй, кор воас сійӧ кадыс. | 33 Видзчысьӧй, энӧ узьӧй, онӧ ӧд тӧдӧй, кор сійӧ кадыс воас. | Видзчысьӧй, мед энӧ унмовсьӧй, да пыр кевмысьӧй, ӧд онӧ тӧдӧй, кор сійӧ кадыс воас. |
| 34 Подобно как бы кто, отходя в путь и оставляя дом свой, дал слугам своим власть и каждому свое дело, и приказал привратнику бодрствовать. | 34. Сы моз, коді туйӧ мунігӧн колис ассьыс керкасӧ и сетіс аслас отсасьысьяслы власть и быдӧнлы ассьыс удж, и тшӧктіс ӧдзӧс видзысьлы виччысьны. | 34 Морт моз, коді петӧ туйӧ да кольӧ ассьыс керкасӧ, сетӧ аслас веръясыслы кывкутӧм да быдӧнлы ассьыс удж и ӧдзӧс видзысьлы тшӧктӧ лоны кок йылын. | Тайӧс позьӧ ӧткодявны морткӧд, коді гортсьыс мунігӧн кольӧ ассьыс керкасӧ кесйӧгъяслы да быдӧнлы сетӧ удж, а керкасӧ видзысьлы тшӧктӧ лоны дасьӧн. |
| 35 Итак бодрствуйте, ибо не знаете, когда придет хозяин дома: вечером, или в полночь, или в пение петухов, или поутру; | 35. И сідз виччысьӧй, сы вӧсна мый онӧ тӧдӧй, кор локтас керкаса кӧзяин: рытнас или войшӧркадӧ, или петук чуксасигӧн, или асывводзын; | 35 Сідзкӧ, лоӧй кок йылын, онӧ ӧд тӧдӧй, кор локтас керка кӧзяиныс, рытын али вой шӧрын, петук чуксасигӧн али асывводз. | Сідзкӧ, лоӧй дасьӧсь, ӧд онӧ тӧдӧй, рытын-ӧ, вой шӧрын-ӧ, петук чуксасигӧн-ӧ, асывводзын-ӧ локтас керка кутысь. |
| 36 чтобы, придя внезапно, не нашел вас спящими. | 36. Медым, кор тӧдлытӧг локтас, эз су тіянӧс узигӧн. | 36 Мед эз су тіянӧс узьӧмӧн, кор тӧдлытӧгныд локтас! | Мед эз су тіянӧс узьӧмӧн тӧдлытӧг локтӧмнас! |
| 37 А что вам говорю, говорю всем: бодрствуйте. | 37. А мый висьтала тіянлы, висьтала быдӧнлы: виччысьӧй. | 37 Мый висьтала тіянлы, висьтала быдӧнлы: лоӧй кок йылын». | Мый висьтала тіянлы, висьтала быдӧнлы: лоӧй дасьӧсь». |
| Глава 14 | ГЛАВА 14 | 14 юр | 14. |
| 1 Через два дня надлежало быть празднику Пасхи и опресноков. | 1. Кык лун мысти вӧлі локтӧ Пасха и шоммӧдтӧм нянь сёян лунъяс; | 1 Ыджыд лунӧдз да шомтӧм нянь сёян кадӧдз вӧлі на кык лун. | Ыджыд лунӧдз, Шомтӧм нянь сёян лунъясӧдз кык лун на вӧлі. |
| И искали первосвященники и книжники, как бы взять Его хитростью и убить; | сэки первосвященникъяс и книжникъяс корсисны, кыдзи эськӧ наяна босьтны Сійӧс и вины; | Аркирейяс да Ен гижӧд велӧдысьяс корсисны туй, кыдзи эськӧ ылӧдӧмӧн кутны да вины Исусӧс. | Аркирейяс да Индӧдӧ велӧдысьяс корсисны, кыдзи эськӧ ылӧдлӧмӧн босьтны Исусӧс да вины. |
| 2 но говорили: только не в праздник, чтобы не произошло возмущения в народе. | 2. Ӧд найӧ сёрнитчисны: сӧмын огӧ праздник луннас, медым эз ло йӧз пытшкас шызьӧмыс. | 2 Найӧ шуисны: «Сӧмын огӧ Ыджыд лунӧ, медым эз кыпты йӧз пытшкас шызьӧмыс». | Но шуисны, Ыджыд лунӧ пӧ оз ков, ӧд йӧзыс вермасны шызьыны. |
| 3 И когда был Он в Вифании, в доме Симона прокаженного, и возлежал, - пришла женщина с алавастровым сосудом мира из нарда чистого, драгоценного и, разбив сосуд, возлила Ему на голову. | 3. И кор Иисус вӧлі Вифанияын, пукаліс проказаӧн висьысь Симон керкаын, локтіс нывбаба алавастровӧй дозйӧн, сӧстӧм нардысь вӧчӧм ёна дона миро тыра, и, дозсӧ жугӧдӧмӧн, пондіс кисьтавны Иисуслы юр вылас. | 3 Бетанияын, вуджан кучик висьӧмысь бурдӧм Симон ордӧ, кӧні пажнайтіс Исус, локтіс нывбаба, коді вальді дозйын вайис сӧстӧм нардысь пычкӧм чӧскыд дука дона вый. Сійӧ жугӧдіс дозсӧ да кисьтіс выйсӧ Исус юр вылӧ. | Исус вӧлі Вифания сиктын, Сійӧ сёйис проказаысь бурдӧм Симон ордын. Сэтчӧ локтіс ань, сійӧ вайис вальді дозйын зэв дона нард вый. Ань жугӧдіс дозсӧ да кисьталіс выйсӧ Исуслы юр вылас. |
| 4 Некоторые же вознегодовали и говорили между собою: к чему сия трата мира? | 4. А кодсюрӧ скӧрпырысь шуалісны ас костаныс: мыйла тадзи воштыны миросӧ? | 4 А кодсюрӧ скӧрмисны да шуалісны ас костаныс: «Мыйла татшӧм вый таргайтӧмыс? | Кодсюрӧ дӧзмӧмпырысь шуасисны ас костаныс: «Мыйла, бара, лотӧ-а? |
| 5 Ибо можно было бы продать его более нежели за триста динариев и раздать нищим. | 5. Ӧд позьӧ вӧлі тайӧ миросӧ вузавны куимсё динарияысь донаысьджык и сетавны гӧльяслы. | 5 Ӧд позис тайӧ выйсӧ вузавны куимсё динарысь на донӧнджык да сьӧмсӧ сетны гӧльяслы». | Тайӧ выйсӧ позис вузавны куимсё динарысь донаджыка да сьӧмсӧ сетны гӧльяслы». |
| И роптали на нее. | И скӧра шуасисны нывбабаыс вылӧ. | Тадзи шуасисны нывбабаыс вылӧ. | Тадзи найӧ шуасисны аньыс вылӧ. |
| 6 Но Иисус сказал: оставьте ее; что ее смущаете? | 6. Но Иисус шуис: эновтӧй сійӧс, мый сійӧс шӧйӧвоштанныд? | 6 Но Исус шуис: «Ӧвсьӧй сы дінысь. Мыйла шӧйӧвоштанныд сійӧс? | Исус шуис: «Ӧвсьӧй сыысь! Мыйла ті сійӧс шӧйӧвоштанныд? |
| Она доброе дело сделала для Меня. | сійӧ бур удж вӧчис Менлы вылӧ. | Сійӧ меным вӧчис буртор. | Сійӧ буртор вӧчис Меным. |
| 7 Ибо нищих всегда имеете с собою и, когда захотите, можете им благотворить; | 7. Ӧд гӧльяс пыр лоӧны тіянкӧд и, кор кӧсъянныд, верманныд бурсӧ вӧчны налы; | 7 Гӧльяс пыр лоӧны тіянкӧд да верманныд вӧчны налы бурсӧ, кор кӧсъянныд, | Гӧльяс пыр лоасны тіянкӧд, и ті верманныд вӧчны налы бурсӧ, кор кӧсъянныд, |
| а Меня не всегда имеете. | а Ме ог пыр ло тіянкӧд. | а ме тіянкӧд ог пыр ло. | а Ме тіянкӧд ог пыр ло. |
| 8 Она сделала, что могла: предварила помазать тело Мое к погребению. | 8. Тайӧ нывбабаыс вӧчис, мый вермис: водзвыв мавтіс Телӧӧс Менсьым гуаліг кежлӧ. | 8 Тайӧ аньыс вӧчис, мый вермис: мавтіс менсьым вывтырӧс водзвыв дзебигкежлам. | Тайӧ аньыс вӧчис, мый вермис: дасьтіс Менӧ дзебигкежлӧ. |
| 9 Истинно говорю вам: где ни будет проповедано Евангелие сие в целом мире, сказано будет, в память ее, и о том, что она сделала. | 9. Веськыда висьтала тіянлы: кӧні сӧмын оз ло висьталӧма тайӧ Евангелиесӧ став мир пасьта, лоӧ висьталӧма, сійӧс казьтылӧм вылӧ, и сы йылысь, мый сійӧ вӧчис. | 9 Збыльысь висьтала тіянлы: став муюгыд пасьталаыс, кӧні сӧмын висьталасны тайӧ бур юӧрсӧ, тшӧтш казьтыштасны, мый вӧчис тайӧ аньыс». | Веськыда висьтала тіянлы: муюгыд пасьтала, кӧні висьталасны тайӧ Евангелльӧсӧ, сэні казьтыштасны тайӧ аньсӧ да висьталасны, мый сійӧ вӧчис». |
| 10 И пошел Иуда Искариот, один из двенадцати, к первосвященникам, чтобы предать Его им. | 10. Сэки, дас кык пытшсьыс ӧти, Иуда Искариот муніс первосвященникъяс дінӧ, медым вузавны Иисусӧс налы. | 10 Юдас Искариот, дас кык пӧвстсьыс ӧти, муніс аркирейяс дінӧ вузавны налы Исусӧс. | Искариот Иуда вӧлі дас кык велӧдчысьысь ӧти. Сійӧ муніс аркирейяс дінӧ вузавны налы Исусӧс. |
| 11 Они же, услышав, обрадовались, и обещали дать ему сребреники. | 11. Найӧ жӧ, кор кылісны, радлісны и кӧсйысисны сетны сылы эзысь деньгаяс. | 11 Тайӧс кылӧм бӧрын найӧ нимкодьпырысь кӧсйысисны сетны сылы сьӧм. | Тайӧс кылӧм бӧрын найӧ нимкодьпырысь кӧсйысисны сетны сылы сьӧм. |
| И он искал, как бы в удобное время предать Его. | И Иуда корсис лӧсялан кад вузавны Иисусӧс. | Юдас кутіс корсьны лӧсялана здук вузавны Исусӧс. | Иуда пондіс корсьны лӧсялан кад, медым вузавны Исусӧс. |
| 12 В первый день опресноков, когда заколали пасхального агнца, говорят Ему ученики Его: где хочешь есть пасху? | 12. Шоммӧдтӧм нянь сёян медводдза лунӧ, кор начкавлісны пасха кежлӧ ыжпиӧс, Сылӧн велӧдчысьясыс шуӧны Сылы: кӧні кӧсъян сёйны пасха? | 12 Шомтӧм нянь сёян медводдза лунӧ, кор Ыджыд лун кежлӧ начкисны ыжӧс, велӧдчысьясыс юалісны Исуслысь: «Кӧні кӧсъян сёйны Ыджыд лунся ыжсӧ? | Шомтӧм нянь сёян лунъяс дырйи медводдза лунӧ, кодыр начкисны Ыджыд лунся ыжӧс, велӧдчысьяс юалісны Исуслысь: «Кӧні кӧсъян сёйны Ыджыд лунся ыжӧс? |
| мы пойдем и приготовим. | ми мунам и лӧсьӧдам. | Кытчӧ миянлы мунны лӧсьӧдны сійӧс?» | Ми мунам да дасьтам». |
| 13 И посылает двух из учеников Своих и говорит им: пойдите в город; | 13. Иисус мӧдӧдӧ кыкӧс Аслас велӧдчысьяс пӧвстысь и шуӧ налы: мунӧй карас, | 13 Исус мӧдӧдіс аслас велӧдчысьяс пӧвстысь кыкӧс да шуис налы: «Мунӧй карас, | Кык велӧдчысьӧс мӧдӧдіг Исус шуис налы: «Мунӧй карас. |
| и встретится вам человек, несущий кувшин воды; последуйте за ним | и тіянкӧд паныдасяс морт, кувшинын ва нуысь, вӧтчӧй сы бӧрся, | и тіянлы паныдасяс гырничын ва нуысь морт, мунӧй сы бӧрся. | Тіянлы паныдасяс гырничын ва нуысь морт, мунӧй сы бӧрся. |
| 14 и куда он войдет, скажите хозяину дома того: Учитель говорит: где комната, в которой бы Мне есть пасху с учениками Моими? | 14. И кытчӧ сійӧ пырас, висьталӧй керкаса кӧзяиныслы: «Велӧдысь шуӧ: кӧні комнатаыс, кытчӧ лӧсьӧдін пуксьыны сёйны пасха Менам велӧдчысьяскӧд?» | 14 Кытчӧ сійӧ пырас, висьталӧй керка кӧзяиныслы: «Велӧдысь юалӧ тэнсьыд: Кутшӧм вежӧсын позьӧ меным велӧдчысьясӧйкӧд сёйны Ыджыд лунся ыжсӧ?" | Кытчӧ сійӧ пырас, висьталӧй сэні керка кутысьыслы: “Велӧдысь юасьӧ, кутшӧм вежӧсын Аслас велӧдчысьяскӧд вермас сёйны Ыджыд лунся ыжӧс”. |
| 15 И он покажет вам горницу большую, устланную, готовую: | 15. Сійӧ петкӧдлас тіянлы ыджыд горнича, дасьтӧма и вольсалӧма; | 15 Сійӧ петкӧдлас тіянлы вылыс судтаысь ыджыд вежӧс, кодӧс дасьтӧма да вольсавлӧма. | Сійӧ петкӧдлас тіянлы вылыс судтасьыс ыджыд вежӧс, кодӧс дасьтӧма да вольсавлӧма. |
| там приготовьте нам. | сэні лӧсьӧдӧй миянлы. | Сэтчӧ лӧсьӧдӧй миянлы». | Сэні и лӧсьӧдӧй». |
| 16 И пошли ученики Его, и пришли в город, и нашли, как сказал им; и приготовили пасху. | 16. И мунісны Сылӧн велӧдчысьяс, и воисны карас, и аддзисны, кыдзи висьталіс налы, и лӧсьӧдісны пасха. | 16 Велӧдчысьяс мунісны да воисны карас. Ставыс артмис сідзи, кыдзи висьталіс Исус, да найӧ лӧсьӧдісны Ыджыд лунся сёян. | Велӧдчысьяс мунісны, воисны карас да аддзисны: ставыс лои Исуслӧн висьталӧм серти. Найӧ дасьтісны Ыджыд лунся сёян. |
| 17 Когда настал вечер, Он приходит с двенадцатью. | 17. Кор воис рыт, Сійӧ локтіс дас кыкнанныскӧд. | 17 Рыт пуксьӧм бӧрын Исус локтіс дас кыкыскӧд. | Рытнас Исус локтіс дас кыкнан велӧдчысьыскӧд. |
| 18 И, когда они возлежали и ели, Иисус сказал: истинно говорю вам, один из вас, ядущий со Мною, предаст Меня. | 18. И кор найӧ пукалісны и сёйисны, Иисус шуис: веськыда висьтала тіянлы: тіян пытшкысь ӧти, Мекӧд тшӧтш сёйысь, вузалас Менӧ. | 18 Кор пукалісны да сёйисны, Исус шуис: «Збыльысь висьтала тіянлы: тіян пиысь ӧти, мекӧд тшӧтш сёйысь, менӧ вузалас». | Сёйиганыс шуис налы: «Веськыда висьтала тіянлы: тіян пиысь ӧти, Мекӧд тшӧтш сёйысь, вузалас Менӧ». |
| 19 Они опечалились и стали говорить Ему, один за другим: не я ли? и другой: не я ли? | 19. Найӧ шогӧ усины и пондісны ӧта-мӧд бӧрсьыныс шуавны Сылы: абу-ӧ ме? И мӧд: абу-ӧ ме? | 19 Найӧ шогӧ усины да пондісны шуавны сылы ӧта-мӧд бӧрсяыс: «Ог-ӧ ме?» | Шогӧ усьӧмӧн быдӧн кутіс юасьны Сылысь: «Ог-ӧ ме?» |
| 20 Он же сказал им в ответ: один из двенадцати, обмакивающий со Мною в блюдо. | 20. А Иисус воча кылӧн шуис налы: дас кык пытшкысь ӧти, Мекӧд ӧти тасьтіысь чунялысь. | 20 А Исус налы вочавидзис: «Дас кык письыныд ӧти, коді чунялӧ мекӧд ӧтласа тасьтіысь. | Исус вочавидзис: «Тіян пӧвстысь, дас кыксьыс ӧти, сійӧ Мекӧд ӧти тасьтіысь сёйӧ. |
| 21 Впрочем Сын Человеческий идет, как писано о Нем; | 21. Дерт Мортлӧн Пи мунӧ, кыдзи гижӧма Сы йылысь, | 21 Дерт, Мортлӧн Пи мунас, кыдзи гижӧма сы йылысь, | Морт Пи мунӧ, кыдзи гижӧма Сы йылысь. |
| но горе тому человеку, которым Сын Человеческий предается: лучше было бы тому человеку не родиться. | но курыд шог сійӧ мортыслы, код пыр вузавсьӧ Мортлӧн Пи: бурджык эськӧ вӧлі сійӧ мортыслы, эз кӧ чужлы. | но коньӧр сійӧ мортыс, коді вузалас Мортлысь Писӧ. Сылы эськӧ вӧлі бурджык, эз кӧ чужлы сійӧ». | Но курыд шог Сійӧс вузалысьлы! Бурджык сылы вӧлі, эз кӧ чужлы». |
| 22 И когда они ели, Иисус, взяв хлеб, благословил, преломил, дал им и сказал: приимите, ядите; сие есть Тело Мое. | 22. И кор найӧ вӧлі сёйӧны, Иисус, нянь босьтӧмӧн, благословитіс, чегис и сетіс налы и шуис: босьтӧй, сёйӧ; тайӧ эм Менам Телӧ. | 22 Кор найӧ сёйӧны вӧлі, Исус босьтіс нянь, бурсиис, чегис да велӧдчысьяслы сеталігмоз шуис: «Босьтӧй, тайӧ менам яйӧй». | Сёйиганыс Исус босьтіс нянь, Енмӧс аттьӧалӧмӧн чегис няньсӧ да велӧдчысьяслы сетігас шуис: «Босьтӧй, сёйӧй, тайӧ Менам Яй». |
| 23 И, взяв чашу, благодарив, подал им: и пили из нее все. | 23. И босьтіс чаша, благодаритӧмӧн, сетіс налы; и юисны сэтысь ставныс. | 23 Сэсся босьтіс юан доз, аттьӧаліс Енмӧс да сетіс налы. Ставныс юисны сэтысь. | Сэсся босьтіс чаша, аттьӧаліс Енмӧс да сетіс велӧдчысьясыслы. Ставныс юисны сэтысь. |
| 24 И сказал им: сие есть Кровь Моя Нового Завета, за многих изливаемая. | 24. И шуис налы: тайӧ эм Менам Вир выль кӧсйысьӧмлӧн, кисьтасьӧ уна вӧсна. | 24 Исус шуис налы: «Тайӧ менам вирӧй, йӧзӧс Енкӧд йитысь вирӧй. Сійӧ уна пыдди киссяс. | Исус шуис налы: «Тайӧ Менам Вир — Выль Йитӧдлӧн Вир — киссьӧ уна вӧсна. |
| 25 Истинно говорю вам: Я уже не буду пить от плода виноградного до того дня, когда буду пить новое вино в Царствии Божием. | 25. Веськыда висьтала тіянлы: Ме ог нин понды юны винограднӧй вотӧсысь сійӧ лунӧдз, кор понда юны выль вина Енлӧн Царствоын. | 25 Збыльысь висьтала тіянлы: ме ог нин видлы виноградысь юанторсӧ сійӧ лунӧдзыс, кор юа выльӧс Енлӧн ыджыдаланінын». | Веськыда висьтала тіянлы: Енлӧн Юраланінын выльӧс ютӧдз ог понды юны виноград юансӧ». |
| 26 И, воспев, пошли на гору Елеонскую. | 26. И сьылӧм бӧрын мунісны Елеон гӧра вылӧ. | 26 Аттьӧалана сьылӧм бӧрын мунісны Олив керӧсӧ. | Енлы сьылӧм бӧрын найӧ кайисны Олив керӧсӧ. |
| 27 И говорит им Иисус: все вы соблазнитесь о Мне в эту ночь; | 27. И шуӧ налы Иисус: ті ставныд ылаланныд Ме йылысь тайӧ войнас, | 27 Исус шуис налы: «Ті ставныд эновтчанныд, | Исус шуис велӧдчысьясыслы: «Тавой ті ставныд эновтанныд Менӧ. |
| ибо написано: поражу пастыря, и рассеются овцы. | ӧд гижӧма: «бытшка видзысьсӧ и разӧдчасны ыжъяс»; | гижӧма ӧд: «Дойда видзысьсӧ кувмӧныс, и ыжъясыс разаласны». | Гижӧма: “Видзысьсӧ кувмӧн дойда, да ыжъясыс разаласны”. |
| 28 По воскресении же Моем, Я предварю вас в Галилее. | 28. Но Менам ловзьӧм бӧрын Ме виччыся тіянӧс Галилеяын. | 28 Но кулӧмаясысь ловзьӧм бӧрын ме тіянысь на водзджык муна Галилеяӧ». | Ловзьӧм бӧрам Ме виччыся тіянӧс Галилеяын». |
| 29 Петр сказал Ему: если и все соблазнятся, но не я. | 29. Петыр шуис Сылы: кӧть и ставныс ылаласны, но ог ме. | 29 Петыр шуис сылы: «Кӧть тэысь эновтчасны ставӧн, но ме ог». | Петыр шуис: «Ставныс кӧ эновтасны Тэнӧ, ме ог». |
| 30 И говорит ему Иисус: истинно говорю тебе, что ты ныне, в эту ночь, прежде нежели дважды пропоет петух, трижды отречешься от Меня. | 30. Иисус шуӧ сылы: веськыда висьтала тэныд, мый тэ ӧні, тайӧ войнас, кыкысь петук чукӧстчытӧдз на, куимысь ӧткажитчан Меысь. | 30 Исус вочавидзис: «Збыльысь висьтала тэныд: талун, тайӧ войнас, кытчӧдз петук кыкысь оз чукӧстчы, тэ куимысь соссян меысь». | Исус вочавидзис: «Веськыда висьтала тэныд: тавой петуклӧн кыкысь чукӧсттӧдз на тэ куимысь соссян Меысь». |
| 31 Но он еще с большим усилием говорил: хотя бы мне надлежало и умереть с Тобою, не отрекусь от Тебя. | 31. Но Петыр ёнджыка на шуаліс: кӧть эськӧ и ковмас меным кувны Тэкӧд, ог ӧткажитчы Тэысь. | 31 Но Петыр ёнджыка на шуаліс: «Кӧть и ковмас меным юрӧс пуктыны тэкӧд тшӧтш, некор ог соссьы тэысь!» | Петыр ёнджыка на шуаліс: «Весиг кӧ кувны ковмас Тэкӧд, ог соссьы». |
| То же и все говорили. | Тадзи жӧ и ставныс шуалісны. | Тадзи кӧсйысисны ставныс. | Тадзи шуалісны тшӧтш мукӧд велӧдчысьыс. |
| 32 Пришли в селение, называемое Гефсимания; | 32. Локтісны сиктӧ, шусьӧ Гефсиманияӧн; | 32 Воисны Гетсеман нима оланінӧ, | Исус велӧдчысьясыскӧд локтіс Гефсиманӧ. |
| и Он сказал ученикам Своим: посидите здесь, пока Я помолюсь. | Иисус шуис Аслас велӧдчысьяслы: пукалыштӧй тані, Менам кевмысиг кості. | да Исус шуис велӧдчысьясыслы: «Пукалӧй тані менам кевмысигкості». | Сійӧ шуис налы: «Пукалыштӧй тані Менам кевмысигкості». |
| 33 И взял с Собою Петра, Иакова и Иоанна; | 33. И босьтіс Аскӧдыс Петырӧс, Иаковӧс да Иоаннӧс; | 33 Аскӧдыс нуӧдіс Петырӧс, Яковӧс да Йоанӧс. | Аскӧдыс босьтіс Петырӧс, Яковӧс да Иоанӧс. |
| и начал ужасаться и тосковать. | и пондіс шогсьыны и гажтӧмавны. | Лов вылас сылы лои шуштӧм да сьӧкыд. | Исусӧс полӧм да шогалӧм босьтіс. |
| 34 И сказал им: душа Моя скорбит смертельно; | 34. И шуис налы: Менам душаӧй кулан выйын шогысла; | 34 Сэки шуис налы: «Шогӧйла ме кулан выйын. | Сійӧ шуис: «Шогӧй кувмӧн топӧдӧ лолӧс. |
| побудьте здесь и бодрствуйте. | олыштӧй тані, и энӧ унмовсьӧй. | Кольччӧй татчӧ да лоӧй кок йылын». | Кольччӧй татчӧ да энӧ узьӧй». |
| 35 И, отойдя немного, пал на землю и молился, чтобы, если возможно, миновал Его час сей; | 35. И неуна водзӧ муныштӧмӧн, уськӧдчис му вылас и кевмысис, медым, позяс кӧ, ордйӧдіс Сійӧс тайӧ часыс; | 35 Неуна муныштӧм бӧрын Исус уськӧдчис муас да кевмысис, медым, позьӧ кӧ, тайӧ здукыс ордйис сійӧс. | Ачыс водзлань муныштіс да муӧ уськӧдчӧмӧн пондіс кевмысьны, медым, позис кӧ, тайӧ кадыс ордйис Сійӧс. |
| 36 и говорил: Авва Отче! всё возможно Тебе; | 36. И шуаліс: Авва Батьӧй! Ставыс позяна Тэныд; | 36 Сійӧ шуаліс: «Абба, Батьӧй! Ставыс тэныд позяна. | Сійӧ шуаліс: «<arc>Авва</arc>, Батьӧй! Тэныд ставыс вермана. |
| пронеси чашу сию мимо Меня; | нуӧд тайӧ чашасӧ Меысь бокиті; | Вешты тайӧ юан дозсӧ ме дорысь, | Вешты Ме дінысь тайӧ чашасӧ. |
| но не чего Я хочу, а чего Ты. | но эн мый Ме кӧсъя, а мый Тэ. | но эн менам кӧсйӧм вӧсна, а тэнад кӧсйӧм сертиыд». | Сӧмын мед лоас Тэнад кӧсйӧм серти, а оз Менам». |
| 37 Возвращается и находит их спящими, и говорит Петру: Симон! ты спишь? | 37. Бӧр локтӧ, и аддзӧ найӧс узьысьӧн и шуӧ Петырлы: Симон! тэ узян? | 37 Бӧр локтӧм бӧрас Исус суис велӧдчысьяссӧ узьӧмӧн да шуис Петырлы: «Симон, тэ узян? | Исус бӧр локтіс да аддзис: велӧдчысьясыс унмовсьӧмаӧсь. Петырлы шуис: «Симон, узян-ӧ? |
| не мог ты бодрствовать один час? | эн вермы тэ ӧти час узьтӧгыс овны? | Весиг час эн вермы кутчысьны унмовсьӧмсьыд? | Ӧти час весиг эн вермы узьтӧг олыштны. |
| 38 Бодрствуйте и молитесь, чтобы не впасть в искушение: дух бодр, плоть же немощна. | 38. Виччысьӧй и кевмысьӧй, медым эн усьӧй ылалӧмӧ: дух бодрӧй, а телӧ вермытӧм. | 38 Оз ков узьны, а колӧ кевмысьны, медым энӧ воӧй ыштӧдӧмӧдз. Бурсӧ вӧчны кӧсйӧ мортлӧн лолыс, а вир-яйыс ӧд оз вермы тайӧс вӧчны». | Энӧ узьӧй, кевмысьӧй, мед ыштӧдӧмыс эз вермы тіянӧс. Лолыд ӧд пыр дась, а вир-яйыд жеб». |
| 39 И, опять отойдя, молился, сказав то же слово. | 39. И бара ылыстчис и кевмысис, шуис сійӧ жӧ кывъяссӧ. | 39 Исус ылыстчис бара да кевмысис воддза кывъяссӧ жӧ шуалӧмӧн. | Исус мӧдысь муніс да воддза мозыс кевмысис. |
| 40 И, возвратившись, опять нашел их спящими, ибо глаза у них отяжелели, и они не знали, что Ему отвечать. | 40. И выльысь локтӧм бӧрын аддзӧ найӧс узьысьӧн: ӧд синъясыс налӧн сьӧктісны; и найӧ эз тӧдны, мый Сылы шуны. | 40 Локтӧм бӧрас Исус бара суис велӧдчысьяссӧ узьӧмӧн. Ун вӧлі топыда личкӧма налысь синныссӧ. Найӧ эз тӧдны, мый вочавидзны велӧдысьныслы. | Локтӧм бӧрас бара аддзис: велӧдчысьяссӧ унмыс топыда личкӧма. Найӧ эз тӧдны, мый вочавидзны Сылы. |
| 41 И приходит в третий раз и говорит им: вы всё еще спите и почиваете? | 41. И локтӧ коймӧдысь и шуӧ налы; ті пыр на узянныд и шойччанныд? | 41 Исус воис коймӧдысь да шуис налы: «Ті пыр на узянныд да шойччанныд? Тырмас. | Коймӧдысь локтігас Исус шуис налы: «Пыр на узянныд да шойччанныд? |
| Кончено, пришел час: вот, предается Сын Человеческий в руки грешников. | Помасис, воис час; со, вузавсьӧ Мортлӧн Пи грешникъяслӧн киясӧ; | Воис сійӧ здукыс, кор Мортлӧн Пи лоӧ вузалӧма грека йӧзлы. | Тырмас. Кадыс воис. Морт Пиӧс мыжаяс киӧ сетӧны. |
| 42 Встаньте, пойдем; вот, приблизился предающий Меня. | 42. Чеччӧй, мунамӧй: со, матыстчис Менӧ вузалысь. | 42 Чеччӧй, мунамӧй. Менӧ вузалысьӧй матыстчис нин». | Чеччӧй, мунамӧй. Менӧ вузалысь матын нин». |
| 43 И тотчас, как Он еще говорил, приходит Иуда, один из двенадцати, и с ним множество народа с мечами и кольями, от первосвященников и книжников и старейшин. | 43. И дзик пыр, кор на Сійӧ сёрнитіс, локтӧ Иуда, дас кык пытшкысь ӧти, и сыкӧд зэв уна йӧз шы пуртъясӧн и зоръясӧн, первосвященникъяссянь и книжникъяссянь и йӧзлӧн ыджыдалысьяссянь. | 43 Исус висьталігкості сэтчӧ воис Юдас, дас кык велӧдчысь пиысь ӧти, и сыкӧд тшӧтш шыпуртъяса да шыяса йӧз чукӧр аркирейяссянь, Ен гижӧд велӧдысьяссянь да пӧрысьяссянь. | Исуслӧн сёрнитігкості локтіс Иуда, дас кык велӧдчысьысь ӧти. Сыкӧд тшӧтш локтісны зоръясӧн да шыпуртъясӧн уна йӧз. Найӧс мӧдӧдӧмаӧсь аркирейяс, Индӧдӧ велӧдысьяс да пӧрысьяс. |
| 44 Предающий же Его дал им знак, сказав: Кого я поцелую, Тот и есть, возьмите Его и ведите осторожно. | 44. Иисусӧс жӧ вузалысь сетіс налы сэтшӧм пас, висьталӧмӧн: Кодӧс ме окышта, Сійӧ и эм; босьтӧй Сійӧс и нуӧдӧй видзчысьӧмӧн. | 44 Йӧз чукӧрыскӧд Исусӧс вузалысь вӧлі сёрнитчӧма гуся пас йылысь: «Кодӧс ме окышта, сійӧ и Исусыс. Кутӧй сійӧс да нуӧдӧй син увсьыныд лэдзлытӧг». | Исусӧс вузалысь шуӧма локтӧмаяслы, кодӧс пӧ окышта, Сійӧс босьтӧй да нуӧдӧй, син увсьыныд энӧ лэдзӧй. |
| 45 И, придя, тотчас подошел к Нему и говорит: Равви! Равви! и поцеловал Его. | 45. И локтӧм бӧрын дзик пыр матыстчис Иисус дінӧ и шуӧ: Велӧдысь! И окыштіс Сійӧс. | 45 Локтӧмӧн тшӧтш Юдас матыстчис Исус дінӧ, шуис: «Велӧдысь!» да окыштіс сійӧс. | Иуда веськыда муніс Исус дінӧ да шуис: «Велӧдысьӧй», сэсся окыштіс Сійӧс. |
| 46 А они возложили на Него руки свои и взяли Его. | 46. А найӧ пуктісны кияссӧ Иисус вылӧ и босьтісны Сійӧс. | 46 Локтысь йӧз уськӧдчисны Исус дінӧ да кутісны сійӧс. | Сэки кытшалісны да босьтісны Исусӧс. |
| 47 Один же из стоявших тут извлек меч, ударил раба первосвященникова и отсек ему ухо. | 47. Сэні сулалысьяс пӧвстысь ӧти кыскис шы пуртсӧ, кучкис первосвященниклысь рабсӧ и керыштіс сылысь пельсӧ. | 47 Сэні сулалысьяс пиысь ӧти кыскис шыпуртсӧ да сыӧн ӧвтыштӧмӧн орӧдіс аркирей верлысь пельсӧ. | Сэні сулалысьясысь ӧти перйис шыпуртсӧ да керыштіс аркирей кесйӧглысь пельсӧ. |
| 48 Тогда Иисус сказал им: как будто на разбойника вышли вы с мечами и кольями, чтобы взять Меня. | 48. Сэки Иисус шуис налы: кыдзи быттьӧ рӧзбойник вылӧ петӧмныд ті шы пуртъясӧн и зоръясӧн, медым босьтны Менӧ; | 48 Сэки Исус шуис: «Шыпуртъясӧн да шыясӧн ті локтанныд кутны менӧ, кыдзи эмбур мырддялысьӧс. | Исус шуис: «Лёк вӧчысьӧс моз зорйӧн-шыпуртӧн локтінныд босьтны Менӧ. |
| 49 Каждый день бывал Я с вами в храме и учил, и вы не брали Меня. | 49. Ме быд лун вӧлі тіянкӧд храмын и велӧді, и ті энӧ босьтӧй Менӧ; | 49 Ме тіян дорын вежа керкаын велӧді быд лун, и ті энӧ кутӧй менӧ. | Ме быд лун тіян крамын велӧді, да ті энӧ босьтӧй Менӧ. |
| Но да сбудутся Писания. | но мед инасны Гижӧдъяс. | Но мед збыльмасны Гижӧдъяс». | Тадзи инӧны Гижӧдъяс». |
| 50 Тогда, оставив Его, все бежали. | 50. Сэки, Иисусӧс эновтӧмӧн, ставныс пышйисны. | 50 Ставныс эновтісны Исусӧс да пышйисны. | Сэки велӧдчысьяс ставныс эновтісны Исусӧс да пышйисны. |
| 51 Один юноша, завернувшись по нагому телу в покрывало, следовал за Ним; и воины схватили его. | 51. Ӧти зон, пасьтӧм яй вылас вевттьысян дӧраӧн гартыштчӧмӧн, вӧтчис Иисус бӧрся; и воинъяс кутісны сійӧс. | 51 Ӧти зон, коді пасьтӧм вывтыр вылас вӧлі павтыртӧма дӧра, муніс Исус бӧрся. Сійӧс кутісны, | Ӧти зон вӧтчис Исус бӧрся, но сійӧс кутісны. |
| 52 Но он, оставив покрывало, нагой убежал от них. | 52. Но сійӧ, вевттьысян дӧрасӧ кольӧмӧн, пасьтӧгыс пышйис наысь. | 52 но сійӧ эновтіс дӧрасӧ да пышйис пасьтӧгыс. | Зонка нетшыштчис да пасьтӧгыс пышйис. Куш яй вылас плавгӧм дӧраыс колис шыпуртаяслӧн киӧ. |
| 53 И привели Иисуса к первосвященнику; | 53. Иисусӧс вайӧдісны первосвященник дінӧ; | 53 Исусӧс вайӧдісны аркирей дінӧ. | Исусӧс вайӧдісны аркирей ордӧ. |
| и собрались к нему все первосвященники и старейшины и книжники. | и чукӧртчисны сы дінӧ став первосвященникыс, йӧзлӧн ыджыдалысьяс и книжникъяс. | Сэтчӧ чукӧртчисны пӧрысьяс, Ен гижӧд велӧдысьяс да став аркирейыс. | Сэтчӧ чукӧртчисны пӧрысьяс, Индӧдӧ велӧдысьяс да став аркирейыс. |
| 54 Петр издали следовал за Ним, даже внутрь двора первосвященникова; | 54. Петыр ылісянь вӧтчис Иисус бӧрся, весиг первосвященник йӧр пытшкӧдз; | 54 Исусысь кольччӧмӧн Петыр муніс сійӧс нуӧдысьяс бӧрся да воис аркирей керка йӧрӧдзыс. | Петыр бӧрӧ кольччӧмӧн вӧтчис Исус бӧрся аркирей керка дорӧдз. |
| и сидел со служителями, и грелся у огня. | и пукаліс отсасьысьяс дінын, и шонтысис би дорын. | Сійӧ пуксис видзысьяс чукӧрӧ да кутіс шонтысьны би дорын. | Пырис йӧрас да пуксис кесйӧгъяскӧд орччӧн би дорӧ шонтысьны. |
| 55 Первосвященники же и весь синедрион искали свидетельства на Иисуса, чтобы предать Его смерти; и не находили. | 55. Первосвященникъяс и став синедрионыс корсисны Иисуслы паныд висьталысьясӧс, медым сетны Сійӧс виӧм вылӧ, но эз сюрны. | 55 Исусӧс вины сетӧм могысь аркирейяс да став ӧксьӧмыс корсисны сэтшӧм йӧзӧс, кодъяс эськӧ сёрнитісны сылы паныд, но эз аддзыны. | Аркирейяс да став веськӧдлан котырыс корсисны Исуслы паныд висьталысьясӧс, медым сэсся мыждыны да вины Сійӧс. Но колана висьталысьыс эз сюр. |
| 56 Ибо многие лжесвидетельствовали на Него, но свидетельства сии не были достаточны. | 56. Ӧд унаӧн висьтавлісны Сы вылӧ лӧжнӧя, но сійӧ висьтавлӧмъясыс эз вӧвны тырмана. | 56 Кӧть унаӧн пӧръясьӧмӧн сёрнитісны сылы паныд, но тайӧ висьталӧмъясыс мӧда-мӧдныслы эз лӧсявны. | Унаӧн пӧръясьӧмӧн висьталісны Исус йылысь, но налӧн висьталӧмыс торъяліс ӧта-мӧдсьыс. |
| 57 И некоторые, встав, лжесвидетельствовали против Него и говорили: | 57. И кодсюрӧ сувтӧмӧн висьтавлісны лӧжсӧ Сылы паныд, шуалӧмӧн: | 57 кодсюрӧ сувтісны висьтавны пӧръясьӧмӧн сылы паныд: | Кодсюрӧ висьталісны: |
| 58 мы слышали, как Он говорил: Я разрушу храм сей рукотворенный, и через три дня воздвигну другой, нерукотворенный. | 58. Ми кывлім, кыдзи Сійӧ сёрнитіс: «Ме жугӧда тайӧ киӧн вӧчӧм храмсӧ, и куим лун мысти сувтӧда мӧдӧс, киӧн вӧчтӧмӧс». | 58 «ми кывлім, кыдзи сійӧ сёрнитіс: «ме жугӧда киӧн вӧчӧм енлысь тайӧ керкасӧ да куим лунӧн лэпта мӧдӧс, киӧн вӧчтӧмӧс"«. | «Ми кывлім: Сійӧ шуліс, жугӧда пӧ киӧн вӧчӧм тайӧ крамсӧ, сэсся пӧ куим лунӧн лэпта мӧдӧс, киӧн вӧчтӧмӧс». |
| 59 Но и такое свидетельство их не было достаточно. | 59. Но и татшӧм висьтавлӧмыс налӧн эз вӧв тырмана. | 59 НО И налӧн висьталӧмъясыс эз лӧсявны мӧда-мӧдныслы. | Но весиг налӧн висьталӧмыс торъяліс ӧта-мӧдсьыс. |
| 60 Тогда первосвященник стал посреди и спросил Иисуса: что Ты ничего не отвечаешь? что они против Тебя свидетельствуют? | 60. Сэки первосвященник сувтіс шӧраныс и юаліс Иисуслысь: мый Тэ нинӧм он воча кыв шу? мый найӧ Тэнлы паныд висьтавлӧны? | 60 Аркирей сувтіс шӧрас да юаліс Исуслысь: «Он-ӧ тэ нинӧм вочавидз, кор найӧ висьталӧны тэныд паныд?» | Сэки аркирей сувтіс шӧрас да юаліс Исуслысь: «Мый воча шуан?» |
| 61 Но Он молчал и не отвечал ничего. | 61. Но Иисус чӧв оліс и нинӧм воча кыв эз шу. | 61 Но Исус чӧв оліс, нинӧм эз вочавидз. | Исус чӧв оліс, нинӧм эз вочавидз. |
| Опять первосвященник спросил Его и сказал Ему: Ты ли Христос, Сын Благословенного? | Первосвященник выльысь юаліс Сылысь и шуис Сылы: Тэ-ӧ Христос, Благословеннӧйлӧн Пи? | Аркирей бара юаліс сылысь: «Мессия-ӧ тэ, ошкана Енлӧн Пи?» | Аркирей юаліс Сылысь: «Тэ-ӧ Кристос, Ошканаыслӧн Пиыс?» |
| 62 Иисус сказал: Я; | 62. Иисус шуис: Ме; | 62 Исус шуис: «Ме, | Исус вочавидзис: «Ме. |
| и вы узрите Сына Человеческого, сидящего одесную силы и грядущего на облаках небесных. | и ті аддзанныд Мортлысь Писӧ, вын веськыдладорын пукалысьӧс и енэжвыв кымӧръяс вылын локтысьӧс. | и ті аддзанныд Мортлысь Писӧ, Вын веськыдладорын пукалысьӧс да енэж кымӧръяс шӧрӧд локтысьӧс». | И ті аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс». |
| 63 Тогда первосвященник, разодрав одежды свои, сказал: на что еще нам свидетелей? | 63. Сэки первосвященник, ассьыс паськӧмсӧ косявлӧмӧн, шуис: мый вылӧ нӧшта миянлы висьтавлысьяссӧ? | 63 Аркирей косяліс ассьыс паськӧмсӧ да шуис: «Мыйла миянлы нӧшта колӧны висьталысьясыс? | Ассьыс паськӧмсӧ косяліг аркирей шуис: «Висьталысьяс миянлы оз нин ковны, |
| 64 Вы слышали богохульство; | 64. Ті кывлінныд Енмӧс омӧльтӧмсӧ; | 64 Ті Енмӧс омӧльтӧмсӧ кывлінныд. | ті асьныд кывлінныд, Сійӧ Енмӧс омӧльтӧ. |
| как вам кажется? | кыдз тіянлы кажитчӧ? | Мый ті шуанныд?» | Мый шуанныд?» |
| Они же все признали Его повинным смерти. | Найӧ жӧ ставныс лыддисны Иисусӧс мыжаӧн виӧм вылӧ. | Налӧн ставныслӧн вӧлі ӧти мыжданшуӧм — вины Исусӧс. | Ставныс мыжалісны Исусӧс да ӧти вомӧн шуисны вины Сійӧс. |
| 65 И некоторые начали плевать на Него и, закрывая Ему лице, ударять Его и говорить Ему: прореки. | 65. И кодсюрӧ пондісны сьӧлавны Сы вылӧ и, Сылысь чужӧмсӧ тупкӧмӧн, кучкавны Сійӧс и шуавны Сылы: тӧдмав. | 65 Кодсюрӧ пондісны сьӧлавны сылы, сылысь чужӧмсӧ тупкӧмӧн кучкалісны да шуалісны: «Енсянь юӧртысь, висьтав, коді кучкис». | Кодсюрӧ пондісны сьӧлавны Сылы, Сылысь чужӧмсӧ вевттьӧмӧн нӧйтісны да шуалісны: «Висьтав, Пророк, коді кучкис?» |
| И слуги били Его по ланитам. | И налӧн отсасьысьяс кучкалісны Сылы чужӧмас. | И видзысьяс кучкалісны сылы чужӧмас. | Видзысьяс тшӧтш кучкалісны Сылы чужӧмас. |
| 66 Когда Петр был на дворе внизу, пришла одна из служанок первосвященника | 66. Кор Петыр вӧлі улын йӧр пытшкас, локтіс первосвященниклӧн отсасьысь аньяс пӧвстысь ӧти | 66 Кор Петыр вӧлі керка йӧрас, локтіс аркирейлы отсасьысьяс пиысь ӧти ныв, | Петыр вӧлі керка йӧрас. Аркирейлӧн кесйӧгъяс пиысь ӧти ань локтіс сэтчӧ. |
| 67 и, увидев Петра греющегося и всмотревшись в него, сказала: и ты был с Иисусом Назарянином. | 67. и, шонтысьысь Петырӧс аддзиг и сы вылӧ видзӧдӧмӧн, шуис: и тэ вӧлін Назорейса Иисускӧд. | 67 аддзис би дорын шонтысьысь Петырӧс да сы вылӧ видзӧдӧмӧн шуис: «Тэ тшӧтш вӧлін назаретса Исускӧд». | Сійӧ аддзис би дорын шонтысьысь Петырӧс да сы вылӧ видзӧдлӧмӧн шуис: «Тэ тшӧтш Назаретса Исускӧд вӧлін». |
| 68 Но он отрекся, сказав: не знаю и не понимаю, что ты говоришь. И вышел вон на передний двор; | 68. Но Петыр ӧткажитчис, шуӧмӧн: ог тӧд и ог гӧгӧрво, мый тэ висьталан. И петіс ортсӧ воддза йӧрас; | 68 Но Петыр соссис. «Ме ог тӧд да ог гӧгӧрво, мый йылысь тэ сёрнитан», сійӧ шуис да петіс ортсӧ керка водз йӧрас. | Петыр соссис: «Ог тӧд Сійӧс. Ог гӧгӧрво, мый висьталан», сэсся петіс водз йӧрас. |
| и запел петух. | и чукӧстіс петук. | Кыліс петуклӧн чукӧстӧм. | |
| 69 Служанка, увидев его опять, начала говорить стоявшим тут: этот из них. | 69. Отсасьысь ань сійӧс аддзӧм бӧрын бара пондіс висьтавны сэні сулалысьяслы: тайӧ на пӧвстысь. | 69 Петырӧс аддзӧм мысти нылыс бара пондіс висьтавлыны сэні сулалысьяслы: «Тайӧ на пиысь ӧти». | Аньыс бара казяліс Петырӧс да пондіс висьтавлыны сэні сулалысьяслы, тайӧ мортыс пӧ на пиысь. |
| 70 Он опять отрекся. | 70. Петыр бара ӧткажитчис. | 70 Петыр бара соссис. | Петыр бара соссис. |
| Спустя немного, стоявшие тут опять стали говорить Петру: точно ты из них; | Регыд мысти, сэні сулалысьяс выльысь пондісны шуавны Петырлы: збыльысь тэ на пӧвстысь; | Регыд мысти сэні сулалысьяс выльысь пондісны шуавны Петырлы: «Тэ збыльысь на пӧвстысь, | Бӧрынджык сэні сулалысьяс шуисны Петырлы: «Тэ дзик на пиысь. |
| ибо ты Галилеянин, и наречие твое сходно. | ӧд тэ Галилеяса, и сёрниыд тэнад лӧсялӧ. | тэ ӧд Галилеяысь». | Тэ Галилеяысь, сёрниыд на кодь». |
| 71 Он же начал клясться и божиться: не знаю Человека Сего, о Котором говорите. | 71. Петыр жӧ пондіс клянитчыны и ейбогасьны: ог тӧд Тайӧ Мортсӧ, Код йылысь висьтавланныд. | 71 Но Петыр пондіс ёркывъясӧн видчыны да ейбогасьны: «Ог тӧд тайӧ мортсӧ, код йылысь висьталанныд». | Петыр енмасьӧмӧн пондіс соссьыны: «Ог тӧд тайӧ Мортсӧ, код йылысь висьталанныд». |
| 72 Тогда петух запел во второй раз. | 72. Сэки мӧдысь чукӧстіс петук. | 72 Дзик пыр мӧдысь чукӧстчис петук. | Кыліс петуклӧн мӧдысь чукӧстӧм. |
| И вспомнил Петр слово, сказанное ему Иисусом: прежде нежели петух пропоет дважды, трижды отречешься от Меня; | И Петырлы тӧд вылас уси Иисуслӧн висьталӧм кывйыс: кыкысь петук чукӧсттӧдз куимысь ӧткажитчан Меысь. | Петырлы тӧд вылас уси Исуслӧн шуӧмыс: «Кытчӧдз петук кыкысь оз чукӧстчы, тэ куимысь соссян меысь». | Сэки Петырлы уси тӧд вылас Исуслӧн шуӧмыс: «Петуклӧн кыкысь чукӧсттӧдз на тэ куимысь соссян Меысь». |
| и начал плакать. | И пондіс бӧрдны. | И сійӧ ырзӧмӧн бӧрддзис. | Петыр ырзӧмӧн бӧрддзис. |
| Глава 15 | ГЛАВА 15 | 15 юр | 15. |
| 1 Немедленно поутру первосвященники со старейшинами и книжниками и весь синедрион составили совещание и, связав Иисуса, отвели и предали Пилату. | 1. Асывводзнас пырысьтӧм пыр чукӧртчисны и сёрнитчисны первосвященникъяс йӧзлӧн ыджыдалысьяскӧд и книжникъяскӧд и ставнас синедрионыс и, Иисусӧс кӧрталӧмӧн, нуӧдісны и сетісны Пилатлы. | 1 Асывводзнас сёрнитчисны аркирейяс пӧрысьяскӧд, Ен гижӧд велӧдысьяскӧд да став ӧксьӧмкӧд. Исусӧс кӧрталӧмӧн нуӧдісны да сетісны Пилат киӧ. | Асывводзнас аркирейяс, пӧрысьяс, Индӧдӧ велӧдысьяс да став веськӧдлан котырыс чукӧртчисны ӧтлаӧ. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы. |
| 2 Пилат спросил Его: Ты Царь Иудейский? | 2. Пилат юаліс Иисуслысь: Тэ Иудеяса Царь? | 2 Пилат юаліс Исуслысь: «Тэ-ӧ юдаяслӧн ӧксыыс?» | Пилат юаліс Исуслысь: «Тэ-ӧ юдейяслӧн Ӧксыыс?» |
| Он же сказал ему в ответ: ты говоришь. | Иисус воча кылӧн шуис сылы: тэ шуан. | Исус вочавидзис сылы: «Тэ сідзи висьталан». | Исус вочавидзис: «Тэ шуан». |
| 3 И первосвященники обвиняли Его во многом. | 3. И первосвященникъяс мыжалісны Иисусӧс унаторйысь. | 3 Аркирейяс Исусӧс мыжалісны унаторйысь. | Аркирейяс унаторйысь мыжалісны Исусӧс. |
| 4 Пилат же опять спросил Его: Ты ничего не отвечаешь? | 4. Пилат жӧ бара юаліс Сылысь: Тэ нинӧм воча он шу? | 4 Пилат бара юаліс сылысь: «Он-ӧ тэ мыйкӧ вочавидз? | Пилат бара юаліс Сылысь: «Он тай нӧ нинӧм шу? |
| видишь, как много против Тебя обвинений. | Аддзан, кутшӧм уна Тэнлы паныд мыжалӧмыс. | Аддзан, мыйта тэнӧ мыжалӧны». | Кылан, кутшӧма Тэнӧ мыжалӧны». |
| 5 Но Иисус и на это ничего не отвечал, так что Пилат дивился. | 5. Но Иисус и та вылӧ нинӧм эз шу, сідз мый Пилат шензис. | 5 Исус нинӧм нин эз вочавидз. Тайӧ шензьӧдіс Пилатӧс. | Исус весиг воча кыв эз шу. Пилатӧс тайӧ шензьӧдіс. |
| 6 На всякий же праздник отпускал он им одного узника, о котором просили. | 6. А быд праздник кежлӧ Пилат лэдзлывліс налы ӧтикӧс тюрмаысь, кодӧс найӧ корисны. | 6 Пилат быд Ыджыд лунӧ лэдзліс дзескыдінын пукалысь пиысь ӧтикӧс, кодӧс йӧзыс корлісны. | Быд во Ыджыд лунӧ йӧз корӧм серти Пилат лэдзліс дзескыдінысь ӧти мортӧс. |
| 7 Тогда был в узах некто, по имени Варавва, со своими сообщниками, которые во время мятежа сделали убийство. | 7. Сэки вӧлі тюрмаын Варавва нима морт, аслас ёртъяскӧд, кодъяс бунт вӧчигӧн виисны мортӧс. | 7 Сэки дзескыдінын пукалісны веськӧдлысьяслы паныд кыпӧдчылысьяс. Кыпӧдчыліганыс найӧ мортӧс виӧмаӧсь. Виысьяс лыдас вӧлӧма тшӧтш и Бараббас. | Сэки дзескыдінын пукалісны зык лэптысьяс. На лыдын тшӧтш вӧлі Варавва. Зык дырйиыс найӧ мортӧс виӧмаӧсь. |
| 8 И народ начал кричать и просить Пилата о том, что он всегда делал для них. | 8. И йӧзыс пондісны горзыны и корны сы йылысь, мый Пилат пыр вӧчлывліс налы вылӧ. | 8 Йӧз чукӧртчисны да кутісны корны Пилатлысь вӧчны налы, мый сійӧ век вӧчлывліс. | Чукӧртчӧм йӧз пондісны горзӧмӧн корны Пилатӧс вӧчны налы сійӧ, мый пыр вӧчлывліс. |
| 9 Он сказал им в ответ: хотите ли, отпущу вам Царя Иудейского? | 9. Пилат воча кылӧн шуис налы: кӧсъянныд-ӧ, лэдза тіянлы Иудеяса Царӧс? | 9 Пилат вочавидзис налы: «Кӧсъянныд-ӧ, медым ме лэдза тіянлы юдаяслысь ӧксысӧ?» | Пилат юаліс: «Кӧсъянныд-ӧ, медым ме лэдзи тіянлы юдейяслысь Ӧксысӧ?» |
| 10 Ибо знал, что первосвященники предали Его из зависти. | 10. Ӧд Пилат тӧдӧ вӧлі, мый первосвященникъяс сетісны Иисусӧс завидьтӧм вӧсна. | 10 Ӧд Пилат вӧлі гӧгӧрвоӧ, мый аркирейяс вежалісны Исусӧс да та вӧсна сетісны сійӧс сы киӧ. | Пилат тӧдіс, мый аркирейяс вайӧдісны Исусӧс вежалӧмныс понда. |
| 11 Но первосвященники возбудили народ просить, чтобы отпустил им лучше Варавву. | 11. Но первосвященникъяс йӧзсӧ ыззьӧдісны корны, медым бурджык лэдзис налы Варавваӧс. | 11 Но аркирейяс ыззьӧдісны йӧзсӧ, мед найӧ корисны лэдзны Бараббасӧс, а эз Исусӧс. | Аркирейяс ыззьӧдісны йӧзсӧ, мед Исус пыдди корасны лэдзны Варавваӧс. |
| 12 Пилат, отвечая, опять сказал им: что же хотите, чтобы я сделал с Тем, Которого вы называете Царем Иудейским? | 12. Пилат воча кылӧн сёрнитігас бара шуис налы: мый нӧ кӧсъянныд, медым ме вӧчи Сыкӧд, Кодӧс ті шуанныд Иудеяса Царӧн? | 12 Пилат сэки шуис налы: «А мый ме вӧча сылы, кодӧс ті шуанныд юдаяслӧн ӧксыӧн?» | Пилат юаліс: «Мый шуанныд вӧчны Сыкӧд, кодӧс юдейяслӧн Ӧксыӧн нимтанныд?» |
| 13 Они опять закричали: распни Его. | 13. Найӧ бара горӧдісны: тувъяв Сійӧс! | 13 Найӧ воча горӧдісны: «Тувъяв сійӧс крестӧ!» | Найӧ горӧдісны: «Тувъяв Сійӧс!» |
| 14 Пилат сказал им: какое же зло сделал Он? | 14. Пилат шуис налы: кутшӧм лёк нӧ вӧчис Сійӧ? | 14 Пилат шуис налы: «А кутшӧм лёктор сійӧ вӧчис?» | «Мый лёксӧ Сійӧ вӧчис?» — юаліс Пилат. |
| Но они еще сильнее закричали: распни Его. | Но найӧ нӧшта ёнджыка на горзісны: тувъяв Сійӧс! | Но найӧ нӧшта на ёнджыка горзісны: «Тувъяв сійӧс крестӧ!» | Йӧзыс гораджыка на горӧдісны: «Тувъяв Сійӧс!» |
| 15 Тогда Пилат, желая сделать угодное народу, отпустил им Варавву, а Иисуса, бив, предал на распятие. | 15. Сэки Пилат, йӧзыслы коланаӧс вӧчӧм могысь, лэдзис налы Варавваӧс, а Иисусӧс, нӧйтӧм бӧрын, сетіс тувъялӧм вылӧ. | 15 Йӧз кӧсйӧм серти вӧчӧм могысь Пилат шуис лэдзны Бараббасӧс, а Исусӧс тшӧктіс ньӧръявны да тувъявны крестӧ. | Йӧзлы шогмӧм могысь Пилат лэдзис Варавваӧс, а Исусӧс нӧйтӧм бӧрын сетіс тувъявны. |
| 16 А воины отвели Его внутрь двора, то есть в преторию, и собрали весь полк, | 16. А воинъяс Иисусӧс нуӧдісны йӧр пытшкӧсас, преторияӧ, и чукӧртісны быдса полк; | 16 Шыпуртаяс Исусӧс нуӧдісны веськӧдлысь керка йӧрӧ, да чукӧртісны сэтчӧ шыпуртаяслысь дзонь юкӧд. | Шыпуртаяс нуӧдісны Исусӧс римса юралысьлӧн керка йӧрӧ, сэтчӧ чукӧртісны и мукӧд шыпуртаясӧс. |
| 17 и одели Его в багряницу, и, сплетши терновый венец, возложили на Него; | 17. И пасьтӧдісны Сійӧс чим гӧрд паськӧмӧн, и, лежнӧгысь венеч кыӧмӧн, пуктісны Сы вылӧ. | 17 Найӧ пасьтӧдісны Исусӧс кузь пемыдгӧрд паськӧмӧ, юрас пуктісны лежнӧгысь юркытш | Найӧ пасьтӧдісны Исусӧс пемыдгӧрд кышанӧ, юрас пуктісны лежнӧгысь кыӧм юркытш, |
| 18 и начали приветствовать Его: радуйся, Царь Иудейский! | 18. И пондісны чолӧмавны Сійӧс: радлы, Иудеяса Царь! | 18 и кутісны чолӧмавны сійӧс: «Мед олас юдаяслӧн ӧксы!» | сэсся пондісны нимӧдны Сійӧс: «Мед олас юдейяслӧн Ӧксы!» |
| 19 И били Его по голове тростью, и плевали на Него, и, становясь на колени, кланялись Ему. | 19. И юрас кучкалісны Сылы беддьӧн, и сьӧлалісны Сы вылӧ и, пидзӧсъясныс вылӧ сувтӧмӧн, копрасисны Сылы. | 19 Кучкалісны юрас беддьӧн, сьӧлалісны сылы, пидзӧсчанясисны да копрасисны сы водзын. | Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын. |
| 20 Когда же насмеялись над Ним, сняли с Него багряницу, одели Его в собственные одежды Его и повели Его, чтобы распять Его. | 20. Сы вылын серавлӧм бӧрын пӧрччӧдісны Сы вылысь чим гӧрд паськӧмсӧ, пасьтӧдісны Сійӧс Аслас паськӧмӧн и нуӧдісны Сійӧс, медым тувъявны Сійӧс. | 20 Тешитчӧм бӧрын найӧ пӧрччисны сы вылысь пемыдгӧрд паськӧмсӧ, пасьтӧдісны сійӧс аслас паськӧмӧ да нуӧдісны тувъявны крестӧ. | Сералӧм-лёкӧдӧм бӧраныс найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны. |
| 21 И заставили проходящего некоего Киринеянина Симона, отца Александрова и Руфова, идущего с поля, нести крест Его. | 21. И Сылысь крестсӧ тшӧктісны нуны сэті мунысь кутшӧмкӧ Киринеяса Симонӧс, батьсӧ Александрлысь и Руфлысь, коді вӧлі локтӧ видз-му вывсянь. | 21 Исуслысь крестсӧ тшӧктісны нуны кар сайсянь локтысь кыренеса Симонлы, коді вӧлі батьӧн Александрлы да Руфослы. | Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы. |
| 22 И привели Его на место Голгофу, что значит: Лобное место. | 22. И нуӧдісны Сійӧс Голгофаӧ, сійӧ лоӧ: «лобнӧй места». | 22 Вайӧдісны Исусӧс Голгопа керӧсӧ, кодлӧн нимсӧ вуджӧдӧны «Юр лы». | Исусӧс вайӧдісны Голгопа керӧсӧ, нимыслӧн вежӧртасыс лоӧ “Юр лы”. |
| 23 И давали Ему пить вино со смирною; | 23. И сетлісны Сылы юны смирнаӧн сорлалӧм вина; | 23 Сылы сетісны смирнаӧн сорлалӧм вина, | Сэні Сылы сетісны смирна сора вина, |
| но Он не принял. | но Сійӧ эз босьт. | но сійӧ эз ю. | но Сійӧ эз ю. |
| 24 Распявшие Его делили одежды Его, бросая жребий, кому что взять. | 24. Сійӧс тувъялысьяс юклісны паськӧмсӧ Сылысь пудъясьӧмӧн, кодлы мый босьтны. | 24 Найӧ тувъялісны крестӧ Исусӧс да юклісны паськӧмсӧ пудъясьӧмӧн, кодлы мый сюрас. | Исусӧс тувъялӧм бӧрын шыпуртаяс пудъясьӧмӧн юкисны Сылысь паськӧмсӧ. |
| 25 Был час третий, и распяли Его. | 25. Вӧлі коймӧд час, и тувъялісны Сійӧс. | 25 Вӧлі коймӧд час, кор сійӧс тувъялісны крестӧ. | Исусӧс тувъялісны ӧкмыс час асылӧ. |
| 26 И была надпись вины Его: Царь Иудейский. | 26. И вӧлі гижӧд Сылӧн мыж йылысь: Иудеяса Царь. | 26 Выліас вӧлі гижӧма сылысь мыжсӧ: «Юдаяслӧн ӧксы». | Юр весьтас ӧшӧдісны мыжалан пасйӧд: «Юдейяслӧн Ӧксы». |
| 27 С Ним распяли двух разбойников, одного по правую, а другого по левую сторону Его. | 27. Сыкӧд тувъялісны кык рӧзбойникӧс, ӧтисӧ Сы веськыдладорӧ, а мӧдсӧ шуйгаладорас. | 27 Сыкӧд орччӧн тувъялісны крестӧ кык эмбур мырддялысьӧс: ӧтисӧ сылӧн веськыдладорас, а мӧдсӧ шуйгаладорас. | Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас. |
| 28 И сбылось слово Писания: и к злодеям причтен. | 28. Тадзи иніс Гижӧдыслӧн кывйыс: «и лёк вӧчысьяс дінӧ лыддисны». | (28 Тадзи збыльмис Гижӧдыс: «Сійӧс мыж вӧчысьяскӧд ӧткодялісны».) | Тадзи иніс Гижӧдыс: «Сійӧс пуктісны Индӧдтӧг олысьяс лыдӧ». |
| 29 Проходящие злословили Его, кивая головами своими и говоря: э! разрушающий храм, и в три дня созидающий! | 29. Сэті ветлысьяс лёк кывъясӧн видісны Сійӧс, ассьыныс юрнысӧ копрӧдлӧмӧн и шуалӧмӧн: Э! Храм жугӧдысь и куим лунӧн вӧчысь! | 29 Бокиті ветлысь-мунысьяс омӧльтісны сійӧс, юрнаныс довкйӧдлӧмӧн шуалісны: «А! А! Енлысь керка жуглысь да куим лунӧн выльысь вӧчысь, | Сэті мунысьяс лёкысь видзӧдӧмӧн омӧльтісны Исусӧс: «Крам жугӧдысь да куим лунӧн сійӧс лэптысь, |
| 30 спаси Себя Самого и сойди со креста. | 30. Мезды Асьтӧ Ачыд и лэччы крест вывсьыс. | 30 мезды ачыд асьтӧ да лэччы крестсьыс». | мезды Асьтӧ, лэччы крест вывсьыд». |
| 31 Подобно и первосвященники с книжниками, насмехаясь, говорили друг другу: других спасал, а Себя не может спасти. | 31. На моз первосвященникъяс книжникъяскӧд серавлӧмӧн ӧта-мӧдныслы шуисны: мукӧдъясӧс спаситлін, а Асьтӧ спаситны он вермы! | 31 На моз жӧ тешитчисны аркирейяс Ен гижӧд велӧдысьяскӧд, ӧта-мӧдныслы шуалісны: «Мукӧдъясӧс мездывліс, а асьсӧ мездыны оз вермы! | Сійӧс лёкӧдісны тшӧтш аркирейяс да Индӧдӧ велӧдысьяс: «Мукӧдӧс мездіс, а Асьсӧ мездыны оз вермы! |
| 32 Христос, Царь Израилев, пусть сойдет теперь с креста, чтобы мы видели, и уверуем. | 32. Христос, Израильса Царь, мед ӧні лэччас крест вывсьыс, медым ми аддзылім и кутім веритны. | 32 Кристос, Израильлӧн ӧксы, мед лэччас ӧні крестсьыс. Кор ми аддзылам тайӧс, сэки и эскам». | Кристос, Израиль Ӧксы, мед лэччас крест вывсьыс. Аддзылам кӧ тайӧс, сэки эскам». |
| И распятые с Ним поносили Его. | И Сыкӧд тувъялӧмаяс видісны Сійӧс. | Весиг орчча крестӧ тувъялӧмаясыс омӧльтісны сійӧс. | Исусӧс лёкӧдісны тшӧтш орччӧн тувъялӧмаяс. |
| 33 В шестом же часу настала тьма по всей земле и продолжалась до часа девятого. | 33. А квайтӧд часын лои пемыд став му пасьтаыс и вӧлі ӧкмысӧд часӧдз. | 33 Лун шӧр кадӧ, квайтӧд час , пемдіс став му пасьтала да вӧлі пемыд ӧкмысӧд часӧдз. | Лун шӧр кадӧ пемдіс став му пасьталаыс, пемыдыс сулаліс куим часӧдз. |
| 34 В девятом часу возопил Иисус громким голосом: Элои! Элои! ламма савахфани? - что значит: Боже Мой! Боже Мой! для чего Ты Меня оставил? | 34. Ӧкмысӧд часын Иисус шыасис гора гӧлӧсӧн: «<rus>Элои! Элои! Ламма Савахфани</rus>?» мый лоӧ: «Енмӧй Менам, Енмӧй Менам! Мыйла Тэ Менӧ колин?» | 34 Ӧкмысӧд часӧ Исус гораа шыӧдчис: «Элой! Элой! Лама сабактани?» Сылӧн вуджӧдӧмыс татшӧм: «Енмӧй! Енмӧй! Мыйла тэ менӧ эновтін?» | Куим час гӧгӧрын Исус ыджыд шыӧн горӧдіс: «<arc>Эли, Эли, ламма сабактани</arc>? Енмӧй, Енмӧй, мыйла Тэ колин Менӧ?» |
| 35 Некоторые из стоявших тут, услышав, говорили: вот, Илию зовет. | 35. Кодсюрӧ сэні сулалысьяс пытшкысь кылӧм бӧрын шуисны: со Илияӧс корӧ. | 35 Тайӧс кылӧм бӧрын сэні сулалысьяс пиысь кодсюрӧ шуисны: «Кывзӧй, Элияӧс корӧ». | Сэні сулалысьясысь кодсюрӧ шуисны, Илляӧс пӧ корӧ. |
| 36 А один побежал, наполнил губку уксусом и, наложив на трость, давал Ему пить, говоря: постойте, посмотрим, придет ли Илия снять Его. | 36. А ӧти котӧртіс, тыртіс уксусӧн губка и, бедь вылӧ сатшкӧмӧн, сетліс Сылы юны, шуалӧмӧн: сулавлӧй, видзӧдлам, локтас-ӧ Илия лэдзны Сійӧс. | 36 А ӧти морт котӧртіс, кӧтӧдіс шоммӧм винаӧн саридзса тшак , сатшкис сійӧс бедь йылӧ, мыччис Исуслы юны да шуис: «Видзӧдламӧй, локтас-ӧ Элияыс сійӧс лэдзнысӧ». | Ӧти морт котӧртіс, кӧтӧдіс шома винаӧн губка, сэсся бедь помӧ сатшкӧмӧн мыччис сійӧс Исуслы да шуис: «Энлӧй! Видзӧдлам, локтас оз Илля лэдзны Сійӧс». |
| 37 Иисус же, возгласив громко, испустил дух. | 37. А Иисуслӧн гораа шыасьлӧм бӧрын петіс лолыс. | 37 Исус горӧдіс мый вынсьыс да лэдзис ловсӧ. | Исус горӧдіс ыджыд шыӧн, сэсся лолыс петіс. |
| 38 И завеса в храме раздралась надвое, сверху донизу. | 38. И храмын занавес косяссис шӧри, вывсяньыс улӧдзыс. | 38 Вежа керкалӧн ӧдзӧсдӧраыс косясис шӧри, вывсяньыс улӧдзыс. | Сэки крамын ӧшалысь дӧраыс вывсяньыс улӧдзыс кык пельӧ косяссис. |
| 39 Сотник, стоявший напротив Его, увидев, что Он, так возгласив, испустил дух, сказал: истинно Человек Сей был Сын Божий. | 39. Иисуслы паныд сулалысь сотник, кор аддзис, мый Сылӧн тадзи шыасьлӧм бӧрын лолыс петіс, шуис: дзик збыльысь Тайӧ Мортыс вӧлӧма Енлӧн Пи. | 39 Сё шыпуртаӧн юралысь сулаліс Исус весьтын. Кор сійӧ аддзис, кыдзи Исус лэдзис ловсӧ, шуис: «Тайӧ мортыс збыльысь вӧлі Енлӧн Пи». | Шыпуртаяслӧн веськӧдлысь сулаліс Исуслы воча. Кор сійӧ аддзис, кыдзи Исуслӧн горӧдӧм бӧрын лолыс петіс, шуис: «Тайӧ Мортыс збыльысь Ен Пи вӧлӧма». |
| 40 Были тут и женщины, которые смотрели издали: | 40. Сэні вӧліны и нывбабаяс, кодъяс видзӧдісны ылысянь; | 40 Сэні вӧлысь нывбабаяс ылісянь видзӧдісны. | Сэні вӧліны аньяс, кодъяс ылісянь видзӧдісны. |
| между ними была и Мария Магдалина, и Мария, мать Иакова меньшего и Иосии, и Саломия, 41 которые и тогда, как Он был в Галилее, следовали за Ним и служили Ему, и другие многие, вместе с Ним пришедшие в Иерусалим. | на пӧвстын вӧлі и Мария Магдалина, и Мария, ичӧт Иаковлӧн да Иосиялӧн мам, и Саломия, 41. Кодъяс и сэки, кор Иисус вӧлі Галилеяын, локтісны Сы бӧрся и отсасисны Сылы, и унаӧн мукӧдъяс, Сыкӧд тшӧтш Иерусалимӧ локтысьяс. | На пиын вӧліны магдаласа Марья, томджык Яковлӧн да Ёсеслӧн Марья мамныс да Саломе, 41 кодъяс Галилеяын ветлӧдлісны Исускӧд да кесъялісны сылы. Вӧлі и уна мукӧд нывбаба, кодъяс локтісны сыкӧд тшӧтш Ерусалимӧ. | На пӧвстын вӧліны Магдала Марья, томджык Яковлӧн да Иосейлӧн Марья мамныс да Саломия. Галилеяын найӧ ветлывлісны Исускӧд да кесъявлісны Сылы. Нӧшта сэні вӧлі уна мукӧд ань, кодъяс локтісны Исускӧд Ерусалимӧ. |
| 42 И как уже настал вечер, - потому что была пятница, то есть день перед субботою, - | 42. И кыдзи воис нин рыт, сы вӧсна мый луныс вӧлі пекнича, субӧталы паныд, | 42 Рытнас — вӧлі субӧта дасьтан лун — | Вӧлі рыт, шойччан лунлы паныд. |
| 43 пришел Иосиф из Аримафеи, знаменитый член совета, который и сам ожидал Царствия Божия, осмелился войти к Пилату, и просил тела Иисусова. | 43. локтіс Иосиф Аримафеяысь, юралысьяс котырысь тӧдчана морт, коді и ачыс виччысис Енлысь Царствосӧ, повтӧг пырис Пилат дінӧ и корис Иисуслысь шойсӧ. | 43 ариматияса Ӧсип, ӧксьӧмысь пыдди пуктан морт, коді ачыс виччысис Енлысь ыджыдалӧмсӧ, повтӧг пырис Пилат дінӧ да корис Исуслысь шойсӧ. | Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ. |
| 44 Пилат удивился, что Он уже умер, и, призвав сотника, спросил его, давно ли умер? | 44. Пилат шензис, мый Сійӧ кулӧма нин, и Сотникӧс корӧм бӧрын юаліс сылысь: важӧн-ӧ кулі? | 44 Пилат чуймис, мый Исус кулӧма нин. Сійӧ корис дінас сё шыпуртаӧн юралысьӧс да юаліс сылысь: «Важӧн-ӧ куліс?» | Пилат чуймис, мый Исус кулӧма нин. Сійӧ корис шыпуртаяслысь веськӧдлысьӧс да тӧдмаліс, важӧн-ӧ куліс. |
| 45 И, узнав от сотника, отдал тело Иосифу. | 45. И Сотниксянь тӧдмалӧм бӧрын сетіс Шойсӧ Иосифлы. | 45 Юралысьсянь кулӧм йылысь юӧр стӧчмӧдӧм бӧрын Пилат лэдзис Ӧсипӧс шойсӧ босьтны. | Кор Пилат тӧдмаліс Исуслӧн кулӧм йылысь, лэдзис Ӧсиплы босьтны шойсӧ. |
| 46 Он, купив плащаницу и сняв Его, обвил плащаницею, и положил Его во гробе, который был высечен в скале, и привалил камень к двери гроба. | 46. Сійӧ ньӧбис гуасян дӧра и Шойсӧ лэдзӧм бӧрын гартіс дӧранас и пуктіс Сійӧс гуӧ, кодӧс вӧлі кералӧма изъя гӧра бокӧ; и ӧдзӧс бердас путкыльтіс из. | 46 Ӧсип ньӧбис шабді дӧра, лэдзис Исуслысь шойсӧ, гартыштіс сійӧс дӧраас да нуис горсйӧ, кодӧс вӧлі кералӧма кыртаӧ. Дзебанін вомас сійӧ путкыльтіс из. | Ӧсип ньӧбис шабді дӧра, босьтіс крест вылысь шойсӧ, гартыштіс дӧраӧ да пуктіс кыртаӧ кералӧм дзебанінӧ. |
| 47 Мария же Магдалина и Мария Иосиева смотрели, где Его полагали. | 47. Мария жӧ Магдалина да Иосиялӧн Мария видзӧдісны, кытчӧ пуктісны Иисусӧс. | 47 Магдаласа Марья да Ёсеслӧн Марья мамыс видзӧдісны, кытчӧ дзебисны Исусӧс. | Пыранінас путкыльтіс из. Магдала Марья да Иосейлӧн Марья мамыс видзӧдісны, кытчӧ дзебасны Исусӧс. |
| Глава 16 | ГЛАВА 16 | 16 юр | 16. |
| 1 По прошествии субботы Мария Магдалина и Мария Иаковлева и Саломия купили ароматы, чтобы идти помазать Его. | 1. Субӧта кольӧм бӧрын, Мария Магдалина да Иаковлӧн Мария и Саломия ньӧбисны ароматъяс, медым мунны — мавтны Сійӧс. | 1 Субӧта кольӧм бӧрын магдаласа Марья, Яковлӧн Марья мамыс да Саломе ньӧбисны чӧскыд дука выйяс, медым мунны Исусӧс мавтны. | Шойччан лун бӧрын Магдала Марья, Яковлӧн Марья мамыс да Саломия ньӧбисны чӧскыд дука выйяс, медым мавтны Исусӧс. |
| 2 И весьма рано, в первый день недели, приходят ко гробу, при восходе солнца, 3 и говорят между собою: кто отвалит нам камень от двери гроба? | 2. И ёна водз асылын, вежонса медводдза лунӧ, локтӧны гу дорӧ, шонді петігӧн, 3. И сёрнитӧны ас костаныс: коді путкыльтас миянлы изсӧ гу ӧдзӧс дорсьыс? | 2 Субӧта мӧд лунӧ зэв водз асывнас, шонді петігӧн, найӧ мунісны дзебанінӧ 3 да сёрнитісны ас костаныс: «Коді путкыльтас миянлы изсӧ дзебанін вомсьыс?» | Шойччан лун бӧрын водз асывнас, шонді петігӧн, найӧ мунісны дзебанінӧ, ас костаныс сёрнитісны: «Коді путкыльтас изсӧ пыранінсьыс?» |
| 4 И, взглянув, видят, что камень отвален; | 4. И видзӧдлӧм бӧрын аддзӧны, мый изсӧ путкыльтӧмаӧсь; | 4 вывлань видзӧдлӧм бӧрын найӧ казялісны, мый изсӧ путкыльтӧма. | Воиганыс найӧ аддзисны: изсӧ вӧлі вештӧма. |
| а он был весьма велик. | а сійӧ вӧлі зэв ыджыд. | Тайӧ вӧлі зэв ыджыд из. | Изйыс вӧлі зэв ыджыд. |
| 5 И, войдя во гроб, увидели юношу, сидящего на правой стороне, облеченного в белую одежду; и ужаснулись. | 5. И гуас пырӧм бӧрын аддзисны том зонмӧс, пукаліс веськыдладорас, пасьтасьӧма еджыд паськӧмӧн; и зэв ёна повзисны. | 5 Дзебанінӧ пырӧм бӧрын найӧ аддзисны еджыд паськӧма зонмӧс, коді пукаліс веськыдладорас, и повзисны. | Дзебанінӧ пыриганыс найӧ аддзисны веськыдладорсьыс еджыд паськӧма пукалысь зонмӧс да ёна повзисны. |
| 6 Он же говорит им: не ужасайтесь. Иисуса ищете Назарянина, распятого; | 6. Сійӧ шуӧ налы: энӧ полӧй, Иисусӧс корсянныд Назарянинӧс, тувъялӧмӧс; | 6 Зонмыс налы шуис: «Энӧ полӧй. Корсянныд назаретса Исусӧс, кодӧс тувъялісны крестӧ. | Сійӧ шуис налы: «Энӧ полӧй. Ме тӧда, ті корсянныд тувъявлӧм Назаретса Исусӧс. |
| Он воскрес, Его нет здесь. | Сійӧ ловзис, Сійӧ абу тані. | Сійӧ ловзис, сійӧ абу тані. | Сійӧ ловзис. Сійӧ тані абу. |
| Вот место, где Он был положен. | Со местаыс, кытчӧ вӧлі Сійӧс пуктӧма. | Видзӧдӧй, тані куйланіныс, кытчӧ пуктылісны сійӧс. | Видзӧдлӧй куйланінсӧ, татчӧ Сійӧс пуктылісны. |
| 7 Но идите, скажите ученикам Его и Петру, что Он предваряет вас в Галилее; | 7. Но мунӧй, висьталӧй Сылӧн велӧдчысьяслы и Петырлы, мый Сійӧ виччысьӧ тіянӧс Галилеяын; | 7 Но мунӧй, висьталӧй велӧдчысьясыслы да тшӧтш Петырлы: «Сійӧ тіянысь на водзджык мунас Галилеяӧ. | Мунӧй, юӧртӧй велӧдчысьясыслы, тшӧтш Петырлы: Исус виччысьӧ найӧс Галилеяын. |
| там Его увидите, как Он сказал вам. | сэні Сійӧс аддзанныд, кыдзи Сійӧ висьталіс тіянлы. | Сэні аддзанныд сійӧс, кыдзи тіянлы висьтавліс"». | Сэтысь аддзасны Сійӧс, тадзи Сійӧ Ачыс висьтавліс налы». |
| 8 И, выйдя, побежали от гроба; | 8. И петӧм бӧраныс котӧртісны гу дорсьыс; | 8 Нывбабаяс петісны да котӧртісны дзебанін дорсьыс. | Аньяс петісны да шӧйӧвошӧмӧн котӧртісны дзебанінысь. |
| их объял трепет и ужас, и никому ничего не сказали, потому что боялись. | повзьӧмнысла найӧ пондісны дрӧжжитны, и некодлы нинӧм эз висьтавны, сы вӧсна мый полісны. | Шӧйӧвошӧмысла найӧ кутісны тіравны, и некодлы нинӧм эз висьтавны, полісны да. | Найӧс тіралӧм босьтіс. Найӧ нинӧм эз висьтавлыны, полісны да. |
| 9 Воскреснув рано в первый день недели, Иисус явился сперва Марии Магдалине, из которой изгнал семь бесов. | 9. Ловзьӧм бӧрас водз асылын вежонса медводдза лунӧ, Иисус медводз петкӧдчис Мария Магдалиналы, код пытшкысь вӧтліс сизим бесӧс. | (9 Субӧта мӧд лунӧ водз асылын ловзьӧм Исус медводз петкӧдчис магдаласа Марьялы, код пытшкысь вӧлі вӧтлӧма сизим мутиӧс. | Шойччан лун бӧрын водз асывнас ловзьӧм Исус медводз петкӧдчис Магдала Марьялы, код пытшкысь Сійӧ вӧтліс коркӧ сизим пеж лолӧс. |
| 10 Она пошла и возвестила бывшим с Ним, плачущим и рыдающим; | 10. Мария муніс и висьталіс Иисускӧд вӧвлысьяслы, кодъяс сыркъялӧмӧн бӧрдісны; | 10 Марья муніс да юӧртіс лоӧмтор йылысь Исускӧд вӧлысьяслы, кодъяс ӧні шогсисны да бӧрдісны. | Марья муніс да юӧртіс лоӧм йывсьыс Исускӧд ветлысьяслы, кодъяс ӧні шогсисны да бӧрдісны. |
| 11 но они, услышав, что Он жив и она видела Его, - не поверили. | 11. Но найӧ кор кылісны, мый Иисус ловъя, и Мария аддзылӧма Сійӧс, — эз веритны. | 11 Но найӧ эз эскыны, кор кылісны, мый Исус ловъя да Марья сійӧс аддзылӧма. | Кор кылісны, мый Исус ловъя да Марья аддзылӧма Сійӧс, найӧ эз эскыны. |
| 12 После сего явился в ином образе двум из них на дороге, когда они шли в селение. | 12. Сы бӧрти петкӧдчис мӧд ногӧн кыклы на пытшкысь туй вылын, кор найӧ вӧлі мунӧны сиктӧ. | 12 Сы бӧрти Исус петкӧдчыліс мӧд мыгӧрӧн на пиысь кыклы, кор найӧ вӧлі мунӧны кар сайӧ. | Та бӧрти Исус петкӧдчыліс мӧд мыгӧрӧн на пиысь кыклы, кодъяс вӧлі мунӧны орчча сиктӧ. |
| 13 И те, возвратившись, возвестили прочим; | 13. И найӧ бӧр локтісны и висьтавлісны мукӧдыслы; | 13 Найӧ косісны бӧр да юӧртісны мукӧдъяслы, | Найӧ бӧр косісны да юӧртісны мукӧдыслы, |
| но и им не поверили. | но и налы эз веритны. | но и налы эз эскыны. | но весиг налы эз эскыны. |
| 14 Наконец, явился самим одиннадцати, возлежавшим на вечери, и упрекал их за неверие и жестокосердие, что видевшим Его воскресшего не поверили. | 14. Медбӧрын петкӧдчис аслыныс дас ӧтикыслы, кор найӧ пукалісны пызан сайын, и янӧдіс найӧс вериттӧмысь и чорыд сьӧлӧмысь, мый эз веритны налы, кодъяс аддзылісны Сійӧс ловзьӧм бӧрас. | 14 Медбӧрын Исус петкӧдчис асланыс дас ӧтикыслы, кор найӧ вӧлі сёйӧны, да вӧйпис найӧс эскытӧмысь да чорыд сьӧлӧмысь, мыйла эз эскыны налы, кодъяс аддзылісны сійӧс кулӧмаясысь ловзьӧм бӧрас. | Медбӧрын Исус петкӧдчис дас ӧти велӧдчысьыслы, кор найӧ вӧлі сёйӧны. Сійӧ янӧдіс найӧс эскытӧмсьыс да сьӧлӧмнысӧ чорзьӧдӧмысь, ӧд найӧ эз эскыны налы, кодъяс аддзылісны Сійӧс ловзьӧм бӧрас. |
| 15 И сказал им: идите по всему миру и проповедуйте Евангелие всей твари. | 15. И шуис налы: мунӧй став мир пасьта и висьтавлӧй Евангелие быдӧнлы. | 15 Сійӧ шуис налы: «Мунӧй став муюгыд пасьтаыс да паськӧдӧй бур юӧр быдӧнлы. | Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы. |
| 16 Кто будет веровать и креститься, спасен будет; | 16. Коді пондас веритны и пыртчас, сійӧ спаситчас, | 16 Коді эскӧ да пыртчас, сійӧ мездмас. | Коді эскас да пыртчас, сійӧ мездмас. |
| а кто не будет веровать, осужден будет. | а коді оз понды веритны, сійӧ судитӧма лоӧ. | А коді оз эскы, сійӧ лоӧ мыждӧма. | Коді оз эскы, сійӧс лоӧ мыждӧма. |
| 17 Уверовавших же будут сопровождать сии знамения: именем Моим будут изгонять бесов; будут говорить новыми языками; | 17. А веритысьяслӧн лоӧ со татшӧм индысь пасъяс: Менам нимӧн пондасны вӧтлавны бесъясӧс, пондасны сёрнитны выль кывъясӧн; | 17 Эскысьяслӧн лоасны татшӧм индысь пасъяс: Менам нимӧн вӧтласны мутиясӧс да сёрнитасны выль кывъясӧн. | Эскысьяслӧн лоасны татшӧм индысьпасъяс: Менам нимӧн пондасны вӧтлавны пеж ловъясӧс да сёрнитны выль кывъяс вылын. |
| 18 будут брать змей; и если что смертоносное выпьют, не повредит им; | 18. Пондасны босьтны змейясӧс; и юасны кӧ мыйкӧ куланаӧс, налы оз ло некутшӧм лёк; | 18 Босьтасны кӧ кыйясӧс либӧ юасны кӧ мыйкӧ кулантор, таысь налы нинӧм оз ло. | Босьтасны кӧ кианыс змейӧс да юасны кӧ мыйкӧ кулантор, таысь налы лёкыс оз ло. |
| возложат руки на больных, и они будут здоровы. | пуктасны кияснысӧ висьысьяс вылӧ, и найӧ лоӧны здоровӧйӧсь. | Найӧ пуктасны кинысӧ висьысь вылӧ, и сійӧ бурдас». | Найӧ пуктасны кинысӧ висьысьяс вылӧ, да найӧ бурдасны». |
| 19 И так Господь, после беседования с ними, вознесся на небо и воссел одесную Бога. | 19. И сідз Господь, накӧд сёрнитӧм бӧрын, кайис енэж вылӧ и пуксис Енлӧн веськыдладор бокӧ. | 19 Тайӧс висьталӧм бӧрын Мезӧс Исусӧс Ен босьтіс ас дінас енэжӧ, да сійӧ пуксис Ен веськыдладор бокас. | Тайӧс висьталӧм бӧрын Господь кыпӧдчис енэжӧ да пуксис Ен веськыдладорӧ. |
| 20 А они пошли и проповедовали везде, при Господнем содействии и подкреплении слова последующими знамениями. | 20. А найӧ мунісны и велӧдісны быдлаын, Господь отсаліс налы и ёнмӧдіс кывъяссӧ индысь пасъяс вӧчӧмӧн. | 20 А велӧдчысьясыс мунісны да быдлаын паськӧдісны бур юӧр. Мезӧс отсаліс налы да ёнмӧдіс юӧрсӧ индысь пасъясӧн). | А велӧдчысьясыс мунісны да быдлаын висьтавлісны Бур Юӧр. Господь отсаліс налы да вынсьӧдіс Юӧрсӧ индысьпасъясӧн. |
| Аминь. | Аминь. | Аминь. |
